Amani Dimile
JF-Expert Member
- Jul 27, 2022
- 243
- 395
Nyota zote za angani, zimulike pendo lake
Ndege wote wa nyikani, waliimbe jina lake
Vipepeo wa kondeni, wasifu uzuri wake
Kanifumbata rohoni, mimi kinda mbele yake
Mbingu zitamuangaza, maisha yake daima
Napiga goti napaza, zijibiwe dua njema
Mana amenipumbaza, mwana sina cha kusema
Hisia nadunduliza, yeye ndie chanda chema
Penzi hadithi murua, wapenzi wakiendana
Mimi nyuki yeye ua, daima tunarandana
Si mvua sio jua, tutazidi kugandana
Tutazipiga hatua, maana tumefaana
Sina mashaka kabisa, rohoni nina amani
Nilonena yote tisa, kumi nina muamini
Kaapa kutonitosa, kuniacha matatani
Jicho sitalipepesa, nampenda mwanandani
Huba linatiririka, pendo lake maridhawa
Moyo unafarijika, rohoni nimepagawa
Nahisi nimeshafika, Habibi kwenye kisiwa
Tamati yatimilika, yote nilohadithiwa
Limetungwa na
Amani Dimile
(Kumbe hadi kutunga mashairi naweza na hamjaniambia
)
Sent from my TECNO KE5 using JamiiForums mobile app
Ndege wote wa nyikani, waliimbe jina lake
Vipepeo wa kondeni, wasifu uzuri wake
Kanifumbata rohoni, mimi kinda mbele yake
Mbingu zitamuangaza, maisha yake daima
Napiga goti napaza, zijibiwe dua njema
Mana amenipumbaza, mwana sina cha kusema
Hisia nadunduliza, yeye ndie chanda chema
Penzi hadithi murua, wapenzi wakiendana
Mimi nyuki yeye ua, daima tunarandana
Si mvua sio jua, tutazidi kugandana
Tutazipiga hatua, maana tumefaana
Sina mashaka kabisa, rohoni nina amani
Nilonena yote tisa, kumi nina muamini
Kaapa kutonitosa, kuniacha matatani
Jicho sitalipepesa, nampenda mwanandani
Huba linatiririka, pendo lake maridhawa
Moyo unafarijika, rohoni nimepagawa
Nahisi nimeshafika, Habibi kwenye kisiwa
Tamati yatimilika, yote nilohadithiwa
Limetungwa na
Amani Dimile(Kumbe hadi kutunga mashairi naweza na hamjaniambia
)Sent from my TECNO KE5 using JamiiForums mobile app
