Hakika Jela Haina Mwenyewe | JamiiForums | The Home of Great Thinkers

Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Hakika Jela Haina Mwenyewe

Discussion in 'Habari na Hoja mchanganyiko' started by Shy, Oct 10, 2007.

  1. Shy

    Shy JF-Expert Member

    #1
    Oct 10, 2007
    Joined: Nov 2, 2006
    Messages: 4,238
    Likes Received: 24
    Trophy Points: 0
    Kuna watu wametoka Jela wakatoka na mambo makubwa duniani. Hasa kwa Historia uvumbuzi wa vitu vingi muhimu umetoka magerezani.

    Waswahili wamesema si busara kukata tawi chini yake wakati wewe mwenyewe umekaa juu yake, wala kunyea kambi au kutukana wakunga na uzazi ungalipo, ni ujinga mkuu.
    IPRO inatoa fundisho, kwamba Jela Haina Mwenyewe na kwa akali ya mambo, uchumi mbaya wa dunia, kukosa kazi au upunguzwaji kazi ‘redundancies’ uliopo si ajabu kufika 2010 kila mmoja atapitia gerezani.

    Magereza mengi huku Afrika ni sehemu ya kutesa Binadamu au kukomoa wale kimbelembele na si sehemu ya marekebisho au Chuo cha mafunzo hata kidogo.

    Umma unamtazamo mbaya wa kumwona Mfungwa kuwa ni adui mbaya sana na hata Idara ya Magereza bado haijakomaza mfumo wake wa marekebisho. Maana kufundishwa kwao kumchunga Mfungwa asitoroke wao humchukulia kuwa adui.






















    Tujifunze kutokana na misemo kemkem ya waswahili wasemao;

    “Ukiona mwenzako ananyolewa wewe tia maji” “Kicheko leo kwangu lakini kesho ni kwako”

    Katika tathimini ya misemo hiyo hapo juu fundisho kubwa tupatalo, hata uwe sugu ni kwamba mambo katika dunia huenda kwa mzunguko, hivyo ni vyema kuandaa tuendako kabla hatujafika huko.

    Hakika Jela Haina Mwenyewe. Ninayo mengi ya kusema kubaini ukweli hapo juu. Tukio la mwaka 1997 wakati Rais Mstaafu wa kwanza wa Zambia alipowekwa ndani pasipo huruma wala simile na Mheshimiwa Rais Fredrick Chiluba wakati akiwa madarakani. Ni hakika isiyo kanika kwamba Magereza ya Zambia ni miongoni mwa Magereza mabovu katika bara la Afrika.

    Rais wa Kwanza Mhe. Keneth Kaunda kwa hofu na kuwakomoa wapinzani aliyakaza sana na kuyafanya magereza hasa yawe mahala pa mateso.

    Mfumo wa vyama vingi ukamweka Mhe. Fredrick Chiluba madarakani. Kwa sababu moja au ya pili Chiluba akamwona ndugu Kaunda anastahili kuwekwa ndani na ndivyo alivyofanya. Mhe. Kaunda alikaa wapi?

    Palepale alipowaweka wapinzani ili wakione cha mtema kuni ndipo alipoingia yeye.

    Yalikuwa ni mateso makali na nakumbuka Mhe. Kaunda akilia machozi kwa uchungu. Ipo katika rekodi kwamba wapenzi wa Kaunda wengi wao walienda kumwona

    Hayati Mwalimu J. K. Nyerere akiwa mmojawapo, na ndiye aliyefanikisha kumtoa ndani kwa kumwomba Rais Chiluba. Mhe. Chiluba alikazana akisema mwache akae mahala alipotengeneza yeye mwenyewe

    Utawala wa Rais Chiluba ulifika mwisho, naye ingawaje Rafikiye Mwanawasa alipewa kushika usukani, wakati Taifa lilipochachamaa kumtaka Rais Chiluba awekwe ndani ikawa sheria ni msumeno ukatao kuwili.

    Rais Chiluba naye akaenda palepale alipomwona Kaunda akilia. Hatujui sasa kwa Mhe. Mwanawasa kutatokea nini?

    Lakini jibu la busara ni hili tu kwamba Jela Haina Mwenyewe; Rais wa leo ni Mfungwa wa kesho

    Nchini Kenya nako hatuwezi kumsahau Waziri mmoja wa wakati ule akiwa mhusika na Wafungwa na Magereza. Huyu naye alitoa amri kali ya kuondoa magodoro, vitanda ili mfungwa alale kwenye sakafu.

