Mrema afuta kesi ya Ubunge dhidi ya Mbatia

[Bilionea Asigwa]

AGUSTINO Lyatonga Mrema (TLP), aliyekuwa Mbunge wa Jimbo la Vunjo (2010-2015) amefuta kesi ya kupinga ushindi wa James Mbatia (NCCR-Mageuzi) kwenye jimbo hilo.
Kwenye kesi ya kupinga matokeo ya uchaguzi uliofanyika tarehe 25 Oktoba mwaka jana, pande zote mbili zilikubaliana kuondoa kesi hiyo iliyofunguliwa katika Mahakama Kuu Kanda ya Moshi.

Kesi hiyo imeondolewa mahakamani baada ya January Nkobogho, Wakili wa Agustino Mrema (TLP) kuwasilisha ombi la mlalamikaji mbele ya Lugalo Mwandambo, Jaji wa Mahakama Kuu Kanda ya Moshi aondoe kesi hiyo kutokana na kuwapo maslahi mapana ya umma.

Wakili Nkobogho amesema, kutokana na kesi hiyo kuwa na maslahi kwa wapiga kura wa Jimbo la Vunjo pamoja na kupunguza gharama kwa serikali ya kuendesha kesi hiyo mlalamikaji na mlalamikiwa wameridhiana kuondoa kesi hiyo mahakamani.

Mbatia ameliambia gazeti hili kwamba, ‘nilimshauri Mrema agombe udiwani nitamuunga mkono.”

Amesema “Ningemuunga mkono, chama changu kisingeweka mgombea kwenye kata ambayo amegombea na tungemsaidia kampeni ashinde lakini Mrema alikataa.”

Kauli ya Mbtia kumtaka Mrema agombee udiwani badala ya ubunge ilikuwa ni fedheha kubwa kwa mtu ambaye alitikisha nchi katika siasa za vyama vingi 1995.

Mrema alikuwa mtu wa pili nyuma ya Benjamin Mkapa aliyekuwa mgombea wa urais CCM mwaka 1995 ambapo alipata asilima 31 ya kura.

Wakizungumza nje ya mahakama baadhi ya mawakili wa Mbatia, Mohamed Tibanyendela na Youngsaviour Msuya wamempongeza Mrema kwa uamuzi wake wa kuridhia kumalizika kwa kesi hiyo.

Mbatia ameahidi kuendelea na ushirikiano na Mrema kwa ajili ya maslahi ya wananchi wa Vunjo na kuahidi kulipa asilimia 50 ya gharama za mawakili.

Source: Mwanahalisi

 

[Chakaza]

Kama alishauriwa agombee udiwani akakataa basi sasa itabidi agombee uenyekiti wa mtaa ndio atapewa support habari ya udiwani tena asahau. Ndio faida ya ubishi

 

[Bilionea Asigwa]

Kama alishauriwa agombee udiwani akakataa basi sasa itabidi agombee uenyekiti wa mtaa ndio atapewa support habari ya udiwani tena asahau. Ndio faida ya ubishi

Mzee keshajichokea, ni bora akakaa tu pembeni ale pensheni yake.

Kutoka unaibu waziri mkuu mpaka udiwani??
Hawezi fanya hio

 

[chuwaalbert]

Wakili Nkobogho yule Mwalimu wa Mzumbe Yunivasiti na Mwalimu wa Yangsevia Mthuya? Hapa Mwalimu na Mwanafunzi walikaa kama Kamati....Kesi ikaishia hewani.....

 

[PNC]

Mzee Mrema apumzike siasa kwa amani ili yasijetimia ya malaika akizeeka sana anakuwa shetani

 

[Bilionea Asigwa]

Wakili Nkobogho yule Mwalimu wa Mzumbe Yunivasiti na Mwalimu wa Yangsevia Mthuya? Hapa Mwalimu na Mwanafunzi walikaa kama Kamati....Kesi ikaishia hewani.....

Mbatia ni mzuri sana wa kumaliza kesi nje ya mahakama, si unakumbuka ile kesi ya Halima mdee ya ubunge wa kawe??

Ngoja mzee ajipumzikie, alikua kachoka sana aiseee

 

[YABUUU]

kutoka kugombea urais na kutkisa nchi 1995, ubunge. had kushauriwa kugombea ubunge ilkua fedheha kubwa mno kwa mzee yule. apumzke 2 mana anaweza gombea udwan au uenyekt wa kjij akakosa. hii ndo siasa inaweza ikakufuta kabsa ulingon

 

[chuwaalbert]

Mbatia ni mzuri sana wa kumaliza kesi nje ya mahakama, si unakumbuka ile kesi ya Halima mdee ya ubunge wa kawe??

Ngoja mzee ajipumzikie, alikua kachoka sana aiseee

Shuwa....Nmjua Mh.Mbatia na Tungo yake: masilahi mapana ya....(Taifa,Jimbo nk)....Huwa ni mapana kweli. Hata hivyo Mzee wa kiraracha ameona mbali. Asingeweza kushinda kesi ile. nae ameona maslahi YAKE mapana.....

