GE2025 Mgore aongoza kura za maoni Musoma Mjini

[PAYE]

Mgore Miraji ameibuka mshindi kwenye kura za maoni baada ya kuwabwaga wapinzani wake watano aliokuwa akishindana nao katika mchakato wa kumpata mwakilishi wa Chama cha Mapinduzi (CCM) kwenye uchaguzi mkuu ujao katika Jimbo la Musoma Mjini mkoani Mara.

Endapo Mgore atapitishwa na kamati Kuu ya chama chake kupeperusha bendera na kisha kuwa mshindi katika uchaguzi huo, basi atakuwa mwanamke wa kwanza kuwa mbunge wa jimbo hilo la Musoma Mjini.

Akitangaza matokeo ya kura za maoni kwa Wilaya ya Musoma Mjini, Katibu wa CCM wilayani humo, Burhan Ruta amesema Mgore amepata kura 2,255 huku mpinzani wake wa karibu Juma Mokili akipata kura 1,543.

Wagombea wengine na kura zao kwenye mabano ni pamoja na Dk Eliud Esseko (115), John Bwana (43), Philbert Sasita (34) na Mashaka Biswalo (44).

“Jumla ya kura zilizopigwa ni 3,796, zilizoharibika ni 62 na halali zilikuwa 3,734, kwa hiyo namtangaza Mgore kuwa ameongeza kwenye kura za maoni,” amesema.

Ruta amesema kutokana na kanuni za chama hicho, mgombea aliyeongoza katika kura za maoni hapaswi kufanya sherehe ya aina yoyote kabla ya vikao vya uteuzi kwa maelezo kuwa kuongoza sio kigezo cha kuteuliwa na chama.

 

[econonist]

Duh! Huyo Mkorea asingehama upinzani angechukua Jimbo, Sasa kakimbilia CCM wamemla kichwa.

 

[Farolito]

Duh! Huyo Mkorea asingehama upinzani angechukua Jimbo, Sasa kakimbilia CCM wamemla kichwa.

Nani huyo?

 

[Numbisa]

Sawa sawa

 

[econonist]

Nani huyo?

Dr Elliud Esseko Tongora. Jamaa alikuwa na Upepo Sana pale Musoma mjini, sema karudi CCM Tena. Alikuwa CHADEMA akaenda ACT naona karudi CCM ila kapigwa Chini vibaya mno. Bila CHADEMA Hilo Jimbo ni la CCM kwa asilimia 100

 

[kyagata]

Hiyo pisi inaenda kuwa chakula ya akina Ndungai tu huko bungeni.