Faini Tshs 300,000 kucheza pool table asubuhi

[kbm]

Wapenzi wa mchezo wa pool table nchini, watalazimika kusubiri hadi saa 10 jioni kucheza mchezo huo au kukubali kutozwa faini isiyopungua Sh300,000 wakikutwa wanacheza kabla ya muda uliopangwa.

Mkurugenzi wa Bodi ya Michezo ya Kubahatisha, Abbas Tarimba amesema wametayarisha barua zitakazotumwa kwa wakuu wa mikoa ili kuwasaidia kuelekeza wananchi kuhusu kanuni, sheria na taratibu za mchezo huo.

Alisema barua hizo pamoja na matangazo yatakayotoka katika vyombo vya habari, vitatoa mwongozo wa muda wa kuanza mchezo huo ambao utakuwa ni saa 10.00 jioni na kumaliza saa 5.00 usiku kwa siku za kazi, huku siku za mapumziko utaanza saa 8.00 mchana na kumalizika saa 6.00 usiku.

Tarimba alisema Sheria ya Michezo ya Kubahatisha (Gaming Act), kifungu cha 52 katika kifungu kidogo cha kwanza sura ya 42, inaeleza asiye na kibali cha kuchezesha au atakayekiuka kanuni za mchezo huo, atashtakiwa na akikutwa na hatia atalazimika kulipa faini isiyopungua Sh300,000 au kifungo kisichopungua miezi mitatu au vyote viwili.

“Kila shughuli hapa nchini ina taratibu zake, watakaokiuka kwa kisingizio cha kuwa hiyo ndiyo ajira yao, watakaokutwa wanautumia mchezo huo kinyume cha sheria na kuugeuza kamari, watachukuliwa hatua za kinidhamu,”alisema.

Wakati Tarimba akisema hayo kuunga mkono kauli ya Rais John Magufuli ya kupiga marufuku vijana kuucheza mchezo huo muda wa kazi, katika baadhi ya maeneo jijini Dar es Salaam bado unaendelea kuchezwa.

Mwananchi lilifanya uchunguzi katika maeneo ya Buguruni, Mabibo, Vingunguti na Ilala na kukuta vijana wakiendelea kucheza mchezo huo asubuhi, huku baadhi yao wakidai hawajui kama imepigwa marufuku.

Teophili Lyaka aliyekutwa akicheza katika baraza ya nyumba eneo la Mabibo, alisema hajui kama kuna katazo la kucheza mchana na pia analipa fedha mwenyewe na hana kazi ya kufanya.

Leonard Rupia aliyekutwa akicheza katika eneo la Ilala, alisema anatambua Rais amekataza na kusema watu wafanye kazi, lakini amesahau vijana wengi hawana kazi.

Alishauri kwamba vijana watafutiwe kazi kwanza kabla ya kulazimishwa kuacha kufanya vit vinavyowapotezea mawazo.

“Sijui hajui kama hatuna kazi, maisha magumu, mawazo kila kukicha,”alisema.

Cassian Gama anayechezesha mchezo huo eneo la Vingunguti, alisema hiyo ndiyo ajira yake na ametekeleza kilichokuwa kinasemwa na viongozi mbalimbali kuwa vijana watafute fursa za kujiajiri.

“Hapo awali nilikuwa naingiza hadi Sh100,000 kwa sababu ‘token’ ilikuwa inauzwa Sh500. Watu wakijaa wanaotaka kucheza haraka wanapanda dau hadi Sh1,000, lakini sasa yapo mengi. Nauza bei ya zamani na ninapata kati ya Sh20,000 hadi Sh22,000 ukiniambia niache unataka nifanye kazi gani,”alisema.

Miraji Ramadhani aliyekutwa akicheza eneo la Buguruni ambaye ni mchezeshaji pia, alisema hana mpango wa kuacha kucheza, kuchezesha hadi akamatwe ‘akapumzike’ kwa kuwa hana cha kufanya.

Chanzo: Mwananchi

 

[eltontz]

Issue ni pale viongozi watakapokomalizia pool tu wakati Rais alitoa pool kama mfano mmojawapo wa shughuli anazoziona hazina tija ya moja kwa moja ....

