Mwigulu Nchemba: Mwimbaji mpya, Wimbo wa kale

[kibogo]

MWANZONI mwa miaka ya 80 nilipokuwa mwandishi wa habari kijana wa magazeti ya CCM ya Uhuru na Mzalendo, niliyekuwa nikiandika habari za bunge, hakuna mbunge aliyekuwa akinisisimua zaidi ya Padri Paulo Misigalo wa Tabora. Kwa sasa, mbunge anayenisisimua ni Alphaxard Kangi Ndege Lugola wa Mwibara (CCM).

Tofauti na Kangi Lugola, Mzee Misigalo yeye alikuwa na staili ya aina yake ya kuichachafya Serikali bungeni. Kinachomtofautisha Misigalo na wabunge wengi wa sasa ni kwamba alikuwa akifanya utafiti wa kutosha kabla ya kuwakabili mawaziri.

Siku anayopanga kuichachafya Serikali, Mzee Misigalo alikuwa akiingia bungeni na lundo la hati mbalimbali za ushahidi wa kile anachokusudia kukisema na kukijengea hoja – kuanzia kwenye vipande vya magazeti (press cuttings) hadi kwenye nyaraka, matamko na machapisho ya sera mbalimbali.

Alivitumia vitu hivyo kulithibitishia Bunge kuwa waziri fulani anadanganya, na kwamba anayoyazungumzia ni tofauti na miongozo au sera za Chama na Serikali.

Wakati akijenga hoja yake bungeni, Mzee Misigalo alikuwa na kawaida ya kunyanyua juu kutoka katika lundo hilo, kijitabu cha sera au mwongozo na kusoma vifungu fulani vinavyodhihirisha mkanganyiko wa waziri. Wakati mwingine alikuwa akisoma hata press cuttings za magazeti ya nyuma zinazomnukuu waziri fulani akitoa kauli tofauti na anazozitoa bungeni.

Enzi hizo Bunge lilikuwa la chama kimoja. Sina hakika kama mawaziri wetu wa sasa wa sampuli ya Stephen Wassira wangelipata muda wa kusinzia bungeni kama Mzee Misigalo angelikuwepo katika bunge hili la sasa la vyama vingi.

Ingawa enzi hizo walikuwepo pia wabunge wengine mahiri ambao hawakuogopa kuichachafya Serikali ya Mwalimu Nyerere – wabunge kama Leons Ngalai wa Rombo au Mzee Kaboboye wa Kigoma, Mzee Misigalo ndiye aliyenisisimua zaidi.

Bado nakumbuka alivyomkosesha raha waziri mmoja wa kilimo. Waziri huyo alikuwa amewasilisha bajeti yake ambayo msisitizo mkubwa ulikuwa katika kusambaza kilimo cha kutumia plau katika vijiji vyote. Aliliwasilisha suala hilo bungeni kana kwamba ni kitu kipya, na hapo ndipo alipomuudhi Mzee Misigalo.

Kilipofika kipindi cha wabunge kuchangia, Mzee Misigalo alianza kuchomoa kutoka kwenye lundo lake machapisho mbalimbali ya sera na miongozo ya Chama na Serikali na kusoma vifungu vinavyozungumzia suala hilo.

Kwa staili hiyo, alifanikiwa kuuanika hadharani ubabaishaji wa waziri yule. Mwisho wa yote ilithibitika kwamba kusambaza kilimo cha plau katika vijiji vyote nchini si ahadi mpya ya Chama na Serikali. Baadaye kwenye majumuisho yake, Waziri yule ilibidi akiri kwamba ahadi hiyo si mpya, na kwamba tatizo lipo katika utekelezaji tu!

Majuzi nilimkumbuka Mzee Misigalo wakati nikisoma postings mbalimbali kwenye mitandao za sifa anazomwagiwa Naibu Waziri wa Fedha, Mwigulu Nchemba kwa ‘kufanikiwa' kumaliza tatizo la ‘wafanyakazi hewa' serikalini.

Kwamba waziri huyu kijana ana timu ya mashabiki wake anaowatuma kumsifia mitandaoni na kumwaga picha zake kwa kila jambo la kumpandisha chati kisiasa analolitenda (kama vile kusaidia majeruhi wa ajali barabarani nk), si kitu cha ajabu kwa mtu anayependa sifa kupitiliza.

Cha ajabu, hata hivyo, na ambacho kwangu nafsi inakataa kukikubali ni pale wapambe hao wanapotia chumvi mno, na hivyo kuwapa wananchi matumaini makubwa mno ya kumalizika kwa tatizo (ufisadi) hilo lililodumu kwa zaidi ya miaka 20 chini ya serikali ya chama hiki tawala CCM.

Hivi karibuni wamemsifu mno kwa kung'amua uwepo wa ‘watumishi hewa' serikalini na kuchukua hatua kuzuia mishahara yao, na hivyo kufanikiwa kuokoa karibu Sh. bilioni 54.

Ninavyojua mimi, hata kama ni kweli hatua zimechukuliwa na hatua hizo zimesaidia kuokoa fedha hizo, haziwezi kuwa zimechukuliwa kwa utashi wa Naibu Waziri, Mwigulu Nchemba pekee. Zitakuwa zimechukuliwa kwa utashi wa wizara nzima ambayo inaongozwa na Waziri Saada na si Nchemba.
Lakini wapambe hao wanavyomsifu Nchemba kwa kila hatua chanya inayochukuliwa na Wizara ya Fedha, utadhani wizara hiyo haina waziri, na badala yake inaongozwa na Naibu Waziri Nchemba.

Kwa mujibu wa wapambe hao, sasa tatizo la ‘wafanyakazi hewa' serikalini litakuwa historia kwa sababu ‘mwarobaini' umepatikana, na ‘mwarobaini' wenyewe ni Mwigulu Nchemba!

Nina hakika kama majigambo hayo yangelikuwa yanamwagwa bungeni, na katika bunge hilo angelikuwepo Mzee Misigalo, bila shaka angelichomoa machapisho mbalimbali kutoka katika lundo lake la hati kuthibitisha ya kwamba hiyo si mara ya kwanza kwa serikali kujigamba kuwa imemaliza tatizo la ‘wafanyakazi hewa'.
Hebu nifafanue kidogo. Tatizo hili la mishahara hewa serikalini si jipya, na vile vile ahadi kwamba ‘mwarobaini' umepatikana wa kulimaliza si mpya. Ni tatizo ambalo tumekuwa nalo tangu Mwalimu Nyerere alipoondoka madarakani na kumuachia nchi Ali Hassan Mwinyi.

Binafsi, sihitaji wala uwepo wa Mzee Misigalo au Kangi Lugola kukumbuka kwamba karibu mawaziri wote wa fedha waliopita walilizungumzia tatizo hilo bungeni na kuahidi kuwa ‘mwarobaini' umepatikana na hatua zimechukuliwa, na hivyo tatizo litakuwa historia karibuni!

Ukweli ni kwamba pamoja na hatua zilizochukuliwa huko nyuma na kupatikana kwa ‘mwarobaini' huo, tatizo la mishahara hewa serikalini limekataa kuwa ‘historia', na badala yake limekuwa kubwa zaidi kama inavyobainishwa kila mwaka katika ripoti za Mkaguzi Mkuu wa Mahesabu ya Serikali (CAG).
Ripoti ya mwisho ya CAG niliyoisoma ilionyesha ya kuwa Sh. trilioni 1.62 zinapotea kila mwaka kwa njia hiyo ya malipo ya mishahara ya ‘wafanyakazi hewa'. Ilianzia kwenye mamilioni ya shilingi, ikaja kwenye mabilioni, na sasa tuko kwenye trilioni 1.62. Na serikali ni hii hii ya CCM!

Sasa, anapojichomoza waziri huyu chipukizi na kuahidi ya kuwa amepata ‘mwarobaini' wa kumaliza tatizo hilo, lazima tuwe na shaka. Na shaka hiyo ndiyo inayotusukuma kumkumbusha (kama ambavyo angekumbushwa na Mzee Misigalo) kwamba majigambo hayo si mapya, na ndiyo maana tatizo limezidi kuwa kubwa hadi kufikia kiasi hicho kikubwa cha pesa.

Inabidi tumkumbushe pia ya kuwa huo ‘mwarobaini' anaosema ya kuwa ameupata – yaani kuingiza malipo ya mishahara moja kwa moja kwenye akaunti za watumishi badala ya kupeleka fedha katika Halmashauri nao si utaratibu mpya. Walishawahi kuutumia huko nyuma na tatizo halikwisha!

Wasio wavivu wa kufikiri wanatambua ya kwamba tatizo la mishahara ya ‘wafanyakazi hewa' ni sehemu tu ya tatizo kuu la ufisadi linaloitafuna Serikali ya CCM (ya sasa na zilizopita), na ambalo ni dhahiri kwamba sasa hakuna nia wala dhamira ya dhati kulitokomeza.

Na ndiyo maana, hivi sasa, huwezi kumsikia kiongozi yeyote wa ngazi za juu akizungumzia vita dhidi ya ufisadi. Si siri kwamba vita hii dhidi ya ufisadi ni vita isiyotakiwa ndani ya Serikali na ndani ya chama chenyewe (CCM).

Hebu jiulize: Kwa nini hakuna mtaka urais hata mmoja kati ya waliokwishajitokeza mpaka sasa aliyediriki kutamka ya kwamba vita dhidi ya ufisadi itakuwa agenda yake kubwa akiingia Ikulu 2015?
Jibu ni rahisi; nalo ni kwamba ndani ya CCM ajenda ya vita dhidi ya ufisadi ni ajenda ya kuikwepa kama ukoma kama mtu anataka ateuliwe kugombea urais.

Na inakuwa hivyo kwa sababu wenye nguvu za pesa na wenye uwezo wa kushawishi wajumbe wa mkutano mkuu wa CCM wakuchague ugombee urais, karibu wote ni washiriki wa ufisadi mkubwa wa aina moja au nyingine nchini.

