Kwanini rambirambi igeuzwe chanzo cha mapato ya serikali badala ya kodi??

[sammosses]

Ni hatari sana majanga,misiba na kila aina ya ajali inapotokea inakuwa neema kwa upande fulani. Sitaki kuamini kufa kufaana lakini sasa nimeanza kuamini kutokana na uhalisia uliopo. Lilipotokea tetemeko la ardhi,maafa makubwa yaliwakumba ndugu zetu wa Kagera,wengine kuondokewa na wapendwa wao ikiwa pamoja na kupoteza rasilimali mali. Serikali iliweka utaratibu wa kukusanya pesa kwa ajili ya maafa hayo,kama rambirambi ya kuwafidia waliokumbwa na adha hiyo.

Lengo la serikali halikuwa baya,ila matendo yaliyofanywa na serikali kupitia mfuko wa maafa yalikuwa kinyume kabisa na makusudi yaliyotegemewa na wachangaji. Fedha zile hazikuwafikia wahanga ila zilingia serikalini na mpaka leo hatujui nini hatima ya michango ile ya wasamaria wema kwa ndugu zao.

Kilichotokea Kagera kwangu niliamini serikali ilijikwaa nakujikuta ikitumia fedha za wananchi waliowasaidia ndugu zao kujikwamua kwenye lindi la matatizo yaliyowakumba. Pamoja na kejeli za watawala kwa waathirika hao,serikali ilijiwekea kinga kuzuia michango ile isiwafikie walengo kwa kauli mbiu yao kuwa,serikali haikuleta tetemeko la ardhi kwenye ardhi ya viumbe wale. Kwa mantiki hiyo basi viumbe wale waliishia kulalamika dhuluma waliofanyiwa na serikali yao.

Kule Kagera tunaweza kusema kuwa serikali haikujuwa kuwa kula pesa za wahanga ni kosa ukizingatia ugeni wa serikali ya Magu ndiyo kwanza ilikuwa ina mwaka mmoja toka kusimikwa kwake, japokuwa angeweza kuomba msaada toka kwa serikali ya CCM ambayo ilikwisha tolewa madarakani kuhusu uzoefu wa matumizi ya pesa za majanga humlenga nani hasa kati ya serikali na wahanga.

Hili janga la Arusha limeniibua kifikra na kuamini kuwa jasiri kumbe huwa haachi asili yake, japo kuna tofauti kidogo angalau safari hii wahanga wa tukio la ajali lililosabaisha kupoteza makumi ya watoto wetu waliambulia kidogo kifuta machozi,lakini serikali iliendeleza kupanga matumizi ya shughuli ,angalau safari hii tulijuwa hesabu ya matumizi iliyotolewa na mtawala jasiri wa Arusha bwana Gambo.

Kilichotushtua wengi pamoja na serikali kuhodhi shughuli nzima ya mazishi,kitendo cha fedha za rambirambi kupelekwa kwenye mfuko wa maendeleo kwa ajili ya ukarabati wa hospitali ya Mount Meru,kuimeibua sintofahamu ya kutaka kujua nini adhima ya serikali kwa wananchi wake ikiwa majanga nayo ni chanzo cha mapato.

Sintofahamu iliyotuacha midomo wazi huenda ndiyo chachu ya kuwakamata meya wa jiji la Arusha na jopo lake walipokwenda kuhani msiba kwa wana familia wa st Lucky na kutoa ubani wao,kumbe siku hizi kutoa rambirambi kwa wafiwa bila kupata kibari cha mkuu wa mkoa ni kuhujumu mapato ya serikali?

Ikiwa majanga yatahesabika Kama sehemu ya chanzo cha mapato tutegemee nini kama taifa, yaani kwanza tufe michango ikipatikana ndiyo tufanyie utekelezaji wa bajeti za maendeleo!!!

Kwa staili ya maafa kuwa chanzo cha mapato ya serikali,Watanzania twafaa usalama wetu upo mashakani!!!!

 

[MKWEPA KODI]

Mkuu hawataacha kula hela ya rambirambi, kinachotakiwa ni sisi wananchi kupeleka michango yetu moja kwa moja kwa waathirika, tatizo ninaloliona ni jinsi ya kuwapelekea wahusika wote kwa wakati mmoja ndiyo hapo umuhimu wa viongozi unatakiwa ili kuorganise wahusika wafike kwa pamoja ili wananchi tutoe michango yetu moja kwa moja kwa walengwa

 

[jingalao]

mwambie lowassa apeleke mahindi aliyoahidi kagera

 

[sammosses]

Aipele

mwambie lowassa apeleke mahindi aliyoahidi kagera

Aipelekee serikali au ampelekee nani,ikiwa tu kupeleka rambirambi ni kosa sembuse mahindi,yakiuzwa je

 

[jingalao]

Aipele

Aipelekee serikali au ampelekee nani,ikiwa tu kupeleka rambirambi ni kosa sembuse mahindi,yakiuzwa je

Kwani anayetakiwa kukusanya rambirambi katika majanga ni nani?