    Haikupita muda mkondo wa sheria ukampitia yeye naye akawa mfungwa. Kwa mshangao, alipoingia Jela na kuona vitanda na magodoro ni marufuku akapiga kelele kwa wale mawada kwamba huo ni unyama.

    Kwa kicheko cha kebehi wakamkumbusha amri yake akiwa Waziri. Alijisikiaje huyu?

    Bado tukiwa nchini Kenya hukohuko, Kamishina mmoja wa Magereza, akatoa amri kwamba mfungwa asinywe uji kwa sukari. Kama ilivyo ada ya dunia, huyu naye akawa
    ndani na kushangaa ati ni vipi mtu anywe uji pasipo sukari; ndipo walipomkumbusha amri yake. Huyu naye aliona vipi? Ninayo lukuki ya mifano na vituko vya namna hiyo.

    Historia imemtunuku Mhe. Nelson Mandela kuwa mfungwa nambari moja kwa ujasiri, wake wa kukaa Jela ngumu miaka takribani 27 na kutoka humo akiwa na akili timamu na kupewa Urais wa nchi bora Afrika nzima, Afrika ya Kusini.

    Mhe. Olusegun Obasanjo pia alikaa gerezani na kutengeneza Chama chake kilichoshinda na kumpa Uraisi wa nchi Tajiri Barani Afrika, Nigeria.

    Hatuwezi kumsahau Rais Machachari kwa Wazungu Mhe. Robert Mugabe. Mugabe naye alikaa gerezani, kasoma humo na kupata kuwa Rais wa Zimbabwe hadi kesho. Hata hapo pia ninayo mifano mingi ya kusema kuthibitisha hayo.

    Mlolongo huu wote wa maelezo sawia hapo juu lengo langu ni nini? Nataka kukupatia wewe usomaye waraka huu na dunia yote kwa jumla mafundisho makuu mawili;

    Moja, ni kwamba tutengeneze magereza yawe nyumba bora za kuishi ili pindi utakapoenda wewe mwenyewe usijute.
     
  2. Bujibuji

    Bujibuji JF-Expert Member

    #2
    Jun 14, 2017
    Joined: Feb 4, 2009
    Messages: 32,424
    Likes Received: 15,617
    Trophy Points: 280
    CC Mkapa, Chenge, Kikwete, Karamagi and the co.
     
  3. South

    South JF-Expert Member

    #3
    Jun 14, 2017
    Joined: Jan 11, 2016
    Messages: 2,855
    Likes Received: 3,482
    Trophy Points: 280
    Inatakiwa wafungwe mara moja
     
  4. Bujibuji

    Bujibuji JF-Expert Member

    #4
    Jun 14, 2017
    Joined: Feb 4, 2009
    Messages: 32,424
    Likes Received: 15,617
    Trophy Points: 280
    Hakika
     
  5. kunguni wa ulaya

    kunguni wa ulaya JF-Expert Member

    #5
    Jun 14, 2017
    Joined: Mar 16, 2014
    Messages: 1,732
    Likes Received: 1,117
    Trophy Points: 280
    Mkuu leo umramua kufukua nyuzi za zamani sana. Hongera sana!
    Je kwa CCM tunavyiwajua hilo litabaki ndoto tu!
     
  6. Bujibuji

    Bujibuji JF-Expert Member

    #6
    Jun 14, 2017
    Joined: Feb 4, 2009
    Messages: 32,424
    Likes Received: 15,617
    Trophy Points: 280
    Ndio Tatizo LA CCM, kila kitu ni kwa kick
     
  7. nsanzu

    nsanzu JF-Expert Member

    #7
    Jun 14, 2017
    Joined: Jul 29, 2015
    Messages: 1,970
    Likes Received: 1,166
    Trophy Points: 280
    Uzi huu umekuwepo miaka 10 iliyopita na bado unaakisi uhalisia. Hivi majuzi mbunge wa Arusha mjini aliwekwa rumande kwa miez kadhaa pale Kisongo alipotolewa kwa dhamana akakili kwa ulimi wake mwenyewe, sheria ya wafungwa ipitiwe upya na irekebishwe kwani aliyokutana nayo hayamstahili binadamu. Je asingewekwa humo, angelitambua hilo?
     
  8. Erickford4

    Erickford4 JF-Expert Member

    #8
    Jun 14, 2017
    Joined: May 22, 2017
    Messages: 560
    Likes Received: 325
    Trophy Points: 80
    umeona mbali
     
  9. Changamka

    Changamka Member

    #9
    Jun 14, 2017
    Joined: Sep 27, 2015
    Messages: 43
    Likes Received: 25
    Trophy Points: 25
    Duh! Long time ago
     
Loading...