Lupweko
JF-Expert Member
- Mar 26, 2009
- 20,717
- 20,473
Ngoja niwaite hapa Ritz na AbasMzeEgyptian, maana kwa jambo hili hawakubaliani na JPM, just because of balozi
Kwahiyo serikali ikimfungulia Dau kesi maana serikali inapigwa chini dk 0?Ukimfungulia mtu jinai au kosa lingine kama hilo kwa kutumia ushahidi wa CAG jua kwamba umeshapoteza kesi kabla hata haijafunguliwa. Tena huenda ikatupiliwa mbali na Mwendesha mashitaka mkuu wa serikali.
Waliofanya ubadhirifu huu wote ni watu makini sana, waliuona udhaifu wa kisheria na kikatiba nchini ndipo wakaamua kuutumia udhaifu huo kufanya yao.
Ndio bado inayo...Hii jee haina ukakasi?
1. Andrew chenge
2.william ngeleja
3. Anna tibaijuka
4. Muhongo
5.jecha
6. Augustino Ramadhani
Na hiyo kampuni ya Azimio ichunguzwe utakuta kuna mikono ya wakubwa kwani pembeni ya mradi hapa Usa-River kuna shamba la kiongozi mmoja wa bunge la sasa inawezekana aligawiwa ili asipeleke kamati za bunge huko.Mheshimiwa Zito amepata kigugumizi?Mbona kimya? Naona kamati yake haikuona haya.==================================
- Pesa iliyopigwa na wajanja NSSF ni mara tatu ya pesa iliyopigwa na wajanja wa ESCROW!
- Katika miradi yote inayosimamiwa na NSSF ya Arumeru na Kigamboni serikali imeingia hasara ya Tshs Trillioni 1.3
- Mradi wa Kigamboni wasimama, kuna ufisadi wa zaidi ya Tshs Billioni 179
- Mikataba yasainiwa kimagumashi bila kufuata sheria, wajenzi ni Waturuki.
- Ardhi ya Kigamboni ilinunuliwa kwa Tshs millioni 800 kwa ekari wakati ilitakiwa inunuliwe kwa Tshs Millioni 4.5 kwa ekari.
- Arumeru ardhi ilinunuliwa kwa Tsh Billioni 1.8 kwa ekari wakati thamani ya ekari moja ni Tshs laki 5 mpaka Millioni 1.
- Taratibu za ununuzi wa ardhi zilifanyika kimya kimya bila kumshirikisha mwanasheria wa serikali.
View attachment 334625
Mradi mkubwa wa ujenzi wa mji mpya wa Kigamboni jijini Dar es Salaam uitwao Dege Eco Village, ulioanzishwa na Shirika la Taifa la Hifadhi ya Jamii (NSSF) umesimama huku ikiripotiwa kuwapo kwa ufisadi wa zaidi ya Sh179 bilioni katika mradi huo.
Mchoro wa mradi huo ulioanzishwa mwaka 2014 kwa gharama ya Dola za Marekani 653 milioni (Sh1.3 trilioni) unaonyesha utakapokamilika utachangia kubadili sura ya jiji la Dar es Salaam kwani kutakuwa na nyumba za kifahari, majengo ya hoteli, maduka makubwa, eneo la wazi la mapumziko, baa, shule, hospitali, kumbi za mikutano, nyumba za ibada na migahawa.
Hata hivyo, mradi huo unaosimamiwa na kampuni ya Hifadhi Builders Limited iliyoanzishwa na Bodi ya NSSF kwa ushirikiano na kampuni ya Azimio Housing Estate Limited (Ahel), huku wajenzi wakiwa kampuni ya M/s Mutluhan Construction Industry Company Limited kutoka Uturuki, huenda usikamilike kwa muda uliopangwa kwani umesimama tangu Januari, ingawa unadaiwa utaanza tena mwezi huu.
Ofisa mmoja mwandamizi wa Serikali ameliambia gazeti la Mwananchi kwamba ujenzi wa nyumba za Dege Eco Village ni miongoni mwa miradi ya kisasa ambayo NSSF imekaguliwa na kubainika kufisadi fedha baada ya kuingia mikataba bila kufuata taratibu, kanuni wala sheria za nchi.
Kwa mujibu wa ofisa huyo, ripoti ya ukaguzi iliyoishia Juni 2015, uliofanywa na Mdhibiti na Mkaguzi Mkuu wa Hesabu za Serikali (CAG) akishirikiana na taasisi ya kimataifa ya ukaguzi ya Ernst and Young imeanika ufisadi mkubwa unaotishia usalama wa fedha za wanachama wa shirika hilo.
