Jenista Mhagama: Wizara zote zatakiwa Dodoma kabla ya Feb. 28

[Reucherau]

19th Jan, 2017

Serikali imezipa msisitizo wizara mbalimbali kuhakikisha zinahamishia makazi yake Makao Makuu ya nchi mkoani Dodoma kabla ya Februari 28, mwaka huu, kama iliyotangazwa na Rais John Magufuli mwaka jana.

Waziri Jenista Mhagama

Akizungumza na waandishi wa habari leo, Waziri wa Nchi Ofisi ya Waziri Mkuu, Sera, Bunge, Kazi, Ajira, Vijana na Ulemavu, Jenista Mhagama, alisema agizo la serikali lazima liwe limetekelezwa ifikapo Februari 28, mwaka huu.

“Kama agizo lilivyotolewa na Rais Magufuli kuhusu wizara na watumishi wake kuhamia Makao Makuu Dodoma, ndivyo wanavyotakiwa manaibu makatibu wakuu, makatibu, manaibu mawaziri na mawaziri kutakiwa kuwapo Dodoma mwishoni mwa Februari,” alisema Mhagama.

Waziri Mhagama alisema ofisi yake imeweza kukagua miundombinu na ujenzi wa majengo mbalimbali ya serikali yanayoendelea kujengwa na mengine yakiwa yamekamilika kwa ajili ya matumizi ya wizara hizo.

“Hakuna tatizo la ofisi za watumishi wa wizara zote, kwani majengo yamekamilika na yapo katika hali nzuri tayari kwa ajili ya kuanza kutumiwa, hivyo wakuu husika wakiwamo mawaziri wahakikishe wanatakiwa kuhamia Dodoma,” alisema.

 

[radika]

waende hamna cha maana tunaambulia hata wakibak huku dar

 

[Ongata]

Aende Magufuli kwanza

 

[Salary Slip]

Siasa tu hizi!

 

[iparamasa]

Masikini.....mama wa watu anaogopa kutumbuliwa,na hivi tetesi za reshuffle ya Baraza la mawaziri zimesikika.

Sasa hizo hela za kubeba mabegi ya wafanyakazi woooooooote wa Dar si mnunue chakula ?hamuoni hii njaa?

 

[chikutentema]

Yemwenyewe anasema hayo ila yupo Dar....

Maajabu ya ng'ombe mweupe kutoa maziwa meusi(kinyume chake nadhani ndio sahihi)

 

[wasumu]

Matamko ..waende wasiende sie tunataka 2020 waanguke watoke

 

[Lambardi]

Huyu mjane wa SS atulizane! Bwana wao ana stress za mapato less anatamani kuikodisha hii nchi kwa Dangote au Azam yeye anaongea upuuzii!!!!!! Kwa bajeti ipi na hela ipi ?? Wanahaha kukopa ndani na nje.....yeye analeta upuuzi! Hata kama hajui kusoma picha pia haoni na kuelewa???

 

[technically]

Waziri mkuu tu kashindwa ..........

Unaishi Dodoma appointment zote upo Dar.....

Maajabu Tanzania hayaishi..........

 

[K M S]

Kati ya mawaziri nisio waelewa nipamoja huyu

 

[Kwame Nkuruma snr]

Wakazi wa Dodoma vigelegere tafadhari Kwa taarifa hiii.

 

[MTENDAHAKI]

Wanatenda tu

 

[kipumbwi]

Hata waalimu wapya huwa hawahami ndani ya muda,Ummy Mwalimu na Jenista kazi yao matamko tu!!

 

[nsalu]

ofisi anasema zipo tayari na hao watumishi wanaenda kuishi juu ya miti au?

 

[Amadoli]

Waende tu watupungue foleni hapa mjini

 

[Ngushi]

Kidumu chama cha mapinduzi

 

[Bulamba]

hamna lolote..

 

[Rutatinisibwa]

Kidumu chama cha mapinduzi

KIDUMU

 

[Massenberg]

Kwa hiyo wizara na mawaziri wote wakihamia Dodoma wakati mtakatifu yuko Dsm watakuwa wanafanyaje vikao vya baraza la mawaziri na mambo mengine yanayohitaji physical presence ya rais na waziri?
Au ndiyo zitakuwepo safari kama za Majaliwa kila siku sasa?

 

[MPIGA ZEZE]

ofisi anasema zipo tayari na hao watumishi wanaenda kuishi juu ya miti au?

Kwa mujibu wa falsafa ya mkuu wao hajakosea kabisa: kwa faru miundombinu ya serikali ni muhimu na inatosheleza kuwa kielelezo cha maendeleo hata kama wananchi hawana makaazi ya kuishi.