Kwa matukio haya mawili ni wazi kua Serikali ya CCM haina huruma na Wananchi wake

[MAHANJU]

1.ASKARI WA WANYAMA PORI KUFYEKA MAHINDI YA WANANCHI HUKO MBOZI.


Huu ni uonevu wa hali ya juu ambao hauwezi kuvumiliwa hata kidogo, hivi serikali hauwezi kufikiri kua Wananchi wakulima wa mahindi wa MBOZI ndio mahindi yao pia yamejaza Ghala la akiba ya chakula kwenye hifafhi ya chakula ya taifa?Ni nani aliyewatuma askari hao kwenda kufyeka mahindi ya wa Wananchi ambayo yalikua tayari yamekwisha stawi vizuri? Kwa unyama huu ni nani atakayesema kua Serikali ina nia njema na Wananchi wake? Kufyeka mahekari ya mahindi ambayo Wananchi wanahangaika pembejeo kwa nguvu zao wenyewe ni kuwasaidia au kuwafanyia unyama?

Kama hawakua sahihi kulima katika maeneo hayo hao askari walikua wapi wakati wanapanda mahindi hayo? Huu unyama una baraka za nani?
Nilishawahi kunena kuna watendaji watamhujumu Rais Magufuli na hawa ndio mfano wake, sidhani kokote alipo Mh Rais kama amefurahishwa na kitendo hicho!
Njia pekee ya kuwasaidia wanyonge hao ilikua tusubiri tu wavume mahindi yao na halafu baadaye kutumia utaratibu wa kisheria kuwazuia kuendelea kulima.


2.BOMoABOMOA MKOANI DAR.

Hili nalo ni janga lisilofaa linalofanywa kwa Mabavu bila kufuata taratibu za kisheria, mtu unajiuliza hivi ni kwanini serikali ina hasira na Wananchi kiasi hichi? Wameifanyia nini serikali?
Inawezekanaje unamvunjia mtu nyumba yake huku hukumlipa fidia ya kumhamishia,kiwananja unakompeleka hujampa na vielelezo vyote anavyo. Kama mtu anavyo vielelezo vyote vyenye ushahidi wa kutosha unambomolea nyumba yake kwanini tusiite kua huu ni uonevu?
Amesikika Kaimu mkuu wa mkoa wa DSM akisema kwa wale ambao wamebomolewa na hawakulipwa fidia au stahiki zao watafidiwa, hivi kabla hawajaenda kubomoa walishindwa nini kufanya uhakiki ili kujiridhisha kabla hawajabomoa? Watawahifadhi wapi wale ambao kwa sasa hawana makazi?

Hii kauli mbiu ya "hapa kazi tu" inatumiwa vibaya sana watendaji mizigo wa serikali waliozoea kuonea wanyonge pasipo kufuata taratibu za kisheria.
Sidhani kwamba kauli mbiu ya Mh Rais ya "HAPA KAZI" ilikua na maana ya kuanzisha uonevu kwa wanyonge wasiokua na watetezi badala ya kuwasaidia.

Kwa haya matukio mawili ni rai yangu kua wahusika wachukuliwe hatua za kinidhamu, Taasisi za haki za binadamu ambazo naona kama zimelala zifanye kazi zake za kuwatetea wanyonge badala ya kutumia migongo yao kujinufaisha wao binafsi.

 

[fakenology]

Hii ndio inaitwa anza wewe, Mimi nitamaliza cha msingi tusielewane vibaya!
Wananchi wenzangu tujifunze kuishi kwa mujibu wa sheria! Itatupunguzia loss zisizo na msingi

 

[Lj Mwambar]

huna akili ww. iyo ndo dawa ya watu wanaojifanya hawafati maelekezo ya serikali .hakuna kuhurumiana

 

[Deo Corleone]

Nikanyage bahati mbaya
Nikuumize makusudi.

