Kikao cha NEC CCM Arusha chaahirishwa tena!

[EasyFit]

KIKAO cha Halmashauri Kuu (Nec) ya CCM mkoani Arusha, kilichokuwa kimepangwa kufanyika kesho, kimeahirishwa tena hadi Januari 14 katika kile kilichoelezwa kuwa ni kutokamilika kwa maandalizi.

Kikao hicho, kinasubiriwa kwa hamu na wanachama wengi wa CCM mkoani humo kwa sababu inasemekana kuwa kitapenyezwa ajenda ya kumng'oa madarakani Katibu wa CCM wa Mkoa wa Arusha, Mary Chatanda.

Hii ni mara ya pili kwa chama hicho kinachotawala kuahirisha kikao hicho ambacho awali kilipangwa kufanyika Desemba 29 mwaka jana, lakini Katibu wa Uenezi wa Itikadi wa CCM wa Mkoa, Loota Sanare alisema kimeahirishwa hadi kesho.Habari za uhakika kutoka miongoni mwa wajumbe wa Kamati ya Siasa ya mkoa, zilisema kuahirishwa kwa kikao hicho, kunatokana na kutokamilika kwa maandalizi.

Tangu kumalizika kwa uchaguzi mkuu wa Oktoba mwaka juzi, hali ndani ya CCM mkoani humo, imekuwea si shwari hasa kutokana na siasa za makund.

Katika siku za karibuni mgogoro huo, ulivuka mipaka na kuwakumba Katibu na Mwenyekiti wake, Onesmo Nangole baada ya kutokana na kutofautiana katika matumizi ya mali za chama, mikataba na endeshaji wa shughuli mbali mbali.

Kabla ya Kuibuka kwa mgogoro huo, Arusha kulikuwa na mgogoro baina ya katibu huyo na Mwenyekiti wa Jumuiya ya Vijana ya CCM wa Mkoa wa Arusha, James Ole Millya na wenzake.

::Mwananchi

 

[Mkondakaiye]

mary chitanda ------------- James Ole Millya ------------- Onesmo Nangole === Kuzikwa kwa ccm arusha

 

[democratic]

wazid tu kuahirisha,for real nawahate sana hawa magamba

 

[Losambo]

Kumg'oa Mary Chitanda siyo rahisi kama wanavyofikiri.

 

[Ringo Edmund]

Wanataka kungoa chakula ya wazee?