Je, ni kwanini Serikali haiyatumii maji ya maziwa yetu kukomesha upungufu wa chakula?

[don xxx]

Salamu,

Nimejiuliza sana lakini sijapata majibu. Ni nini kikwazo kinachoifanya serikali yetu ishindwe kuboresha kilimo kwa kutumia maji ya maziwa tuliyonayo kama Ziwa Tanganyika, Victoria, Rukwa, Nyasa n.k kwa kilimo cha umwagiliaji??

Nionavyo mimi ni aibu kwa Taifa la Tanzania kukosa miradi mikubwa ya kilimo cha umwagiliaji na wakati mwingine kulia njaa wakati tunazungukwa na maziwa makuu.

Kama serikali yetu inakusudia kupambana na upungufu wa chakula na umasikini kutoka moyoni ,kipaumbele cha kwanza ingekua kilimo. Kilimo kinategemewa na zaidi ya 75% ya watanzania wote. Hivyo, kuboresha kilimo maana yake ni kuinua uchumi wa watanzania walio wengi.

Kilimo kikiboreshwa kitazalisha mamilioni ya ajira na pia kuchochea uanzishwaji wa viwanda. Viwanda vingi hutegemea malighafi za kilimo, tunawezaje kufikia Tanzania ya viwanda kama kilimo hakipewi kipaumbele?

Inashindikaje kuanzisha miradi ya umwagiliaji mikubwa inayoendeshwa na wananchi kwa kila mkoa unaopakana na ziwa?

Kwa mfano ziwa Tanganyika linapakana na mikoa inayoongoza kwa kuzalisha chakula ambayo ni Rukwa, Katavi na Kigoma. Ziwa Nyasa hupakana na Mbeya na Ruvuma. Mikoa yote hii inaongoza kwa uzalishaji wa mazao ya chakula hapa Tanzania na kwa sasa baadhi ya maeneo yake yamepunguza uzalishaji kutokana na uhafifu wa mvua.

Kwanini tuendelee kutegemea mvua peke yake?

Tuna mikoa 8 inayopakana na maziwa makuu ambayo ni Katavi, Rukwa, Kigoma, Mbeya, Ruvuma, Mara ,Kagera na Mwanza. Endapo kila mkoa unaopakana na ziwa ukiwa na mradi wa umwagiliaji walau kwa eneo linalolimika lenye eneo la kilometa za mraba 1000 tu tutakuwa na eneo la umwagiliaji lipatalo kilometa za mraba 8000. Je, kwa miradi hiyo bado tutalia na upungufu wa chakula?



Kuna wakati nadiriki kusema viongozi wa nchi hii wengi ni wanafiki na hawana nia ya kumkomboa mtanzania masikini.

Jiulize kwanini mbegu bora, miche bora itokanayo na tafiti pamoja na namna bora ya kulima inayovumbuliwa na Taasisi kama SUA na Uyole Mbeya hazienezwi kwa mkazo kwa wakulima huko vijinini?

Vumbuzi hizo zimekuwa zikioneshwa kwenye maonesho ya nanenane utadhani huko ndiko wakulima waliko.

Ukihudhuria shamba darasa linaloendeshwa kijijini na maafisa ugani limejaa hadithi za kumtamanisha mkulima na kumtia matumaini ambayo hayapo.

Afisa ugani anakushauri ulime maembe ya kisasa lakini miche anakuambia uifuate SUA!!Mkulima yupo Mpanda huko mashambani kabisa unamwabia asafiri kilometa 1000 kufuata miche ya maembe wakati yeye ni fukara wa kutupwa.

Kwanini serikali isianzishe Taasisi za utafiti wa kilimo sehemu nyingi zaidi au hata kufungua vituo vya usambazaji ambako mbegu na miche ya kisasa itapatika bila mkulima kusafiri umbali mrefu ili kila mtu amudu kupata miche na mbegu bora huko aliko?

