Kwanini kila niliempenda sidumu nae??

[cejo]

Wakuu leo nataka nijuwe hii ipo kwangu tu au hata kwa watu wengine.
Kuna ex-zangu 3 hawa ndio niliowahi kuwapenda kikweli kwenye maisha yangu na kuomba siku moja ndio awe mke wa maisha yangu.

1 Huyu wa kwanza ndie nilikuwa nampenda hatari sikuweza kumkosa hata kidogo. Tulianza kuwa wapenzi tokea shule wakati wote tupo pamoja, ilifikia rafiki zangu kuanza kumchukia huyu mdada kwasababu sikuwa nao kama ilivyokuwa zamani. Lakini mwisho niliondoka nchini na kwenda kusoma nchi nyengine hapa kuna rafiki yangu ndipo akafanya kutugombanisha na kuachana.

2 Wapili huyu aliweza kuzifuta hisia zote za yule wa mwanzo sikuwa hata namkumbuka tena yule wa mwanzo. Tulikuwa tukiongea masaa mengi tu kwenye simu, kwani yeye anakaa mkoa tofauti na mimi lakini ikitokea kukutana huwa tupo wenye furaha na kukumbatiana wakati wote. Nilimpenda sana huyu kwa kweli hadi kuna siku nilikuwa safarini nikiongea nae na simu ilikwisha charge na kuomba kutumia simu ya rafiki yangu. Nikiwa na dial namba ya huyu mwanamke wangu na kupress talk likaja jina lake kwenye cm ya huyu rafiki yangu. Nilishangaa sana na ndipo nikamuuliza kama anamjua huyu rafiki yangu? Kwakweli alikataa lakini nikamuuliza ilifikaje namba yako kwa huyu rafiki yangu? Hapo nilikata simu na kumuuliza huyu rafiki yangu ndipo akasema huyo mbona alikuwa mwanamke wake na aliachana nae baada ya kujua kama ana wanaume wengi tu anaongea nao. Nami ndio ulikuwa mwisho wangu nae

3 Hapa niwe mkweli nilimpenda zaidi ya wale wa mwanzo huyu alikuwa kama copy yangu, Yaani huyu kama moyo wangu ulikuwa ndio copy yake. Tuliendana sana mpaka rafiki zangu wote walimpenda hakuna hata mmoja alieonesha kumchukia. Kila wakati tulikuwa tupo pamoja ilifikia mpaka wazee wake wote wananijua na upande wangu pia wanamjua. Mama yake alifikia kuniuliza lini tutaowana na nilikuwa natamani niowane nae kwani huyu alikuwa ndio amani ya moyo wangu. Sikuweza kufikiria wale ex-zangu wala maumivu yaliopita hadi siku moja aliponiambia anataka kuongea namimi. Tukiwa tumekaa ufukweni mwa bahari upepo muruwa na akaanza kuongea kwa upole sana na nikiangalia usoni mwake jinsi alivyo pendeza lakini akiwa na huzuni ya mbali. Nikiwa namsikiliza alianza kwa kusema hakika mimi ndio tulizo la moyo wake na angependelea mimi niwe ndio mume wake wa maishani. Hajawahi kuijua furaha maishani mwake mpaka alipokutana na mimi ndio niliemfanya kujua furaha ya mapenzi. Lakini alikuwa na mpenzi kabla yangu mimi na alikuwa akimpenda sana zaidi yangu. Huyu mpenzi wake alikwenda ulaya kusoma na amerudi na anataka amtolee posa, kwahio hajui amchaguwe yupi kati yetu. Niliposikia maneno yale moyo ulipiga kwa nguvu sana lakini nilijikaza kiume na kumuuliza kwahio bado unampenda huyo jamaa?. Akasema ndio lakini nakupenda na wewe pia ndio nipo njia panda sijui nimchaguwe yupi kati yenu. Sikuwa nataka tena kuendelea kuongea nae nilimwambia twende zetu tutaongea kesho. Nilimrudisha kwao na usiku ule nilimblock kila kona ya mawasiliano yetu mpaka hii leo sijui lolote lake.

Ex-zangu hao watatu waliweza kuniachia na majaraha matatu Pombe,Uzinifu na Kutoamini upendo wa kweli. Lakini nimebaki kujiuliza jee hawa ninaotembea nao sasa Majeraha gani ninawaachia?

we shida ya kupenda au kupendana huna, sasa ukitaka kujua kwann mna achana basi ushafundishwa kwa mifano yako mwenyewe kua mapenzi mazito pekee hayatunzi mahusiano. ili uweze kudumu na mtu lazma kuwe na vitu vingine vya kuubeba uhusiano.. mfano mna maono gani pamoja?

 

[Aragorn son of Arathorn]

Mimi nina mchepuko mmoja tuna miaka mitatu na mwingine Mwaka mmoja, njia kuu nipo nayo miaka mingi tu, sijui kuacha