Hivi ni Msumbiji hawa wanaowatesa Watanzania nchini kwao?

[babutz]

Baada ya Tanganyika kupata uhuru mwaka 1961, Hayati Mwalimu J.K Nyerere alimuita kinara wa kupigania uhuru wa msumbuji Dk. Edwardo Mondlane na alimpa nyumba Msasani iliyokuwa karibu na nyumba yake kwa lengio la kumsaidia kupigania uhuru wa Msumbiji.

Mwalimu Nyerere alimsaidia Dk. Mondlane kuanzisha Chama cha ukombozi cha Msumbiji (FRELIMO). Chama cha FRELIMO kilianzishwa katika ukumbi wa Karemjee jijini Dar Es Salaam, inawezekana vijana wa sasa wa msumbuji hawalijui hili au uhuru walionao leo umewalevya na kusahau walikotoka.

Tanzania iliwapa mafunzo ya kijeshi vijana wa msumbiji katika kambi mbalimbali nchini Tanzania zikiwemo za morogoro, Iringa, Mbeya nk, Tanzania iliwapa hifadhi ya makazi pamoja na elimu dunia wapinia uhuru wengi sana wa msumbiji ili baada ya kupata uhuru watu wa msumbiji waweze endesha serikali yao wao wenyewe.

Tanzania imetoa sadaka ya damu ya wanajeshi wazalendo wake katika nchi ya msumbiji ili msumbiji liwe taifa huru, kwa Lugha Nyepesi uhuru wa Msumbiji walionao leo umekamatwa na damu ya watanzania. Hayo ni machache kati ya mengi tuliyowafanyia Msumbiji.

Kwa yanayoendelea Msumbiji kwa sasa dhidi ya watanzania hayapaswi wala hayakupaswa kufanya na watu wa msumbiji. Sikatai kuwa msumbiji ina taratibu zake za kukaa nchini humo ila je kweli ndo mtuue, mtubake,mtunyang’anye mali zetu na kutufanyia unyama wa kila aina tena bila kubagua wenaoishi kwa halali na wele wasioishi kwa halali, hapana hii haikubaliki hata kidogo.

Inawezekana Msumbiji wamesahau fadhila za Tanzania kwao ila je wamesahau pia kuwa kuna ndugu zao tunaishi nao Tanzania? ..isije baadae ikawa mkuki kwa nguruwe.

Najua serikali inafuatilia sana jambo hili na wanafanya kila liwezekanalo katika hili ila tafadhali sana tuongeze kidogo ukali katika hili na ikiwezekana tuwashtaki msumbiji kwa kutuulia raia wetu, kuwabaka na kuwadhalilisha watanzania katika mahakama za kimataifa.

 

[mngony]

Ndio hivyo Mkuu, tuliowasaidia hata kudiriki kuzorotesha uchumi wetu ili wao wapate Uhuru leo wamesahau. Wamebaki wachache wanaothamini mchango wetu, nao baada ya mda si ajabu wakasahau pia

 

[Norton82]

Babutz umewakilisha mada nzuri, ila kama itakupendeza uiweke kwenye version ya kiingereza na kireno, navyofahamu Msumbiji wengi watakuwa wanaongea Kireno ili ujumbe huu uwafikie vizuri, nawakilisha!

 

[babutz]

Babutz umewakilisha mada nzuri, ila kama itakupendeza uiweke kwenye version ya kiingereza na kireno, navyofahamu Msumbiji wengi watakuwa wanaongea Kireno ili ujumbe huu uwafikie vizuri, nawakilisha!

nimechukua ushauri wako,,ntajitahid kuweka kwenye lugha ya kiingereza

 

[Macos]

Cha kujiuliza hawa wana vibali halali vya kuishi huko ? Vinawaruhusu kufanya kazi na biashara ?
Kuwasaidia si visa ya kuingia na kuchukua fursa za wazawa .
Hio ni nchi huru wakiruhusu kila mtu kuingia italeta italeta balaa la kujaa wageni waishio kiharamu.
Wamsumbiji wanajali msaada tulowapa...lakini hauwezi kulipwa kwa kuingia na kufanya biashara na kazi bila vibali.
Hata sisi tumeanza kufukuza wengi tu kwa kazi ambazo tunaweza kuzifanya.
Ila kama wanawatesa hilo mi kosa...wangetoa muda kuwambia wahamiaji haramu waondoke....lakini ndo nchi zetu za kiafrika....juzi tuliona waziri akisema wale maiti kule ruvu kwenye sandarusi ni wahamiaji haramu...ndo nchi zetu hizi..uhuru haki bado ni hadithi

 

[Troll JF]

Serikali ya Maputo Ivamiwe kijeshi.

 

[Nokia83]

Je km hao watanzania wana makosa?!

 

[Lancashire]

Waswahili tuna msemo " Tenda Wema nenda zako" hao wamsumbiji kama hawakumbuki msaada wetu kwao basi.