 

[Bujibuji Simba Nyamaume]

Mrema hebu jirudie CCM huenda jeneza lako likafunikwa na bendera mwaka utakapofariki

 

[Kertel]

Aliyekuwa Mbunge wa
Vunjo Augustino Mrema
amekubali kuiondoa
Mahakamani kesi ya
kupinga ushindi wa James
Mbatia Mbunge wa Vunjo
na kusema kuwa
amefanya hivyo ili kulinda
muda na kuokoa gharama
zisizo na maana.
Source eatv fb page.

 

[Kolobaa]

Nilimshauri mzee Mrema apumzike lakini hakutaka ushauri wangu matokeo yake kalazimishwa.

 

[Lambardi]

Mrema apumzike! Hakuna jipya ataleta kwa sasa! Apumzike kwa heshima yake! Labda abakie kuwa mwenyekiti wa TLP inamtosha kumuweka busy!

 

[Nena]

AGUSTINO Lyatonga Mrema (TLP), aliyekuwa Mbunge wa Jimbo la Vunjo (2010-2015) amefuta kesi ya kupinga ushindi wa James Mbatia (NCCR-Mageuzi) kwenye jimbo hilo.
Kwenye kesi ya kupinga matokeo ya uchaguzi uliofanyika tarehe 25 Oktoba mwaka jana, pande zote mbili zilikubaliana kuondoa kesi hiyo iliyofunguliwa katika Mahakama Kuu Kanda ya Moshi.

Kesi hiyo imeondolewa mahakamani baada ya January Nkobogho, Wakili wa Agustino Mrema (TLP) kuwasilisha ombi la mlalamikaji mbele ya Lugalo Mwandambo, Jaji wa Mahakama Kuu Kanda ya Moshi aondoe kesi hiyo kutokana na kuwapo maslahi mapana ya umma.

Wakili Nkobogho amesema, kutokana na kesi hiyo kuwa na maslahi kwa wapiga kura wa Jimbo la Vunjo pamoja na kupunguza gharama kwa serikali ya kuendesha kesi hiyo mlalamikaji na mlalamikiwa wameridhiana kuondoa kesi hiyo mahakamani.

Mbatia ameliambia gazeti hili kwamba, ‘nilimshauri Mrema agombe udiwani nitamuunga mkono.”

Amesema “Ningemuunga mkono, chama changu kisingeweka mgombea kwenye kata ambayo amegombea na tungemsaidia kampeni ashinde lakini Mrema alikataa.”

Kauli ya Mbtia kumtaka Mrema agombee udiwani badala ya ubunge ilikuwa ni fedheha kubwa kwa mtu ambaye alitikisha nchi katika siasa za vyama vingi 1995.

Mrema alikuwa mtu wa pili nyuma ya Benjamin Mkapa aliyekuwa mgombea wa urais CCM mwaka 1995 ambapo alipata asilima 31 ya kura.

Wakizungumza nje ya mahakama baadhi ya mawakili wa Mbatia, Mohamed Tibanyendela na Youngsaviour Msuya wamempongeza Mrema kwa uamuzi wake wa kuridhia kumalizika kwa kesi hiyo.

Mbatia ameahidi kuendelea na ushirikiano na Mrema kwa ajili ya maslahi ya wananchi wa Vunjo na kuahidi kulipa asilimia 50 ya gharama za mawakili.

Source: Mwanahalisi

Uchaguzi 1995 ndio ule uliovurugwa ukarudiwa. Kuna mtu humu alisema mtoto wa mwalimu afeli, mtihani utarudiwa hata mara ngapi! Yale yale ya Zanzibar.

 

[Dartz]

Mrema hebu jirudie CCM huenda jeneza lako likafunikwa na bendera mwaka 22001 utakapofariki

Umeandikia jambo baya sana, MUNGU muumba wa mbingu na ardhi akukemee

 

[Dartz]

Hivi ofisi yao pale manzese " JOGOO HOUSE " inafunguliwa siku hizi? Vyama vingine bwana, daaah!!!

 

[MUSSA ALLAN]

Sasa anatakiwa alipe Milioni 40.

 

[Malata Junior]

Wachagga wana akili

mijitu mingine mmelogwa,mnawaza ukabila tu!

 

[MKWEPA KODI]

Sasa mrema ajiandae kulipa gharama zote za hiyo kesi, huwezi kusumbua watu wazima halafu uachwe tu hivi hivi

 

[Mfukutuzi]

Kesi ya Lyatonga Mrema kupinga ushindi wa Ubunge wa James Mbatia jimbo la Vunjo ilikua Mahakamani tena April 4 2016 ambapo jipya lililotangazwa ni kwamba Mahakama kuu kanda ya Moshi imeridhia makubaliano yaliyofikiwa kati ya Mbunge wa Vunjo James Mbatia na Agustino Mrema kwa shauri hilo kuisha na kwamba Mbatia ndiye Mbunge halali wa Vunjo na Mrema atatakiwa kulipa sehemu ya gharama za mawakili wa Mbatia shilingi Milioni 40.

 

[shalet]

Sasa mrema ajiandae kulipa gharama zote za hiyo kesi, huwezi kusumbua watu wazima halafu uachwe tu hivi hivi

atalipa nusu, nusu atasaidiwa na mbatia.