 

[kson m]

kama ndicho kiwango cha faini hilo ni dili ukimkamata ni 300000 au ahurumiwe kwa 50000 bila risiti.!

 

[njiwa]

Huyo anayesema hana kazi na isitoshe anatumia hela yake kulipia hiyo pesa ameipata wapi na yeye hana kazi?!

 

[King_Jeke_Tile]

Sijui mpaka 2020 tutakua tumefika wapi?

 

[Warren T]

 

[gspain]

Huyo anayesema hana kazi na isitoshe anatumia hela yake kulipia hiyo pesa ameipata wapi na yeye hana kazi?!

Wangekuwa wanajiuliza maswali madogo km haya huenda ingesaidia,tatizo mkuu wa kaya si presidential material ukitazama utadhani ni mwenyekiti wa kijiji anavyoropoka daily.

 

[simcard1]

Kuna wanaocheza asubuhi sana tena jumatatu kwenye tablet, simu na computer... Haaahaaa

 

[wa hapahapa]

pool ni mchezo wa kubahatisha ?...

nilitegemea labda shirikisho la mchezo wa pool tz ndio watatoa taratibu na kanuni za mchezo huo.

 

[Lamar BlacAmerican]

Ujue mambo mengine yanafurahisha magufuli alitolea mfano tu wa pool table lakini kuna mambo mengi vijana kwa wazee wanafanya asubuhi ambapo haviruhusiwi lakini hawavitolea macho wamekazana pool table tu kwa mfano kuna watu wanaocheza BAO wapo wanaocheza karata mbona hamuwazungumzii au mmeona pool table tu......inashangaza ujue

 

[Clarity]

Karata,Draft,Bao na mingine tunaweza cheza asubuhi ila pool hapana

 

[Leak]

Huyo anayesema hana kazi na isitoshe anatumia hela yake kulipia hiyo pesa ameipata wapi na yeye hana kazi?!

Pia wanasahau kuwa pamoja na kulipa laki tatu pia watasombwa na kupelekwa kwenye makambi kulima!

 

[Kadhi Mkuu 1]

Naona ni chanzo kizuri cha mapato kwenye halmashauri. Wawahimize vijana wengi wacheze pool table asubuhi ili wawe wanakusanya kila mtu laki 3 kila siku kwa kila mchezaji. Baada ya miaka mitani watakuwa wamekusanya mabilion ya pesa kutoka kwa wacheza pool table wasio na ajira.

 

[Governor of Bettors-GB]

pool ni mchezo wa kubahatisha ?...

nilitegemea labda shirikisho la mchezo wa pool tz ndio watatoa taratibu na kanuni za mchezo huo.

Aisee mkuu upo Dunia gani kaka.
Siku hizi Kamari inachezwa kwenye Pool,watu wanawekeana dau,tena inakuwa kwa kasi sana aina hiiya Kamari

 

[Governor of Bettors-GB]

Huyo aliejieleza hapo juu kwamba kwa siku alikuwa anatapat 100,000
Halafu leo anasema kwamba hana biashara nyingine,aisee kuna viumbe tata kweli.
Ndio maana tunaambiwa ukipata fursa itumie kwa manufaa kuna leo na kesho.Sasa pato la laki moja halafu leo huna cha kufanya,pesa yooote umeuzia sura.

Kwanza tuelewe issue ni muda,kucheza haijakatazwa.

 

[MKWEPA KODI]

Afadhali sisi wa drafti hatujaguswa

 

[Threesixteen Himself]

!
!
Hi i pool ni mchezo wa kubahatisha?

 

[chipolopolo 2]

Wangekuwa wanajiuliza maswali madogo km haya huenda ingesaidia,tatizo mkuu wa kaya si presidential material ukitazama utadhani ni mwenyekiti wa kijiji anavyoropoka daily.

Hahahaaaaaa

 

[Black Sniper]

kama ndicho kiwango cha faini hilo ni dili ukimkamata ni 300000 au ahurumiwe kwa 50000 bila risiti.!