Na kwa maana hiyo, mafisadi hao hawawezi kujikaanga kwa mafuta yao wenyewe – yaani hawawezi kutumia mabilioni yao ya pesa waliyoyapata kifisadi kumpigia chapuo au kampeni mtu ambaye akiingia Ikulu ataendesha vita dhidi ya ufisadi – yaani vita dhidi yao!

Hofu hiyo dhidi ya wafanyabiashara wakubwa mafisadi nchini ndiyo imewafanya hata wale wataka urais ambao ni waadilifu kidogo kuikwepa ajenda ya ufisadi. Wanajua fika kuwa wakithubutu tu kujihusisha nayo watapambana na mtandao mkubwa wa mafisadi hao kuanzia kwenye wamiliki wa vitalu vya uwindaji na wamiliki wa migodi hadi kwa wafanya biashara haramu za pembe za ndovu na madawa ya kulevya.

Nihitimishe kwa kuwaambia Watanzania wenzangu kwamba tatizo la ufisadi ni tatizo la nchi nzima - ni tatizo ambalo limelelewa na chama tawala CCM kwa miaka mingi kiasi cha kukubalika sasa kuwa ni sehemu ya utamaduni wetu mpya. Tuendako, mtu utaonekana mwendawazimu kuzungumzia vita dhidi ya ufisadi Tanzania!

Ndiyo maana majuzi wala sikushtushwa na kauli ya Spika wa Bunge la Katiba, Samwel Sitta, kwamba fedha za posho za wajumbe wa UKAWA ambao wamesusia kikao cha bunge hilo, hazitarejeshwa serikalini; bali watatafuta namna bunge hilo linavyoweza kuzitumia!

Kama huo sio ufisadi ni nini? Fedha ambazo hazikulipwa kwa wajumbe wa UKAWA kwa nini zisirejeshwe serikalini zisaidie kununua madawati kwa wanafunzi wetu wanaokaa chini? Kwa nini wajumbe wa bunge hilo wazimezee mate; ilhali walichalipwa posho zao stahiki?

Hiyo ndiyo Tanzania. Nchi ya vituko. Ni nchi ambayo, pamoja na umasikini wake wote, rais wake na msafara wake mkubwa anakaa Marekani kwa wiki mbili akiteketeza fedha za walipakodi wakati huku nyumbani wananchi masikini wanachangishwa fedha kujenga maabara ya shule za sekondari za serikali!
Vyovyote vile, tatizo hili au utamaduni huu wa ufisadi hauwezi kumalizwa na hatua za waziri mmoja tu katika wizara moja tu; kama wapambe wa Mwigulu Nchemba wanavyojaribu kutuaminisha.

Ufisadi unaweza kumalizwa tu au kupunguzwa kwa hatua za pamoja za serikali nzima na taifa zima. Na silioni hilo likitokea katika serikali hii ya sasa ya CCM au ijayo kama itakuwa pia chini ya chama hiki.
Vinginevyo, hatua za namna hiyo – yaani hizi za kina Nchemba zisizo za serikali nzima, huwa na kawaida ya kuwa na matokeo ya kipindi kifupi, na hivyo ndivyo itakavyokuwa pia kwa ‘mwarobaini' wake huo wa kupambana na tatizo la ‘wafanyakazi hewa' Tanzania.

Vyovyote vile, majigambo yake hayo na ya wapambe wake hao ya kwamba tatizo hilo litakuwa historia si mapya. Yeye (Mwigulu) anaweza kuwa ni mwimbaji mpya, lakini wimbo anaouimba ni wimbo ule ule wa kale ambao umeshawachosha wasikilizaji! Labda uimbwe na mwimbaji kutoka chama kingine cha siasa lakini si CCM hii.

Tafakari.

Chanzo:Raia Mwema

 

[Mdwenke]

Kibogo hao wanaosema Mwigulu kaokoa mishahara hewa hawajui lolote. hapo kama kuna mishahara hewa nadhani hata milioni 100. haifiki. kilichotokea ni kwamba, serikali iliamua kuweka mishahara ya wafanyakazi wote kutoka makao makuu (centrally) badala ya kupeleka katika Halmashauri. na katika kupeleka mshahara huo kwa njia hiyo kuna wafanyakazi walioukosa kwa kuwa ama wana mikopo mingi (kama ilivyo kawaida ya wafanyakazi wa serikali) ama wameamua tu kubadilisha akaunti zao, hivyo walishabadilisha akaunti ya kuingizia mishahara na ikawa inakwenda kwenye akaunti nyingine bila taarifa hizo kuwasilishwa makao makuu ili akaunti hizo zitambuliwe. Baada ya mshahara kutumwa baadhi ya akaunti hazikuonekana active hivyo ilishindikana wahusika kupata fedha.

Katika mwezi huo wa Julai. 2014 wafanyakazi wengi wa Halmashauri walikosa mshahara kwa ajili ya tatizo hilo la akaunti lakini waliandika barua kwa waajiri wao, wakaenda benki na kurekebisha, hivyo fedha ambazo zilionekana ama zinaitwa kwamba ziliokolewa na Nchemba zilirudi na zikalipa mishahara ya hao wafanyakazi ambao mishahara yao ilikuwa na matatizo.

Mi nawashangaa wapambe wa Nchemba hata Nchemba mwenyewe hivi ni kujiuza gani huku mpaka unajipeleka kumwokoa mtu aliyepata ajali ili upigwe picha. tena macho yako yanamwangalia mpiga picha na sio mtu aliyepata ajali. na nina uhakika aliyekuwa anakupiga picha kimadaraka ni mdogo kuliko wewe na nilitegemea yeye ndiye awe wa kwanza hata kumsogeza majeruhi lakini ukamuamuru akupige picha badala ya kusaidia majeruhi. Kweli kwa mwanasiasa madaraka ndio kitu cha muhimu kuliko mambo yooote. Hivi kweli unapotoa msaada unalazimisha msaada kuutangaza msaada ulioutoa.

so shameful...........

 

[acer]

MWANZONI mwa miaka ya 80 nilipokuwa mwandishi wa habari kijana wa magazeti ya CCM ya Uhuru na Mzalendo, niliyekuwa nikiandika habari za bunge, hakuna mbunge aliyekuwa akinisisimua zaidi ya Padri Paulo Misigalo wa Tabora. Kwa sasa, mbunge anayenisisimua ni Alphaxard Kangi Ndege Lugola wa Mwibara (CCM).

Tofauti na Kangi Lugola, Mzee Misigalo yeye alikuwa na staili ya aina yake ya kuichachafya Serikali bungeni. Kinachomtofautisha Misigalo na wabunge wengi wa sasa ni kwamba alikuwa akifanya utafiti wa kutosha kabla ya kuwakabili mawaziri.

Siku anayopanga kuichachafya Serikali, Mzee Misigalo alikuwa akiingia bungeni na lundo la hati mbalimbali za ushahidi wa kile anachokusudia kukisema na kukijengea hoja – kuanzia kwenye vipande vya magazeti (press cuttings) hadi kwenye nyaraka, matamko na machapisho ya sera mbalimbali.

Alivitumia vitu hivyo kulithibitishia Bunge kuwa waziri fulani anadanganya, na kwamba anayoyazungumzia ni tofauti na miongozo au sera za Chama na Serikali.

Wakati akijenga hoja yake bungeni, Mzee Misigalo alikuwa na kawaida ya kunyanyua juu kutoka katika lundo hilo, kijitabu cha sera au mwongozo na kusoma vifungu fulani vinavyodhihirisha mkanganyiko wa waziri. Wakati mwingine alikuwa akisoma hata press cuttings za magazeti ya nyuma zinazomnukuu waziri fulani akitoa kauli tofauti na anazozitoa bungeni.

Enzi hizo Bunge lilikuwa la chama kimoja. Sina hakika kama mawaziri wetu wa sasa wa sampuli ya Stephen Wassira wangelipata muda wa kusinzia bungeni kama Mzee Misigalo angelikuwepo katika bunge hili la sasa la vyama vingi.

Ingawa enzi hizo walikuwepo pia wabunge wengine mahiri ambao hawakuogopa kuichachafya Serikali ya Mwalimu Nyerere – wabunge kama Leons Ngalai wa Rombo au Mzee Kaboboye wa Kigoma, Mzee Misigalo ndiye aliyenisisimua zaidi.

Bado nakumbuka alivyomkosesha raha waziri mmoja wa kilimo. Waziri huyo alikuwa amewasilisha bajeti yake ambayo msisitizo mkubwa ulikuwa katika kusambaza kilimo cha kutumia plau katika vijiji vyote. Aliliwasilisha suala hilo bungeni kana kwamba ni kitu kipya, na hapo ndipo alipomuudhi Mzee Misigalo.

Kilipofika kipindi cha wabunge kuchangia, Mzee Misigalo alianza kuchomoa kutoka kwenye lundo lake machapisho mbalimbali ya sera na miongozo ya Chama na Serikali na kusoma vifungu vinavyozungumzia suala hilo.

Kwa staili hiyo, alifanikiwa kuuanika hadharani ubabaishaji wa waziri yule. Mwisho wa yote ilithibitika kwamba kusambaza kilimo cha plau katika vijiji vyote nchini si ahadi mpya ya Chama na Serikali. Baadaye kwenye majumuisho yake, Waziri yule ilibidi akiri kwamba ahadi hiyo si mpya, na kwamba tatizo lipo katika utekelezaji tu!

Majuzi nilimkumbuka Mzee Misigalo wakati nikisoma postings mbalimbali kwenye mitandao za sifa anazomwagiwa Naibu Waziri wa Fedha, Mwigulu Nchemba kwa ‘kufanikiwa’ kumaliza tatizo la ‘wafanyakazi hewa’ serikalini.

Kwamba waziri huyu kijana ana timu ya mashabiki wake anaowatuma kumsifia mitandaoni na kumwaga picha zake kwa kila jambo la kumpandisha chati kisiasa analolitenda (kama vile kusaidia majeruhi wa ajali barabarani nk), si kitu cha ajabu kwa mtu anayependa sifa kupitiliza.