 

[MAHANJU]

huna akili ww. iyo ndo dawa ya watu wanaojifanya hawafati maelekezo ya serikali .hakuna kuhurumiana

Wewe ni mjinga na wa kupuuza! Hivi unwaambia nini wale waliobomolewa nyumba zao na nyaraka zote wanazo? hawakulipwa fidia, Viwanja hawakupewa na hata pakwenda hawakuoneshwa?
Usivimbe kichwa kwa kitu usichokijua.

 

[Chakaza]

Wewe ni mjinga na wa kupuuza! Hivi unwaambia nini wale waliobomolewa nyumba zao na nyaraka zote wanazo? hawakulipwa fidia, Viwanja hawakupewa na hata pakwenda hawakuoneshwa?
Usivimbe kichwa kwa kitu usichokijua.

Achana na mtu anayeandika kwanza na kufikiri baadae. Kuna watu wanateseka sana kwa vile tuu watendaji wanafanya yao kinyume na utaratibu wa kisheria na hayo mateso yao hakuna wa kuwafidia

 

[MAHANJU]

Achana na mtu anayeandika kwanza na kufikiri baadae. Kuna watu wanateseka sana kwa vile tuu watendaji wanafanya yao kinyume na utaratibu wa kisheria na hayo mateso yao hakuna wa kuwafidia

Ni kweli mkuu! Katika werevu na wajinga nao wapo.

 

[wakikosi]

Kuhusu bomoabomoa mimi ni ukawa lakini naiunga mkono,lazima watu wahame kule ambako ni njia za maji kama wasipohama siku wa kifa huko kwa kusombwa na mafuriko watu watailaumu serkali kuwa ilishindwa kuwahamisha watu toka maeneo ya mabondeni.
Pia miji yote mizuri duniani imejengwa kwa akili nzuri maeneo ambako hakuna maji au sio mabondeni.Sehemu ambazo kuna miundombinu mizuri ya maji na barabara;hatuwez kuwa na miji mizuri kama watu wataendelea kukaa kama kambale kwenye madimbwi ya maji.
Kuhusu askari wa wanyama pori kufyeka mahindi ya wakulima sio sawa ni jambo la kulaniwa na kila mtanzania

 

[Lj Mwambar]

hapo hananasifu huu ni mwaka wa ngapi wanaambiwa waame.wenye mali washaama wavamizi wamebaki sasa ww ukija jana unataka ulipwe mafao utakua na akili kweli? nazani zibomolowe kabisaa tumalize hilo janga

 

[MAHANJU]

hapo hananasifu huu ni mwaka wa ngapi wanaambiwa waame.wenye mali washaama wavamizi wamebaki sasa ww ukija jana unataka ulipwe mafao utakua na akili kweli? nazani zibomolowe kabisaa tumalize hilo janga

Aisee sijui ni kwanini hutaki kua mwelewa? Huyu mwenye nyaraka zote kua anatakiwa kulipwa fidia na hakulipwa lakini nyumba yake imebomolewa unamwambia nini?

 

[Observe]

kwenye suala la kukata mahindi kwakweli inauma sana tu, hicho ndicho kilikuwa chakula chao na watoto wao sasa unaenda kuyafyeka, je hawa binadamu wenzetu, watanzania wenzetu ni nani atakuja kuwapa chakula ikiwa mazao yao yamefyeka? je hao askari hawana hata chembe ya huruma ndani yao? unafyeka chakula ambacho mwenzako kajilimia ili apte chakula cha watoto wake!!!! kwanini hakukuwa na uvumilivu ukizingatia mahindi ni zao la siku 90 tayari kwa kuvunwa!!

Kubomoa nyumba:

Je hivi tumepata uhuru mwaka huu? au watanzania tulikuwa tunaishi bila serikali tangu tuachane na wakoloni 1961? kama serikali zilikuwepo kwanini hadi watu wajenge nyumba zote hizo eti serikali ilikuwa haijui? Je ni nini maana ya kuwa na serikali za mitaa, diwani, asifa kata, mkurugenzi wa halimashauri/jiji, meya wa manispaa/jiji?