Kinachohitajika ni maamuzi na kuweka kipaumbele katika kilimo .Hili likifanyika hutasikia Tanzania ikilia njaa na hata wasomi hawatalia ukosefu wa ajira kwa kuwa mazingira ya kujiajiri yatakuwepo.

Karibuni kwa maboresho.

 

[Mkwawe]

hoja yako ni nzito sana mkuu... ila ingekuwa ni thread inayohusu "katerero" au "kiba na mondi" ungeona wachangiaji ambavyo wangekuwa wengi... watanzania wenyewe ambao wengi wao wamelelewa na jembe hawako 'aware' na mambo kama haya, hawako tayari kabisa kuwakombo wajomba, shangazi, bibi na babu zao kwa vitendo zaidi ya na propaganda na kuridhishwa na maisha ya kupata misosi miwili kwa kutwa

 

[igwee frm anambra]

hoja yako ni nzito sana mkuu... ila ingekuwa ni thread inayohusu "katerero" au "kiba na mondi" ungeona wachangiaji ambavyo wangekuwa wengi

Mkuu ndio hulka wa watanzania walio wengi...... ndio maana magazeti ya udaku yananunuliwa zaidi kuliko magazeti mengine makini,

Hoja zenye mashiko km hizi haziwezi kufika kurasa 10 hata siku moja,

kumbuka JF hii sio ile.......

 

[DEPETERO]

Ni sababu hawana akili hiyo au ni wachovu wa fikra,kwa tulipofika nilitegemea wanasiasa waongee mambo hayo lkn hapana wanabishania lugha ya kiingereza au kiswahili

 

[Azarel]

Hata ushauri mzuri kama huo wakiuona MACCM watakuita "Mchochezi"

Hawana ubunifu au akili ya kufikiria hayo

Wao wameweka akili zao kwenye jinsi ya kuukomesha upinzani na kuwafunga kina Lema.

 

[pique3]

Hakika hili wazo lipo kwenye vichwa vichache ndani ya watu millioni 50. Tunaoishi nchi hii na inawezekana kabisa waliopo ndani ya system ya kiutawala hili hakuna alie nalo kichwani mwake, ebu fikiria mtu anaepanga sera za nchi ni sample za akina wasira (mbunge wa zamani bunda mjini ) anaweza akawaza kitu kama hiki kweli ? Sidhani !! Swala la kilimo limebaki wimbo midomoni mwetu lakini hatuna mipango thabiti ya kusimamia kilimo kisimame kisawasawa, sisi watz tunatosha kuwa kivutio tosha cha utalii haina haja kutangaza vivutio vingine zaidi ya sisi kuwa kivutio cha utalii namba moja.

 

[mitale na midimu]

Umeandika Madini mazito mkuu.
JF ni reflection ya uhalisia wa watanzania wanawaza na kupenda nini. Kila bandiko ambalo huitaji mjadala wa kina wenye madhara chanya kwa taifa ambao hauna ukada au ukamanda ndani yake hakuna wa kujadiliana nae na utaishia comments Tatu au nne. Cha ajabu unashangaa hadi viongozi wakija humu wanajibu hoja za kisiasa tu humu JF na sio za maendeleo.

Binafsi ni mpenzi wa kujua duniani kwenye changamoto kama ya kwetu wanazitatuaje.
Waziri mkuu wa india Juzi kaamrisha Mto ulioko mpakani ambao uliwanufaisha wa Pakistani utumiwe na wakulima wahindi 100% Bila kujali Pakistan watasema nini. Alianzisha kitengo cha agricultural electricity yaani umeme kilimo ambao ulikuwa hauingiliani na wa matumizi ya kawaida. Kwa nini, kiongozi mwenzake aliyepita miaka Mingi tayari aliwahi kuanzisha massive agricultural irrigation system ambayo iliifanya india kuwa ya pili kwa kulima ngano duniani. Yeye kawapelekea umeme huko ili upandishaji thamani, electrical irrigation pumps, na mambo mengine urahisishe maisha. Hii alikifanya alipokuwa gavana wa Gujarat. Hapa namzungumzia jamaa aliyekuja ikulu mwaka Jana Narendra Modi. Ukichunguza sana utagundua Nia ya dhati haipo sana kwenye Vitendo kuliko maneno.