Mtoa habari huyo amesema mradi wa nyumba za kisasa wa Kigamboni unaojengwa katika ekari 300, unakabiliwa na kashfa baada ya kubainika kuwa NSSF imenunua ekari hizo kutoka kwa mbia mwenzake Azimio Housing Estate Limited kwa zaidi ya Sh800 milioni kwa ekari, wakati shirika hilo linamiliki viwanja vingine maeneo hayo vyenye thamani ya Sh4.5 milioni kwa ekari.
“Ukipata ripoti hiyo ya ukaguzi utaweza kuona ilivyochambua miradi mbalimbali ya ujenzi jijini Dar es Salaam, Arusha, Mwanza, Pwani na Mtwara. Kwa mfano mradi wa Arumeru mkoani Arusha, NSSF imenunua viwanja kutoka Azimio kwa Sh1.8 bilioni kwa kila ekari,” alieleza ofisa huyo.
Uchunguzi unaonyesha kwamba Bodi ya NSSF na Azimio walitiliana saini Novemba 15, 2013, kuhusu uendeshaji wa miradi mbalimbali. Azimio walijieleza kuwa wanamiliki ardhi yenye ukubwa wa ekari 20,000 Kigamboni, ekari 655.3 Arumeru, ekari 7,832.7 Pwani, ekari 200 Mwanza, ekari 5,723.6 Mtwara, na kwamba maeneo hayo yanafaa kwa ujenzi wa miji ya kisasa.
Taratibu ziliitaka NSSF kujiridhisha kuhusu uwepo wa ardhi hiyo, uhalali wa kisheria wa Azimio kumiliki eneo hilo pamoja na thamani halisi ya ardhi hiyo kutoka mamlaka zinazohusika. NSSF hawakufanya hivyo na wala hawakumshirikisha Mwanasheria Mkuu wa Serikali.
“Napenda kukuthibitishia kwamba NSSF waliridhia bila ya kujiridhisha kuhusu uwapo wa ardhi hiyo bali walitiliana saini miradi ya pamoja kujenga nyumba Kigamboni na Arumeru bila kujiridhisha,” alisema ofisa huyo.
Mradi wa Kigamboni una thamani ya Dola za Marekani 653,436,675 (Sh1.3 trilioni), na mradi wa Arumeru thamani yake ni Dola 3,340,589,543 hadi utakapokamilika.
Tatizo jingine kubwa ni kuhusu umiliki wa mradi. Uchunguzi unaonyesha mkataba wa mradi huo uliitaka Azimio kuchangia asilimia 55 zikiwamo ekari 300 ambazo ni sawa na asilimia 20 ya mradi, huku NSSF ikichangia asilimia 45. Uchambuzi unaonyesha Azimio imetoa ekari 300 za Kigamboni kwa Dola 108,906,113, na ekari 655.3 za Arumeru kwa Dola 556,764,924.
Kwa hiyo kwa miradi miwili hiyo, NSSF ‘imenunua’ ardhi yenye thamani ya Dola 665,671,037 (Sh1.33 trilioni) kutoka Azimio.
Uchunguzi unaonyesha kuwa Serikali imekasirishwa na hatua ya taasisi hiyo ya umma ‘kununua’ ekari moja ya ardhi kwa zaidi ya Sh800 milioni huko Kigamboni, wakati bei halisi ya ardhi iliyotangazwa na Halmashauri ya Manispaa ya Temeke mwaka 2012 wakati ikiuza viwanja vyake ilikuwa Sh8, 000 kwa mita za mraba, kwa hiyo ekari moja ilikuwa Sh39 milioni.
Vilevile, NSSF yenyewe ilikuwa inamiliki ekari 267 Kigamboni ilizonunua kutoka kampuni ya Georgia Homes (T) Ltd kila moja kwa Sh4.5 milioni, hivyo hatua ya shirika hilo ‘kununua’ ekari moja kwa Sh800 milioni kutoka Azimio haikubaliki.
Hata mradi wa Arumeru, NSSF pia imebainika kufuja fedha kutokana na kukubali kununua ekari moja kwa Sh1.8 bilioni, kinyume na thamani halisi ya viwanja kwenye eneo ambalo lipo kilometa 30 kutoka Jiji la Arusha. Uchunguzi umebaini wenyeji wa eneo hilo wanauza ekari moja kwa bei kati ya Sh500, 000 na Sh1 milioni.
Hatua ya NSSF ‘kununua’ ekari 300 Kigamboni kila moja kwa Sh800 milioni imesababisha hasara ya Sh179 bilioni na ekari 655.3 Arumeru kununuliwa kila moja kwa Sh1.8 bilioni imeingiza hasara ya Sh1.165 trilioni. Kwa hiyo, miradi miwili hiyo imeingiza hasara ya Sh1.3 trilioni.
“Tusubiri, lakini nina uhakika watu ambao kwa uzembe, walilishauri shirika kuingia kwenye matatizo haya na kuhatarisha fedha za wanachama lazima watawajibishwa ili kuepusha matatizo mengine yajayo kwa fedha za wanachama wa mfuko,” alisema ofisa huyo.
