Kwanza kabisa mimi sikubaliani na hilo "baba" wa Taifa, huo ni ukatoliki na hutumika kanisani kuwaita wachungaji "baba", kumuita "papa" "baba" mtakatifu.
Hii nchi Nyerere aliikuta ina watu wa imani tofauti na ameondoka ametuwacha watu wa imani tofauti, kwanini mtubambikie vyeo vya kikatoliki na Kikristo? hamuoni kuwa huo ni "udini" wa wazi wazi?
Hakuna "baba" wa Taifa, huo ubaba alipewa na nani na kwa ridhaa ya nani? msitujaze ujinga.
Dada Faiza,
Mtazamo wako ni dhahiri unasukumwa na imani ya dini, wenye kuishi (angalau kimawazo) katika taifa lenye dini moja, lisilowapa wenye imani nyingine haki na fursa sawa kisiasa, kiuchumi, na kijamii, huku suala la jinsia ya kike katika mazingira hayo likipewa nafasi jikoni, chumbanii na sebuleni peke yake. Pili, hoja zako zipo informed zaidi na experience ya mataifa ya kifalme za kiarabu ambapo watawala hukaa kwa maisha yote, na wakifa wanawarithishwa watoto wao. Kwa mtazamo uliokuwa informed namna hii, mjadala wa baba wa taifa ambao kiini chake ni ukombozi wa taifa kutoka katika makucha ya udini, ukabila, na rangi, ili kuunda taifa kwa njia ya kidemokrasia, taifa lisilo na dini kikatiba, mjadala wa namna hiyo utakuchanganya tu dada yangu Faiza Foxy.
Swali juu ya ridhaa ya nani ilimpa mwalimu heshima ya baba wa taifa, inaonekana haujasoma makala yangu vizuri - hiyo ni heshima kwa mujibu wa katiba inayopitishwa na bunge la nchi husika, kwani hicho ndicho chombo cha kuwakilisha maoni, hisia, na mtazamo wa wengi. Jina la Nyerere /heshima kama baba wa taifa lilipitishwa kwa asilimia mia na wabunge wa dini zote Tanzania.
Vinginevyo fanya utafiti kwenye google juu ya maana ya baba wa taifa; inawezekana unadhania ni utunzi wa wakatoliki kwa sababu unaitafuta kwenye google kama
"baba wa taifa" na kutorudisha majibu ya maana; google
"father of the nation", na upesi utabaini kwamba hiyo ni heshima ya kidunia bila kujali kama taifa ni la kikomunisti au kibepari, kinachoangaliwa hapo ni taifa lililozaliwa kwa njia ya mapinduzi yaliyotokana na kiu ya watu wa dini, rangi, na makabila mbalimbali kutaka kuondoa tofuuti zao na kujitawala kwa njia ya ki demokrasia, inayotoa fursa na haki sawa kwa watu wa dini, rangi, na makabila mbalimbali, ndani ya taifa moja;