Shida na raha
JF-Expert Member
- Aug 8, 2014
- 3,774
- 3,460
Tabia hii imekolea sana miongoni mwa vipusa wanaodhani kuwa wanapofanya hivi basi wanajiongeza hadhi huku wakikupunguzia.
Unakutana na binti njiani lakini kutokana na sababu umevalia mavazi ya kupendeza, nywele zako ni nadhifu au pengine sura au umbo lako la kupendeza badala ya kukupongeza, anatumia dharau kukufanya uhisi duni.
Lakini umewahi kujiuliza ni nini hasa kinachowapa vipusa wa aina hii nguvu za kukudunisha? Pengine ni kutokana na sababu kuwa wewe pia haujioni kufaa kila unapofanyiwa vituko vya aina hii.
Iwapo wewe ni mmoja wa hao vipusa wenye mazoea ya kulia au kujionea huruma kila unapokenuliwa, futa machozi na ukumbuke kuwa wivu ndio unawachochea kwani bila shaka una kitu fulani wasichokuwa nacho. Pengine ni urembo, umbo, tabia njema, subira au hata ukarimu, sifa wasizokuwa nazo na hivyo wanatumia mbinu hii kujifanya wahisi vyema.
Pia kuna wale wanaodhani kuwa eti kwa sababu amepiga hatua fulani maishani basi wengine walio chini yake ni taka. Naam! kipusa anayedhani kuwa elimu yake ya ziada, mavazi yake ghali au gari la kifahari analoendesha vinampa tiketi ya kumdunisha mwenzake.
Usimpe nafasi na ikiwezekana usimuachie mwanya wa kupata nafasi ya kukudunisha.
Kuna wale ambao ili ukubalike katika kundi lao basi sharti lazima ufikie viwango vyao vya mavazi, maisha na kielimu.
Wasipokukubali ulivyo waache
Usikubali kuingia kwenye madeni katika harakati za kutaka kuwafurahisha wenzako. Ikiwa hawawezi kukubali jinsi ulivyo basi haina haja ya kuendelea kujumuika nao.
Hii inanikumbusha binti mmoja aliyeishia kusakamwa na madeni baada ya kujitwika mikopo mbali mbali katika harakati za kufanana na wenzake. Binti huyu alishia kupoteza kila kitu nyumbani baada ya benki kuanza kumdai.
Nijuavyo kila mtu ameumbwa na sifa zake za kipekee na hivyo hauhitaji kujidhihirisha kwa wenzako kwa kuvaa mavazi ya bei ghali au kuandamana nao katika mikahawa ya kifahari ili kukubaliwa.
Iwapo kujikubali jinsi ulivyo kutakupelekea kutengwa na wanaotaka ubadilike ili kufikia viwango vinavyowafaa basi binti ni heri uwe mpweke.
Kando na hayo kaa mbali na wanaoonekana kukerwa na uwepo wako na kamwe usiwape nafasi ya kutumia dharau dhidi yako ili kujituliza.
Unakutana na binti njiani lakini kutokana na sababu umevalia mavazi ya kupendeza, nywele zako ni nadhifu au pengine sura au umbo lako la kupendeza badala ya kukupongeza, anatumia dharau kukufanya uhisi duni.
Lakini umewahi kujiuliza ni nini hasa kinachowapa vipusa wa aina hii nguvu za kukudunisha? Pengine ni kutokana na sababu kuwa wewe pia haujioni kufaa kila unapofanyiwa vituko vya aina hii.
Iwapo wewe ni mmoja wa hao vipusa wenye mazoea ya kulia au kujionea huruma kila unapokenuliwa, futa machozi na ukumbuke kuwa wivu ndio unawachochea kwani bila shaka una kitu fulani wasichokuwa nacho. Pengine ni urembo, umbo, tabia njema, subira au hata ukarimu, sifa wasizokuwa nazo na hivyo wanatumia mbinu hii kujifanya wahisi vyema.
Pia kuna wale wanaodhani kuwa eti kwa sababu amepiga hatua fulani maishani basi wengine walio chini yake ni taka. Naam! kipusa anayedhani kuwa elimu yake ya ziada, mavazi yake ghali au gari la kifahari analoendesha vinampa tiketi ya kumdunisha mwenzake.
Usimpe nafasi na ikiwezekana usimuachie mwanya wa kupata nafasi ya kukudunisha.
Kuna wale ambao ili ukubalike katika kundi lao basi sharti lazima ufikie viwango vyao vya mavazi, maisha na kielimu.
Wasipokukubali ulivyo waache
Usikubali kuingia kwenye madeni katika harakati za kutaka kuwafurahisha wenzako. Ikiwa hawawezi kukubali jinsi ulivyo basi haina haja ya kuendelea kujumuika nao.
Hii inanikumbusha binti mmoja aliyeishia kusakamwa na madeni baada ya kujitwika mikopo mbali mbali katika harakati za kufanana na wenzake. Binti huyu alishia kupoteza kila kitu nyumbani baada ya benki kuanza kumdai.
Nijuavyo kila mtu ameumbwa na sifa zake za kipekee na hivyo hauhitaji kujidhihirisha kwa wenzako kwa kuvaa mavazi ya bei ghali au kuandamana nao katika mikahawa ya kifahari ili kukubaliwa.
Iwapo kujikubali jinsi ulivyo kutakupelekea kutengwa na wanaotaka ubadilike ili kufikia viwango vinavyowafaa basi binti ni heri uwe mpweke.
Kando na hayo kaa mbali na wanaoonekana kukerwa na uwepo wako na kamwe usiwape nafasi ya kutumia dharau dhidi yako ili kujituliza.