Je ni nini faida ya wakuu wa wilaya na mikoa? je kazi zao ni zipi katika kumhudumia mwananchi? kwanini viongozi wote hawa wa serikali hawakuwasaidia wananchi ili kuwaepushia hasara hii?

Je ni nini kazi ya mafisa ardhi na mipango miji? tangu tupape uhuru miji michache sana ile angalau inaonkana kwa sura pengine mfano ni Arusha na Dodoma. Je hivi mikoa mingine haikuwahi kuwa na maafisa mipango miji?

Ukifka Jiji la Mwanza ndo utashangaaa kabisa jinsi nyumba zilivojengwa mfano mitaa ya mbatini, Igogo,.Mkuyuni, Mkololani, Nyegezi, Butimba, Pasiansi, Kilimahewa, Igoma, Ilemela, Ibanda, Bugarika, Mahina, Kenyatta road, Kabuholo, Nyakabungo, Jiwe kuu, Kigoto, Buhongwa na mingine mingi.

Yaani ukiwa mtawala halafu ukawa na roho ya hitler hata kwa mda wa sekunde moja tu; ni lazima utawatafuta waliowahi kutawala tangu tupate Uhuru kisha kuwanyonga wote kwa kulisababishia Taifa letu hasara kibwa kiasi hiki.

hapa Dar ndo usiseme kabisaaaa!!! na ndo ofisi zote za wizara zote za serikali zipo ikiwemo ya mkuu wa nchi, sasa unashindwa kuamini. Hebu tuwaulize ninyi nyote mliowahi kutawala; mmesifika sana kwa kuenda nchi za Europa, America na zile za mashariki ya mbali; je hamkuwa manona jinsi miji ya nchi hizo ilivyopangwa na nyie mkaiga? Je ni kweli mlishawahi kuzitembelea hizo nchi aulikuwa manaenda kuwatafuta tembo kwenye hifadhi za Taifa halafu baadae mnatudanganya eti mlikuwa ziarani nchi za ng'ambo? Je ni ipi faida mliyoileta hapa nchi kama mfano wa faida wa kuigwa?

Je mtu akisema kuwa wote waliongoza baada ya Nyerere walikuwa mazezeta na punguwani atakuwa amekosea? kiukweli inasikitisha, yaai watu wajijengea vinyumba vyao na baada ya miaka ishilini wakuja kubomolewa utadhani viongozi wa serikali wanatakiwa kupanga miji hawakuwepo. je ni kwanini mtu ajenge unamwangalia tu hadi anamaliza bila kumcjukulia hatua?

yaani ingekuwa kwa wenzetu viongozi wote hisikia na idara ya ardhi wangetafutwa wote waliositaafu na waliko madarakani na hawa ndo wangewajibika vilivyo. but sadly, tunaanza kuwawajibisha waliokoseshwa badala ya kuwajibisha mkoseshaji. Mkoseshaji anaendelea kutembelea mashangingi na wengine kufurahia mafao ya kusitaafu, kweli bado tunasafari ndefu sanaaaa.

Labda sasa Raisi wetu Magufuli aweze kuliona hili na ikiwezekana maeneo ya miji yote nchini kule watu bado hawajajenga kwa wingi yapimwe la sivyo itabidi kila baada ya miaka michache tujiandae kuwa tunawavunjia watu wetu nyumba zao na kufyeka mazao yao tu huku bado tunajinasibu kuwa eti tuna maafisa wa ardhi na mipango miji bila hata kuona faida ya wao kuwepo.

 

[MWEEN]

I am contributing for the first time on the performance of our president, although I have discussed these issues with various people with varied backgrounds.

Natamani sana kuamini kuwa Rais Magufuli ana nia njema kabisa ya kusafisha madudu, ndani ya serikali, vyama na dhamira za Wa-TZ wengi kwa sasa. Kama ilifika mahali, msimamizi analaumiwa na jamii kwa kumfukuza kazi mzembe badala ya mzembe kuaibishwa kwa uzembe wake, Tanzania tulifika mbali sana. Hakuna bosi aliyekuwa na ubavu wa kusimamia haki na utendaji, kwani jamii inawaelewa vibaya wanaosimamia utendaji bora.

