Hussein J Mahenga
JF-Expert Member
- Mar 5, 2012
- 745
- 633
Ndugu Paskali salaam,
Una kila haki ya kutoa maoni yako. Na kwa kuwa haki hii ni ya kikatiba, basi hakuna mtu anayeweza kukunyang'anya. Nimesoma kwa makini sana makala yako Shambulizi la Lissu: Wanaomdhania dereva anahusika sio wajinga, Wana hoja za msingi! Je, anahusika? - JamiiForums ambayo kiukweli, na kimsingi, ni mawazo yako.
Vilevile nimesoma wachangiaji kwenye uzi huu; wapo wanaobeza na wapo wanaokubaliana na wewe, lakini nimesikitika kuwa, wanaokubaliana na wewe wanaishia kusema 'BAVICHA HAWAWEZI KUKUELEWA'.
Mimi niseme, na awali nimesema, suala la Tundu Lissu na shambulio hilo la SEPT 7 linahitaji utulivu wa hali ya juu ukiondoa njaa, ushabiki wa chama na unafiki, ili kujua ukweli ndani yake.Unahitaji kutokuwa 'biased' kabisa ili kuujua ukweli. Sasa, kwa kuwa tayari umetumia haki yako hiyo ya maoni, naamini unajua kuwa wajibu wako pia kusikiliza na maoni ya watu wa pande zote, kwa kuwa hakuna haki bila wajibu, na hivyo naomba na mimi nitumie uhuru huohuo kutoa maoni yangu.
SUALA LA SILAHA ZILIZOTUMIKA!
Umesema kuwa, silaha zilizotumika ni AK 47. Kitu cha kwanza tu Bwana Mayalla nikuombe hapa ni uthibitisho kuwa, silaha zilizotumika ni AK 47, kwa sababu sikuwahi kujua kama Tundu Lissu alishambuliwa kwa silaha nzito kama hizi. Na kwenye ushahidi huo, ningependa uwaambie wasomaji wako kuwa umejuaje kama zilizotumika zilikuwa ni AK 47.
Pamoja na hil, Bw. Paskali, nimeona umeenda mbali hata kutoa elimu ya kijeshi ukisema kuwa, kwa mwanajeshi aliye na mafunzo sahihi ya kijeshi, asingeweza kukosa shabaha zote; alihitaji risasii moja tu ambayo ingepiga aidha kwenye moyo ama kichwani. Nikuambie tu kwamba, wapo wanajeshi ambao, pamoja na kuwa ni wanajeshi, huwa wanakosa shabaha tu za kawaida, tena wakiwa wanafundisha. Na ndiyo maana, kati ya wanajeshi wengi, wapo walenga shabaha (snippers) wachache. Kwa nini wasiwe wanajeshi wote? Kwa hiyo, hapa mimi nataka kupingana na wewe suala la shabaha lisitumike kusema kuwa, Lissu alishambuliwa na 'wahuni' wa kawaida.
Umesema kweli kabisa kuwa, AK 47 huwa na kasha (magazine) yenye risasi arobaini. Shambulizi la Lissu halikufanywa na mtu mmoja, bali zaidi ya mmoja. Risasi zilizobainika kufyatuliwa (kwa mujibu wa matundu yaliyokuwa kwenye gari) ni thelathini na nane. Hapa napata wasiwasi, kama hakuwa mmoja, mimi nadhani matundu ya risasi yangekuwa zaidi ya hayo yaliyobainishwa. Hili nalo linanitia mashaka kuamini kuwa, waliomshambulia Lissu walitumia aina ya mashine ulizozitaja.
KUHUSU DEREVA NA USHAHIDI WA SHAMBULIO LENYEWE!
Ndugu Mayalla,
Mara baada tu ya tukio, dereva alikuwapo palepale hospitali mjini Dodoma, tena kabla ya kwenda Nairobi. Hapa najiuliza, jeshi la polisi lilishindwa nini kumtia nguvuni ili asaidie upelelezi kabla hajaondoka?
Lakini pia, baada ya hapo, dereva alisafiri na boss wake kwenda Nairobi, na amekaa naye huko siku nyingi. Nafikiri Kenya ni nchi mwanachama wa Afrika Mashariki. Jeshi letu la polisi lilishindwa nini kutumia nafasi hiyo ya pili ili kumpata dereva na kisha kutoa ushahidi wa tukio?
KAMA SERIKALI INAHUSIKA, BASI LISSU ANGEMALIZWA PALEPALE HOSPITALINI AIDHA KWA KUPEWA INCOMPATIBLE BLOOD, AMA KUCHELEWESHEWA HUDUMA!
Vilevile hii hoja, kaka yangu Paskali, ni ya kijinga sana, labda kama hujasoma profession yoyote ndiyo unaweza kusema hoja kama hii. Daktari anaapa, katika fani yake, kutokuwa chanzo cha kifo kwa mtu yeyote. Na pale waliomshughulikia Lissu walikuwa ni madaktari wengi. Napata mashaka kwamba, je wangehongwa wote, na wakakubali, kupoteza maisha ya Lissu? Kwa hiyo nataka nisikubaliane nawe kuwa, Lissu anatakiwa kuishukuru serikali. Lissu anapaswa kumshukuru Allah na kuwashukuru madaktari kwa weledi wao kitaaluma!
