Red black
JF-Expert Member
- Nov 29, 2019
- 11,858
- 36,543
Wakuu msiogope kudai zawadi zenu mnazopeana wakati wa uchumba/penzi likiwa moto kwa ahadi ya ndoa ikiwa mahusiano hayo yatavunjika.
Sheria ipo na inaifanya kazi.
Ukweli ulivyo
Sheria ya Tanzania inatambua kuwa unapoingia kwenye uchumba, unakuwa umetoa ahadi ya kisheria ya kuja kufunga ndoa. Sasa, ikitokea mmeachana Sheria ya Ndoa ya mwaka 1971 inaruhusu mmoja wenu kwenda mahakamani kudai kurejeshewa zawadi alizozitoa kwa mwenzake.
Lakini hapa kuna siri moja kubwa ambayo watu wengi hawaielewi: mahakama hairudishi kila kitu. Zawadi ndogo ndogo ambazo wapendanao hupeana kila siku kama ishara ya upendo kwa mfano hela ya kusuka, vocha, gharama za mitoko, au nguo za kawaida, hizo huwezi kuzidai kwa sababu zinahesabika kama sehemu ya mahusiano ya kawaida ya watu wanaopendana.
Sheria inatazama zaidi zile zawadi kubwa na za kudumu ambazo mlizitoa kwa lengo mahususi la maandalizi ya ndoa yenyewe, kama vile pete ya gharama ya uchumba, kiwanja, gari, au vifaa vya ndani vilivyolipiwa kwa ajili ya nyumba mtakayofikia mkishaoana.
Pia, mahakama huangalia sana nani amesababisha huo uchumba uvunjike na kwa mazingira gani.
Ikiwa mwanamume ndiye amemwacha mwanamke bila kosa lolote la msingi (labda tu amepata mwingine), anaweza akashindwa kupata haki ya kudai zawadi alizozitoa kwa sababu yeye ndiye amevunja "mkataba." Sheria ina kanuni inayosema huwezi kufaidika na kosa lako mwenyewe.
Kwa kifupi, sheria hii ipo kwa ajili ya kumtetea yule aliyewekeza kitu chake kwa uaminifu halafu akaishia kuumizwa au kuachwa kinyume na makubaliano.
Muhimu ni kuhakikisha kuwa unapodai, unao ushahidi wa kutosha kuwa kulikuwa na ahadi rasmi ya ndoa (kama vile kuvishana pete mbele ya watu au kutambulishana kwa wazazi) na kwamba hiyo zawadi uliyotoa ilikuwa ni kwa ajili ya hiyo safari ya ndoa na siyo zawadi za kawaida za "hongera kwa birthday."
Sheria ipo na inaifanya kazi.
Ukweli ulivyo
Sheria ya Tanzania inatambua kuwa unapoingia kwenye uchumba, unakuwa umetoa ahadi ya kisheria ya kuja kufunga ndoa. Sasa, ikitokea mmeachana Sheria ya Ndoa ya mwaka 1971 inaruhusu mmoja wenu kwenda mahakamani kudai kurejeshewa zawadi alizozitoa kwa mwenzake.
Lakini hapa kuna siri moja kubwa ambayo watu wengi hawaielewi: mahakama hairudishi kila kitu. Zawadi ndogo ndogo ambazo wapendanao hupeana kila siku kama ishara ya upendo kwa mfano hela ya kusuka, vocha, gharama za mitoko, au nguo za kawaida, hizo huwezi kuzidai kwa sababu zinahesabika kama sehemu ya mahusiano ya kawaida ya watu wanaopendana.
Sheria inatazama zaidi zile zawadi kubwa na za kudumu ambazo mlizitoa kwa lengo mahususi la maandalizi ya ndoa yenyewe, kama vile pete ya gharama ya uchumba, kiwanja, gari, au vifaa vya ndani vilivyolipiwa kwa ajili ya nyumba mtakayofikia mkishaoana.
Pia, mahakama huangalia sana nani amesababisha huo uchumba uvunjike na kwa mazingira gani.
Ikiwa mwanamume ndiye amemwacha mwanamke bila kosa lolote la msingi (labda tu amepata mwingine), anaweza akashindwa kupata haki ya kudai zawadi alizozitoa kwa sababu yeye ndiye amevunja "mkataba." Sheria ina kanuni inayosema huwezi kufaidika na kosa lako mwenyewe.
Kwa kifupi, sheria hii ipo kwa ajili ya kumtetea yule aliyewekeza kitu chake kwa uaminifu halafu akaishia kuumizwa au kuachwa kinyume na makubaliano.
Muhimu ni kuhakikisha kuwa unapodai, unao ushahidi wa kutosha kuwa kulikuwa na ahadi rasmi ya ndoa (kama vile kuvishana pete mbele ya watu au kutambulishana kwa wazazi) na kwamba hiyo zawadi uliyotoa ilikuwa ni kwa ajili ya hiyo safari ya ndoa na siyo zawadi za kawaida za "hongera kwa birthday."