 

[Bazilio]

Jingalao zama hizi vifo na majanga watu wamegeuza mtaji wa kisiasa kujipatia umaarufu zaidi

 

[sammosses]

Kama rambirambi zinafanyiwa shughuli nyingine pesa za bajeti zinapelekwa wapi? Substation mpk kwenye pesa!

 

[Mndali ndanyelakakomu]

Tanzania ima watu wa ajabu hasa arusha mmoja amekula rambirambi mwingie analilia maiki msibani

 

[kiogwe]

mwambie lowassa apeleke mahindi aliyoahidi kagera

Na Magufuri arudishe michango ya bukoba

 

[sammosses]

Kama msiba unageuzwa chanzo cha mapato nini msingi mkuu wa serikali?

 

[SAGAI GALGANO]

Wanatafuta hela ya kampeni 2020

 

[Noel Shao]

JE, RAMBIRAMBI NI CHANZO CHA MAPATO SERIKALINI??

By, Noel C Shao.

Kwa kweli nimekwazika sana na namna michango ya rambirambi huko arusha inavyo tumika.

Nadhani serikali wakati mwingine hufanya kusudi ili kutafuta watu waseme ili wawachukulie sheria na kuwaita wachochezi. Nasema huu ni "upuuzi" Tena upuuzi wa kiwango cha kuu kabisa. Narudia tena ni upuuzi.

Watanzania siku zote wamekuwa ni watu wa namna ya kipekee mno hasa katka masuala ya majanga, vifo, na maradhi. Hujitoa kwa lengo la kutiana moyo, furaha na faraja. Hujitwishwa uhusika wa maisha ya wenye matatizo. Huu umekuwa ndio utamaduni wetu toka enzi misingi ya nchi inawekwa.

Sasa inapo fika wakati watu wamechanga fedha kwa ajili ya kusaidia watu wenye shida. Then serikali inatumia mwaya huo kuchepua fedha hizo, hapa ndipo tunapo pata tafsiri ya "utapeli"

Nasema ni utapeli kwa kuwa, Sikuwahi ona michango ya rambirambi kama chanzo cha mapato serikali?

Sikuwahi soma popote kuwa michango ya majanga haitapelekwa kwa wahusika bali itapelekwa katika miradi ya maendeleo.!

Aidha, sielewi kama serikali inajua wajibu wake, hivi suala la kukarabati miundo mbinu ni jukumu lilo chini ya nani?
Si, kupitia kodi, na fine mbalimbali ndipo serikali hupata fedha kwa ajili ya kutengeneza miundo mbinu kama mashule, barabara, hospitali n.k sas hili la kuchukua fedha za michango ya majanga na kupeleka katka miradi ya maendeleo linatoa tafsiri gani?

Kama serikali iliona haina pesa za kutosha kwa ajili ya maendeleo hasa miundo mbinu, njia bora ilikuwa ni kupeleka hati ya dharura bungeni, waombe kupitishwa fedha kwa ajili ya kile wanacho dhani ni sahihi kwao. lla si kwa njia hizi za kukatisha denge kwa michango ya rambirambi.

Kadhalika, nilisikitishwa na kitendo alicho Fanya Gambo kuwakamata waandishi na Mayor wa jiji LA arusha kwa kile alicho dai, walipeleka michango moja kwa moja kwa wahusika.

Hii alitoa ishara gani, Gambo si msikivu, anadharau mamlaka iliyo mteuwa.
Ikumbukwe katik tetemeko la ardhi huko bukoba Raisi Magufulii aliwataka watu walio guswa na jambo lile wapande gari na kupeleka michango yao moja kwa moja kwa wahusika.

Maana yake ni kuwa hata arusha hatukupaswa kuchang fedha na kuikabidhi serikali (chadema hapa walisha shutuka) ila njia bora ilikuwa kuwafikishia moja kwa moja wa husika. Ila tukaona njia hii ina changamoto zake. Looh! michango ikapita katika kinywa cha mbwa mwizi mwenye watoto.()

Haya maamuzi yana tafsiri mbili.

