Matokeo ya mitaa nguvu ya CCM yapungua mijini

[nngu007]

KITAIFA


Posted Alhamisi,Decemba25 2014 saa 7:4 AM

KWA UFUPI
Akisoma matokeo hayo jana, Mkurugenzi wa Uchaguzi wa Tamisemi, Khalist Luanda alisema matokeo hayo yamekamilika kwa asilimia 99 kutokana na baadhi ya maeneo kutofanya uchaguzi kutokana na sababu mbalimbali ikiwamo wagombea kufungua kesi mahakamani na baadhi ya wagombea kufariki dunia kabla ya uchaguzi.



Dodoma/Dar. Ofisi ya Waziri Mkuu (Tamisemi), imetangaza matokeo ya jumla ya Uchaguzi wa Serikali za Mitaa uliofanyika Desemba 14 na 21 yakionyesha kuwa uungwaji mkono wa Chama Cha Mapinduzi (CCM) katika maeneo ya mijini umeporomoka kwa kasi.

Katika uchaguzi huo, chama kipya cha ACT-Tanzania kimechomoza na kuviacha baadhi yavyama vikongwe ambavyo havikupata hata nafasi ya ujumbe.

Akisoma matokeo hayo jana, Mkurugenzi wa Uchaguzi wa Tamisemi, Khalist Luanda alisema matokeo hayo yamekamilika kwa asilimia 99 kutokana na baadhi ya maeneo kutofanya uchaguzi kutokana na sababu mbalimbali ikiwamo wagombea kufungua kesi mahakamani na baadhi ya wagombea kufariki dunia kabla ya uchaguzi.

Jumla ya vyama 15 vilishiriki uchaguzi huo vikiwamo CCM, Chadema, CUF, NCCR - Mageuzi, TLP, NLD, ACT, UDP na APPT- Maendeleo. Vingine ni Chauma, NRA, UMD na vitatu ambavyo havikuambulia kiti hata kimoja vya DP, Tadea na ADC.

Matokeo

Pamoja na CCM kuendelea kuongoza kwa ujumla, chama hicho kimeonekana kupoteza viti mijini na vijijini na kimeporomoka zaidi mijini.

Katika maeneo ya vijiji na vitongoji, chama hicho kimepata ushindi wa asilimia 79.81 (vijiji) na 79.83 katika vitongoji, wakati kwenye mitaa ambayo ipo sehemu za mijini kimeshuka zaidi na kupata asilimia 66.66.

Matokeo hayo yakilinganishwa na yale ya mwaka 1999, chama hicho kimepata asilimia 89.2 katika mitaa, asilimia 91 katika vitongoji na asilimia 91.6 katika vijiji.

Matokeo ya vijiji

Idadi ya vijiji vyote Tanzania Bara vilivyotarajiwa kufanya uchaguzi ni 12,443 lakini umefanyika katika vijiji 11,750.

Matokeo ya vyama pamoja na asilimia katika mabano ni CCM 9,378 (79.8), Chadema 1,754 (14.9), CUF 516 (4.4), NCCR Mageuzi 67 (0.6) na TLP 10 (0.09).

Vingine ni UDP 14, ACT 8 (0.07), NLD 2 (0.02), (0.12) na NRA 1 (0.0001).



Uchaguzi wa vitongoji

Jumla ya vitongoji vilivyotarajiwa ni 64,616 lakini vilivyopiga kura 60,688 huku CCM ikiendelea kuongoza kwa kupata vitongoji 48,447 (79.8), Chadema 9,145 (15.1), CUF 2,561(4.2), NCCR Mageuzi 339 (0. 6), ACT 72 (0.12, TLP 55 (0.1), UDP 54 (0.1), NLD 2 (0.02).

Matokeo ya Mitaa

Mitaa yote 3,875 nchini ilifanya uchaguzi na kukamilika kwa asilimia 100 huku CCM ikipata asilimia 66.66 baada ya kupata mitaa 2,583, ikifuatiwa na Chadema iliyopata mitaa 980 (25.3), CUF 266 (6.9), NCCR Mageuzi 28 (0.7), TLP 1 (0.03), ACT 12 (0.31), UDP 3 (0.08), NRA 1 (0.03) na UMD 1(0.03).

Ukawa yachanua

Kwa matokeo hayo, inaonyesha kuwa vyama vinavyounda Ukawa vimeongeza nguvu katika maeneo mengi hasa mijini ambako kwa pamoja vimepata wenyeviti 1,275 ikiwa ni sawa na asilimia 32.18 ya mitaa yote.

Katika maeneo ya vijiji Ukawa wamepata jumla ya vijiji 2,339 ambayo ni asilimia 19.91 wakati kwenye vitongoji waliambulia 12,047 sawa na asilimia 19.87.

Wajumbe viti Maalumu

Kwa upande wa wajumbe wa viti maalumu ambao safari hii wamepigiwa kura badala ya kutokana na uwiano wa kura, CCM ilipata asilimia 80.24, Chadema (14.8), CUF asilimia (4.31), NCCR asilimia (0.48), ACT (0.08) huku APPT Maendeleo, Chauma na NRA vyote vikipata mjumbe mmoja kila kimoja sawa na asilimia 0.0001.