Kuna vitu vingi tunaweza kufanya : kabla ya kuanza kuyatumia kama wanahofu tutaangalia rate ya kujaa na kupungua kwa maziwa yetu na effects za kuyachua maji. Hiyo tutajua ni kiasi au kinaweza kucukuliwa ziwani Bila kuathiri uwepo wa ziwa. Pili tujifunze misri walifanikiwaje kwa Mto tu na sisi tushindwe kwa mito maziwa na mabwawa. Kuna mabonde makubwa makubwa ya mipunga mfano kahama. Kama serikali inavyohusudu hifadhi zake na maghala Sasa ianze kufikilia kuwa na hifadhi kubwa sana ya maeneo ya kilimo cha chakula cha umwagiliaji kila kwenye maziwa. Maeneo haya zijengwe irrigation systems kukiwa na mabwawa ya maji / water storages. Kuhusu wataalamu arusha tech wnagraduate irrigation engineers kibao na sijui wanaishia wapi utasikia wanasiasa wanasema wajiajiri. Maeneo haya yanaweza kutumika kwa wananchi kukodi na ikawa Chanzo cha mapato kwa almashauri husika pili kama kunauhitaji mkubwa wa chakula au Kuna ukame serikali yenyewe au kushirikiana na muwekezaji wanaweza kulima mazao ya Muda mfupi ktk large scale.

 

[Mr Cu]

Hoja nzito sana members kimyaa, lakn ingekuwa ya mke wa mtu mtamu au nimempenda hanipendi ukaona likes na comments zinavyo miminika

 

[Kiyoya]

bilashaka swali kubwa ni ilikuwaje tulipata uhuru..labda walikuwa na uhakika waliacha watu wa namna gani...hakika haiingii akilini ati tunalia njaa

 

[Kisu Cha Ngariba]

Wazo lililojitosheleza kabisa. Sio maziwa tu pia kuna mito mikubwa ambayo ikitengenezwa mifumo ya unwagiliaji watanzania wengi wataneemeka.
Je serikali inayo nia ya kuwezesha wananchi kulama kilimo cha umwagiliaji? Sidhani kama wataweza kujibu hili swali.

 

[Mwanitu]

Nakubaliana na hoja yako Mkuu,hata Mimi kimekuwa nikijiuliza kwa nini hatupendi kuendeleza kipimo cha umwagiliaji wakati kilimo ndio uti wetu wa mgongo kiuchumi?Sijaona awamu yeyote iliyolivalia njuga kisawasawa jambo hili.kuna tatizo Gani?kama ni mkataba na Misri mbona waethiopia wamejenga bwawa la kufua umeme Kwenye mto Nile na hakuna tatizo lolote?hivi kweli hatuuoni faida ya umwagiliaji au kuna jambo?

 

[marveljt]

Hilo nilishamwambia kiongozi mmoja wa nchi ila kutokana na majivuno jibu lilinishangaza sana. Sababu kwa mfano kila mkoa kuna chakula ambacho kinastawi sana upande huo. Serikali ingeweza kuwekeza kwenye kilimo cha umwagiliaji taifa pamoja na wananchi wanhepata mapato. Chukulia serikali igaramie kwanza kujenga matanki na pampu za kuvuta maji halafu kila mkulima awe anapata maji ya kumwagilia kutoka hapo na pindi mazao yakiiva wanaiuzia serikali au kampuni ambapo serikali inakata fedha zake za kuendesha mradi wa umwagiliaji na pia erikali iwe inahakikisha kila eneo linalostawi zao fulani mavuno yasipungue asilimia 95 sababu bwana shamba wapo, afisa kilimo wapo , kampuni za kutengeneza mbolea ziko, maabara za mbegu ziko

 

[marveljt]

Kama unakumbuka walikuja na sera ya kilimo kwanza nilitegemea kweli kilimo kingepewa kipaumbele ila cha kushangaza ndiyo kikatupwa kapuni. Hata hii sera ya viwanda nayo inamushkeli kidogo maana viwanda vinahitaji mali ghafi je zinapatikana?