Ofisa huyo alisema kwamba hadi ukaguzi ulipofanyika shughuli zote hata manunuzi ya vitu muhimu kwa ajili ya mkandarasi zilikuwa zinafanywa na NSSF pamoja na mawasiliano na wasambazaji wa huduma. Hadi wakati wa ukaguzi, NSSF ilikuwa imeingiza kwenye mradi Sh205.141 bilioni na hazikuwapo nyaraka zilizoonyesha mchango wa Azimio mbali ya ardhi.
Kauli ya NSSF
Mwananchi lilifanya juhudi kupata ufafanuzi kutoka NSSF kwa zaidi ya mwezi moja lakini majibu hayakuridhisha. Kwanza liliambiwa shirika hilo halikuwa na Mkurugenzi Mkuu tangu Februari 15 baada ya Dk Dau kuteuliwa kuwa balozi.
Alipofuatwa Mkurugenzi wa Mipango na Uwekezaji wa Miradi wa NSSF, Yacoub Kidula alitaka apelekewe maswali ili ajibu kwa maandishi. Alipopelekewa maswali kwa maandishi alitaka yaandikwe kwenye karatasi yenye jina la kampuni na namba ya kumbukumbu. Baada ya kukamilisha takwa hilo, Kidula aliipeleka barua hiyo kwa Mhandisi Julius Nyamhokya ambaye ni Mkurugenzi wa Hifadhi Builders.
Baada ya wiki kadhaa za kufuatilia majibu, baadaye barua ilipelekwa kwa Mkurugenzi wa Mawasiliano, Eunice Chiume ambaye alisema hawezi kuijibu kwa kuwa bado ofisi hiyo haikuwa na mkurugenzi mkuu.
“Endeleeni kuwa wavumilivu kwa sababu sisi hatuwezi kuzungumza chochote bila kuwa na mkurugenzi mkuu. Tukimpata atajibu kwa sababu taratibu za ofisi zetu ni kuwa mkurugenzi mkuu ndiye mwenye majibu ya kila kitu,” alisema Chiume.
Rais John Magufuli alipomteua, Profesa Godius Kahyarara kuwa Mkurugenzi Mkuu wa NSSF, bado majibu hayakutolewa. Chiume alisema Profesa Kahyarara bado anajifunza mazingira ya shirika.
Mkurugenzi wa Mradi wa Kampuni ya Azimio, Vital Dege alisema mradi unaendelea na mpaka sasa nyumba 300 tayari zimekamilika. “Mradi haujasimama, bado unaendelea na sasa tupo kwenye hatua za mwisho,” alisema Dege.
Lakini Mwananchi lilipotembelea eneo la mradi huo hivi karibuni, lilishuhudia shughuli zikiwa zimesimama; walikuwapo wafanyakazi wachache, wengi wao walinzi kutoka kampuni ya Usalama Corps na wajenzi kadhaa wa kampuni ya Uturuki ya M/s Mutluhan. Vibarua wote, mafundi na wataalamu mbalimbali hawakuwapo.
Walinzi wawili walionekana kwenye vibanda vya juu wakilinda majengo yaliyobaki kama magofu. Pia, walionekana walinzi wengine wanne ambapo wawili walikuwa kwenye lango kuu la kuingilia eneo lenye ofisi, mashine za kutengenezea nondo na kokoto huku wengine wawili wakiwa kwenye lango la kuingilia kwenye mradi.
“Ujenzi umesimama, kama ungekuwa unafanya kazi, nisingeweza hata kuzungumza na wewe, ningekuwa na kazi kubwa ya kupekua watu na kukagua magari yanayotoka nje na kuruhusu yanayoingia. Hapa pote pangekuwa vurugu tupu, hawa wanaingia hawa wanatoka. Kule (anaonyesha kwa kidole) kungekuwa na kelele za mashine za kokoto na nondo,” alisema mmoja wa walinzi wawili katika lango kuu la kuingia kwenye eneo la ofisi.
“Tumebaki walinzi tu na wasimamizi wachache. Wapo wajenzi wachache Waturuki, naona nao wanasubiri kuondoka.”
Ofisa masoko wa kampuni ya Hifadhi Builders, Alphonce Kayombo aliyekutwa eneo la mradi alisema mradi huo ulioko katika hatua ya pili ya ujenzi, umesimama kwa muda kutokana na alichodai wajenzi kwenda likizo.
“Mradi kwa sasa umesimama kwa sababu Waturuki waliopewa kazi ya ujenzi wamekwenda likizo. Watakaporudi wataendelea na ujenzi mwezi wa nne kumalizia hatua ya tatu na ya mwisho ili mradi uwe umekamilika ifikapo mwaka 2018,” alisema Kayombo.