Waliopata sifuri walonga

Akizungumzia matokeo hayo, Mwenyekiti wa DP, Mchungaji Christopher Mtikila alisema, "hivi ni vitu vidogo na mara nyingi vinakosa uhalali wa kisheria. Ni vigumu sana kushinda uchaguzi Tanzania kwa mazingira yaliyojitokeza katika uchaguzi wa Serikali za Mitaa."

Alisema ili chama kishinde lazima kitumie ubabe na mbinu chafu na katika uchaguzi wa aina mbalimbali nchini kunakosekana msingi wa demokrasia na haki ya kweli.


Katibu Mkuu wa AFP, Rashid Rai alisema "Uchaguzi ulikuwa na changamoto nyingi zilizosababishwa na Ukawa na CCM. Mvutano ulioibuka kati yao umeviathiri kwa kiasi kikubwa vyama vidogo."

Hata hivyo, Rai alisema katika kikao cha Kamati Kuu ya chama hicho kitakachofanyika Januari 14, watajadili sababu za chama hicho kushindwa katika uchaguzi huo na namna ya kujipanga katika uchaguzi ujao.

Mwenyekiti wa Tadea, Lifa Chipaka alisema, "Sasa unaniuliza mimi matokeo ya uchaguzi wa Serikali za Mitaa, watafute Tamisemi watakupa matokeo."

Baadaye Chipaka alipiga simu katika chumba cha habari cha gazeti hili na kusisitiza kuwa Tadea kilisimamisha wagombea wengi mkoani Shinyanga, Tabora na Kigoma na kuibuka na ushindi.

Alipotakiwa kueleza idadi ya viti walivyoshinda katika mikoa hiyo alisisitiza kuwa wameshinda na alipobanwa zaidi alikata simu.

Mkurugenzi wa Utawala na Uendeshaji wa ADC, Doni Myamani alipingana na matokeo ya Tamisemi akidai kuwa uchaguzi huo wameshinda vitongoji 19 na vijiji saba.

Doni alisema katika nafasi ya uenyekiti walishinda katika vitongoji vinane na vijiji viwili mkoani Dodoma; Mkoa wa Mara wamepata vitongoji tisa na vijiji vitatu; Mkoa wa Kigoma nafasi moja eneo la Mwandiga na katika Mkoa wa Lindi Wilaya ya Nachingwea kiti kimoja.

Doni alisema sehemu nyingine za Mtwara, Mara, Tanga, Simiyu na Kigoma na Kijiji cha Busega walishinda katika nafasi za wajumbe.



Imeandikwa na Habel Chidawali na Rachel Chibwete Dodoma na Fidelisi Butahe Dar es Salaam.

 

[Lizaboni]

Kwani kukua kwa demokrasia maana yake ni nini kama hatutaki ushindani wa kisiasa? Tuwapongeze ccm kwa ushindi na tuwapongeze pia ukawa kwa kujaribu

 

[Lizaboni]

ccm ni chama imara na kitaendelea kushika hatamu ya siasa katika nchi hii

 

[MJITA HALISI 176]

Hayo matokeo yamechakachuliwa. Magamba wameshinda kwa 58%

 

[mshunami]

Kwani kukua kwa demokrasia maana yake ni nini kama hatutaki ushindani wa kisiasa? Tuwapongeze ccm kwa ushindi na tuwapongeze pia ukawa kwa kujaribu

Mbinu ya kuwawekea wapinzani mapingamizi na msaada kutoka kwa wakurugenzi waliokuwa ndo wasimamizi wa uchaguzi huo umewaokoa CCM!

 

[dibk]

r.i.p.ccm

 

[Honolulu]

si kweli kwamba CCM wameshinda kwa asilimia hizo. Duh!! kila kitu ni kuchakachua tu.

 

[Itapirai]

Kwani kukua kwa demokrasia maana yake ni nini kama hatutaki ushindani wa kisiasa? Tuwapongeze ccm kwa ushindi na tuwapongeze pia ukawa kwa kujaribu

Bandu bandu humaliza gogo! akili za kuambiwa changanya na za kwako " Prof.Tezi Dume - area of specialization: Tegeta Escrow"

 

[Crocodiletooth]

yale mapingamizi yote karibu 1000 yaliyowekwa na wagombea wa ccm dhidi ya wagombea wa ukawa yamekuwa counted kama ushindi wa moja kwa moja?"KWA CCM"

 

[Chakaza]

yale mapingamizi yote karibu 1000 yaliyowekwa na wagombea wa ccm dhidi ya wagombea wa ukawa yamekuwa counted kama ushindi wa moja kwa moja?"KWA CCM"

Yes, inclusive.

 

[tunduruboy]

Uchaguzi wa SM ulioshirikisha Wananchi Matokeo--
Ccm 47%
Ukawa 53%

Mapingamizi 33%

Ccm Halali ni 47% + 33% = 80%

Ukawa 53% - 33% ongezeko la Mapingamizi ccm = 20%.

