Mkuu wa Mkoa wa Dar atoa siku 90 kwa wamiliki wa silaha kuziwasilisha polisi kwa ajili ya uhakiki

[RUCCI]

Mkuu wa Mkoa Dar, Paul Makonda akishirikiana na Jeshi la Polisi ametoa siku 90 kwa wamiliki wa silaha kuziwasilisha vituo vya polisi ili kuhakikiwa upya.

Baada ya siku 90 msako mkubwa kuanza.

MKUU wa Mkoa wa Dar es Salaam, Paul Makonda ametoa miezi mitatu kwa wakazi wote wa mkoa huo wanaomiliki silaha, wathibitishe uhalali wa umiliki wa silaha zao kwa mamlaka husika.

Mbali na uthibitishaji wa silaha, pia ameelezea nia yake ya kuanzisha mfumo maalumu wa kupongeza askari Polisi watakaofanya vizuri katika kupambana na majambazi, ambapo kila baada ya miezi mitatu, atamzawadia askari mmoja Sh milioni moja.

Makonda amesema hayo jana jijini Dare es Salaam, wakati alipotembelea Makao Makuu ya Kanda Maalumu ya Polisi Dar es Salaam. “Askari wetu wanafanya kazi katika mazingira magumu nimeona niwatengenezee mfumo wa kuwapa motisha hivyo kila baada ya miezi mitatu, nitampongeza askari anayefanya vizuri kwa kumpatia kiasi cha Sh milioni moja,” alisema na kuongeza amechukua uwamuzi huo ili kuhakikisha Dar es Salaam inabaki salama.

Aidha, alisisitiza umuhimu wa kuthibitisha uhalali wa umiliki wa silaha, vinginevyo kufikia Julai mwaka huu, hatua zitaanza kuchukuliwa kwa watakaokiuka agizo hilo.

“Hatutamfumbia macho yeyote atakayekaidi, lengo letu ni kuona Jiji halikumbwi na matukio ya matumizi ya silaha hasa katika maeneo ya benki pamoja na maeneo mengine,” alisema Makonda.

Chanzo: Habari leo

 

[jogoo_dume]

Safi sana. Ila kama wanazikodisha hao wamiliki si wanaweza waambia waliowakodisha zileteni kwanza kisha tutawarudishia?? Ila mwanzo mzuri, kama kuna waliouza watapatikana.
Ila zile zilizoporwa vituoni inakuaje??

 

[Yohana Kilimba]

Wazo zuri litapunguza ujambazi mtaani

 

[Paul Mchumi]

yes to Makonda!

 

[Nyani Ngabu]

Chanzo cha habari, tafadhali.

 

[Threesixteen Himself]

B!
!
Mikakati yooote inalenga kuwasaidia walionacho. Huku uswahililini tunakabwa na BISIBISI na MASIME. Wakati mwingine kuna wezi wanapiga ngumi kali kama mabondia. Anyway..... Nategemea pia wenye misuli mikubwa ya mikono waje wasajiliwe polisi, na itafika mahali bisibisi na nondo ziwe na namba pia.

 

[Jambazi]

Mm bastola yangu nilisha irudisha miaka kama 4 nyuma baada ya babu yangu kunitishia kuniachia radhi!

 

[HIMARS]

Na waliofanya application je?

 

[jogoo_dume]

B!
!
Mikakati yooote inalenga kuwasaidia walionacho. Huku uswahililini tunakabwa na BISIBISI na MASIME. Wakati mwingine kuna wezi wanapiga ngumi kali kama mabondia. Anyway..... Nategemea pia wenye misuli mikubwa ya mikono waje wasajiliwe polisi, na itafika mahali bisibisi na nondo ziwe na namba pia.

Mwanaume na ikiwezekana mwanamke jifunze mbinu za kujihami, self defence, inasaidia kama adui yako ana silaha hizo ulizotaja.

 

[MTK]

Mkuu wa Mkoa Dar, Paul Makonda akishirikiana na Jeshi la Polisi ametoa siku 90 kwa wamiliki wa silaha kuziwasilisha vituo vya polisi ili kuhakikiwa upya.

Way to go! Lakini Bwana Makonda asiishie hapo tu kuhakiki uhalali pekee bali wawafanyie "Background checks" ili kujiridhisha kama ni watu wenye uhitaji wa maana kuwa na silaha hizo na tabia na haiba zao kama ni salama kwa wao kumiliki silaha; ili baadhi yao wasiwe watu hatarishi kwa usalama wa watu wengine.

 

[mwasu]

Haya maamuzi ni ya kupotezea watu muda wa kufanya kazi zao, kila mwaka mmiliki wa silaha hutakiwa polisi kukata kibali kwa ajili ya uhakiki au umiliki, silaha zote zina vibali kifanyikacho ni ku renue kama leseni, sasa yeye anataka uhakiki gani tena? Makonda kweli mzee wa kukurupuka.

 

[JNampanyula]

Ni vizuri sana ila sambasamba na hilo angewatangazia wote wanaomiliki silaha kinyume cha sheria wazisalimishe na baada ya deadline msako mkali ufanyike

 

[UncleBen]

Hivi hawa wanaopiga picha na hizo bastola zao na kuweka kwenye mitandao ya kijamii inakuaje ??

 

[Twilumba]

Mm bastola yangu nilisha irudisha miaka kama 4 nyuma baada ya babu yangu kunitishia kuniachia radhi!

JAMBAZI

 

[HEKIMA KWANZA]

Kuhakiki silaha peke yake haitoshi, Makonda na Jeshi la Polisi waangalie ni kwanini mtu anaomba kibali cha kumili silaha, ni kweli anahitaji kuwa na silaha? Wabunge wengi sana wanamiliki bastola, kwanini?

 

[Crimea]

Chanzo cha habari, tafadhali.

Tomaso

 

[M'bang'ang'walu]

Wazo zuri litapunguza ujambazi mtaani

Hapo wenye kuhitajika ni wamiliki halali ili kuhakiki umiliki wao kwa hiyo usitegee mtu anayemiliki silaha kinyume na sheria kwamba naye eti atajitokeza

 

[GREGO]

Mm bastola yangu nilisha irudisha miaka kama 4 nyuma baada ya babu yangu kunitishia kuniachia radhi!

Itakua ulikua unafanya matukio yanayoendana na jina lako

 

[Sometimes]

Mi nilijua atahakikisha walimu na madaktari wanalipwa stahiki zao,

Bure kabisaaa

Na kwanini wasiwe wa Tazara au wastaafu wa EAC?

 

[AirTanzania]

Huo pia unaitwa ubunifu? Hivi vyeo vya kupewa ni shida sana, kumfurahisha aliyekuchagua sio kazi ndogo