Mfumo wa Elimu "Saratani inayolitafuna Taifa"

[UCL]

Hii si sauti ya kwanza kupazwa juu ya mfumo wa elimu unaoonekana kupwaya katika kukidhi haja na maono ya watanzania. Ni mfumo tulioachiwa na Waingereza 1961 uliolenga kupata vijana wachache watakaohudumu kwenye Serikali yao tena katika ngazi za chini.

Ni mfumo unaomwandaa kijana wa Kitanzania na mwananchi wa kesho kuwa tegemezi kwa Serikali. Hivi sasa tumeanza kuonja machungu ya funika kombe mwanaharamu apite. Vijana wanaofeli Drs la saba, kidato cha nne na kidato cha sita hawana mchango wowote katika ujenzi wa uchumi wa Taifa hili mbali na kusomeshwa kwa gharama kubwa ikiwemo elimu bila malipo ya ada. Wanaomaliza Elimu ya kati na Vyuo vikuu wamekuwa wakitembea barabarani kutwa nzima na bahasha mkononi wakisaka ajira utafikiri ni watumishi wa Tanroad wanakagua barabara. Wasomi wamekuwa wengi mtaani lakini wanaobahatika kupata ajira ni wachache

Mbaya zaidi sasa wanaambiwa eti wajitolee maeneo waliko ili Serikali iwafikirie kuwaajiri. Mfumo huu una tofauti gani na Wajumbe? Mtoto aliyetoka kisiwa cha Ukara na akasomea mambo ya gesi atajitolea kwenye kiwanda gani Ukara kama siyo kushughulika na gesi itokanayo na kinyesi cha ng'ombe (Bio-gas)?. Hii si tu kwamba ni kadhia bali pia utumwa wa kifkra

Watanzania zaidi ya million 55 wanahitaji mfumo mpana wa elimu (Extensive Educational System). Mfumo rafiki utakaokidhi hitaji lao na kukata kiu waliyonayo. Mfumo huru utakaotoa fursa kwa vijana wetu kurithishwa maarifa na stadi juu ya biashara, kilimo, ufugaji uvuvi, madini, utalii n.k shughuli ambazo hufanywa na jamii wanamotoka. Mfumo huu utapunguza umaskini tulionao na utawapa thamani hata wanafunzi wanaofeli kuendelea na ngazi za juu za elimu.

Watu kama Mhe. Kishimba na wengineo, tafadhali wasichukuliwe kama wachekeshaji. Ni hoja inayopaswa kuchukuliwa kwa uzito na umakini wa hali ya juu kwa mustakabali wa maendeleo ya Taifa hili na watu wake. Wanaoumizwa na mfumo huu ni wengi sana ila wapatao fursa ya kuwasilisha machungu wanayoyapitia ni wachache. Tusipochukua hatua sasa yajayo hayafurahishi hata kidogo.

 

[Rebeca 83]

Elimu yetu itoke kule kwenye kuwa general to environment-specific,tuna large arable land, this untapped resource was going to be useful resource in improving young persons livelihoods.

 

[balimar]

Elimu hii sio tendeshi

Huwa naishiwaga nguvu unaposema ajira hamna wakati ardhi IPO, maki yapo, samaki wapo hali ya hewa zinaruhusu na watu bado wanakula na wataendelea kula misosi.

Huu mfumo ni wa kufumua hasa kwenye kufanya uwe tendeshi na wenye kusadiki mazingira tuliyonayo.
In common sense, 0ni wa ku-merge kutoka huu ulipo na gharama yake sio kubwa kama wengi wanavyodai. Tatizo hakuna utashi wa kulifanya hilo.

Kwa mfano mdogo tu, Leo wazazi ambao hawana uwezo sana ama wanafunzi wao wameshindwa huu mfumo rasmi wa Elimu wa KKK wamekuwa wakiwapeleka kwa mafunzo ya ushoni, garage, biashara ndogondogo na wafugaji kwenye mashamba makubwa kupata ujuzi.

In fact, huwezi kuitenga Elimu na mfumo wa kutenda (Skills Based Training). Uliopo huu unahitaji kuendelea kwa wanafunzi wasiozidi 5% ya wanafunzi wote waliopo shuleni. Wengine wote waende kwenye Elimu ya kutenda/kufanya

 

[sblandes]

Sio kabisa mfumo wa British,kama ungekuwa mfumo wa British hao graduates wanaolandalanda barabarani wangekuwa wanafanya kazi nchi za nje mbali mbali kama walivyo Ghana,Nigeria,South Africa, Kenya,India.