Je kulipowekwa Vikwazo ccm wangeshinda kwa 100% kama wananchi wangepewa fursa?

 

[tunduruboy]

ccm ni chama imara na kitaendelea kushika hatamu ya siasa katika nchi hii

Uchaguzi wa SM ulioshirikisha Wananchi Matokeo--
Ccm 47%
Ukawa 53%

Mapingamizi 33%

Ccm Halali ni 47% + 33% = 80%

Ukawa 53% - 33% ongezeko la Mapingamizi ccm = 20%.

Je kulipowekwa Vikwazo ccm wangeshinda kwa 100% kama wananchi wangepewa fursa?

 

[Chuck j]

hapo kwenye pingamizi tuu 33% ccm wangeshinda kwa 13% ingebaki20%plus 47%= 60%,ukawa 40%

 

[1000 digits]

Uchaguzi wa SM ulioshirikisha Wananchi Matokeo--
Ccm 47%
Ukawa 53%

Mapingamizi 33%

Ccm Halali ni 47% + 33% = 80%

Ukawa 53% - 33% ongezeko la Mapingamizi ccm = 20%.

Je kulipowekwa Vikwazo ccm wangeshinda kwa 100% kama wananchi wangepewa fursa?

CCM itaondoka mwakani 2015.
Upepo uliopo duniani kwa sasa ni wa mageuzi yawe ni ya kidemokrasia au nguvu.
Hamna namna nyingine.
CCM wakiambiwa waondoke kwa kura basi waondoke wakileta jeuri na kujifanya kuwa wao ni imara zaidi watapigwa tu.
Na mimi nasema CCM wapigwe tu hamna namna nyingine mana sasa tumechoka kuona kils siku uchakachuaji na kutumia nguvu za dola.

Miaka ya 1960 ilikua ni miaka ya uhuru wa kujitawala kwa bara la Afrika.
Miaka hii Sasa ni miaka ya demokrasia,mageuzi ,usawa wa kugawana rasilimali za Taifa, kuwakataa na kuwakimbiza mafisadi wote na kuleta maendeleo kwa wote.

CCM iking'ang'ania kizazi hiki kisichoitambua kitaing'oa kwa nguvu hili halina ubishi.
Haiwezekana mtanzania na mwafrika mwenzako achaguliwe na wenzake halafu wakurugenzi wa halmashauri watumike kuvuruga matokeo kwa manufaa ya Jina la CCM( hili ni jina tu linaweza kubadilishwa kama ilivyoanzia TAA,TANU mpaka CCM).
Utaifa utajengwa kutokana na wazalendo toka vyama vyote watakaochaguliwa kwa kura za halali na zilizoshinda kwa ndio.
Hakuna namna nyingine. Ni vyema CCM ikaondoka kwa kura kwani nguvu ya vijana maskini ambao ni 80% ya vijana wote , mafisadi na watoto wao ambao ni mayai mayai hawataiweza kamwe.

 

[mzamifu]

Wpinzani walioshinda wapige kazi kisawasawa ili watie hamasa maeneo mengine.
kujua idadi ya kura za ccm na zile za ukawa/upinzani kutasaidia kuonyesha mwelekeo halisi wa uchaguzi ujao, 2015. Maana ushindi una viwango. tunataka tujue idadi ya wanaounga mkono upade fulani imepungua au kongezeka kwa kiasi gani pamoja na kushinda au kushindwa.

 

[Msulibasi]

TAMISEMI inapotosha kwa statementi zifuatazo
Matokeo ya vijiji

Idadi ya vijiji vyote Tanzania Bara vilivyotarajiwa kufanya uchaguzi ni 12,443 lakini umefanyika katika vijiji 11,750.(Ukweli ni kuwa katika 11750 unapaswa kuondoa vijiji 2708 ambavyo ccm wamevitwaa bila uchaguzi kufanyika) hivyo idadi ya vijiji vilivyofanya uchaguzi ni(11750-2708= )

Matokeo ya Mitaa

Mitaa yote 3,875 nchini ilifanya uchaguzi na kukamilika kwa asilimia 100. Huu ni uongo mwingine kuna mitaa 644 haikufanya uchaguzi ni watawala wakapatikana kupitia mapingamizi.hivyo 3875-644 utapata mitaa palipofanyika uchaguzi.

Uchaguzi wa vitongoji

Jumla ya vitongoji vilivyotarajiwa ni 64,616 lakini vilivyopiga kura 60,688
hapa pia kuna upotoshaji wa dhahiri kwakuwa kabla ya kura kupigwa tayari ccm ilishajitwalia vitongoji 26300 kwa mapingamizi. vitongoji vilivyofanya uchaguzi-ballotin ni 60688-26300

Ukitatmini kwa makini utagundua mapingamizi mengi yalikuwa vijijini na kwenye vitongoji na ndio sababu ccm inonekana kama imepata ushindi mkubwa kumbe hakukuwa na upigaji kura.

kwanini ripoti ya TAMISEMI inajumuisha mapingamizi katika jumla ya maeneo kura zilipopigwa?mnaona aibu gani?