Ezekiel Kamwaga: Wazungu "wametuharibu" waandishi wa Habari wa Afrika

barafu

barafu

JF-Expert Member
Apr 28, 2013
6,739
32,866
image.jpeg

Anaandika Ezekiel Kamwaga.

Wazungu 'wametuharibu' waandishi !

Rais John Magufuli alitembelea Rwanda kwenye ziara yake ya kwanza ya kigeni. Kulikuwa na mambo matatu makubwa yaliyoelezwa na vyombo vya habari kuhusu ziara ile; kwamba ni ya kwanza kwa JPM, alizindua daraja pale Rusumo na kuhudhuria maadhimisho ya mauaji ya kimbari ya mwaka 1994. Zote hizo ni habari nzuri.

Tatizo ni kwamba tukaacha, sote, kuandika kuhusu tukio moja muhimu; la Rais Magufuli kupewa zawadi ya ng'ombe watano na Rais Paul Kagame.

Tulitumia ile picha na kuweka 'caption' lakini hatukufanya uchambuzi wa nini maana ya tukio lile. Hapa ndipo tulipopotea, maana sisi ndiyo tunakaa Afrika na tungeweza kueleza hili vizuri.

Kwamba kwanza JPM na Kagame wanatoka katika makabila ambayo yanaheshimu ufugaji na mifugo. Kwamba Kagame, ingawa ana ng'ombe wa aina nyingi; alimpa Magufuli ng'ombe wa asili kabisa wanaoitwa Inyambo (samahani kwa watani zangu Wanyambo). Hawa ni ng'ombe maarufu, wa aina yake na maziwa yao yanadaiwa kutokuwa na chembe ya cholestrol.

Kwamba zawadi ya ng'ombe ni ishara ya kujenga uhusiano wa kudumu. Kwenye makabila mengi, mahari kwa anayetaka kuoa ilikuwa inahesabiwa kwa idadi ya ng'ombe. Kama kulikuwa na matatizo yoyote huko nyuma, zawadi ile ya ng'ombe imeyafuta (sote tunajua kwamba uhusiano wetu na Rwanda ulikuwa umevurugika katika kipindi cha miaka mitano iliyopita).

Na zawadi ile ilitoka nyumbani kwa Kagame ambako ni wazi marais hawa wawili walikuwa na muda mzuri wa kuzungumza mambo na ndoto zao kwa wananchi wao katika namna ya uwazi na ukweli.

Kwanini hatuandiki vitu kama hivi ? Ni kwa sababu mafunzo ya darasani kwenye vyuo vyetu yanatokana na vitabu vilivyoandikwa na watu wa Magharibi. Uandishi wetu sasa unakwenda na vigezo vya Magharibi.

Tunaangalia vile ambavyo Wamarekani au Waingereza wangeandika.

Hatuandiki kuhusu unyonyaji bali tunaandika kuhusu ufisadi kwa sababu ndiyo ajenda ya Magharibi hivi sasa. Ingawa tunajua tatizo kubwa la nchi zetu hizi ni unyonyaji na si ufisadi.

Unyonyaji wa kulipa watu mishahara midogo, unyonyaji wa kuwakopa wakulima, unyonyaji wa makampuni makubwa kukwepa KISHERIA kulipa kodi, unyonyaji wa kutangaza hasara wakati wamepata faida, unyonyaji wa kutaka kununua bidhaa ghafi kutoka kwetu kwa bei nafuu na kuja kutuuzia bidhaa iliyokamilika ya malighafi hiyohiyo kwa gharama ya juu na kadhalika.

Hivi ndivyo namna wenzetu walivyotuharibu.

Hata kwenye michezo uandishi unabadilika. Tunahesabu 'assists' na kilomita alizokimbia mchezaji uwanjani. Tunashawishi timu kuwa na academies wakati tunajua hatuna uwezo huo kwa sasa.

Wakati tukiwa na timu bora viwanjani, wachezaji walikuwa wakipatikana kwenye shule na timu za mitaani. Mpira hauchezwi tena mitaani na shuleni michezo inakufa.

