Mimi ni kijana nina umri wa miaka 23 katika familia yetu tumezaliwa watoto 5 na kwa bahati nzuri sisi wote ni wanaume na mimi ndiyo wa kwanza ndani ya familia yetu. Sisi tuna baba yetu ni mhuni, naweza kusema hivyo, maana anapenda wanawake kinoma.
Sasa baba yetu tabia yake ni hiyo ya kupenda wanawake sana, leo unaweza kusikia yupo na huyu kesho yupo na mwingine, yaani hatulii. Na tabia hiyo alianza kitambo sana, kipindi nina umri wa miaka 7 nilikuwa naona anavyomtesa mama yangu, kumpiga kama mtoto wake vile.
Sasa baba yangu pamoja na tabia zake hizo ni mtu ambaye anatafuta pesa sana na ana biashara zake, ana maduka na biashara nyingine. Na biashara zote hizo ameziweka nyumbani kwetu yaani kwa mama yangu, lakini kwa mara hii amedumbukia kwenye penzi la kadada kamoja hivi.
Mpaka sasa anataka kuamisha vitu vyake kwa mwanadada huyo, eti kwa huyo dada ndiyo kuna sehemu nzuri ya kufanyia biashara, lakini sisi tunaona anadanganya. Anataka kuamisha biashara vyake kutoka kwa mama na kuvipeleka kwa huyo mwanadada na hana mtoto naye.
Hapo ndipo kuna vurugo mpaka tunaona ni ajabu sasa, maana pamoja na tabia zake hizo hakuna siku ambayo aliwahi kuhamisha vitu kutoka kwa mama na kuvipeleka sehemu nyingine. Na kwa bahati mbaya hakuna mwanafamilia yeyote anayemshauri tena, wote wameshachoka na tabia zake na hata sisi watoto wake hatusikilizi.
Ila nataka nijue kitu kimoja,
Je, kisheria sisi kama watoto tuna haki ya kukataa au kuzuia mali hizo?