Babu Lao
JF-Expert Member
- Nov 2, 2010
- 2,042
- 180
Kati ya barabara ambazo zimefanyiwa uchunguzi huo ni pamoja na barabara ya Mandela inayoendelea kukarabatiwa ambapo imegundulika kuwa barabara ya watembea kwa miguu maeneo ya Kituo cha Gereji kata ya Makuburi imegeuzwa kuwa gereji na maegesho ya magari makubwa.
Cha kushangaza zaidi ni kwamba maegesho na gereji hizo zipo mbele ya Ofisi za Wakala wa Barabara nchini Mkoa wa Dar es Salaam (TANROADS) zilizopo katika Barabara ya Mandela.
Imebainika kuwa wenye magari makubwa ndiyo wanaovunja sheria za barabarani katika eneo hilo na kugeuza kuwa maegesho na gereji bubu.
Dar Leo limeshuhudia mara kadhaa magari makubwa yakiwa yamejipanga katika barabara hiyo kwa muda mrefu huku mengine yakiwa kwenye matengenezo.
Mmoja wa mafundi waliokutwa na gazeti hili akitengeneza gari katika eneo hilo aliyejitaja kwa jina la Abadala Saidi alisema hawana maeneo ya kufanyia kazi hiyo na kwa kuwa wanatafuta riziki wameamua kutumia eneo hilo.
Kwa sababu tuna njaa tumeamua kufanya hivi kama unavyotuona. Tumesoma lakini bado ni masikini hatuwezi kukodi gereji za kutengenezea magari makubwa kama haya,akasema Saidi.
Akizungumza na Dar Leo jana, Mwenyekiti wa Serikali ya Mtaa wa Mwongozo zilipo gereji na maegesho hayo, James Ngoitanile, amekiri kuwapo kwa tatizo hilo na kudai kuwa madereva hasa wa magari makubwa ndiyo waliogeuza barabara ya watembea kwa miguu kuwa maegesho na gereji bubu katika eneo hilo.
Nimeliona hilo na mara kadhaa nimeweza kuwafukuza na kuweka kalipio kali, lakini naona tabia hii inazidi kukua siku hadi siku, kitu ambacho kianweza kusababisha madhara kwa watembea kwa miguu kwa kuwa wanalazimika kupita kwa shida, amesema Ngoitanile.
Ngoitanile amewataka wenye magari hayo au wenye tabia ya kutumia barabara kama maegesho kuacha tabia hiyo mara moja na kwamba kwa sasa anaandaa mkakati maalumu wa kuwakamata na kuwachukulia hatua za kisheria.
Cha kushangaza zaidi ni kwamba maegesho na gereji hizo zipo mbele ya Ofisi za Wakala wa Barabara nchini Mkoa wa Dar es Salaam (TANROADS) zilizopo katika Barabara ya Mandela.
Imebainika kuwa wenye magari makubwa ndiyo wanaovunja sheria za barabarani katika eneo hilo na kugeuza kuwa maegesho na gereji bubu.
Dar Leo limeshuhudia mara kadhaa magari makubwa yakiwa yamejipanga katika barabara hiyo kwa muda mrefu huku mengine yakiwa kwenye matengenezo.
Mmoja wa mafundi waliokutwa na gazeti hili akitengeneza gari katika eneo hilo aliyejitaja kwa jina la Abadala Saidi alisema hawana maeneo ya kufanyia kazi hiyo na kwa kuwa wanatafuta riziki wameamua kutumia eneo hilo.
Kwa sababu tuna njaa tumeamua kufanya hivi kama unavyotuona. Tumesoma lakini bado ni masikini hatuwezi kukodi gereji za kutengenezea magari makubwa kama haya,akasema Saidi.
Akizungumza na Dar Leo jana, Mwenyekiti wa Serikali ya Mtaa wa Mwongozo zilipo gereji na maegesho hayo, James Ngoitanile, amekiri kuwapo kwa tatizo hilo na kudai kuwa madereva hasa wa magari makubwa ndiyo waliogeuza barabara ya watembea kwa miguu kuwa maegesho na gereji bubu katika eneo hilo.
Nimeliona hilo na mara kadhaa nimeweza kuwafukuza na kuweka kalipio kali, lakini naona tabia hii inazidi kukua siku hadi siku, kitu ambacho kianweza kusababisha madhara kwa watembea kwa miguu kwa kuwa wanalazimika kupita kwa shida, amesema Ngoitanile.
Ngoitanile amewataka wenye magari hayo au wenye tabia ya kutumia barabara kama maegesho kuacha tabia hiyo mara moja na kwamba kwa sasa anaandaa mkakati maalumu wa kuwakamata na kuwachukulia hatua za kisheria.
