MTANDAO wa rushwa katika wilaya ya Hanang uliomwangusha Waziri Mkuu, mstaafu, Frederick Sumaye, unadaiwa kuundwa na watu wa karibu na Mwenyekiti wa Chama cha Mapinduzi (CCM), Rais Jakaya Kikwete, Tanzania Daima Jumatano limebaini.
Sumaye ambaye aliangushwa na Waziri wa Nchi Ofisi ya Waziri Mkuu (Uwekezaji na Uwezeshaji), Dk. Mary Nagu, juzi alipasua jibu kueleza jinsi rushwa ya mtandao ilivyotumika kumwangusha na kumsaidia Dk. Nagu kuibuka mshindi katika kinyanganyiro cha kuwania nafasi ya ujumbe wa Halmashauri Kuu ya Taifa (NEC).
Ingawa Sumaye hakumtaja mtu wakati akirusha tuhuma kwamba rushwa ya mtandao ndiyo iliyomwangusha Hanang, lakini ni dhahiri kwamba alikuwa akimlenga Waziri Mkuu mwenzake mstaafu, Edward Lowassa, kwamba aliingiza mkono ili kupunguza kasi ya Sumaye kuwania urais mwaka 2015 kama atawania.
Duru za siasa kutoka ndani ya CCM, zililiambia gazeti hili kuwa mtandao wa Rais Kikwete umehusika kuhakikisha Sumaye hashindi NEC.
Inaelezwa kuwa mtandao huo unaundwa na vigogo kutoka ndani ya CCM na serikali ambao wanadaiwa kutoridhishwa na jinsi Sumaye anavyoikosoa CCM na serikali hadharani wakati ana uwezo wa kufanya hivyo ndani ya chama au hata kumwona Rais Kikwete moja kwa moja.
Sumaye baada kustaafu kama Waziri Mkuu wa kwanza kulitumikia taifa hili kwa kipindi kirefu na baada ya kurudi masomoni amekuwa akitoa maangalizo na tahadhari mbalimbali kuhusu mukstakabali mzima wa mambo yanayoendelea kwenye serikali na chama kwa ujumla.
Baadhi ya mambo hayo ni pamoja na suala la ajira kwa vijana ambapo alikuwa mtu wa kwanza kuzungumzia tatizo la ajira kwa vijana akiwa mgeni rasmi katika mahafali ya kidato cha Sita huko Pugu Secondary na pia huko Morogoro.
Source: Tanzania Daima
Sumaye ambaye aliangushwa na Waziri wa Nchi Ofisi ya Waziri Mkuu (Uwekezaji na Uwezeshaji), Dk. Mary Nagu, juzi alipasua jibu kueleza jinsi rushwa ya mtandao ilivyotumika kumwangusha na kumsaidia Dk. Nagu kuibuka mshindi katika kinyanganyiro cha kuwania nafasi ya ujumbe wa Halmashauri Kuu ya Taifa (NEC).
Ingawa Sumaye hakumtaja mtu wakati akirusha tuhuma kwamba rushwa ya mtandao ndiyo iliyomwangusha Hanang, lakini ni dhahiri kwamba alikuwa akimlenga Waziri Mkuu mwenzake mstaafu, Edward Lowassa, kwamba aliingiza mkono ili kupunguza kasi ya Sumaye kuwania urais mwaka 2015 kama atawania.
Duru za siasa kutoka ndani ya CCM, zililiambia gazeti hili kuwa mtandao wa Rais Kikwete umehusika kuhakikisha Sumaye hashindi NEC.
Inaelezwa kuwa mtandao huo unaundwa na vigogo kutoka ndani ya CCM na serikali ambao wanadaiwa kutoridhishwa na jinsi Sumaye anavyoikosoa CCM na serikali hadharani wakati ana uwezo wa kufanya hivyo ndani ya chama au hata kumwona Rais Kikwete moja kwa moja.
Sumaye baada kustaafu kama Waziri Mkuu wa kwanza kulitumikia taifa hili kwa kipindi kirefu na baada ya kurudi masomoni amekuwa akitoa maangalizo na tahadhari mbalimbali kuhusu mukstakabali mzima wa mambo yanayoendelea kwenye serikali na chama kwa ujumla.
Baadhi ya mambo hayo ni pamoja na suala la ajira kwa vijana ambapo alikuwa mtu wa kwanza kuzungumzia tatizo la ajira kwa vijana akiwa mgeni rasmi katika mahafali ya kidato cha Sita huko Pugu Secondary na pia huko Morogoro.
Source: Tanzania Daima