Nina wasiwasi sana na kufanikiwa kwa Magufuli. Kwa kuwa wengi wataathirika na utendaji huu mpya, mambo mawili yatamharibia Magufuli (yameshaanza kumharibia, kwa maoni yangu)

1. Incom​petence: Watendaji wengi hawana tena ubunifu wa utendaji. Either kwa kuwa hawana sifa za nyadhifa wanazoshikilia AU wamelemazwa na utendaji dhaifu unaoangalia mkubwa anataka nini au anapenda kitu gani kionekane vipi, japo mkubwa huyo sio mtaalamu wa masuala hayo. Hawa watatenda kazi sio kwa weledi bali kwa kujipendekeza ili waonekane kwa wakubwa (Hii ndiyo ilikuwa sifa ya kupewa vyeo au kutambulika). Tunaona mifano kadhaa ambayo inadhihirisha haya.
   • Wakuu wa mikoa kutoa amri zinazokiuka sheria
   • Wakuu wa wilaya kutumia madaraka yao ya "kidola" vibaya kwa kunyanyasa wafanyakazi (Mtu mzima na familia yake kuadhibiwa mbele ya kadamnasi! ilhali tunaamini hata watoto wasichapwe viboko kwa kuwa tunawadhalilisha)
   • Kufyeka mahindi ya wananchi (Kwa nini wasisubiri wakavuna halafu wakawakataza kulima tena??)
   • Bomoa bomoa isiyoangalia "ubinadamu" (Busara imekosekana ya kuhakikisha watu wanaokoa mali zao, na hata kinachoweza kutumika kujengea mahala pengine!)
   • nk, nk, nk
2. Sabotage (Kumhujumu): Wapo ambao watapenda sana Magufuli ashindwe kwa sababu zao wenyewe. Either kwa kuwa kufanikiwa kwa Magufuli kutaonyesha mapungufu yao kama viongozi, ama yanayofanywa na Magufuli yanaingilia maslahi yao. Pia kundi hilo la kwanza (incompetent) linaweza kutenda matendo yanayomhujumu bila wao kutambua (au pia wakijua wanahmujumu kwa makusudi). Hili linaweza kutendeka kwa njia mbalimbali kama:

• Kutumia watendaji watiifu kwao (walioteuliwa kwa fadhila sio sifa) kuhujumu maagizo ya Magufuli kwa kutafsiri kama kasuku bila kufikiria (Mfano: Kukataza kusafiri nje ya nchi hata kama fedha zinazotumika sio za mlipa kodi, au mpaka kwenye mashirika ambayo kusafiri nje ya nchi ni sehemu ya utendaji wa wa kazi (Watafiti, wakufunzi, nk))
• nk nk

Ili kuepuka haya, napendekeza rais Magufuli afanye haya:

1. Kupima utendaji wa mtu kwa ubunifu chanya (wa kushawishi na sio kushurutisha)
2. Kuchuja watendaji wenye mamlaka nyeti kama wana vigezo stahiki
3. Kuwajibisha wanaoonekana kuhujumu maagizo yako kwa kukosa busara za utekelezaji
4. Raisi na wasaidizi wako wakubwa muepuke kuambatana na waandishi wa habari kwenye ukaguzi nyeti ili wapewe habari zilizochujwa. Hii itapunguza udhalilishaji wa watu wazima wanaotegemewa na familia zao kwa miongozo. Pia itapunguza upotoshaji wa habari au habari zilizotiwa chumvi kwa minajili ya kuuza habari.

