CK Allan
JF-Expert Member
- Aug 14, 2013
- 2,784
- 6,183
KIFA NG’ONG’O-MCHEZO WA KIFO
Nakumbuka wakati nikiwa bado mdogo tulikuwa tunacheza mchezo uitwao “kifa ng’ong’o”. Mchezo huu ulifanywa kwa makusudi maalum ya kuonyesha ukakamavu na uhodari pamoja na kuvumilia adha mbali mbali..
Kwanza mchezo huu unafanywa na mtoto mmoja ambaye anajitolea “kufa” kwa muda na wenzake (sisi) huanza kumtekenya au kumshika shika na endapo atacheka ama kufumbua macho basi ameshindwa mchezo na ilimpasa mwingine aingie, Hata hivyo kama ilivyo michezo mingine, mchezo huu pia ulikuwa na maexpati wake…
Nakumbuka kulikuwa na dada mmoja ambaye alikua akiamua kufa ng’ong’o anakufa kweli! Yaani ilifikia hatua na sisi tukaanza kulia kweli, maana kila njia tuliyojaribu kumfanyia hakuamka wala kujitingisha! Ndipo vilio vilizidi mpaka watu wazima wakatukuta pale na si sisi wala “aliyekufa” wote tulichezea fimbo, zaidi ya hayo tulionywa tusijaribu tena mchezo huo hata mara moja…
Wakati mwingine wale maexpati walitumia kifa ng’ong’o kama njia ya kujilinda na adhabu shuleni , nakumbuka kipindi Fulani alikuja mwalimu mgeni shuleni na akamchapa mmojawapo wa “wafa ngo’ngo” na akafa saa ile ile, mwalimu Yule alihaha na ikafikia akawa anampigia magoti kumbembeleza aamke lakini hakuamka!
Hadi kengele ya kuruhusiwa bado hakukuwa na dalili za kuamka! Ikabidi amwagiwe maji lakini bado! Ndipo akabebwa kupelekwa hospitali kwa gharama za mwalimu! Na mwalimu Yule sikumbuki kama alishawahi kumchapa tena!
Hata hivyo katika mchezo huu wapo wengine ambao hatukuweza kabisa kufa ng’ong’o yaani ilikuwa ni vichekesho kwani hatukuweza kuvumilia kabisa kutekenywa, kushikwa ama kumwagiwa maji!
Nimekumbuka hadithi hii baada ya kilio kikubwa cha wafanyakazi kuhusu mishahara yao na stahiki mbali mbali, wakati hayo yakitokea serikali na TUCTA, zimekufa ng’ong’o hakuna hata mmoja ambaye anahusika na kusikia kelele hizi, pamoja na kutekenywa, kumwagiwa maji, mabango n.k bado imekufa ng’ong’o
........
nawatakia jumatatu njema
Nakumbuka wakati nikiwa bado mdogo tulikuwa tunacheza mchezo uitwao “kifa ng’ong’o”. Mchezo huu ulifanywa kwa makusudi maalum ya kuonyesha ukakamavu na uhodari pamoja na kuvumilia adha mbali mbali..
Kwanza mchezo huu unafanywa na mtoto mmoja ambaye anajitolea “kufa” kwa muda na wenzake (sisi) huanza kumtekenya au kumshika shika na endapo atacheka ama kufumbua macho basi ameshindwa mchezo na ilimpasa mwingine aingie, Hata hivyo kama ilivyo michezo mingine, mchezo huu pia ulikuwa na maexpati wake…
Nakumbuka kulikuwa na dada mmoja ambaye alikua akiamua kufa ng’ong’o anakufa kweli! Yaani ilifikia hatua na sisi tukaanza kulia kweli, maana kila njia tuliyojaribu kumfanyia hakuamka wala kujitingisha! Ndipo vilio vilizidi mpaka watu wazima wakatukuta pale na si sisi wala “aliyekufa” wote tulichezea fimbo, zaidi ya hayo tulionywa tusijaribu tena mchezo huo hata mara moja…
Wakati mwingine wale maexpati walitumia kifa ng’ong’o kama njia ya kujilinda na adhabu shuleni , nakumbuka kipindi Fulani alikuja mwalimu mgeni shuleni na akamchapa mmojawapo wa “wafa ngo’ngo” na akafa saa ile ile, mwalimu Yule alihaha na ikafikia akawa anampigia magoti kumbembeleza aamke lakini hakuamka!
Hadi kengele ya kuruhusiwa bado hakukuwa na dalili za kuamka! Ikabidi amwagiwe maji lakini bado! Ndipo akabebwa kupelekwa hospitali kwa gharama za mwalimu! Na mwalimu Yule sikumbuki kama alishawahi kumchapa tena!
Hata hivyo katika mchezo huu wapo wengine ambao hatukuweza kabisa kufa ng’ong’o yaani ilikuwa ni vichekesho kwani hatukuweza kuvumilia kabisa kutekenywa, kushikwa ama kumwagiwa maji!
Nimekumbuka hadithi hii baada ya kilio kikubwa cha wafanyakazi kuhusu mishahara yao na stahiki mbali mbali, wakati hayo yakitokea serikali na TUCTA, zimekufa ng’ong’o hakuna hata mmoja ambaye anahusika na kusikia kelele hizi, pamoja na kutekenywa, kumwagiwa maji, mabango n.k bado imekufa ng’ong’o
........
nawatakia jumatatu njema