Nakubaliana na hoja yako Mkuu,hata Mimi kimekuwa nikijiuliza kwa nini hatupendi kuendeleza kipimo cha umwagiliaji wakati kilimo ndio uti wetu wa mgongo kiuchumi?Sijaona awamu yeyote iliyolivalia njuga kisawasawa jambo hili.kuna tatizo Gani?kama ni mkataba na Misri mbona waethiopia wamejenga bwawa la kufua umeme Kwenye mto Nile na hakuna tatizo lolote?hivi kweli hatuuoni faida ya umwagiliaji au kuna jambo?

 

[jerrytz]

Hongera kwa hoja nzuri ambayo kiuhalisia inatufanya tufikiri kama tunatumia akili na rasilimali zetu sawasawa.
Cc Tizeba

 

[GIUSEPPE]

Tukae tukijua kuwa, njaa ukame, shida na magonjwa ni biashara kubwa sana duniani, Viongozi wengi wa afrika ambao hawajitambua wamekuwa kikwazo kwa maendeleo ya watu wao kwaajili ya manufaa yao binafsi kutoka kwa watu wanao nufaika na shida zetu, mtoa mada swala sio kilicho cha umwagiliaji pekee, ni aibu nchi kama tanzania kuwa na tatizo la umeme pamoja na njaa.

 

[Maghayo]

Elimu ya juu kabisa phd watu wamesomea na kisukuma unadhan itawezekana

 

[rongai]

wanakwambia kulinda mazingira kwanza huku nchi za wenzetu kilimo kinawatoa na wanauza nje ya nchi kwa kutumia mito michache waliokuwa nayo kama kenya. sie siasa kibao

 

[Mwanitu]

Kamauu unakumbuka walikuja na sera ya kilimo kwanza nilitegemea kweli kilimo kingepewa kipaumbele ila cha kushangaza ndiyo kikatupwa kapuni. Hata hii sera ya viwanda nayo inamushkeli kidogo maana viwanda vinahitaji mali ghafi je zinapatikana?

Nakumbuka sana Mkuu.Pia nakumbuka mkoa mmoja nadhani ilikuwa Shinyanga au Mwanza wakulima wa pamba waliuziwa mbegu mbovu wakakosa mazao msimu huo,na hakuna kilichoendelea kuhusu swala hilo.Nadhani hatuko serious kuhusu kilimo

 

[MTK]

Mpangilio mbaya wa vipaumbele vyetu! Unapomsikia waziri mzima anasema "Bora wananchi wale majani lakini ndege ya Rais itanunuliwa", Basil Mramba! Unategemea nini mkuu?! Ukimsikia kiongozi akiwambia wananchi kwamba "kila mtu abebe msalaba wake"! Unategemea nini kakangu?! Ukiona serikali inayojali zaidi maendeleo ya VITU badala ya WATU! Kweli hapo kuna anayeona kwamba kilimo chetu kinaweza kuimarika kwa kutumia maji ya maziwa yetu ya asili?!

 

[marveljt]

kabisa yaani siasa wanaweka mbele zaidi ya uhalisia

Nakumbuka sana Mkuu.Pia nakumbuka mkoa mmoja nadhani ilikuwa Shinyanga au Mwanza wakulima wa pamba waliuziwa mbegu mbovu wakakosa mazao msimu huo,na hakuna kilichoendelea kuhusu swala hilo.Nadhani hatuko serious kuhusu kilimo