Kitendawili kesi mauaji ya Mwangosi saa sita mchana

[Kisu Cha Ngariba]

Marehemu Daudi Mwangosi enzi za uhai wake.

Jaji wa Mahakama Kuu Kanda ya Iringa, Paul Kihwelo anayeisikiliza kesi hiyo, amesema atatoa uamuzi wake endapo mtuhumiwa ana kesi ya kujibu au la Saa sita mchana.

Iringa. Kesi ya mauaji ya mwandishi wa habari Daudi Mwangosi inayomkabili askari wa Kikosi cha Kutuliza Ghasia (FFU) mkoani Iringa, Pasificus Simon, inaendelea leo baada ya mashahidi wa upande wa mashtaka na utetezi kumaliza kutoa ushaidi wao jana.

Jaji wa Mahakama Kuu Kanda ya Iringa, Paul Kihwelo anayeisikiliza kesi hiyo, amesema atatoa uamuzi wake endapo mtuhumiwa ana kesi ya kujibu au la Saa sita mchana.

Mwangosi aliuawa Septemba 2, 2012 katika Kijiji cha Nyololo Wilaya ya Mufindi, Mkoa wa Iringa.
Wakili wa utetezi, Rwezaula Kaijage alidai mahakamani hapo kuwa katika mashahidi wake wanne hakuna hata mmoja aliyetoa ushahidi wa moja kwa moja unaomuhusisha mtuhumiwa na mauaji.

Upande wa Jamhuri ukiongozwa na Wakili Ladislaus Komanya na Sunday Hyera, ulidai kutokana na ushahidi uliotolewa na mashahidi wao wanne, Mwangosi aliuawa eneo la tukio, na kifo chake si cha kawaida.

Chanzo: Mwananchi.

 

[Shida na raha]

Haya sasa!!

 

[Evelyn Salt]

Haki ipo kwa Mungu tu

 

[MBEGU BORA]

uchunguz bdo unaendelea

 

[R Mbuna]

Nilikuwa nimeshaisahau hii kesi . Kuna kesi za mwendo kasi zimeshapata hukumu na upelelezi ulikamilika ndani ya mwezi .

 

[Ngigana]

Upumzike kwa amani, mwana mwema wa Tanganyika!

 

[Mahesabu]

nasubiri SAA sita

 

[Odili]

Nilikuwa nimeshaisahau hii kesi . Kuna kesi za mwendo kasi zimeshapata hukumu na upelelezi ulikamilika ndani ya mwezi .

Mkuu inaonekana umeshaziandaa milioni 7 za papo kwa papo. Vinginevyo unatakiwa kusifu kila linalofanyika hata kama linaumiza, ohooo shauri yako.
Hivi sijatukana kweli? Wazee wa kushughulikia sina kosa namtahadharisha tu binadamu mwenzangu hapa kwa nia njema tu.

 

[Odili]

Upumzike kwa amani, mwana mwema wa Tanganyika!

Emen!

 

[MUSSA ALLAN]

Lala salama Mwangosi, haki yako itapatikana tu, hata baada ya kizazi hiki!

Waache wafanya maigizo yao, lakini mimi huwa naaamini kuwa Damu ya mtu haimwagiki bure!

 

[Mwana Mtoka Pabaya]

Haki ipo kwa Mungu tu

Hakika. Kama wale wafanyabiashara wa madini waliuawa kwa risasi mikononi mwa dola na hakutiwa mtu hatiani, nani zaidi ya Mungu awe tumaini la mnyonge?

 

[sawabho]

Haki ipo kwa Mungu tu

Kuna mtu alishawahi kurudi kutoka huko na kusimulia yanayotokea huko ? Basi, itoshe tu kusema kwa hapa duniani, hasara inakuwa kwa familia yako - watoto na wazazi wako kama bado wapo hai, mke/mume sio sana kwa sababu ataolewa/oa na kusahau machungu ila watoto na wazazi wako hawawezi sahau.