SASA HEBU TUFIKICHE VICHWA VYETU NA AKILI ZETU TIMAMU KAKA PASKALI
Baada ya shambulio la Lissu, kuna vitimbwi vya kila aina vilianza kutokea. Baadhi ya hivyo vitimbwi ni hivi;
Mimi napata mashaka juu ya uwezo wako wa kuchambua masuala kama haya endapo utakuwa bado unao tena, maana, kama alivyosema mchangiaji mmoja kwenye uzi wako, toka umeitwa bungeni, umekuwa si Paskali ambaye alikuwa na maswali magumu kama ya Ansbert Ngurumo, Sami Awami na Absalom Kibanda; si Paskali aliyemuuliza Mhe. Rais swali gumu hata akashindwa kujibu, akaambulia kuelezea maana ya jina la muuliza swali.
Rai yangu ni hii:
Kuwa jagina wa kuchambua masuala anuai ya kitaaluma na ya kisiasa kunahitaji kipaji. Kipaji hiki huwa hakina hata chembe la unafiki, hata kama kikiwa kimezungukwa na njaa kali ama uchama.
Historia inaonesha, kila Mtanzania anapoanza kunyemelewa na kile chama chetu, 'chama-dola', basi taratibu huanza kupoteza uwezo wake wa kufikiri. Tulikuwa na bright persons kama kina Kabudi, Mkumbo na Mtatiro. Toka waanze kuenenda kwenye njia ya chama kile, hawana tena uwezo wa kuchambua mambo, zaidi ya kuungurumisha matumbo yao yanayodai chakula kutoka kwa mfalme.
Nakutakia kazi njema ndugu yangu!!
Una kila haki ya kutoa maoni yako. Na kwa kuwa haki hii ni ya kikatiba, basi hakuna mtu anayeweza kukunyang'anya. Nimesoma kwa makini sana makala yako Shambulizi la Lissu: Wanaomdhania dereva anahusika sio wajinga, Wana hoja za msingi! Je, anahusika? - JamiiForums ambayo kiukweli, na kimsingi, ni mawazo yako.
Vilevile nimesoma wachangiaji kwenye uzi huu; wapo wanaobeza na wapo wanaokubaliana na wewe, lakini nimesikitika kuwa, wanaokubaliana na wewe wanaishia kusema 'BAVICHA HAWAWEZI KUKUELEWA'.
Mimi niseme, na awali nimesema, suala la Tundu Lissu na shambulio hilo la SEPT 7 linahitaji utulivu wa hali ya juu ukiondoa njaa, ushabiki wa chama na unafiki, ili kujua ukweli ndani yake.Unahitaji kutokuwa 'biased' kabisa ili kuujua ukweli. Sasa, kwa kuwa tayari umetumia haki yako hiyo ya maoni, naamini unajua kuwa wajibu wako pia kusikiliza na maoni ya watu wa pande zote, kwa kuwa hakuna haki bila wajibu, na hivyo naomba na mimi nitumie uhuru huohuo kutoa maoni yangu.
SUALA LA SILAHA ZILIZOTUMIKA!
Umesema kuwa, silaha zilizotumika ni AK 47. Kitu cha kwanza tu Bwana Mayalla nikuombe hapa ni uthibitisho kuwa, silaha zilizotumika ni AK 47, kwa sababu sikuwahi kujua kama Tundu Lissu alishambuliwa kwa silaha nzito kama hizi. Na kwenye ushahidi huo, ningependa uwaambie wasomaji wako kuwa umejuaje kama zilizotumika zilikuwa ni AK 47.
Pamoja na hil, Bw. Paskali, nimeona umeenda mbali hata kutoa elimu ya kijeshi ukisema kuwa, kwa mwanajeshi aliye na mafunzo sahihi ya kijeshi, asingeweza kukosa shabaha zote; alihitaji risasii moja tu ambayo ingepiga aidha kwenye moyo ama kichwani. Nikuambie tu kwamba, wapo wanajeshi ambao, pamoja na kuwa ni wanajeshi, huwa wanakosa shabaha tu za kawaida, tena wakiwa wanafundisha. Na ndiyo maana, kati ya wanajeshi wengi, wapo walenga shabaha (snippers) wachache. Kwa nini wasiwe wanajeshi wote? Kwa hiyo, hapa mimi nataka kupingana na wewe suala la shabaha lisitumike kusema kuwa, Lissu alishambuliwa na 'wahuni' wa kawaida.
Umesema kweli kabisa kuwa, AK 47 huwa na kasha (magazine) yenye risasi arobaini. Shambulizi la Lissu halikufanywa na mtu mmoja, bali zaidi ya mmoja. Risasi zilizobainika kufyatuliwa (kwa mujibu wa matundu yaliyokuwa kwenye gari) ni thelathini na nane. Hapa napata wasiwasi, kama hakuwa mmoja, mimi nadhani matundu ya risasi yangekuwa zaidi ya hayo yaliyobainishwa. Hili nalo linanitia mashaka kuamini kuwa, waliomshambulia Lissu walitumia aina ya mashine ulizozitaja.