Cha ajabu, hata hivyo, na ambacho kwangu nafsi inakataa kukikubali ni pale wapambe hao wanapotia chumvi mno, na hivyo kuwapa wananchi matumaini makubwa mno ya kumalizika kwa tatizo (ufisadi) hilo lililodumu kwa zaidi ya miaka 20 chini ya serikali ya chama hiki tawala CCM.

Hivi karibuni wamemsifu mno kwa kung’amua uwepo wa ‘watumishi hewa’ serikalini na kuchukua hatua kuzuia mishahara yao, na hivyo kufanikiwa kuokoa karibu Sh. bilioni 54.

Ninavyojua mimi, hata kama ni kweli hatua zimechukuliwa na hatua hizo zimesaidia kuokoa fedha hizo, haziwezi kuwa zimechukuliwa kwa utashi wa Naibu Waziri, Mwigulu Nchemba pekee. Zitakuwa zimechukuliwa kwa utashi wa wizara nzima ambayo inaongozwa na Waziri Saada na si Nchemba.
Lakini wapambe hao wanavyomsifu Nchemba kwa kila hatua chanya inayochukuliwa na Wizara ya Fedha, utadhani wizara hiyo haina waziri, na badala yake inaongozwa na Naibu Waziri Nchemba.

Kwa mujibu wa wapambe hao, sasa tatizo la ‘wafanyakazi hewa’ serikalini litakuwa historia kwa sababu ‘mwarobaini’ umepatikana, na ‘mwarobaini’ wenyewe ni Mwigulu Nchemba!

Nina hakika kama majigambo hayo yangelikuwa yanamwagwa bungeni, na katika bunge hilo angelikuwepo Mzee Misigalo, bila shaka angelichomoa machapisho mbalimbali kutoka katika lundo lake la hati kuthibitisha ya kwamba hiyo si mara ya kwanza kwa serikali kujigamba kuwa imemaliza tatizo la ‘wafanyakazi hewa’.
Hebu nifafanue kidogo. Tatizo hili la mishahara hewa serikalini si jipya, na vile vile ahadi kwamba ‘mwarobaini’ umepatikana wa kulimaliza si mpya. Ni tatizo ambalo tumekuwa nalo tangu Mwalimu Nyerere alipoondoka madarakani na kumuachia nchi Ali Hassan Mwinyi.

Binafsi, sihitaji wala uwepo wa Mzee Misigalo au Kangi Lugola kukumbuka kwamba karibu mawaziri wote wa fedha waliopita walilizungumzia tatizo hilo bungeni na kuahidi kuwa ‘mwarobaini’ umepatikana na hatua zimechukuliwa, na hivyo tatizo litakuwa historia karibuni!

Ukweli ni kwamba pamoja na hatua zilizochukuliwa huko nyuma na kupatikana kwa ‘mwarobaini’ huo, tatizo la mishahara hewa serikalini limekataa kuwa ‘historia’, na badala yake limekuwa kubwa zaidi kama inavyobainishwa kila mwaka katika ripoti za Mkaguzi Mkuu wa Mahesabu ya Serikali (CAG).
Ripoti ya mwisho ya CAG niliyoisoma ilionyesha ya kuwa Sh. trilioni 1.62 zinapotea kila mwaka kwa njia hiyo ya malipo ya mishahara ya ‘wafanyakazi hewa’. Ilianzia kwenye mamilioni ya shilingi, ikaja kwenye mabilioni, na sasa tuko kwenye trilioni 1.62. Na serikali ni hii hii ya CCM!

Sasa, anapojichomoza waziri huyu chipukizi na kuahidi ya kuwa amepata ‘mwarobaini’ wa kumaliza tatizo hilo, lazima tuwe na shaka. Na shaka hiyo ndiyo inayotusukuma kumkumbusha (kama ambavyo angekumbushwa na Mzee Misigalo) kwamba majigambo hayo si mapya, na ndiyo maana tatizo limezidi kuwa kubwa hadi kufikia kiasi hicho kikubwa cha pesa.

Inabidi tumkumbushe pia ya kuwa huo ‘mwarobaini’ anaosema ya kuwa ameupata – yaani kuingiza malipo ya mishahara moja kwa moja kwenye akaunti za watumishi badala ya kupeleka fedha katika Halmashauri nao si utaratibu mpya. Walishawahi kuutumia huko nyuma na tatizo halikwisha!

Wasio wavivu wa kufikiri wanatambua ya kwamba tatizo la mishahara ya ‘wafanyakazi hewa’ ni sehemu tu ya tatizo kuu la ufisadi linaloitafuna Serikali ya CCM (ya sasa na zilizopita), na ambalo ni dhahiri kwamba sasa hakuna nia wala dhamira ya dhati kulitokomeza.

Na ndiyo maana, hivi sasa, huwezi kumsikia kiongozi yeyote wa ngazi za juu akizungumzia vita dhidi ya ufisadi. Si siri kwamba vita hii dhidi ya ufisadi ni vita isiyotakiwa ndani ya Serikali na ndani ya chama chenyewe (CCM).

Hebu jiulize: Kwa nini hakuna mtaka urais hata mmoja kati ya waliokwishajitokeza mpaka sasa aliyediriki kutamka ya kwamba vita dhidi ya ufisadi itakuwa agenda yake kubwa akiingia Ikulu 2015?
Jibu ni rahisi; nalo ni kwamba ndani ya CCM ajenda ya vita dhidi ya ufisadi ni ajenda ya kuikwepa kama ukoma kama mtu anataka ateuliwe kugombea urais.

Na inakuwa hivyo kwa sababu wenye nguvu za pesa na wenye uwezo wa kushawishi wajumbe wa mkutano mkuu wa CCM wakuchague ugombee urais, karibu wote ni washiriki wa ufisadi mkubwa wa aina moja au nyingine nchini.

Na kwa maana hiyo, mafisadi hao hawawezi kujikaanga kwa mafuta yao wenyewe – yaani hawawezi kutumia mabilioni yao ya pesa waliyoyapata kifisadi kumpigia chapuo au kampeni mtu ambaye akiingia Ikulu ataendesha vita dhidi ya ufisadi – yaani vita dhidi yao!

Hofu hiyo dhidi ya wafanyabiashara wakubwa mafisadi nchini ndiyo imewafanya hata wale wataka urais ambao ni waadilifu kidogo kuikwepa ajenda ya ufisadi. Wanajua fika kuwa wakithubutu tu kujihusisha nayo watapambana na mtandao mkubwa wa mafisadi hao kuanzia kwenye wamiliki wa vitalu vya uwindaji na wamiliki wa migodi hadi kwa wafanya biashara haramu za pembe za ndovu na madawa ya kulevya.

Nihitimishe kwa kuwaambia Watanzania wenzangu kwamba tatizo la ufisadi ni tatizo la nchi nzima - ni tatizo ambalo limelelewa na chama tawala CCM kwa miaka mingi kiasi cha kukubalika sasa kuwa ni sehemu ya utamaduni wetu mpya. Tuendako, mtu utaonekana mwendawazimu kuzungumzia vita dhidi ya ufisadi Tanzania!

Ndiyo maana majuzi wala sikushtushwa na kauli ya Spika wa Bunge la Katiba, Samwel Sitta, kwamba fedha za posho za wajumbe wa UKAWA ambao wamesusia kikao cha bunge hilo, hazitarejeshwa serikalini; bali watatafuta namna bunge hilo linavyoweza kuzitumia!

Kama huo sio ufisadi ni nini? Fedha ambazo hazikulipwa kwa wajumbe wa UKAWA kwa nini zisirejeshwe serikalini zisaidie kununua madawati kwa wanafunzi wetu wanaokaa chini? Kwa nini wajumbe wa bunge hilo wazimezee mate; ilhali walichalipwa posho zao stahiki?

Hiyo ndiyo Tanzania. Nchi ya vituko. Ni nchi ambayo, pamoja na umasikini wake wote, rais wake na msafara wake mkubwa anakaa Marekani kwa wiki mbili akiteketeza fedha za walipakodi wakati huku nyumbani wananchi masikini wanachangishwa fedha kujenga maabara ya shule za sekondari za serikali!
Vyovyote vile, tatizo hili au utamaduni huu wa ufisadi hauwezi kumalizwa na hatua za waziri mmoja tu katika wizara moja tu; kama wapambe wa Mwigulu Nchemba wanavyojaribu kutuaminisha.

Ufisadi unaweza kumalizwa tu au kupunguzwa kwa hatua za pamoja za serikali nzima na taifa zima. Na silioni hilo likitokea katika serikali hii ya sasa ya CCM au ijayo kama itakuwa pia chini ya chama hiki.
Vinginevyo, hatua za namna hiyo – yaani hizi za kina Nchemba zisizo za serikali nzima, huwa na kawaida ya kuwa na matokeo ya kipindi kifupi, na hivyo ndivyo itakavyokuwa pia kwa ‘mwarobaini’ wake huo wa kupambana na tatizo la ‘wafanyakazi hewa’ Tanzania.

Vyovyote vile, majigambo yake hayo na ya wapambe wake hao ya kwamba tatizo hilo litakuwa historia si mapya. Yeye (Mwigulu) anaweza kuwa ni mwimbaji mpya, lakini wimbo anaouimba ni wimbo ule ule wa kale ambao umeshawachosha wasikilizaji! Labda uimbwe na mwimbaji kutoka chama kingine cha siasa lakini si CCM hii.

Tafakari.