Nawasilisha

 

[lubamba]

Binafsi sishabikii wananchi kuumizwa ni hizi operation za utrkelezaji wa matakwa ya sheria.Ss watz ni jeuri ktk kutii sheria ila ni waoga ktk kudai haki zetu.Toka watu wa mabondeni watahadhirishwe juu ya eneo hilo kuwa ni makazi hatarishi ni miaka mingi ils tumeendelea kuwa kaidi sasa serkali makini haiwezi vumilia upuuzi huu halafu ije ingia hasara ya.kupoteza maisha ya watu kwa huruma ya kuwaacha waendelee kuishi mabondeni.
Vile vile kwa hili la kuharibu mazao mimi nina imani setkali ilishatoa maelekezo toka muda mrefu kuhusu hifadhi zake lakini wananchi wameendelea kukaidi kama walivyozoea hawakuamini kwamba kuna sku serkali inaweza kuchukua hatua hizi wanaxoshuhudia sasa.Kupigia mstari upuuzi tunaoufanya watz.kaulize wananchi wa ksl kigoma walivyo nadharau ktk hifadhi ya Kagerankanda. IFIKE SEHEMU WATANZANIA TUWE WASTAARABU KUHESHIMU SHERIA TULIZOJIWEKEA. GO MAGUFULI GO KUOKOA KIZAZI CHA WATZ KINACHOFUATA.

 

[MAHANJU]

Binafsi sishabikii wananchi kuumizwa ni hizi operation za utrkelezaji wa matakwa ya sheria.Ss watz ni jeuri ktk kutii sheria ila ni waoga ktk kudai haki zetu.Toka watu wa mabondeni watahadhirishwe juu ya eneo hilo kuwa ni makazi hatarishi ni miaka mingi ils tumeendelea kuwa kaidi sasa serkali makini haiwezi vumilia upuuzi huu halafu ije ingia hasara ya.kupoteza maisha ya watu kwa huruma ya kuwaacha waendelee kuishi mabondeni.
Vile vile kwa hili la kuharibu mazao mimi nina imani setkali ilishatoa maelekezo toka muda mrefu kuhusu hifadhi zake lakini wananchi wameendelea kukaidi kama walivyozoea hawakuamini kwamba kuna sku serkali inaweza kuchukua hatua hizi wanaxoshuhudia sasa.Kupigia mstari upuuzi tunaoufanya watz.kaulize wananchi wa ksl kigoma walivyo nadharau ktk hifadhi ya Kagerankanda. IFIKE SEHEMU WATANZANIA TUWE WASTAARABU KUHESHIMU SHERIA TULIZOJIWEKEA. GO MAGUFULI GO KUOKOA KIZAZI CHA WATZ KINACHOFUATA.

ABinafsi Mimi kama mleta mada hii jamvini nikuelewa vizuri sana mkuu! Lakini kubali kutofautiana na Mimi kwa kwa jambo moja ambalo Mimi nimelilalamikia sana humu!

Sihabikii wale Wananchi wakaidi ambao wanapuuza maagizo ya serikali! Ninacholalamikia ni kwamba "Mfano huyu mwananchi ambaye alitakiwa kulipwa stahiki zake ili aondoke na hakulipwa hata senti moja na nyaraka zote zenye ushahidi anazo,ni kwanini wabomoaji wamekurupuka kwenda kubomoa bila kufanya uhakiki kwanza kila mtu amepata stahiki kisha wabomoe! Kiingine ni kwanini hawa wengine wanajenga wanaangaliwa tu mpaka wanamaliza? kuna muda serikali unakua usingizini? Muda mzuri wa kutumia nguvu ni pale mtu anapoonesha jeuri kujenga eneo lililokatazwa tena ikiwezekana hata kuchapwa viboko!

Kwa suala la mahindi kufyejwa nako sishabikii hata kidogo kwa Wananchi kuingilia hifadhi na kulima,hao na wanatakiwa kutandikwa viboko! Lakini kwa upande wa pili wale waliowatuma askari kufyeka mahindi wakati wanapanda na kuandaa mashamba walikua wapi? Hapa walitakiwa waache wavune halafu wachukue hatu stahiki!Busara kidogo ilitakiwa itumike.

