Kanungila Karim
JF-Expert Member
- Apr 29, 2016
- 20,745
- 25,677
Pale Mbagala Kizuiani, mkabala na kituo cha daladala, Mangi ameweka TV nje ya kiduka chake na masela wapiga debe huikodolea macho muda wote wanaposubiri daladala. Burudani yao ilikuwa ni enzi ya ligi ya Uingereza.
Tangu Corona iingie wanaona kama TV inarusha maluweluwe tu! Mara mojamoja ninapopita pale huwa wanaomba niwatafsirie taarifa za BBC na Aljazeera.
Wiki yote hii TV ya Mangi inaonyesha maandamano ya wazungu. Masela kila wakigeuka, wakipindua, wakirudi wanakuta maandamano yanaendelea! Tayari wameshaelewa sababu ya maandamano, kuna mtu alishawahadithia kuwa askari wa kizungu alimkaba mswahili kwa goti mpaka akamuua. Wenyewe wanaiita “Roba ya goti”
Nilipofika Rais Trump alikuwa anaongea, masela wakaniuliza anasemaje, nikawaambia Rais anasema anasikitika sana. Halafu akaoneshwa Jacob Frey anaongea na waandishi, msela mmoja akauliza
“Na huyo nani?” Nikawaambia . Nikafafanua zaidi, “yaani kama Makonda wa mkoa tukio lilikotokea”.
“Ehe anasemaje?”, msela mwingine mwenye shauku akauliza. Nikawaambia anasikitika na anaomba na kusihi huyu askari ashtakiwe! Nikaona masela wanatazamana halafu wanatingisha vichwa, mimi nikadhani wanasikitika kutokana na ule unyama.
Halafu ikaoneshwa picha ya wanajeshi wamepiga magoti mbele ya waandamanaji. Msela wa mwanzo akauliza,
“Siyo wajeda wale?”.
Nikamwambia, “Naam, wanajeshi wale!”
“Wanasali?”, akaongeza.
Nikamwambia hapana, walikuwa wanaomba msamaha kwa waandamanaji kwa kitendo alichofanya mwenzao. Mara nikaona Masela wanasimama mmoja baada ya mwingine na kuondoka. Nikawauliza,
“Vipi, mbona mnaondoka na taarifa haijaisha?”
Msela mmoja akanijibu huku akiondoka, “Acha fix! Tumekushtukia unatulisha matango pori!”
Credit: James Gayo "Kingo"
Tangu Corona iingie wanaona kama TV inarusha maluweluwe tu! Mara mojamoja ninapopita pale huwa wanaomba niwatafsirie taarifa za BBC na Aljazeera.
Wiki yote hii TV ya Mangi inaonyesha maandamano ya wazungu. Masela kila wakigeuka, wakipindua, wakirudi wanakuta maandamano yanaendelea! Tayari wameshaelewa sababu ya maandamano, kuna mtu alishawahadithia kuwa askari wa kizungu alimkaba mswahili kwa goti mpaka akamuua. Wenyewe wanaiita “Roba ya goti”
Nilipofika Rais Trump alikuwa anaongea, masela wakaniuliza anasemaje, nikawaambia Rais anasema anasikitika sana. Halafu akaoneshwa Jacob Frey anaongea na waandishi, msela mmoja akauliza
“Na huyo nani?” Nikawaambia . Nikafafanua zaidi, “yaani kama Makonda wa mkoa tukio lilikotokea”.
“Ehe anasemaje?”, msela mwingine mwenye shauku akauliza. Nikawaambia anasikitika na anaomba na kusihi huyu askari ashtakiwe! Nikaona masela wanatazamana halafu wanatingisha vichwa, mimi nikadhani wanasikitika kutokana na ule unyama.
Halafu ikaoneshwa picha ya wanajeshi wamepiga magoti mbele ya waandamanaji. Msela wa mwanzo akauliza,
“Siyo wajeda wale?”.
Nikamwambia, “Naam, wanajeshi wale!”
“Wanasali?”, akaongeza.
Nikamwambia hapana, walikuwa wanaomba msamaha kwa waandamanaji kwa kitendo alichofanya mwenzao. Mara nikaona Masela wanasimama mmoja baada ya mwingine na kuondoka. Nikawauliza,
“Vipi, mbona mnaondoka na taarifa haijaisha?”
Msela mmoja akanijibu huku akiondoka, “Acha fix! Tumekushtukia unatulisha matango pori!”
Credit: James Gayo "Kingo"