Chanzo:Raia Mwema

Kutenda na kufikiria kwa mazoea ndio tatizo kubwa sana kwa taifa letu wewe mwandishi unaongozwa na hisia zako binafsi wala haumjui namna na uwezo wa Mwigulu ambaye toka amekaimu uwaziri wa fedha kwa mwezi wa nne sasa amebas ikiisha taswira nzima ya wizara ya fedha na matumizi ya serikali

 

[acer]

Kibogo hao wanaosema Mwigulu kaokoa mishahara hewa hawajui lolote. hapo kama kuna mishahara hewa nadhani hata milioni 100. haifiki. kilichotokea ni kwamba, serikali iliamua kuweka mishahara ya wafanyakazi wote kutoka makao makuu (centrally) badala ya kupeleka katika Halmashauri. na katika kupeleka mshahara huo kwa njia hiyo kuna wafanyakazi walioukosa kwa kuwa ama wana mikopo mingi (kama ilivyo kawaida ya wafanyakazi wa serikali) ama wameamua tu kubadilisha akaunti zao, hivyo walishabadilisha akaunti ya kuingizia mishahara na ikawa inakwenda kwenye akaunti nyingine bila taarifa hizo kuwasilishwa makao makuu ili akaunti hizo zitambuliwe. Baada ya mshahara kutumwa baadhi ya akaunti hazikuonekana active hivyo ilishindikana wahusika kupata fedha.

Katika mwezi huo wa Julai. 2014 wafanyakazi wengi wa Halmashauri walikosa mshahara kwa ajili ya tatizo hilo la akaunti lakini waliandika barua kwa waajiri wao, wakaenda benki na kurekebisha, hivyo fedha ambazo zilionekana ama zinaitwa kwamba ziliokolewa na Nchemba zilirudi na zikalipa mishahara ya hao wafanyakazi ambao mishahara yao ilikuwa na matatizo.

Mi nawashangaa wapambe wa Nchemba hata Nchemba mwenyewe hivi ni kujiuza gani huku mpaka unajipeleka kumwokoa mtu aliyepata ajali ili upigwe picha. tena macho yako yanamwangalia mpiga picha na sio mtu aliyepata ajali. na nina uhakika aliyekuwa anakupiga picha kimadaraka ni mdogo kuliko wewe na nilitegemea yeye ndiye awe wa kwanza hata kumsogeza majeruhi lakini ukamuamuru akupige picha badala ya kusaidia majeruhi. Kweli kwa mwanasiasa madaraka ndio kitu cha muhimu kuliko mambo yooote. Hivi kweli unapotoa msaada unalazimisha msaada kuutangaza msaada ulioutoa.

so shameful...........

Million 100?! Wakati unaambiwa kwa mwaka ni tilion 1.6
Ameokoa zaidi ya bilion40 kwa mwezi
Mwigulu ni Mwarobaini wao

 

[crocodile]

Million 100?! Wakati unaambiwa kwa mwaka ni tilion 1.6
Ameokoa zaidi ya bilion40 kwa mwezi
Mwigulu ni Mwarobaini wao

Samahani, hivi Waziri wa fedha yuko wapi?

 

[Sophia Andrew]

MWANZONI mwa miaka ya 80 nilipokuwa mwandishi wa habari kijana wa magazeti ya CCM ya Uhuru na Mzalendo, niliyekuwa nikiandika habari za bunge, hakuna mbunge aliyekuwa akinisisimua zaidi ya Padri Paulo Misigalo wa Tabora. Kwa sasa, mbunge anayenisisimua ni Alphaxard Kangi Ndege Lugola wa Mwibara (CCM).

Tofauti na Kangi Lugola, Mzee Misigalo yeye alikuwa na staili ya aina yake ya kuichachafya Serikali bungeni. Kinachomtofautisha Misigalo na wabunge wengi wa sasa ni kwamba alikuwa akifanya utafiti wa kutosha kabla ya kuwakabili mawaziri.

Siku anayopanga kuichachafya Serikali, Mzee Misigalo alikuwa akiingia bungeni na lundo la hati mbalimbali za ushahidi wa kile anachokusudia kukisema na kukijengea hoja – kuanzia kwenye vipande vya magazeti (press cuttings) hadi kwenye nyaraka, matamko na machapisho ya sera mbalimbali.

Alivitumia vitu hivyo kulithibitishia Bunge kuwa waziri fulani anadanganya, na kwamba anayoyazungumzia ni tofauti na miongozo au sera za Chama na Serikali.

Wakati akijenga hoja yake bungeni, Mzee Misigalo alikuwa na kawaida ya kunyanyua juu kutoka katika lundo hilo, kijitabu cha sera au mwongozo na kusoma vifungu fulani vinavyodhihirisha mkanganyiko wa waziri. Wakati mwingine alikuwa akisoma hata press cuttings za magazeti ya nyuma zinazomnukuu waziri fulani akitoa kauli tofauti na anazozitoa bungeni.

Enzi hizo Bunge lilikuwa la chama kimoja. Sina hakika kama mawaziri wetu wa sasa wa sampuli ya Stephen Wassira wangelipata muda wa kusinzia bungeni kama Mzee Misigalo angelikuwepo katika bunge hili la sasa la vyama vingi.

Ingawa enzi hizo walikuwepo pia wabunge wengine mahiri ambao hawakuogopa kuichachafya Serikali ya Mwalimu Nyerere – wabunge kama Leons Ngalai wa Rombo au Mzee Kaboboye wa Kigoma, Mzee Misigalo ndiye aliyenisisimua zaidi.

Bado nakumbuka alivyomkosesha raha waziri mmoja wa kilimo. Waziri huyo alikuwa amewasilisha bajeti yake ambayo msisitizo mkubwa ulikuwa katika kusambaza kilimo cha kutumia plau katika vijiji vyote. Aliliwasilisha suala hilo bungeni kana kwamba ni kitu kipya, na hapo ndipo alipomuudhi Mzee Misigalo.

Kilipofika kipindi cha wabunge kuchangia, Mzee Misigalo alianza kuchomoa kutoka kwenye lundo lake machapisho mbalimbali ya sera na miongozo ya Chama na Serikali na kusoma vifungu vinavyozungumzia suala hilo.

Kwa staili hiyo, alifanikiwa kuuanika hadharani ubabaishaji wa waziri yule. Mwisho wa yote ilithibitika kwamba kusambaza kilimo cha plau katika vijiji vyote nchini si ahadi mpya ya Chama na Serikali. Baadaye kwenye majumuisho yake, Waziri yule ilibidi akiri kwamba ahadi hiyo si mpya, na kwamba tatizo lipo katika utekelezaji tu!

Majuzi nilimkumbuka Mzee Misigalo wakati nikisoma postings mbalimbali kwenye mitandao za sifa anazomwagiwa Naibu Waziri wa Fedha, Mwigulu Nchemba kwa ‘kufanikiwa’ kumaliza tatizo la ‘wafanyakazi hewa’ serikalini.

Kwamba waziri huyu kijana ana timu ya mashabiki wake anaowatuma kumsifia mitandaoni na kumwaga picha zake kwa kila jambo la kumpandisha chati kisiasa analolitenda (kama vile kusaidia majeruhi wa ajali barabarani nk), si kitu cha ajabu kwa mtu anayependa sifa kupitiliza.

Cha ajabu, hata hivyo, na ambacho kwangu nafsi inakataa kukikubali ni pale wapambe hao wanapotia chumvi mno, na hivyo kuwapa wananchi matumaini makubwa mno ya kumalizika kwa tatizo (ufisadi) hilo lililodumu kwa zaidi ya miaka 20 chini ya serikali ya chama hiki tawala CCM.

Hivi karibuni wamemsifu mno kwa kung’amua uwepo wa ‘watumishi hewa’ serikalini na kuchukua hatua kuzuia mishahara yao, na hivyo kufanikiwa kuokoa karibu Sh. bilioni 54.

Ninavyojua mimi, hata kama ni kweli hatua zimechukuliwa na hatua hizo zimesaidia kuokoa fedha hizo, haziwezi kuwa zimechukuliwa kwa utashi wa Naibu Waziri, Mwigulu Nchemba pekee. Zitakuwa zimechukuliwa kwa utashi wa wizara nzima ambayo inaongozwa na Waziri Saada na si Nchemba.
Lakini wapambe hao wanavyomsifu Nchemba kwa kila hatua chanya inayochukuliwa na Wizara ya Fedha, utadhani wizara hiyo haina waziri, na badala yake inaongozwa na Naibu Waziri Nchemba.

Kwa mujibu wa wapambe hao, sasa tatizo la ‘wafanyakazi hewa’ serikalini litakuwa historia kwa sababu ‘mwarobaini’ umepatikana, na ‘mwarobaini’ wenyewe ni Mwigulu Nchemba!

Nina hakika kama majigambo hayo yangelikuwa yanamwagwa bungeni, na katika bunge hilo angelikuwepo Mzee Misigalo, bila shaka angelichomoa machapisho mbalimbali kutoka katika lundo lake la hati kuthibitisha ya kwamba hiyo si mara ya kwanza kwa serikali kujigamba kuwa imemaliza tatizo la ‘wafanyakazi hewa’.
Hebu nifafanue kidogo. Tatizo hili la mishahara hewa serikalini si jipya, na vile vile ahadi kwamba ‘mwarobaini’ umepatikana wa kulimaliza si mpya. Ni tatizo ambalo tumekuwa nalo tangu Mwalimu Nyerere alipoondoka madarakani na kumuachia nchi Ali Hassan Mwinyi.

Binafsi, sihitaji wala uwepo wa Mzee Misigalo au Kangi Lugola kukumbuka kwamba karibu mawaziri wote wa fedha waliopita walilizungumzia tatizo hilo bungeni na kuahidi kuwa ‘mwarobaini’ umepatikana na hatua zimechukuliwa, na hivyo tatizo litakuwa historia karibuni!

Ukweli ni kwamba pamoja na hatua zilizochukuliwa huko nyuma na kupatikana kwa ‘mwarobaini’ huo, tatizo la mishahara hewa serikalini limekataa kuwa ‘historia’, na badala yake limekuwa kubwa zaidi kama inavyobainishwa kila mwaka katika ripoti za Mkaguzi Mkuu wa Mahesabu ya Serikali (CAG).
Ripoti ya mwisho ya CAG niliyoisoma ilionyesha ya kuwa Sh. trilioni 1.62 zinapotea kila mwaka kwa njia hiyo ya malipo ya mishahara ya ‘wafanyakazi hewa’. Ilianzia kwenye mamilioni ya shilingi, ikaja kwenye mabilioni, na sasa tuko kwenye trilioni 1.62. Na serikali ni hii hii ya CCM!