Wakati hali halisi ikiwa hivyo, miezi michache iliyopita, Arsene Wenger amekiri kwamba siku hizi washambuliaji hakuna. Kama unataka mshambuliaji mzuri inabidi uende Amerika Kusini kwa sababu kule soka liko mtaani.

Mtoto anacheza kwenye viwanja vibovu na watu waliomzidi umri. Anapigwa ngwara, vipepsi, vichwa, ngumi na vibao tangu akiwa na miaka 12. Na ili acheze, anatakiwa kuvumilia yote hayo.

Akiwa mkubwa, ndiyo anakuwa Luis Suarez (akizidiwa anang'ata), Alexis Sanchez (hata akiumia analazimisha acheze), Carlos Bacca (akipigwa kiatu ananyanyuka fasta na kuendelea halafu baadaye atalipiza, Diego Simeone (mwone anavyohaha wakati timu yake ikicheza). Hawa hapatikani kwenye 'academies'.

Na tazama kwenye lakabu (nick names)... Siku hizi kuna Vidic, Cannavaro, Benteke, Messi, Diego etc. Zamani dunia ilikuwa na masuspataa pia. Walikuwepo akina Pele, Beckenbauer, Platini, Scirea, Baresi etc.

Lakini huku waandishi walitengeneza lakabu za kuvutia kwa wachezaji; Malota Soma 'Ball Juggler', Hamis Gaga (Gagarino), David Mjanja 'Kazi Bure', Mwinda Ramadhani 'Maajabu', Abdallah Kibadeni 'King Mputa', Chogo Chemba, Master, etc.

Nakumbuka kuna siku Abubakar Liongo alikuwa anatangaza mojawapo ya mechi za Coastal Union na akamtaja Mohamed Mwameja kama kijana wa aliyekulia eneo la Mwakidila. Nakumbuka mpaka leo hilo neno.

Now, we are talking formations...Distance covered, that La Masia is the example for our clubs etc.. In Tanzania !

Our Western folks are taking us all to the cleaners !
 
A naked truth. Na sijui lini tutazinduka kutoka huu usingizi, hakuna hata dalili.
 
Duh, Duh..........

Yaani EZEKIEL KAMWAGA ameandika bonge la 'article'...lakini ni watu wachache watamwelewa KAMWAGA...inabidi nimtafute huyu dogo kwani tunafahamiana... Ameandika jambo la msingi sana...Uandishi wetu ni wa kiwango cha chini mno...bahati nzuri alichoandika ni eneo langu pia kiutafiti...nimefanya utafiti wa karibu miaka minne katika eneo hili...

Kwa hakika mjadala huu wa nafasi ya 'media' katika nchi yetu ni mzito...Waandishi wetu wanaandika kwa mfumo wa nchi za magharibi na hawandiki kuhusu matatizo ya wananchi wetu...wanachoangalia waandishi wetu ni namna gazeti litakavyouza...kwa hiyo magazeti hayawezi kuchambua bajeti ya wizara ya Mali asili, Mambo ya Ndani na kadhalika, badala yake wataeleza yale ya upinzani walivyoishambulia serikali...

Magazeti hayawezi kuchambua bajeti ya elimu kwa mfano ila wataandika kile wapinzani walichosema kuipinga serikali...waandishi hawawezi kuandika matatizo ya kiuchumi ya wananchi na ambapo mitumba ya nguo inaletwa nchini pamoja na chupi, sidiria na kadhalika...magazeti hayawezi kuchambua ubaya wa kuingiza chupi za wazungu na sidiria zao walizotumia...waandishi wetu wataandika kuhusu ufisadi, upinzani, maandamano...wataandika masuala madogo ya bungeni kama vile 'mbunge asema wapinzani wana sura mbaya' ...luninga zitawaonyesha wabunge wanawake wakiimba bungeni nyimbo za vyama vya wafanyakazi, na kadhalika...

Ukiwaangalia wachambuzi wetu wa soka kwenye luninga mpaka unajisikia vibaya, masuala yaliyopo ni Arsenal, Liverpool, Real Madrid, Barcelona, Manchester na kadhalika...hakuna la maana kuhusu sisi tufanye nini kuhusu kuendeleza soka...Yaani kila kitu ni kuiga tu...yaani tumetekwa, tumekuwa watumwa...

