Pitia hapa Ufahamu mzunguko wa Uchaguzi Tanzania

[Mwakaboko King]

Ndugu wanajamvi, Tanzania Kama ilivyo nyingine duniani huendesha shughuli za Uchaguzi kwa kutumia utaratibu wa mzunguko wa Uchaguzi (Election Cycle) ambao shughuli zake hugawanywa katika awamu tatu yaani 1. Kabla ya Uchaguzi 2. Wakati wa Uchaguzi na
3. Baada ya Uchaguzi

Katika awamu zote hizo Tume ya Taifa ya Uchaguzi (NEC) hutekeleza mfumo wa mzunguko wa Uchaguzi kwa kufuata kama ifuatavyo.

1. KABLA YA UCHAGUZI.
Katika kipindi hiki shughuli zinazofanywa na Tume ya Taifa ya Uchaguzi ni pamoja na

• Uandaaji wa Bajeti
• Uandikishaji wa Wapiga Kura
• Ununuzi wa vifaa
• Uandaaji wa Kalenda na Mpango wa Utekelezaji
• Marekebisho ya Sheria na Maelekezo ya Watendaji na Wadau wa Uchaguzi
• Mafunzo kwa watendaji wa Uchaguzi na
• Utoaji wa Elimu ya Mpiga Kura.

2. WAKATI WA UCHAGUZI.
Katika kipindi hiki Tume ya Taifa ya Uchaguzi hufanya shughuli zifuatazo

• Uteuzi wa wagombea
• Uratibu wa Kampeni za Wagombea
• Utekelezaji wa Kamati za Maadili
• Usajili wa Watazamaji wa Uchaguzi
• Kuchapa na Kusambaza Karatasi za Kura
• Kugawa na Kusambaza Vifaa vya Uchaguzi
• Upigaji Kura
• Kuhesabu Kura na
• Kutangaza Matokeo ya Uchaguzi

3. BAADA YA UCHAGUZI
Katika kipindi hicho Tume ya Taifa ya Uchaguzi hufanya shughuli zifuatazo

• Kuandaa taarifa ya Uchaguzi Mkuu
• Kushughulikia Kesi za Uchaguzi
• Kufanya Tathmini ya Baada ya Uchaguzi Mkuu
• Marekebisho ya Sheria za Uchaguzi
• Kupitia na Kuboresha Daftari la wapiga Kura
• Kupitia na Kuboresha Mifumo ya Uchaguzi
• Kupitia na kuboresha mipaka ya Majimbo ya Uchaguzi
• Kupitia na kuboresha muundo wa Tume
• Ukaguzi wa matumizi ya fedha na vifaa vilivyotumika katika Uchaguzi Mkuu
• Kupitia Mpango Mkakati na
• Kuandaa Mpango Kazi kwa ajili ya Uchaguzi Mkuu unaofuata.

Chanzo: NEC

 

[Jimmy George]

Asanteee kwa elimu hii.

 

[Caroline Hans]

Asanteee kwa elimu hii.

Kwa mfumo huo Uchaguzi Mkuu wa mwaka 2020 utakua bomba sana!!

 

[Jimmy George]

Kwa mfumo huo Uchaguzi Mkuu wa mwaka 2020 utakua bomba sana!!

Kweli kabisa na tusubiri tuone.