Sasa, anapojichomoza waziri huyu chipukizi na kuahidi ya kuwa amepata ‘mwarobaini’ wa kumaliza tatizo hilo, lazima tuwe na shaka. Na shaka hiyo ndiyo inayotusukuma kumkumbusha (kama ambavyo angekumbushwa na Mzee Misigalo) kwamba majigambo hayo si mapya, na ndiyo maana tatizo limezidi kuwa kubwa hadi kufikia kiasi hicho kikubwa cha pesa.

Inabidi tumkumbushe pia ya kuwa huo ‘mwarobaini’ anaosema ya kuwa ameupata – yaani kuingiza malipo ya mishahara moja kwa moja kwenye akaunti za watumishi badala ya kupeleka fedha katika Halmashauri nao si utaratibu mpya. Walishawahi kuutumia huko nyuma na tatizo halikwisha!

Wasio wavivu wa kufikiri wanatambua ya kwamba tatizo la mishahara ya ‘wafanyakazi hewa’ ni sehemu tu ya tatizo kuu la ufisadi linaloitafuna Serikali ya CCM (ya sasa na zilizopita), na ambalo ni dhahiri kwamba sasa hakuna nia wala dhamira ya dhati kulitokomeza.

Na ndiyo maana, hivi sasa, huwezi kumsikia kiongozi yeyote wa ngazi za juu akizungumzia vita dhidi ya ufisadi. Si siri kwamba vita hii dhidi ya ufisadi ni vita isiyotakiwa ndani ya Serikali na ndani ya chama chenyewe (CCM).

Hebu jiulize: Kwa nini hakuna mtaka urais hata mmoja kati ya waliokwishajitokeza mpaka sasa aliyediriki kutamka ya kwamba vita dhidi ya ufisadi itakuwa agenda yake kubwa akiingia Ikulu 2015?
Jibu ni rahisi; nalo ni kwamba ndani ya CCM ajenda ya vita dhidi ya ufisadi ni ajenda ya kuikwepa kama ukoma kama mtu anataka ateuliwe kugombea urais.

Na inakuwa hivyo kwa sababu wenye nguvu za pesa na wenye uwezo wa kushawishi wajumbe wa mkutano mkuu wa CCM wakuchague ugombee urais, karibu wote ni washiriki wa ufisadi mkubwa wa aina moja au nyingine nchini.

Na kwa maana hiyo, mafisadi hao hawawezi kujikaanga kwa mafuta yao wenyewe – yaani hawawezi kutumia mabilioni yao ya pesa waliyoyapata kifisadi kumpigia chapuo au kampeni mtu ambaye akiingia Ikulu ataendesha vita dhidi ya ufisadi – yaani vita dhidi yao!

Hofu hiyo dhidi ya wafanyabiashara wakubwa mafisadi nchini ndiyo imewafanya hata wale wataka urais ambao ni waadilifu kidogo kuikwepa ajenda ya ufisadi. Wanajua fika kuwa wakithubutu tu kujihusisha nayo watapambana na mtandao mkubwa wa mafisadi hao kuanzia kwenye wamiliki wa vitalu vya uwindaji na wamiliki wa migodi hadi kwa wafanya biashara haramu za pembe za ndovu na madawa ya kulevya.

Nihitimishe kwa kuwaambia Watanzania wenzangu kwamba tatizo la ufisadi ni tatizo la nchi nzima - ni tatizo ambalo limelelewa na chama tawala CCM kwa miaka mingi kiasi cha kukubalika sasa kuwa ni sehemu ya utamaduni wetu mpya. Tuendako, mtu utaonekana mwendawazimu kuzungumzia vita dhidi ya ufisadi Tanzania!

Ndiyo maana majuzi wala sikushtushwa na kauli ya Spika wa Bunge la Katiba, Samwel Sitta, kwamba fedha za posho za wajumbe wa UKAWA ambao wamesusia kikao cha bunge hilo, hazitarejeshwa serikalini; bali watatafuta namna bunge hilo linavyoweza kuzitumia!

Kama huo sio ufisadi ni nini? Fedha ambazo hazikulipwa kwa wajumbe wa UKAWA kwa nini zisirejeshwe serikalini zisaidie kununua madawati kwa wanafunzi wetu wanaokaa chini? Kwa nini wajumbe wa bunge hilo wazimezee mate; ilhali walichalipwa posho zao stahiki?

Hiyo ndiyo Tanzania. Nchi ya vituko. Ni nchi ambayo, pamoja na umasikini wake wote, rais wake na msafara wake mkubwa anakaa Marekani kwa wiki mbili akiteketeza fedha za walipakodi wakati huku nyumbani wananchi masikini wanachangishwa fedha kujenga maabara ya shule za sekondari za serikali!
Vyovyote vile, tatizo hili au utamaduni huu wa ufisadi hauwezi kumalizwa na hatua za waziri mmoja tu katika wizara moja tu; kama wapambe wa Mwigulu Nchemba wanavyojaribu kutuaminisha.

Ufisadi unaweza kumalizwa tu au kupunguzwa kwa hatua za pamoja za serikali nzima na taifa zima. Na silioni hilo likitokea katika serikali hii ya sasa ya CCM au ijayo kama itakuwa pia chini ya chama hiki.
Vinginevyo, hatua za namna hiyo – yaani hizi za kina Nchemba zisizo za serikali nzima, huwa na kawaida ya kuwa na matokeo ya kipindi kifupi, na hivyo ndivyo itakavyokuwa pia kwa ‘mwarobaini’ wake huo wa kupambana na tatizo la ‘wafanyakazi hewa’ Tanzania.

Vyovyote vile, majigambo yake hayo na ya wapambe wake hao ya kwamba tatizo hilo litakuwa historia si mapya. Yeye (Mwigulu) anaweza kuwa ni mwimbaji mpya, lakini wimbo anaouimba ni wimbo ule ule wa kale ambao umeshawachosha wasikilizaji! Labda uimbwe na mwimbaji kutoka chama kingine cha siasa lakini si CCM hii.

Tafakari.

Chanzo:Raia Mwema

Mbona unapiga ngoma na kucheza mwenyewe? Mwigulu peke yake hawezi ndio maana tunataka awe Rais wetu na serikali Ikiwa chini yake vita dhidi ya ufisadi na umasikini itafanyika

 

[Sophia Andrew]

Samahani, hivi Waziri wa fedha yuko wapi?

Waziri wa fedha yupo likizo na Mwigulu anakaimu hiyo nafasi kwa Miezi 3 sasa . na anatajwa yeye kwasababu tumeyasikia haya ya kukomesha mishahara hewa wakati ambao Mwigulu anakaimu wizara. inaonyesha wazi kuwa hizi ni jitihada binafsi za Mwigulu Nchemba.

 

[Robert PR]

Samahani, hivi Waziri wa fedha yuko wapi?

Waziri wa Fedha yuko Masomoni kwa hio anaekaimu Uwaziri wa Fedha Ni Mwigulu Nchemba na amefanya mengi sana toka ameingia wizarani.

 

[Robert PR]

MWANZONI mwa miaka ya 80 nilipokuwa mwandishi wa habari kijana wa magazeti ya CCM ya Uhuru na Mzalendo, niliyekuwa nikiandika habari za bunge, hakuna mbunge aliyekuwa akinisisimua zaidi ya Padri Paulo Misigalo wa Tabora. Kwa sasa, mbunge anayenisisimua ni Alphaxard Kangi Ndege Lugola wa Mwibara (CCM).

Tofauti na Kangi Lugola, Mzee Misigalo yeye alikuwa na staili ya aina yake ya kuichachafya Serikali bungeni. Kinachomtofautisha Misigalo na wabunge wengi wa sasa ni kwamba alikuwa akifanya utafiti wa kutosha kabla ya kuwakabili mawaziri.

Siku anayopanga kuichachafya Serikali, Mzee Misigalo alikuwa akiingia bungeni na lundo la hati mbalimbali za ushahidi wa kile anachokusudia kukisema na kukijengea hoja – kuanzia kwenye vipande vya magazeti (press cuttings) hadi kwenye nyaraka, matamko na machapisho ya sera mbalimbali.

Alivitumia vitu hivyo kulithibitishia Bunge kuwa waziri fulani anadanganya, na kwamba anayoyazungumzia ni tofauti na miongozo au sera za Chama na Serikali.

Wakati akijenga hoja yake bungeni, Mzee Misigalo alikuwa na kawaida ya kunyanyua juu kutoka katika lundo hilo, kijitabu cha sera au mwongozo na kusoma vifungu fulani vinavyodhihirisha mkanganyiko wa waziri. Wakati mwingine alikuwa akisoma hata press cuttings za magazeti ya nyuma zinazomnukuu waziri fulani akitoa kauli tofauti na anazozitoa bungeni.

Enzi hizo Bunge lilikuwa la chama kimoja. Sina hakika kama mawaziri wetu wa sasa wa sampuli ya Stephen Wassira wangelipata muda wa kusinzia bungeni kama Mzee Misigalo angelikuwepo katika bunge hili la sasa la vyama vingi.

Ingawa enzi hizo walikuwepo pia wabunge wengine mahiri ambao hawakuogopa kuichachafya Serikali ya Mwalimu Nyerere – wabunge kama Leons Ngalai wa Rombo au Mzee Kaboboye wa Kigoma, Mzee Misigalo ndiye aliyenisisimua zaidi.

Bado nakumbuka alivyomkosesha raha waziri mmoja wa kilimo. Waziri huyo alikuwa amewasilisha bajeti yake ambayo msisitizo mkubwa ulikuwa katika kusambaza kilimo cha kutumia plau katika vijiji vyote. Aliliwasilisha suala hilo bungeni kana kwamba ni kitu kipya, na hapo ndipo alipomuudhi Mzee Misigalo.

Kilipofika kipindi cha wabunge kuchangia, Mzee Misigalo alianza kuchomoa kutoka kwenye lundo lake machapisho mbalimbali ya sera na miongozo ya Chama na Serikali na kusoma vifungu vinavyozungumzia suala hilo.