Jamani juu ya hili tuwe wakweli ni kwamba kuna watu joto hili la Magufuli linawapa baadhi ya watendaji wa serikali tabu sana na hicho ndio chanzo cha hayo yote.

 

[Observe]

Unaongelea jambo usilolijua ndugu pole sana; mda wote wakurugenzi, maafisa ardhi, wakuu wa mikoa na wilaya, weo na veo, pamoja na wenyeviti wa vijiji na mitaa. Swali: je lundo la viongozo woooooote hao hawakuona mapema huo ujenzi na kuuzuia? hou ndo ulikuwa wakati wa kutumia matingatinga kukomesha ujenzi kabla hata nyumba tano hazijamalizika kwakuwa ndo kazi za maafisa ardhi na mipango miji kuhakikisha ujenzi holela na kwenye maeneo yasiyotakiwa haufanyiki; je unataka kutuambia kuwa utawala ni kuwavizia wanachi na kisha kuwaadabisha baada ya miaka ishirini ijayo?

Kwenye kujadili juu ya hili mimeuliza maswali ya msingi sana nikitafuta maana ya kuwa na utitiri wa viongozi wengi kiasi hiki tena ni uongozi ambao unaishi na kufanya kazi zake maeneo hayohayo yanayoonekana eti ni ya mabonde. Jamani hebu kwa pamoja tukubali tu kwamba miaka yote tangu Mwl. Nyerere asitaafu nchi yetu haikuwa na viongozi wanaojitambua na kutambua fika majukumu yao.

Siyo Dar peke yake hii hali insumbua miji na majiji yote kote nchini. Sasa itabidi bomoabomoa isambae kila wilaya na mkoa kwakuwa hata huko bado watu walijenga mabondeni tena nyumba zao zikapewa na namba na kwa mda wote zinaripiwa kodi serikalini na tena zimefngiwa na umeme. Sasa kwanini serikali kwa mda wote huo ilikubali kuzipa huduma hizi nyumba? leo eti zimejengwa maeneo yasiyoruusiwa!!!!

Kwahili tunafanana na dereva wa basi anayeamua kuacha njia kwa makusudi na kuingiza gari porini kisha kugonga miti nabadaae kuanza kuwalaumu abiria wake eti kwanini hawakumkumbusha seria za barabarani.

ktk mjadla wangu nimetolea mfano wa majiji yetu mawili tu Dar na Mza; pale mabatini mwanza kila mwaka watu wanaenda na maji ya mto mirongo tena ni barabarani kabisa kiasi kwamba maafisa ardhi na mipango miji hawawezi kujitetea kwamba eti hawakuona pindi watu wanajenga, leo hii mto ukijaa hata magari huwa hayapiti mpaka maji yatakapopungua, je hata wajenzi wa barabara nao hawakuuona huu mto? kwanini waliweka daraja lisiloendana na mto huu hadi maji ya overflow na kuzuia magari pia kusomba vifaa vya watu?

Je hivi hapa msimbazi hakunaga watendaji wa kata kiasi kwamba mpaka watu wajenge nyumba zote hizo eti bila kuwaona na kuwazuia kabla? au wangetoa ripoti kwa watu wa ardhi au kwa mkurugenzi, mkuu wa wilaya au mkoa?

Ndo maana mie nikasema ilitakiwa kuwatafuta wakurugenzi wote, makatibu kata wote wakiwemo na wakuu wa mkoa na wilaya wa maeneo husika waliostaafu na waliobkazi bado na wao ndo wangekuwa wa kwanza kuwajishwa kikamilifu kabla ya wananchi kwakuwa wao ndo walioshindwa kuisimamia sheria.