KUHUSU DEREVA NA USHAHIDI WA SHAMBULIO LENYEWE!
Ndugu Mayalla,
Mara baada tu ya tukio, dereva alikuwapo palepale hospitali mjini Dodoma, tena kabla ya kwenda Nairobi. Hapa najiuliza, jeshi la polisi lilishindwa nini kumtia nguvuni ili asaidie upelelezi kabla hajaondoka?
Lakini pia, baada ya hapo, dereva alisafiri na boss wake kwenda Nairobi, na amekaa naye huko siku nyingi. Nafikiri Kenya ni nchi mwanachama wa Afrika Mashariki. Jeshi letu la polisi lilishindwa nini kutumia nafasi hiyo ya pili ili kumpata dereva na kisha kutoa ushahidi wa tukio?
KAMA SERIKALI INAHUSIKA, BASI LISSU ANGEMALIZWA PALEPALE HOSPITALINI AIDHA KWA KUPEWA INCOMPATIBLE BLOOD, AMA KUCHELEWESHEWA HUDUMA!
Vilevile hii hoja, kaka yangu Paskali, ni ya kijinga sana, labda kama hujasoma profession yoyote ndiyo unaweza kusema hoja kama hii. Daktari anaapa, katika fani yake, kutokuwa chanzo cha kifo kwa mtu yeyote. Na pale waliomshughulikia Lissu walikuwa ni madaktari wengi. Napata mashaka kwamba, je wangehongwa wote, na wakakubali, kupoteza maisha ya Lissu? Kwa hiyo nataka nisikubaliane nawe kuwa, Lissu anatakiwa kuishukuru serikali. Lissu anapaswa kumshukuru Allah na kuwashukuru madaktari kwa weledi wao kitaaluma!
SASA HEBU TUFIKICHE VICHWA VYETU NA AKILI ZETU TIMAMU KAKA PASKALI
Baada ya shambulio la Lissu, kuna vitimbwi vya kila aina vilianza kutokea. Baadhi ya hivyo vitimbwi ni hivi;
- Kuna wazee wa Kiislamu walikaa Tanga kutaka kusoma dua'h rasmi kwa ajili ya kitendo hicho kiovu cha kutaka kummaliza mwanasheria wao. Jeshi la polisi lilifanya kila aina ya figisu, ubabe na mambo mengine kuzima dua'h hiyo.
- Watanzania wanaompenda mwanasheria wao na mtanzania mwenzao, walichapisha ma-T-shirt yenye sura ya Lissu na maneno 'Pray for Lissu'. Kila aliyekuwa akivalia ma-T-shirt hayo, basi naye alipata tabu sana kukimbizana na polisi,
- Hadi leo, hakuna tamko la amiri jeshi mkuu juu ya kuvitaka vyombo vya ulinzi kuwabaini haraka sana waliofanya shambulizi hili,
- Matibabu ya Lissu na gharama zake yanapingwa bungeni na hadi serikalini,
- Kamera za kiusalama (CCTIV) zilizokuwa eneo la tukio ziliondolewa. Hadi sasa, hakuna mtu yeyote ndani ya serikali anayehoji 'whereabouts' za kamera hizo,
- Kila aliyeenda kumsalimia Lissu Mjini Nairobi, serikali ilimchukia sana, na zipo za chini kuwa, hata 'vice' alilazimisha tu kwenda kumuona, kwa kuwa mama wa watu ana hofu ya Mungu kama ilivyo ada ya Wazanzibar wengi, na;
- Jana ya tarehe 7, kongamano la kukumbuka mwaka mmoja toka Lissu ashambuliwe lilivurugwa na kupigwa vita na jeshi la polisi.
Mimi napata mashaka juu ya uwezo wako wa kuchambua masuala kama haya endapo utakuwa bado unao tena, maana, kama alivyosema mchangiaji mmoja kwenye uzi wako, toka umeitwa bungeni, umekuwa si Paskali ambaye alikuwa na maswali magumu kama ya Ansbert Ngurumo, Sami Awami na Absalom Kibanda; si Paskali aliyemuuliza Mhe. Rais swali gumu hata akashindwa kujibu, akaambulia kuelezea maana ya jina la muuliza swali.
Rai yangu ni hii:
Kuwa jagina wa kuchambua masuala anuai ya kitaaluma na ya kisiasa kunahitaji kipaji. Kipaji hiki huwa hakina hata chembe la unafiki, hata kama kikiwa kimezungukwa na njaa kali ama uchama.
Historia inaonesha, kila Mtanzania anapoanza kunyemelewa na kile chama chetu, 'chama-dola', basi taratibu huanza kupoteza uwezo wake wa kufikiri. Tulikuwa na bright persons kama kina Kabudi, Mkumbo na Mtatiro. Toka waanze kuenenda kwenye njia ya chama kile, hawana tena uwezo wa kuchambua mambo, zaidi ya kuungurumisha matumbo yao yanayodai chakula kutoka kwa mfalme.
Nakutakia kazi njema ndugu yangu!!