Kwa staili hiyo, alifanikiwa kuuanika hadharani ubabaishaji wa waziri yule. Mwisho wa yote ilithibitika kwamba kusambaza kilimo cha plau katika vijiji vyote nchini si ahadi mpya ya Chama na Serikali. Baadaye kwenye majumuisho yake, Waziri yule ilibidi akiri kwamba ahadi hiyo si mpya, na kwamba tatizo lipo katika utekelezaji tu!

Majuzi nilimkumbuka Mzee Misigalo wakati nikisoma postings mbalimbali kwenye mitandao za sifa anazomwagiwa Naibu Waziri wa Fedha, Mwigulu Nchemba kwa ‘kufanikiwa’ kumaliza tatizo la ‘wafanyakazi hewa’ serikalini.

Kwamba waziri huyu kijana ana timu ya mashabiki wake anaowatuma kumsifia mitandaoni na kumwaga picha zake kwa kila jambo la kumpandisha chati kisiasa analolitenda (kama vile kusaidia majeruhi wa ajali barabarani nk), si kitu cha ajabu kwa mtu anayependa sifa kupitiliza.

Cha ajabu, hata hivyo, na ambacho kwangu nafsi inakataa kukikubali ni pale wapambe hao wanapotia chumvi mno, na hivyo kuwapa wananchi matumaini makubwa mno ya kumalizika kwa tatizo (ufisadi) hilo lililodumu kwa zaidi ya miaka 20 chini ya serikali ya chama hiki tawala CCM.

Hivi karibuni wamemsifu mno kwa kung’amua uwepo wa ‘watumishi hewa’ serikalini na kuchukua hatua kuzuia mishahara yao, na hivyo kufanikiwa kuokoa karibu Sh. bilioni 54.

Ninavyojua mimi, hata kama ni kweli hatua zimechukuliwa na hatua hizo zimesaidia kuokoa fedha hizo, haziwezi kuwa zimechukuliwa kwa utashi wa Naibu Waziri, Mwigulu Nchemba pekee. Zitakuwa zimechukuliwa kwa utashi wa wizara nzima ambayo inaongozwa na Waziri Saada na si Nchemba.
Lakini wapambe hao wanavyomsifu Nchemba kwa kila hatua chanya inayochukuliwa na Wizara ya Fedha, utadhani wizara hiyo haina waziri, na badala yake inaongozwa na Naibu Waziri Nchemba.

Kwa mujibu wa wapambe hao, sasa tatizo la ‘wafanyakazi hewa’ serikalini litakuwa historia kwa sababu ‘mwarobaini’ umepatikana, na ‘mwarobaini’ wenyewe ni Mwigulu Nchemba!

Nina hakika kama majigambo hayo yangelikuwa yanamwagwa bungeni, na katika bunge hilo angelikuwepo Mzee Misigalo, bila shaka angelichomoa machapisho mbalimbali kutoka katika lundo lake la hati kuthibitisha ya kwamba hiyo si mara ya kwanza kwa serikali kujigamba kuwa imemaliza tatizo la ‘wafanyakazi hewa’.
Hebu nifafanue kidogo. Tatizo hili la mishahara hewa serikalini si jipya, na vile vile ahadi kwamba ‘mwarobaini’ umepatikana wa kulimaliza si mpya. Ni tatizo ambalo tumekuwa nalo tangu Mwalimu Nyerere alipoondoka madarakani na kumuachia nchi Ali Hassan Mwinyi.

Binafsi, sihitaji wala uwepo wa Mzee Misigalo au Kangi Lugola kukumbuka kwamba karibu mawaziri wote wa fedha waliopita walilizungumzia tatizo hilo bungeni na kuahidi kuwa ‘mwarobaini’ umepatikana na hatua zimechukuliwa, na hivyo tatizo litakuwa historia karibuni!

Ukweli ni kwamba pamoja na hatua zilizochukuliwa huko nyuma na kupatikana kwa ‘mwarobaini’ huo, tatizo la mishahara hewa serikalini limekataa kuwa ‘historia’, na badala yake limekuwa kubwa zaidi kama inavyobainishwa kila mwaka katika ripoti za Mkaguzi Mkuu wa Mahesabu ya Serikali (CAG).
Ripoti ya mwisho ya CAG niliyoisoma ilionyesha ya kuwa Sh. trilioni 1.62 zinapotea kila mwaka kwa njia hiyo ya malipo ya mishahara ya ‘wafanyakazi hewa’. Ilianzia kwenye mamilioni ya shilingi, ikaja kwenye mabilioni, na sasa tuko kwenye trilioni 1.62. Na serikali ni hii hii ya CCM!

Sasa, anapojichomoza waziri huyu chipukizi na kuahidi ya kuwa amepata ‘mwarobaini’ wa kumaliza tatizo hilo, lazima tuwe na shaka. Na shaka hiyo ndiyo inayotusukuma kumkumbusha (kama ambavyo angekumbushwa na Mzee Misigalo) kwamba majigambo hayo si mapya, na ndiyo maana tatizo limezidi kuwa kubwa hadi kufikia kiasi hicho kikubwa cha pesa.

Inabidi tumkumbushe pia ya kuwa huo ‘mwarobaini’ anaosema ya kuwa ameupata – yaani kuingiza malipo ya mishahara moja kwa moja kwenye akaunti za watumishi badala ya kupeleka fedha katika Halmashauri nao si utaratibu mpya. Walishawahi kuutumia huko nyuma na tatizo halikwisha!

Wasio wavivu wa kufikiri wanatambua ya kwamba tatizo la mishahara ya ‘wafanyakazi hewa’ ni sehemu tu ya tatizo kuu la ufisadi linaloitafuna Serikali ya CCM (ya sasa na zilizopita), na ambalo ni dhahiri kwamba sasa hakuna nia wala dhamira ya dhati kulitokomeza.

Na ndiyo maana, hivi sasa, huwezi kumsikia kiongozi yeyote wa ngazi za juu akizungumzia vita dhidi ya ufisadi. Si siri kwamba vita hii dhidi ya ufisadi ni vita isiyotakiwa ndani ya Serikali na ndani ya chama chenyewe (CCM).

Hebu jiulize: Kwa nini hakuna mtaka urais hata mmoja kati ya waliokwishajitokeza mpaka sasa aliyediriki kutamka ya kwamba vita dhidi ya ufisadi itakuwa agenda yake kubwa akiingia Ikulu 2015?
Jibu ni rahisi; nalo ni kwamba ndani ya CCM ajenda ya vita dhidi ya ufisadi ni ajenda ya kuikwepa kama ukoma kama mtu anataka ateuliwe kugombea urais.

Na inakuwa hivyo kwa sababu wenye nguvu za pesa na wenye uwezo wa kushawishi wajumbe wa mkutano mkuu wa CCM wakuchague ugombee urais, karibu wote ni washiriki wa ufisadi mkubwa wa aina moja au nyingine nchini.

Na kwa maana hiyo, mafisadi hao hawawezi kujikaanga kwa mafuta yao wenyewe – yaani hawawezi kutumia mabilioni yao ya pesa waliyoyapata kifisadi kumpigia chapuo au kampeni mtu ambaye akiingia Ikulu ataendesha vita dhidi ya ufisadi – yaani vita dhidi yao!

Hofu hiyo dhidi ya wafanyabiashara wakubwa mafisadi nchini ndiyo imewafanya hata wale wataka urais ambao ni waadilifu kidogo kuikwepa ajenda ya ufisadi. Wanajua fika kuwa wakithubutu tu kujihusisha nayo watapambana na mtandao mkubwa wa mafisadi hao kuanzia kwenye wamiliki wa vitalu vya uwindaji na wamiliki wa migodi hadi kwa wafanya biashara haramu za pembe za ndovu na madawa ya kulevya.

Nihitimishe kwa kuwaambia Watanzania wenzangu kwamba tatizo la ufisadi ni tatizo la nchi nzima - ni tatizo ambalo limelelewa na chama tawala CCM kwa miaka mingi kiasi cha kukubalika sasa kuwa ni sehemu ya utamaduni wetu mpya. Tuendako, mtu utaonekana mwendawazimu kuzungumzia vita dhidi ya ufisadi Tanzania!

Ndiyo maana majuzi wala sikushtushwa na kauli ya Spika wa Bunge la Katiba, Samwel Sitta, kwamba fedha za posho za wajumbe wa UKAWA ambao wamesusia kikao cha bunge hilo, hazitarejeshwa serikalini; bali watatafuta namna bunge hilo linavyoweza kuzitumia!

Kama huo sio ufisadi ni nini? Fedha ambazo hazikulipwa kwa wajumbe wa UKAWA kwa nini zisirejeshwe serikalini zisaidie kununua madawati kwa wanafunzi wetu wanaokaa chini? Kwa nini wajumbe wa bunge hilo wazimezee mate; ilhali walichalipwa posho zao stahiki?

Hiyo ndiyo Tanzania. Nchi ya vituko. Ni nchi ambayo, pamoja na umasikini wake wote, rais wake na msafara wake mkubwa anakaa Marekani kwa wiki mbili akiteketeza fedha za walipakodi wakati huku nyumbani wananchi masikini wanachangishwa fedha kujenga maabara ya shule za sekondari za serikali!
Vyovyote vile, tatizo hili au utamaduni huu wa ufisadi hauwezi kumalizwa na hatua za waziri mmoja tu katika wizara moja tu; kama wapambe wa Mwigulu Nchemba wanavyojaribu kutuaminisha.

Ufisadi unaweza kumalizwa tu au kupunguzwa kwa hatua za pamoja za serikali nzima na taifa zima. Na silioni hilo likitokea katika serikali hii ya sasa ya CCM au ijayo kama itakuwa pia chini ya chama hiki.
Vinginevyo, hatua za namna hiyo – yaani hizi za kina Nchemba zisizo za serikali nzima, huwa na kawaida ya kuwa na matokeo ya kipindi kifupi, na hivyo ndivyo itakavyokuwa pia kwa ‘mwarobaini’ wake huo wa kupambana na tatizo la ‘wafanyakazi hewa’ Tanzania.

