Msanii jela miaka 10 kwa kumiliki fisi

[issenye]

Mahakama ya Hakimu Mfawidhi wa Wilaya ya Misungwi, mkoani Mwanza, imemhukumu msanii wa ngoma za asili, Mng'ahwa Kazanza (42), kwenda jela miaka 10 kwa kosa la kumiliki fisi wawili na kuwatumia kwenye sanaa zake bila kibali.

Awali akisomewa mashtaka katika mahakama hiyo na Mwendesha Mashtaka wa Polisi, Doroth Mgenyi, ilielezwa mahakamani hapo kuwa mnamo Septemba 28, mwaka huu, kwenye Kijiji cha Sisu wilayani Misungwi, majira ya saa 7:30 mchana, Mng'ahwa Kazanza (42) alikamatwa akiwa na fisi wawili wenye thamani ya Sh milioni 4.8.

Mara baada ya kusomewa mashtaka, msanii huyo alikiri kosa hilo na kudai alikuwa akiwatumia fisi hao katika sanaa zake bila kutambua kama ni kosa kuburudisha mashabiki wake kwa lengo la kuongeza kipato.

Kutokana na kukiri huko, Hakimu Mfawidhi wa Mahakama hiyo, Ruth Mkisi, ilimtia hatiani kwa kosa la kupatikana na nyara za Serikali kinyume cha sheria Na. 5 ya mwaka 2009 na kumhukumu kwenda jela miaka 10 au kulipa faini ya Sh 4,840,000 ili iwe fundisho kwa watu wengine wanaomiliki nyara za Serikali kinyume cha sheria.

Msanii huyo alishindwa kulipa faini hiyo na hivyo kwenda jela kutumikia adhabu hiyo ya miaka 10.


Chanzo: Mtanzania

 

[Sungurawembe]

Jamani si angechangiwa hizo 4m/=+ ili azidi kusaidia familia yake kuliko hiyo miaka yote

 

[Chipukizi]

itabidi basata na wasanii wamsaidie.

 

[Mkulima wa Kuku]

Ccm si ndiyo huwa tumia watu hawa? Waje sasa kumtetea

 

[Mssassou]

Mramba na Yona wamehukumiwa mwaka mmoja kwa kufanya ubadhirifu wa mabillioni ya fedha

 

[geomos]

Mramba na Yona wamehukumiwa mwaka mmoja kwa kufanya ubadhirifu wa mabillioni ya fedha

Unaona eh waje wakae hata wapitie uwiano wa adhabu hapo , bilioni 11 miaka miaka miwili ya kigereza, milioni 4 miaka 10

 

[MNKONONGO]

vp kuhusu twiga na tembo??

 

[miss chagga]

jamani msaniii

 

[Mpiganji mashuhuri]

Mramba na Yona wamehukumiwa mwaka mmoja kwa kufanya ubadhirifu wa mabillioni ya fedha

Niuonevu huo kwanza mtanzania na hajawauza nje hao fisi wanaachwa wanaosafilisha twiga wetu nje hao waarabu na wachina wanao safirisha meno yetu ya tembo unamkamata na kumuhukumu msanii ambaye hana lolote lile badala ya kumuelimisha unamfunga huku familia yake ikitaabika mm amakweli hiyo ndiyo serikali ya magamba chini ya jemedari kinana.

 

[white wizard]

Kweli nimeamini sheria duniani, haki Mbinguni.

 

[The great man2]

haki iko wap kama tembo wanauawa kila siku meno yanaenda ughaibuni,twiga wanapanda ndege watuhumiwa wanaangaliwa .uyu ku2mia fisi akiwa hai hata elimu hana hajui kama kosa uku tatitz likiwa ni kujikwamua kutokana na umasikin ulosababishwa na ccm unamhukumu miaka yot hiyo.mungu huwa analipa hapa hapa duniani.

 

[Ibada ya kwanza]

Sheria zipo kwa ajili ya maskini

 

[eddy]

Wanyama pori kama simba chui nyati pundamilia, huwezi kuwafuga na kutembea nao kama mbwa.

Fisi wapo aina mbili, wapo ''mlulu'' hawa ni fisi pori na hawafugwi na ndio wanaokaa serengeti.

Huyu ni fisi wa kufuga kama mbwa ngombe paka, anaitwa ''nhawa'' huyu anaishi majumbani na anafugwa na kama uzito wako ndogo unaweza mdandia akakubeba kama punda au ngamia, hivyo huyo fisi sio nyara ya serikali haishi porini kama twiga au simba.

Wapo pia pakashume ambao hawafugwi na wanaishi porini na wapo ''nyau'' hufungwa na kuishi na binadamu.

Wapo ''mbwa mwitu'' hawa hawafugwi lakini tunao mbwa wa kawaida tunaofuga basi kama ni hivyo watu wanaomiliki paka na mbwa wakamatwe.

 

[Deo Corleone]

Hiyo thamani ya fisi mmoja kuwa 2.2M.imepatikanaje?

 

[K 4 LIFE]

dah! kwa hiyo mpango wangu utafeli?

 

[Al Watani]

Wanyama pori kama simba chui nyati pundamilia, huwezi kuwafuga na kutembea nao kama mbwa.

Fisi wapo aina mbili, wapo ''mlulu'' hawa ni fisi pori na hawafugwi na ndio wanaokaa serengeti.

Huyu ni fisi wa kufuga kama mbwa ngombe paka, anaitwa ''nhawa'' huyu anaishi majumbani na anafugwa na kama uzito wako ndogo unaweza mdandia akakubeba kama punda au ngamia, hivyo huyo fisi sio nyara ya serikali haishi porini kama twiga au simba.

Wapo pia pakashume ambao hawafugwi na wanaishi porini na wapo ''nyau'' hufungwa na kuishi na binadamu.

Wapo ''mbwa mwitu'' hawa hawafugwi lakini tunao mbwa wa kawaida tunaofuga basi kama ni hivyo watu wanaomiliki paka na mbwa wakamatwe.

mkuu kwa hiyo hawa fisi wa aina hii ndo hawa wanaotumiwa na wachawi na kufugwa majumbani?

 

[Chakaza]

CCM wameshindwa kumsaidia msanii wao hadi anafungwa?

 

[rpg]

Wanaobeba wanyama hai mchana kweupe na wanaowapukutisha tembo wetu sidhani kama hawajulikani, lakini wanaishi kwa amani.

 

[Chipukizi]

hivi wana JF atuwezi anza kampeni ya kumsaidia huyu lofa mwenzetu kweli??? either afutiewe kosa au tumlipie fine atoke?

 

[Fabolous]

Unaona eh waje wakae hata wapitie uwiano wa adhabu hapo , bilioni 11 miaka miaka miwili ya kigereza, milioni 4 miaka 10

Umeniwahi nilitaka kuandika hivo hivo.