Mkuu wa Mkoa wa Arusha ,John Mongela, amechukizwa na kitendo alichokifanya mkurugenzi wa wilaya ya Ngorongoro,Jumaa Mhina kwa kukaidi agizo lake na kuamua kwenda Likizo wakati akijua changamoto ya madarasa katika wilaya hiyo bado ni kubwa.
Akiongea kwenye mkutano wa utilianaji sahihi baina ya kandarasi za maji na wakala wa Maji vijijini RUWASA , Mongela bila kupepesa macho alimwambia mkurugenzi huyo asimjaribu hasa katika kipindi hiki Kuna wimbi la watoto kujiunga na kidato Cha kwanza mwakani.
"RAS nakuagiza huyu mkurugenzi kamwandikie barua ya onyo kanikwaza kweli nilishamkatalia mara mbili,ananijaribu, hajamaliza madarasa anataka likizo ,sasa haya mambo mengine ya kitoto wengine hatupendi"alisema
Mongela aliongeza "sote tumemwona rais anavyohangaika katuletea fedha za madarasa , kipindi kama hiki tungekuwa tunahangaika kushika mbuzi na kuku wa watu kupata fedha za madarasa".
Mkuu huyo wa mkoa alisema kuwa serikali ya Mama Samia imejipanga kumaliza suala la madarasa Kwa sababu fedha zipo, hivyo asitokee mtu mmoja kukwamisha jitihada hizi.
Mongela amedai kushangazwa na kitendo cha mkurugenzi huyo kuamua kuomba Likizo mara ya pili Kwa Katibu tawala (RAS) wakati alishamkatalia kwa sababu ya kutokamilisha suala la madarasa katika wilaya hiyo na kumwamuru RAS kumpatia onyo kali.
Mkurugenzi Mhina hivi karibuni alinusurika kutumbuliwa pale Rais Samia alipotangaza hadharani katika mkutano wa hadhara wilayani Longido alipotembelea Mkoa wa Arusha, akimtambulisha Kwa wananchi alivyo mnusuru Kutokana na tabia yake ya ukorofi na kugombana na wenzake.
View attachment 2060978