Vyovyote vile, majigambo yake hayo na ya wapambe wake hao ya kwamba tatizo hilo litakuwa historia si mapya. Yeye (Mwigulu) anaweza kuwa ni mwimbaji mpya, lakini wimbo anaouimba ni wimbo ule ule wa kale ambao umeshawachosha wasikilizaji! Labda uimbwe na mwimbaji kutoka chama kingine cha siasa lakini si CCM hii.

Tafakari.

Chanzo:Raia Mwema

Utafiti waonesha Mwigulu Nchemba atashinda Urais 2015. Wanafunzi wa vyuo vikuu, Walimu, Wafugaji, Wafanyakazi, Watoto wa masikini , Wanyonge, Wakulima, watanzania waishio nje ya nchi na vijana wa vijiweni waapa kutembea kwa miguu na kumchangia ashinde kwani ndiye mtetezi wa wanyonge. Wananchi wa Iramba wampa Baraka zote.

Mwigulu Nchemba alimaarufu SOKOINE WA PILI & MTETEZI WA WANYONGE Akiwa bado hajatangaza nia yake rasmi ya kugombeaUrais 2015, utafiti wa moja ya taasisi (Jina limehifadhiwa kwa usalama) unaonesha kuwa mzalendo huyo anazaidi ya asilimia 75 ya kushinda Urais ndani ya chama na ndani ya umma kutokana na msimamo wake wa kutetea wanyonge kwa kufa na kupona.

Kwa upande wa vyuo vikuu wamesema huyo ni mtetezi wao tangu angali mbunge wa kawaida alipeleka hoja binfsi ya watoto wa masikini kuwa na mfuko wa kuwakopesha asilimia mia moja punde akipata chuo. Mwigulu amekuwa akisisitiza bungeni kuwa mtoto wa masikini aliyesoma shule za kata kwa wazazi au walezi wake kuuza vitumbua na kufaulu, na kwenda kidato cha sita kwa wazazi au walezi wake kuuza matembele akafaulu, anapopata chuo na kukosa masomo ni kuangamia kwa maisha yake na familia yake nikuendelea kuwa masikini zaidi. Mwigulu anayajua haya kwakuwa yeye mwenyewe anatokana na watu masikini na ameishi na kukua akiwa na watu masikini. Wanafunzi wa vyuo vya juu na waliokosa mikopo na walioko sekondari wanaombea chama chake kimteue Mwigulu aliyemtetezi wao, anayeguswa na maisha yao ili watoto wa masikini wapate mikopo. Mara zote Mwigulu amekuwa akisisitiza kubana matumizi ili fedha zikasomeshe watoto wa masikini, katika bunge la bajeti Mwigulu alisema misamaha ya kodi kwa matajiri ifutwe ili fedha ile ikasomeshe watoto wa masikini, wakwepa kodi wabanwe ili fedha hizo wakopeshwe watoto wa masikini, hata bunge la katiba Mwigulu alisema kama theluthi mbili haina uhakika na hakuna maridhiano bunge lifutwe na fedha hiyo ikopeshwe kwa wanafunzi zaidi ya 40,000 waliokosa mikopo. Na hivi majuzi Mwigulu amesema fedha zilizookolewa bungeni na zilizopangwa kutumika kwa ajili ya kura ya maoni wakopeshwe watoto wa masikini wote waliokosa mikopo huku wakiwa na sifa na nafasi ya kujiunga vyuo vikuu. Zipo tetezi kuwa viongozi wa bunge maalumu wamemwomba rais akubali wagawane kila moja milioni ishirini kwa kila mjumbe wote wa bunge maalum. Hivi majuzi maraisi wote wa serikali za wanafunzi walisema mtu anayefaa kuongoza Taifa hili ni Mwigulu kwa sifa zifuatazo, Ujasiri, uzalendo, uadilifu, uchapakazi, kujali wa nyonge, vision yake ni nzuri kuhusu maendeleo, vision yake ni nzuri kuhusu rasilimali ya Tanzania kuwanufaisha watu wote hasa masikini, uwazi, ukweli, utaalam uliobobea wa uchumi, uhodari wa kukemea wezi bila uoga tena akiwa Rais akubali atumie jina la "SOKOINE WA PILI". Sisi wanavyuo tutazungusha form yake na tutapiga kampen vijijin kwa gharama zetu.

Kwa upande wa walimu na wafanyakazi wanaomba Mwigulu ateuliwe na chama chake iliwamvushe kwenye kura ya jumla na awe Rais kwani amekuwa mtu pekee anayejali masilahi yao. Mwigulu alianzisha vita na wafanyabishara matajiri bila kuhofia maisha yake akiwataka walipe kodi ili kuwapunguzia mzigo wa kodi wafanyakazi wao wasioweza kukwepa kodi na kuwaongezea mishahara. Mwigulu alisema hatuwezi kusamehe kodi matajiri, tukaacha matajiri wakwepe kodi halafu tukawakamua na kuwanyonya wafanyakazi kwa kodi kubwa, mishahara kidogo na kusababisha wapigike na maisha magumu. Hivi majuzi mwigulu alianzisha vita ya mishahara hewa kitu kilichowa wafanya walimu na wafanyakazi waone Mwigulu ni mkombozi wao kwani wamekuwa wakiishi maisha magumu huku watu wengine wakipokea fedha bila kufanya kazi, Mwigulu ameokoa zaidi ya bilioni 40, kila mwezi zilizokuwa zinakwenda kwenye mishahara hewa. Walimu wamesema madai yao yamekuwa yakikwama serikali huku kwa uzembe serikali ikilipa watu hewa, Mwigulu amekuwa tumaini jipya kwa walimu, zipo taarifa kuwa Mwigulu alipoambiwa mahitaji ya walimu yakiwepo ya Muundo wa utumishi na Chombo cha ajira cha walimu aliyapigania kwenye chama na serikali hadi yakakubaliwa, ndio maana NKM wa walimu ndugu EZEKIEL OLUOCH alisema waziwazi bungeni kuwa Mwigulu Nchemba anafaa kuwa Rais na anawaomba watanzania wamfikirie kumpa nafasi hiyo.

Kwa upande wa wafugaji, wanatambua Mwigulu ni mtoto wa mfugaji ambaye amekuwa akisimama imara kutetea maslahi ya wafugaji, itakumbukwa Mwigulu kwenda Loliondo na kuwarudishia wafugaji eneo lao la kufugia walilokuwa wamepokwa. Mafugaji pia wanampenda Mwigulu kwa ujasiri wake ikiwa ndio sifa kuu ya jamii ya kifugaji, ikumbukwe watu wa Loliondo ndio waliombatiza Mwigulu kuwa ni "SOKOINE INGINE".

Kwa upande wa watoto wa masikini , wanyonge na vijana wasio na ajira wamepata matumaini na Mwigulu kwa ajili ya ujasiri wake wa kusimamia maslahi ya wanyonge,. Mwigulu amekuwa akisimamia kodi ipatikane ikatumiwe kuwaendeleza wanyonge, Mwigulu amekuwa akitaka vijana wapewe ajira badala ya kuhamisha watu waliofuja pesa eneo lingine, pia amekuwa akisisitiza watu wasikaimu nafasi nyingi ilihali vijana hawana ajira. Na hivi majuzi Mwigulu alisema tunalipaje watu hewa wakati vijana wapo mtaani hawana ajira na hawajaajiriwa kwa kigezo cha ufinyu wa bajeti.

Taarifa za ndani ya chama zinaonesha kuwa Mwigulu Nchemba ndiye Mwanasiasa mwenye mvuto na mwenye kukubalika zaidi ndani ya chama kwa kutumia vigezo vya hoja, maadili, uwezo wa uongozi, utu, uzalendo, mabadiliko kwa vitendo, akimfuatia Rais Kikwete kwa wengine wanakubalika kwa mbinu hivyo kikosi kazi cha utafiti kiliona Mwigulu atashinda Urais kwa urahisi. Taasisi iliuliza watu milioni 2.8 kwa njia tofauti ikiwepo mitandao ya kijamii majibu ilikuwa CCM IKITAKA KUSHINDA KIRAHISI URAIS 2015 IMTEUE MWIGULU NCHEMBA kwani anakubalika na wanyonge na anatumainiwa na wanyonge kwani ndio MTETEZI WA WANYONGE.
UPANDE WA WANANCHI WA JIMBO LA IRAMBA, WANANCHI WA IRAMBA WAMEMPA BARAKA ZOTE AGOMBEE URAIS, NA WAMEJIRIDHISHA KUWA ANATOSHA KWA NAFASI HIYO. Kwa nyakati tofauti timu ya utafiti ilipita kata kumi na sita kati ya kumi na saba, majibu yalikuwa Mwigulu akirudi jimboni tutampitisha bila kupingwa, NI RAIS wetu sisi, lakini tumesikia anatakiwa kitaifa, anabaraka zetu zote, sisi ni mashahidi, huyu ni kiongozi, anasifa za kutukuka. Anatosha. Tunahitaji mabadiliko kwa vitendo. Kwa upande wa kata moja ambao hawakutaka awe Rais walisema bado wanamhitaji jimboni kwani hawajawahi kupata mbunge kama huyu, hawajawahi kuwa na kiongozi bora kama huyu hivyo aachwe wamfaidifaidi

 

[Ikengya]

Mbona unapiga ngoma na kucheza mwenyewe? Mwigulu peke yake hawezi ndio maana tunataka awe Rais wetu na serikali Ikiwa chini yake vita dhidi ya ufisadi na umasikini itafanyika

Mwiguru ni dizain za akina Mulugo. Makelele tu hakuna kitu wanatenda zaidi ya kutaka misifa.

Swali langu la kila siku; inamaana serikali haijuhi wafanyakazi ilionao? Kama jibu ni ndio badget ya mishahara wanatumiaga takwimu zipi kuiomba? Only in Tanzania and our beloved New explorer.

