Mwitikio wa Vijana katika Uchaguzi

[Singo Batan]

Wana jamvi nina jambo ningependa kufahamishwa kuhusu ushiriki wa vijana katika masuala ya siasa na hususan Chaguzi mbalimbali.

Takwimu za kidunia zinaonesha muitikio wa ushiriki katika uchaguzi wa viongozi wa nafasi mbalimbali hasa wanaounda mihimili ya kitaifa (state organs) ni 60% pekee.

Anguko kubwa la muitikio wa upigaji kura na ushiriki katika mchakato wa uchaguzi limeshuhudiwa zaidi bara la Ulaya katika kipindi cha miaka 30 mfululizo tangu miaka ya 1990 na vijana ndio waathirika wakubwa.

Hapa kwetu TANZANIA bado hakuna takwimu zilizothibitishwa za ushiriki wa vijana, lakini tafiti mbali mbali zinaonesha ni vijana chini ya 30% ndio wanashiriki katika uchaguzi wa viongozi wakiwemo Rais, Wabunge, Madiwani na Serikali za Mitaa.

Kwa mujibu wa ripoti za NEC vijana waliojiandikisha kupiga kura katika uchaguzi mkuu wa 2020 walikuwa takribani 53% ya wapigakura wote milioni 29. Wanaobaki 47% ni watu wa makamo na wazee.

Na tafiti zinafafanua kwamba Muitikio wa upigaji kura kwa wazee umekuwa ni mkubw kuliko vijana.

Swali langu hapa ni
KWANINI / MAMBO GANI YANASABABISHA MUITIKIO WA VIJANA KUWA MDOGO KATIKA MCHAKATO WA UCHAGUZI?

Note: Tatizo hili ni la kidunia sio Tz pekee

KARIBUNI WATAALAMU

 

[NAMBA MOJA AJAYE NCHINI]

Katiba mpya italinda kura Halali za vijana na goli la mkono ambalo limekatisha Mabadiliko kutokea kwenye tawala zetu!na vijana kukatishwa tamaa KWA kutangazwa ambao hawajashinda chaguzi na tume ya mfukoni mwa Rais aliepo madarakani!

"Rasimu ya Warioba irudi mezani SASA iwe KATIBA MPYA"!!

 

[To yeye]

Nguzo yetu ni KATIBA MPYA🤜

 

[Sexless]

Vijana gani tena mnawataka? Wazee wafuatao si ndiyo hapa Tanzania wanaitwa vijana? : Mwigulu, Nape, Makamba, Ridhiwan, Mnyeti, Nyalandu Lusinde, n.k.

 

[Tindo]

Matokeo ya kupika ndio sababu hasa watu wamepuuza box la kura. Watanzania tunakadiriwa kufikia 60m, ila 2020 tume ya uchaguzi ilipika idadi ya wapiga kura na kusema waliojiandikisha ni 29m.

Kwa akili ya kawaida kabisa, hakuna uwezekano watu wanaoanzia miaka 18 na kuendelea kuwa sawa na walio chini ya umri huo, hasa kwa nchi za watu wasiozingatia uzazi wa mpango. Hivyo ni dhahiri uchaguzi ule na matokeo yale yalikuwa ni ya kupika.

Magufuli ndio ameua morali ya wananchi kupiga kura, hii ni baada ya kunajisi chaguzi zote alipokuwa rais wa nchi hii. Na kwa sasa tutaendelea kushuhudia idadi ndogo sana ya wapiga kura kwenye chaguzi zetu kwani watu wamelipuuza rasmi box la kura.

Hakuna mtu anayejitambua na kujali muda wake ataenda kusimama kwenye mstari wa kura huku haki yake ya kuchagua haiheshimiwi. Machafuko tu ndio njia pekee ya box la kura kuheshimiwa.

 

[Benjamini Netanyahu]

Katiba mpya italinda kura Halali za vijana na goli la mkono ambalo limekatisha Mabadiliko kutokea kwenye tawala zetu!na vijana kukatishwa tamaa KWA kutangazwa ambao hawajashinda chaguzi na tume ya mfukoni mwa Rais aliepo madarakani!

"Rasimu ya Warioba irudi mezani SASA iwe KATIBA MPYA"!!

Bila tume huru hakuna uchaguzi

 

[Benjamini Netanyahu]

Unapiga kura lakini anatangazwa mwingine ina maana gani?

 

[Smart911]

Vijana huona kila siku mambo ni yale yale watu na wale wale...

 

[Naland]

Ya nini uhangaikie kitu ambacho hakithaminiwi? Vijana wa Tz wamegundua kuwa kura haithaminiwi na wanao tangaza matokeo. Hilo la kwanza, la pili ni viongozi wa nchi hii kuto kuwa na impact yoyote katka mabadiliko ya kimaisha kwa vijana.. upige kura ya nini wakati kila siku afadhali ya jana?!