Siyo kuwalaumu wanchi eti walivamia maeneo kinyume cha sheri. Tunaongozwa na sheria ndiyo, na ndiyo maana serikali ikateuwa watu watakao zisimamia hizo sheria, kama utalazimisha eti watu wote tuzifuate sheria pasina msimamizi, sasa ni dhahiri kuwa tumefikia kiwango cha kutohitaji tena sherikali itakayotusaidia kuzifuata hizo sheria, kazi ya sherikali ni kusimamia na kuhakikisha sheria zinafuatwa. Sasa ukiwa na sherikali isiyojua kudimamia sheria bali inawasubiri wananchi wakiuke hizo sheria halafu ikawafunge jela, bila shaka sherikali itasababisha maafa makubwa sana kwa raia wake kama tunayoyaona haya- serikali zilizopita zilikuwa za kipuuuzi kwelikweli. kazi ilikuwa ni kuzurura zurura tu mitaa ya London na Washingtoni huku ikiwa haijui whether wananchi wafuata sheria au laa ili mladi wanaichagua tu. Hauwezi kwenda fyeka mahindi ya wanakijiji nawewe ndo sherikali, ilikuwa ni kuwaavumilia tu kwa mda ili wakivuna ndo hapo sasa upeleke askari kuzuia wasijelima tena eneo hilo.

Tuchangie kwa kukubali kwamba hatukuwa na sherikali tangu Mwl. Nyerere asitasfu. Sasa pengine Mungu ametukumbuka kutuletea Rais Magufuli.

 

[Ngorunde]

Aisee sijui ni kwanini hutaki kua mwelewa? Huyu mwenye nyaraka zote kua anatakiwa kulipwa fidia na hakulipwa lakini nyumba yake imebomolewa unamwambia nini?

Mvua za mafuriko zikija uzionyeshe nyaraka pia! Mkishaanza kuzidiwa na mafuriko mnaanza kuilalamikia serikali.

 

[Cicadulina]

hapo hananasifu huu ni mwaka wa ngapi wanaambiwa waame.wenye mali washaama wavamizi wamebaki sasa ww ukija jana unataka ulipwe mafao utakua na akili kweli? nazani zibomolowe kabisaa tumalize hilo janga

Ukwel kabisa hawa wana viwanja mwandepande walipewa wakarud tena hananasif. Wacha waisome namba.

 

[GUGA II]

Malez mabaya ya serikali zilizopita ndio yanawafanya watu tuone tunaonewa kumbe tilivunja sheria kwa muda mrefu sanaaa so kinachotokea kwa sasa ni kiu na maombi ya kupata serikali itakayo weza kusimamia utawala wa sheria na ndio hiii sasa lawama zinatoka wapi?ingawa kwenye suala la mazao ingetumika busara wapewe muda wakimaliza kuvuna then ipigwe marufuku ya jumla kwa kua hata wakwepa kodi walipewa muda walipe

 

[ubungo president]

sikuzote serikali lazima ikubali kubeba lawama ishu ya mafuriko Dar sio ya leo ni ,miaka mingi wananchi wamepoteza maisha lakini ajabu ni kwamba watu waliendelea kujenga Serikali ikona na idadi imekuwa ikiongezeka kadri siku zilivyo zidi kwenda mbele swali je? walitaka watu wajenge ili wabomoe au hayo maeneo yame gunduliwa mwakahuu kuwa ya wazi Je? Serikali inajua hasara iliyo patikana kutokana na matukio haya

 

[Mgirik]

Suala la kufyeka mahindi hilo sio jambo zuri kwasababu hakukuwa na ulazma wa kuyafyeka badala yake wangesubir yavunwe ndio waendelee na mambo yao.

Hao askari wanatakiwa wachukuliwe hatu kali ikiwa ni pamoja na kufukuzwa.

Hilo songmbingo la bomoabomoa hakuna kuilaumu serikali. Watanzania tumekuwa viziwi sana.
Kuna mtindo mmoja ambao unafanywa. Watu wanakuwa wameshalipwa lakn yule ambaye amelipwa anakuja kuuza kiwanja kwa mtu mwingne wakat anajua lile eneo tayar limeshakatazwa. Sasa na mnunuzi mwenyew pasipo kufanya uchunguzi ananunua lile eneo ndio hawa wanakumbwa na bomoabomoa