 

[Santo]

Tuache majungu, Mwigulu Nchemba ni kiongozi safi...! Na kama ana mapungufu basi ni yale ya kawaida, no one is perfect..

 

[acer]

Samahani, hivi Waziri wa fedha yuko wapi?

Masomoni kwamwachia Mwigulu wizara

 

[acer]

Tuache majungu, Mwigulu Nchemba ni kiongozi safi...! Na kama ana mapungufu basi ni yale ya kawaida, no one is perfect..

That's true we are just human being

 

[acer]

Mwiguru ni dizain za akina Mulugo. Makelele tu hakuna kitu wanatenda zaidi ya kutaka misifa.

Swali langu la kila siku; inamaana serikali haijuhi wafanyakazi ilionao? Kama jibu ni ndio badget ya mishahara wanatumiaga takwimu zipi kuiomba? Only in Tanzania and our beloved New explorer.

Tatizo hili lipo hadi Kenya juzi Kenyatta nae ameamua kufanya kama Mwigulu anavyofanya huku ili kupambana na mishahara hewa

 

[Robert PR]

"Mwigulu Anaamini falsafa ya Unyerere na Kutenda kama Sokoine"
Kutokana na nukuu ya Baba wa Taifa na rais wa kwanza Tanzania Mwl J.K Nyerere kwenye hotuba yake ya 1967 aliposema
"Njia peke yake duniani ya kuvamia Mali ya Matajiri isaidie kuondoa dhiki ni kuwatoza kodi na hakuna njia nyingine."

Hivyo mtoto wa mfugaji mh Mwigulu Nchemba katika harakati zake za kupambana na wakwepa kodi,kufuta misamaha ya kodi isiyo na tija kwa taifa letu,kuzuia matumizi ya chai maofisi pamoja na kusisitiza matumizi ya machine za EFD ni hakika kabisa ni aina ya rais anayehitajika kutuwezesha kuwa nchi ya kipato cha kati
Mabadiliko ni Vitendo
Mwigulu Rais wetu 2015

 

[Robert PR]

Mwiguru ni dizain za akina Mulugo. Makelele tu hakuna kitu wanatenda zaidi ya kutaka misifa.

Swali langu la kila siku; inamaana serikali haijuhi wafanyakazi ilionao? Kama jibu ni ndio badget ya mishahara wanatumiaga takwimu zipi kuiomba? Only in Tanzania and our beloved New explorer.

MWIGULU NCHEMBA AKATAA FEDHA ZA UMMA ZILIZOBAKIA BUNGE LA KATIBA KUTAFUNWA NA WAJUMBE WA BUNGE HILO,AAGIZA FEDHA ZOTE ZILIZOSALIA BUNGE LA KATIBA ZIELEKEZWE KUSAIDIA WANAFUNZI WALIOKOSA MIKOPO ELIMU YA JUU,KUJENGEA VITUO VYA AFYA NA KUSAIDIA MASIKINI.
Mwigulu Nchemba asema fedha zitakazookolewa kutokana na kutokuendelea bunge maalumu zipeslekwe kuwalipia ada vijana waliokosa mikopo ya elimu ya juu.

Sokoine wa Pili ndugu Mwigulu Nchemba ameshauri fedha zitakazookolewa/kubaki baada ya kutokuendelea kwa mchakato wa katiba zipelekwe kuwalipia wanafunzi waliokosa mikopo ya elimu ya juu. Alipopigiwa simu na kama ilivyoripotiwa na magazeti Mwigulu amesema Mwaka jana wanafunzi zaidi ya 12,000 watoto wa masikini walikosa mikopo. Na kwa mujibu wa bodi ya mikopo mwaka huu huenda wanafunzi zaidi ya 28,000 watoto wa masikini watakosa mikopo ya elimu ya juu na kukosa fursa ya kwenda vyuoni. Mwigulu a.k.a (SOKOINE WA II) ambaye amejipambanua mioyoni mwa watanzania kuwa ni MTETEZI WA WANYONGE asiyeyumba wala kuogopa inapofika jambo la kuwatetea wanyonge, kusimamia fedha za kidi za wanyonge na kuhskikisha keki ya Taifa inagawanywa usawa na kuwafaidisha watanzania wote hasa masikini ili waweze kutoka kwenye dimbwi la umasikini amesema ni vyema watoto wa masikini hawa wapewe mikopo. " Kuna watoto karibu elfu 40 ukijumlisha na wa mwaka jana watakuwa wamekosa mikopo, mimi niliyetokana na familia masikini ningekosa mkopo ndio ungekuwa mwisho wa maisha yangu ya shule, ndoto ya chuo kikuu ingeishia hapo, na leo nisingekuwa hapa, TUKUMBUKE FAMILIA ZA AINA HIYO BADO ZIPO NA KATI YA WATOTO WALIOKOSA MIKOPO, WALE WANAOFANANANA NA ILOYOKUWA HALI YANGU WAPO," kwa kumbukumbu hiyo najiweka nafasi yao, nashauri fedha hizo zibadilishiwe matumizi zipelekwe bodi ya mikopo ili watoto wa masikini wapate mikopo. KUNA VIJANA WAMESOMA SHULE ZA KATA WAMELIPIWA ADA NA WAJANE WANAUZA VITUMBUA NA MATEMBELE WAKAFAULU NA KIDATO CHA TANO NA SITA WAKASOMESHWA NA WAJANE WAKAFAULU NA KUDAHILIWA VYUO VIKUU, ONLY WANAJIKUTA NDOTO YA KUFIKA CHUO KIKUU INAYEYUKA KWA KUKOSA MIKOPO.

Mwigulu akichangia bungeni alikataa waziwazi bungeni kuwa bunge lisiongezewe siku 24, licha ushauri huo kukataliwa aliposhauri lakini baadae mhe Rais aliagiza bunge liishie tar 4 oct na zile siku 24 alizokataa Mwigulu zikafutwa. Jambo hilo limeokoa zaidi ya bilion 20, pia Mwigulu alishauri kuwa kama hakuna Maridhiano na kama hakuna akidi ya kupitisha rasimu iende kwa wananchi ni vyema bunge mchakato usitishwe na fedha hizo zikasomeshee watoto wa masikini. Kutokuendelea kwa mchakato wa katiba hatua ya kura ya maoni utaokoa karibu bilioni 75, nadhani kiobgozi huyu mwenye jicho la huruma na moyo wa huruma kwa masikini kutokana na kuujua umasikini kutokana na kuzaliwa na kukulia maisha ya kimasikini anaongelea bilion hizi ambazo ni karibu bilioni 100.

Juzi mwenyekiti wa bunge alitangaza kuwa watazitafutia matumizi pesa zote walizopangiwa kwenye bajeti kwa ajili ya mchakato wa katiba hadi ya hatua ya kura ya maoni.

Zipo tetesi bunge maalumu wamemwandikia barua Rais akubali wajumbe wagawane milioni ishirini (20,000,000) kila moja pesa zilizookolewa kutokana na mchakato kuisha. Mwigulu amekuwa akiamini kuwa njia nzuri ya kuwainua nasikini ni kuwasomeshea watoto wao.
Hivyo amekuwa akisema unatoza kodi kwa matajiri unasomesha watoto wa masikini, unatoza kodi kwa matajiri zitoe huduma kwa masikini sio kugawanwa na wenye uchu wa kujilimbikizia fedha.
Awali Mwigulu aliwahi kuwambia bungeni bila uoga mbunge anaeona laki tatu haitosha afungashe virago aende zake pale baadhi ya wabunge walipokuwa wakidai laki 3 kwa siku haitoshi hivyo walipwe laki 8 kws siku kwa siku 150. Mwigulu tunakuomvea, Mungu akuinue hata uwe Rais kwani moyo wako unahuruma na masikini.

 

[kibogo]

Mbona unapiga ngoma na kucheza mwenyewe? Mwigulu peke yake hawezi ndio maana tunataka awe Rais wetu na serikali Ikiwa chini yake vita dhidi ya ufisadi na umasikini itafanyika

Vita ipi ya ufisadi anaweza kupigana Mwigulu?
1. Alipokuwa mfanyakazi BOT ziliibwa fedha za EPA na yeye alihusika (Ref. kauli ya Mnyika Bungeni) kama ana machungu na nchi hii kwa nini asizuie?

2. Ameteuliwa unaibu waziri wa fedha zimeibiwa billion 200 je alikuwa wapi hadi kushindwa kuzuia?

 

[kibogo]

Tuache majungu, Mwigulu Nchemba ni kiongozi safi...! Na kama ana mapungufu basi ni yale ya kawaida, no one is perfect..

Yaani wewe kuhusika katika sakata la EPA na ili la IPTL unaona ni mapungufu ya kawaida?

 

[kinauche]

Masomoni kwamwachia Mwigulu wizara

Anasoma nini mida wote? Waliomteua hawakujua alikuwa mwanafunzi au alijiandika baada ya kuteuliwa?

 

[Robert PR]

Vita ipi ya ufisadi anaweza kupigana Mwigulu?
1. Alipokuwa mfanyakazi BOT ziliibwa fedha za EPA na yeye alihusika (Ref. kauli ya Mnyika Bungeni) kama ana machungu na nchi hii kwa nini asizuie?

2. Ameteuliwa unaibu waziri wa fedha zimeibiwa billion 200 je alikuwa wapi hadi kushindwa kuzuia?

Wizi wa Pesa za EPA BOT zilifanyika 2006
mwigulu akiwa chuo pale UDSM anasoma na sio
mwajiriwa wa BOT. Wizi wa pesa za ESCROW ac
zimeliwa dec 2013 mwigulu hakuwa
wizarani.mwigulu ameingia wizara ya Fedha
mwaka huu mwezi wa pili ndio maana kafulila
alisema hata kifo cha Dk Mgimwa
kingechunguzwa maana pesa ya Escrow ililipwa
Dk Mgimwa akiwa hospital south Africa. Mwigulu
ndie Rais wetu 2015 na huwezi mchafua maana
hachafuki.