 

[babutz]

Je km hao watanzania wana makosa?!

mkuu wanaoishi kihalali wananyang'anywa vibari na kufanyiwa unyama...watanzania wengi wanaoishi bila vibali nchini msumbuji wapo kwenye machimbo ya madini..........hawa wanaonyanyaswa asilimia 90 wanaishi kihalali

 

[Nokia83]

mkuu wanaoishi kihalali wananyang'anywa vibari na kufanyiwa unyama...watanzania wengi wanaoishi bila vibali nchini msumbuji wapo kwenye machimbo ya madini..........hawa wanaonyanyaswa asilimia 90 wanaishi kihalali

Jana nmeona katibu mkuu wa wizara ya mambo ya ndani akisema waliorudishwa wana matatizo either ya vibali au makosa mengine watu 187 ndio wamerudishwa

 

[Khamisiya]

Yaani nyinyi wamakonde wa Msumbiji si mulikuja kutuchinja sana hapa Zanzibar zama zile, na sasa munaishi hapa zenji na kupiga kura hapa na huku mumejitafutia passport za Msumbiji kwamba nyinyi ni wanamsumbiji . Na sasa munafukuza wa TZ kule kwenu. Angalieni hapa Dunga muko wengi sana nyinyi, je tuwafungulie mbwa?

 

[MkamaP]

Nyie ndo sababu, mngeruhusu uraia wa nchi mbili wangekuwa wengi wao raia huko na huku ili kuendesha maisha yao. Mmewanyima uraia wa nchi mbili hamwapendi ndugu zenu wa damu, sasa mnategemea msumbiji watawapenda zaidi?

Acheni kuchukulia vitu for granted, kwa sababu alikusaidia si lazima uliyemsaidia arudishe Fadhili.

Watanzania wenzenu wanapolilia uraia wanafahamu mambo ya operesheni kimbunga ni just matter of time. Sasa wamerudishwa na wengine huko US wenda wakarudishwa ili tubanane wote kutafuta ajira ndani Ya Tanzania

 

[sosoliso]

Jana nmeona katibu mkuu wa wizara ya mambo ya ndani akisema waliorudishwa wana matatizo either ya vibali au makosa mengine watu 187 ndio wamerudishwa

Yaani yule Katibu mkuu nilimuona na kumsikiliza jana nikashangaa sana.. Inaonyesha jinsi gani serikali isivyowathamini raia wake walio nje.. Wote tunaona kupitia vyombo vya habari watanzania wenzetu waliopatwa na kadhia hiyo, wakilalamika kufanyiwa vitendo vya kinyama ikiwamo kubakwa, kunyang'anywa mali na kuchaniwa hati zao za kusafiria.. Tulitegemea kauli toka mapema toka serikalini kuhusu hoja hiyo.. Badala yake Katibu mkuu anakuja kuvilaumu vyombo vya habari kwa kuandika habari hizo ati Msumbiji ni nchi rafiki hawawezi kufanya hivyo.. Wanachofanya ni operation ya kawaida na ya halali ya kuwaondoa wahamiaji haramu..!

 

[Ndahani]

Kuna njaa sana kule. ..makonde kula makonde wanaona sawa tu

 

[Rweye]

Lakini hebu tuiweke hii historia nzuri kati yetu na hawa wenzetu. Hivi sheria za kuishi na kufanya shughuri zako katika nchi za wenzako zinasemaje, na kwanini mtu unataka tu fadhira na hisani hivi badala ya kuzielewa sheria zao?

Kuwepo kwa sheria hizi ni faida kwa wazao kwa maana hakuna nchi iliyo tayari kuwabeba wageni wakati raia wakitaabika na kama ipo basi ni hapa Tz tu. Nchi yetu hii kuruhusu wageni wajae kama nzi chooni wala hakiwezi kuwa kitu cha kishujaa, ni kutokuwajibika tu na inakuwa usimamizi mbovu. Sasa kama nyie mmezoea hizo shortcuts msilalamike pale wenzenu watakapokuwa wakisimamia sheria zao kwa masrahi ya nchi zao, huu ndo ukweli na ndo utawala wa sheria

 

[babutz]

Lakini hebu tuiweke hii historia nzuri kati yetu na hawa wenzetu. Hivi sheria za kuishi na kufanya shughuri zako katika nchi za wenzako zinasemaje, na kwanini mtu unataka tu fadhira na hisani hivi badala ya kuzielewa sheria zao?

Kuwepo kwa sheria hizi ni faida kwa wazao kwa maana hakuna nchi iliyo tayari kuwabeba wageni wakati raia wakitaabika na kama ipo basi ni hapa Tz tu. Nchi yetu hii kuruhusu wageni wajae kama nzi chooni wala hakiwezi kuwa kitu cha kishujaa, ni kutokuwajibika tu na inakuwa usimamizi mbovu. Sasa kama nyie mmezoea hizo shortcuts msilalamike pale wenzenu watakapokuwa wakisimamia sheria zao kwa masrahi ya nchi zao, huu ndo ukweli na ndo utawala wa sheria

sheria haisemi umbake mtu au umuue mtu,,kuna taratibu za kuwaondoa wahamiaji haramu...........yanayofanyika msumbiji ni kinyume na sheria za msumbiji, sheria za kimataifa na haki za kibinadamu,,,,,,,,,,,,,,inafika hatua wanawanyang'anya watz hata passport zao za kusafiria na hati halali za kuishi nchini humo,,,,,,,,,,,,,yanayoendelea msumbiji kwasasa ni unyama dhidi ya watz na sio kufuata sheria

 

[BilioneaPATIGOO]

Hivi kwanini haya yanatokea katika kipindi hiki ?? Katika.serikali hii?