JOTO LA MOTO
JF-Expert Member
- Apr 11, 2018
- 766
- 562
SHAIRI:NANI KAMA MAMA.
MTUNZI:MSANII JOTO LA MOTO.
Mama hutunza uhai, kiumbe kuwasilisha.
Tisa miezi tumboni, unayaanza maisha.
Bila mama hatujai, duniani tutakwisha.
Yupo nani kama Mama, katika hii dunia.
Amdharauye Mama, kwenye jamii hafai.
Apewe yote lawama, achukiwe kama tai.
Tumpe somo kusoma, akome hayo madai.
Yupo nani kama Mama, katika hii dunia.
Maisha bila ya Mama, ni magumu kusikia.
Sina neno la kusema,kupata hizo hisia.
Hata shule ukisoma, hupati kumfikia.
Yupo nani kama Mama, katika hii dunia.
Ana huruma asili, Mama tangu kuzaliwa.
Familia kuijali, majanga sije fikiwa.
Ataponza yake hali, mwanaye abaki powa.
Yupo nani kama Mama, katika hii dunia.