Ni nadra sana kwa wanasiasa nchini kukubalika kwa kiasi kikubwa mikoa ya Kanda ya Ziwa kutokana na ushindani mkubwa wa kisiasa nchini hususani ndani ya Chama Cha Mapinduzi.Ila Mh.Bernard Kamillius Membe kwake imekuwa tofauti.
Jana akiwa ameongozana na kundi la marafiki zake,wafuasi wake na wanachama wa Ccm alizuru jiji la Mwanza saa moja usiku na kulakiwa na maelfu ya wasanii wa filamu,muziki na wananchi wa kila rika waliokuwa wamebeba mabango yenye ujumbe wa kumkaribisha kwa upendo mkubwa jijini Mwanza.
Halikuwa jambo dogo,kila aliyekuwepo hakuamini kilichotokea.Mh.Membe ana wafuasi ambao hata yeye hakuweza kuelewa wametokea wapi.Kila mmoja alitaka kuongea naye,kumshika mkono au kupiga naye picha.Chama cha waendesha bodaboda mkoa wa Mwanza walijitolea pikipiki zao bure kuongoza msafara wa kumlaki Mh.Membe.
Wananchi walikuwa wakiimba;"Membe jembeee,Membe oteshwa,Membe usitusahau wakazi wa Mwanza tunakuunga mkono".
Ilikuwa ni kama Mandela amezuru jiji la Mwanza.Historia imeandikwa rasmi,na huu ni mwanzo tu.Kilio cha wasanii kimesikika kutokana na kiu yao kubwa ya kuwa karibu na Mh.Membe na kusaidiwa matatizo yao yanayosibu tasnia ya filamu.
Wasanii walioongoza msafara wa kumpokea Mh.Membe wote wana ushawishi mkubwa nchini kama vile Mjomba Mpoto,Steven Mengele Nyerere,Adam Melele"Swebe Santana Nunda",Blandina Chagula"Johari",Wastara Juma,Cathy Rupia na Kulwa Kikumba almaarufu kama Dude.
Mh.Membe alikuwa kaalikwa kuzindua filamu iitwayo I Love Mwanza ikiyoandikwa na Adam Melele almaarufu kama Swebe Santana Nunda.Mh.Membe kaahidi neema kwa wasanii nchini.Kakubali kuwa baba wa hiari wa wasanii wote wa filamu nchini.
Mh.Membe pia katika msafara waje aliungana na Mh.Lazaro Nyalando,Mnec Christopher Mwita Gachuma,Paul Christian Makonda na Mbunge wa Bunge Maalum la Katiba Waziri Rajab.
Jana Mh.Membe baada ya kuizindua filamu hii ya I Love Mwanza rasmi leo atakuwa Ccm Kirumba akikamilisha ratiba ya tamasha kubwa kuhusu sanaa kwa wakazi wa jiji la Mwanza.Wote mnakaribishwa!
Imetolewa na:
Friends Of Hon.Membe