Dawa hapo serikali iwatume watano kila mzunguko halafu wapate elfu kumi @ kama hawakukomalia 300,000 kkkk

 

[chipolopolo 2]

Wapenzi wa mchezo wa pool table nchini, watalazimika kusubiri hadi saa 10 jioni kucheza mchezo huo au kukubali kutozwa faini isiyopungua Sh300,000 wakikutwa wanacheza kabla ya muda uliopangwa.

Mkurugenzi wa Bodi ya Michezo ya Kubahatisha, Abbas Tarimba amesema wametayarisha barua zitakazotumwa kwa wakuu wa mikoa ili kuwasaidia kuelekeza wananchi kuhusu kanuni, sheria na taratibu za mchezo huo.

Alisema barua hizo pamoja na matangazo yatakayotoka katika vyombo vya habari, vitatoa mwongozo wa muda wa kuanza mchezo huo ambao utakuwa ni saa 10.00 jioni na kumaliza saa 5.00 usiku kwa siku za kazi, huku siku za mapumziko utaanza saa 8.00 mchana na kumalizika saa 6.00 usiku.

Tarimba alisema Sheria ya Michezo ya Kubahatisha (Gaming Act), kifungu cha 52 katika kifungu kidogo cha kwanza sura ya 42, inaeleza asiye na kibali cha kuchezesha au atakayekiuka kanuni za mchezo huo, atashtakiwa na akikutwa na hatia atalazimika kulipa faini isiyopungua Sh300,000 au kifungo kisichopungua miezi mitatu au vyote viwili.

“Kila shughuli hapa nchini ina taratibu zake, watakaokiuka kwa kisingizio cha kuwa hiyo ndiyo ajira yao, watakaokutwa wanautumia mchezo huo kinyume cha sheria na kuugeuza kamari, watachukuliwa hatua za kinidhamu,”alisema.

Wakati Tarimba akisema hayo kuunga mkono kauli ya Rais John Magufuli ya kupiga marufuku vijana kuucheza mchezo huo muda wa kazi, katika baadhi ya maeneo jijini Dar es Salaam bado unaendelea kuchezwa.

Mwananchi lilifanya uchunguzi katika maeneo ya Buguruni, Mabibo, Vingunguti na Ilala na kukuta vijana wakiendelea kucheza mchezo huo asubuhi, huku baadhi yao wakidai hawajui kama imepigwa marufuku.

Teophili Lyaka aliyekutwa akicheza katika baraza ya nyumba eneo la Mabibo, alisema hajui kama kuna katazo la kucheza mchana na pia analipa fedha mwenyewe na hana kazi ya kufanya.

Leonard Rupia aliyekutwa akicheza katika eneo la Ilala, alisema anatambua Rais amekataza na kusema watu wafanye kazi, lakini amesahau vijana wengi hawana kazi.

Alishauri kwamba vijana watafutiwe kazi kwanza kabla ya kulazimishwa kuacha kufanya vit vinavyowapotezea mawazo.

“Sijui hajui kama hatuna kazi, maisha magumu, mawazo kila kukicha,”alisema.

Cassian Gama anayechezesha mchezo huo eneo la Vingunguti, alisema hiyo ndiyo ajira yake na ametekeleza kilichokuwa kinasemwa na viongozi mbalimbali kuwa vijana watafute fursa za kujiajiri.

“Hapo awali nilikuwa naingiza hadi Sh100,000 kwa sababu ‘token’ ilikuwa inauzwa Sh500. Watu wakijaa wanaotaka kucheza haraka wanapanda dau hadi Sh1,000, lakini sasa yapo mengi. Nauza bei ya zamani na ninapata kati ya Sh20,000 hadi Sh22,000 ukiniambia niache unataka nifanye kazi gani,”alisema.

Miraji Ramadhani aliyekutwa akicheza eneo la Buguruni ambaye ni mchezeshaji pia, alisema hana mpango wa kuacha kucheza, kuchezesha hadi akamatwe ‘akapumzike’ kwa kuwa hana cha kufanya.

Chanzo: Mwananchi

Hakuna shida hapo tumemuelewa vizur kumbe tatizo pool table tu hapa kijiwen kwetu tumeamua asubuh tunacheza karata, na draft or bao manake ni michezo pia ikifika Saa kumi tunaanza pool table .