1. Serikali inaweza kuwa inaomba majanga yatokee, ili izidi kuzipigia dili fedha za michango. Wana furaha kutafutana pesa za majanga. Huu ni ukatili. Wakati mwingine wanaweza panga sabotage Fulani wakijua watatengeneza pesa.

2. Itafika nyakati watanzania hawata changa kabisa linapo tokea jambo linalo hitaji msaada.

Nini kifanyike.

1. Serikali ya Ccm wamesha kosa fikra mpya, wabadilike waendane na nyakati mpya. Kizazi hichi si kile cha miaka ya nyuma. Kitendo chao cha kutosoma alama nyakati, anguko lao likifika, hawata simama tena.

2. Viongozi wa dini waunde kamati kwa ajili ya maafa. Kamati hii iwe na viongozi vya dini zote,. Na iwe ni ceremonial committee, yaani siyo iliyo katika mfumo rasmi ( wasije nao anza kudai posho)

3. Watanzania hawa ombi majanga ila likitokea itakuwa ni mzigo wa serikali. Hapa serikali irudi ipige magoti kwa wananchi, na nyumba mbalimbali za ibada.

4. Rambirambi ni sadaka ya machozi, nadhani pamoja na nchi kukabiliwa na laana, naona bado viongozi wetu wanazidi kulazimisha laana. Kuna wanasheria wengi mno, nadhani wanaweza intervene hili jambo ili haki ionekane imetendeka.

#Nb.
FISIEM ( CCM) imechoka, hakina wazo, wamebaki wapiga dili, matapeli, hujuma na makandokando yote maovu.

[HASHTAG]#CcmMustFall[/HASHTAG].

Noel C Shao.

 

[Bome-e]

Subiri wale team dodoki wapite hapa

 

[Mnyirani]

Itokee ajari nyingine huku kahama tujengewe hospitali.watz acheni kuishi kwa mazoea ,rambirambi ya bukoba tulikarabati shule ya ccm ,na hii tunajenga hospitali,ccm sisi tuna akili sana

 

[ndayilagije]

Hakuna sadaka inayoitwa ya machozi kwanza, hakuna fedha inayoweza kulipa uhai wa mtu pili, msiba siyo namna iliyowekwa kupata utajiri tatu,na mwisho kama umeguswa sana mpelekee mfiwa pesa yako moja kwa moja tena kwa siri kama sadaka inavyotaka,otherwise hata serikali ni mfiwa tu kwani sote ni wa serikali. Huamini?ua mwanao uone watakavyokuchukua juu kwa juu.

 

[Francis12]

KWANINI RAMBIRAMBI KUGEUZWA CHANZO CHA MAPATO YA SERIKALI, NA SIO KODI?

Nimepokea kwa masikitiko taarifa kwamba fedha zilizochangwa kama rambirambi na wasamaria wema, serikali ya CCM mkoani Arusha kwa maamuzi ya Mrisho Gambo, wameamua kuzielekeza katika ukarabati wa hospitali ya mount Meru.

Wananchi sasa tujiulize kwa pamoja na kwa sauti za juu; KODI ZETU ZINAKWENDA WAPI? ZINATUMIKAJE?

Imefikia hatua michango ya rambirambi kwa wafiwa imegeuzwa kuwa chanzo cha mapato kwa serikali ya CCM inayoongozwa na Magufuli, hii tafsiri yake ni kuwa Serikali hii inanufaika kwa vifo vya wananchi.

Ajabu ni kwamba wakati wa kampeni zijazo, bado viongozi hawa hawa wa serikali hii watakapokuja kuomba kura watajinadi kwa kujisifu kwamba wameikarabati hospitali ya Mt. Meru, ukarabati uliyofanyika kwa fedha za wafiwa

Bila aibu, siku ya kuwaaga marehemu mlitumia zaidi ya Milioni 4 kwaajili ya kula chakula cha kifahari, kwanini?

 

[runna]

Only in Tanzania kwenye Kila issue kubwa ya Kitaifa lazima blunder litokee...

 

[umerogwa wewe]

Awamu hii ngumu

 

[Waterloo]

Hali ngumu .kodi kukusanya bila kuwa na Mipango ya kiuchumi ni wendawazimu.biashara zimekufa serikali inategemea wafanyakazi na misiba kwa sasa. Tutegemee a total state collapse kwa siku za usoni.

 

[Alfa Bon]

Utashangaa hata michango ya harusi itafanyiwa hivyo hivyo