Source: NSSF yamulikwa ufisadi ujenzi wa mji mpya Kigamboni
Kama baba anahomola watoto watafanyaje?Kila sehemu ni wizi tu.
Aisee huku kwetu bora aisee, huko kwenu Kenya ndipo hatari tupu, cha ajabu hata kuchukuliwa hatua hamna kwa sababu ya ukabila.Dah! Hilo shamba lenu tamu, yaani mabilioni yanatajwa utadhani kama maigizo kumbe kweli. Japo niliona kwenye gazeti mtu wangu fulani huko kaketishwa kwenye bench Kisutu, ametuhumiwa kwa ufisadi. Magufuri ana kazi ya ziada maana naona kama hajui kwamba Watanzania wa sasa sio wale wa wakati wa Nyerere, hawa wanakutafuna kama bado uko hai.
Yaani watu wanapiga hela ndefu wakati akina MOTOCHINI wamezubaa mitaani.
Aisee huku kwetu bora aisee, huko kwenu Kenya ndipo hatari tupu, cha ajabu hata kuchukuliwa hatua hamna kwa sababu ya ukabila.
Mkifanikiwa kuanika uozo wa Kenya hivi mtakuwa mmpeiga hatua kubwa sana.
Nmejaribu kupitia Gazeti la Daily Nation yaani mpaka nimechoka, Kenya inanuka.
Njooni mjifunze Tanzania jnisi ya ku deal na rushwa na ufisadi, acheni kujificha chini ya katiba wakati watu wanatafuna nchi mchana kweupee
Huku kwetu kuna chombo maalumu kinaitwa TAKUKURU na sio Rais anashughulika na Ufisadi, na mpaka sasa mkuu wa mamlaka ya mapato Taifa yuko rumande na wabunge wengine watatu.Naona kama unakaririshwa mambo na kuyafuata kama kipofu, hatua muhimu zimechukuliwa dhidi ya ufisadi hapa kwetu. Gazeti la Nation litakuchanganya kwa ajili ya lugha, labda usome Taifa Leo.
Sasa hivi mawaziri watano na makatibu wao wamefutwa kazi na kuburuzwa kotini, pia na viongozi wengi wengine. Mali zao zimetaifishwa, vita dhidi ya ufisadi sio rahisi, lakini hamna kukata tamaa.
Japo jambo nzuri kwetu ni kwamba katiba ndio inafanya kazi, hivyo wote wanaofutwa kazi na kukamatwa na kwa mujibu wa katiba, sio kama huko kwenu rais anaamka kila siku akiwaza wapi pa kushtukiza. Kila kitu kipo kwenye mikono ya mtu mmoja.
Huku kwetu kuna chombo maalumu kinaitwa TAKUKURU na sio Rais anashughulika na Ufisadi, na mpaka sasa mkuu wa mamlaka ya mapato Taifa yuko rumande na wabunge wengine watatu.
Pamoja na hayo wengine 18 kesho ama kesho kutwa wanafuatiliwa kusweka rumande tena.
Huko kwenu wanatiwa ndani wasio wakikuyu, wakikuyu wanapeta tu, ukijuana na Rais unapeta.
Ngoja nikuwekee link za Daily Nation hapa za wala rushwa wakubwa Kenya wanaopeta mtaani mnaishia kukamata vimtu vidogo vidogo.
Njooni Tanzania tuwafundishe namna ya kuongoza nchi
Sakata la Instagram??Ndio maana nikasema unakariri taarifa za vijiweni na kuamini kuwa kweli.
Hapa kuna mawaziri wawili Wakikuyu wamefutwa kwa ufisadi na mmoja tayari yuko mahakamani wakati mwengine anafanyiwa uchunguzi.
Kwenu huko mnashtukiza watu wadogo wadogo. Hivi yule waziri Makamba sakata yake iliisha vipi ama ndio hivyo kuna wale wasioguzwa.
Kunanchi watuwake wanapiga pesa ndani ya E.A kama Kenya!!Dah! Hilo shamba lenu tamu, yaani mabilioni yanatajwa utadhani kama maigizo kumbe kweli. Japo niliona kwenye gazeti mtu wangu fulani huko kaketishwa kwenye bench Kisutu, ametuhumiwa kwa ufisadi. Magufuri ana kazi ya ziada maana naona kama hajui kwamba Watanzania wa sasa sio wale wa wakati wa Nyerere, hawa wanakutafuna kama bado uko hai.
Yaani watu wanapiga hela ndefu wakati akina MOTOCHINI wamezubaa mitaani.
Huko marekani unamuuza wewe?Sakata la Instagram??
Lililoanzishwa na mwanamke anayejiuza huko Marekani??
Labda serikali ya Kenya ndio inaweza kushugulikia hizo ishu