Mzee Es na wengine! Nimefuatilia hoja zenu kwa makini, na hapa nitajaribu kujibu tu juu ya SAS.
a. Mtanzania ni nani? Je kila mtu mweusi anayeishi Tanzania ni Mtanzania? Je kila mtu mwenye kuchanganya damu si mtanzania? Kwa maoni yangu (na nadhani sheria iko upande wangu) Mtanzania ni yule mwenye kutimiza masharti yanayofahamika ya Uraia. Je SAS ni mtanzania kwa masharti hayo?
b. Je mwarabu anaweza kuwa Mtanzania kwa kuzaliwa na kwa kuchagua? Bila ya shaka! Je Mhindi anaweza kuwa mtanzania? Bila ya shaka! Tanzania na CCM wenyewe wameshakubali kuwa rangi si kitu tunao wahindi wengi na waarabu ambao leo hii wanawakilisha watu weusi kwenye Bunge!! Wamechaguliwa na watu kwa sababu ni Watanzania na wametumia haki yao hiyo. Tatizo la kukataa "kutaliwa na mwarabu" ni tatizo baya sana kwani linatokana na ubaguzi mtupu! Je Tanzania iko tayari kutawaliwa na Mchagga, Mnyakyusa, au Mhaya? Kuna watu watasema "Hapana! Hatuko tayari kutawaliwa na watu hao" Kisa na mkasa... ? ni makabila yao!!
c. Nakubaliana na wewe kwenye hoja ya SAS kwamba asitawale Tanzania kwa sababu moja tu nayo ni rekodi yake na sifa zake kama kiongozi!! Itakuwa ni kujidanganya kuwa mtu mweusi wa Tanzania basi ana uchungu zaidi na ana uwezo zaidi wa kuitawala nchi yetu! (Ushahidi unaonyesha vingenevyo). Kama SAS alikataliwa kwa sababu ya rekodi yake ya uongozi na historia yake kama kiongozi hiyo ni sawa, lakini kumkataa mtu kwa sababu ya rangi yake, ni uonevu mkubwa, kinyume na utanzania wetu, na zaidi ya yote ni kitendo cha kibaguzi ambacho watanzania tumeupinga tangu tuwe Taifa!! Ninawasihii wazee wenzangu tusianze leo ubaguzi huu... Kwa sababu mwisho itakuwa "Wahutu hawawezi kutawala nchi...let's kill em!"
d. SAS kukataliwa na Reagan, haituhusu, Reagan hakuwa Mpaka Mafuta wa Wafalme kama Nabii Samuel!! Hivi tukichagua viongozi wetu kwa kufuata baraka za wakubwa tutafika kweli? Miye binafsi sijali Reagan alionyeshwa nini kwenye faili la SAS ambaye aliwahi kuwa Rais wa Baraza la Umoja wa Mataifa. SAS alikataliwa na wakubwa sababu ya Uislamu wake na siyo Uarabu wake. Ndo maana hata wakati ulipofika kwa nchi za kiarabu kutoa Katibu Mkuu Mpya, hawakumtoa Muislamu bali Mwarabu Mkristu (Boutros Boutros Ghali)!