Yaani hakuna chombo cha habari kinachofanya uchambuzi ubaya na ukoloni wa wazungu wa kutengeneza chemicals za kutoa rangi nyeusi...yaani madawa ya kuchubua ngozii yamejaa kwenye saloon mbalimbali, eti hiyo ndiyo biashara na ndiyo soko huria...soko huria gani la kufifisha uafrika wetu kwa kutuletea madawa ya kuchubua ngozi nyeusi?.....
 
barafu said:
View attachment 351422
Anaandika Ezekiel Kamwaga.

Wazungu 'wametuharibu' waandishi !

Rais John Magufuli alitembelea Rwanda kwenye ziara yake ya kwanza ya kigeni. Kulikuwa na mambo matatu makubwa yaliyoelezwa na vyombo vya habari kuhusu ziara ile; kwamba ni ya kwanza kwa JPM, alizindua daraja pale Rusumo na kuhudhuria maadhimisho ya mauaji ya kimbari ya mwaka 1994. Zote hizo ni habari nzuri.

Tatizo ni kwamba tukaacha, sote, kuandika kuhusu tukio moja muhimu; la Rais Magufuli kupewa zawadi ya ng'ombe watano na Rais Paul Kagame.

Tulitumia ile picha na kuweka 'caption' lakini hatukufanya uchambuzi wa nini maana ya tukio lile. Hapa ndipo tulipopotea, maana sisi ndiyo tunakaa Afrika na tungeweza kueleza hili vizuri.

Kwamba kwanza JPM na Kagame wanatoka katika makabila ambayo yanaheshimu ufugaji na mifugo. Kwamba Kagame, ingawa ana ng'ombe wa aina nyingi; alimpa Magufuli ng'ombe wa asili kabisa wanaoitwa Inyambo (samahani kwa watani zangu Wanyambo). Hawa ni ng'ombe maarufu, wa aina yake na maziwa yao yanadaiwa kutokuwa na chembe ya cholestrol.

Kwamba zawadi ya ng'ombe ni ishara ya kujenga uhusiano wa kudumu. Kwenye makabila mengi, mahari kwa anayetaka kuoa ilikuwa inahesabiwa kwa idadi ya ng'ombe. Kama kulikuwa na matatizo yoyote huko nyuma, zawadi ile ya ng'ombe imeyafuta (sote tunajua kwamba uhusiano wetu na Rwanda ulikuwa umevurugika katika kipindi cha miaka mitano iliyopita).

Na zawadi ile ilitoka nyumbani kwa Kagame ambako ni wazi marais hawa wawili walikuwa na muda mzuri wa kuzungumza mambo na ndoto zao kwa wananchi wao katika namna ya uwazi na ukweli.

Kwanini hatuandiki vitu kama hivi ? Ni kwa sababu mafunzo ya darasani kwenye vyuo vyetu yanatokana na vitabu vilivyoandikwa na watu wa Magharibi. Uandishi wetu sasa unakwenda na vigezo vya Magharibi.

Tunaangalia vile ambavyo Wamarekani au Waingereza wangeandika.

Hatuandiki kuhusu unyonyaji bali tunaandika kuhusu ufisadi kwa sababu ndiyo ajenda ya Magharibi hivi sasa. Ingawa tunajua tatizo kubwa la nchi zetu hizi ni unyonyaji na si ufisadi.

Unyonyaji wa kulipa watu mishahara midogo, unyonyaji wa kuwakopa wakulima, unyonyaji wa makampuni makubwa kukwepa KISHERIA kulipa kodi, unyonyaji wa kutangaza hasara wakati wamepata faida, unyonyaji wa kutaka kununua bidhaa ghafi kutoka kwetu kwa bei nafuu na kuja kutuuzia bidhaa iliyokamilika ya malighafi hiyohiyo kwa gharama ya juu na kadhalika.

Hivi ndivyo namna wenzetu walivyotuharibu.

Hata kwenye michezo uandishi unabadilika. Tunahesabu 'assists' na kilomita alizokimbia mchezaji uwanjani. Tunashawishi timu kuwa na academies wakati tunajua hatuna uwezo huo kwa sasa.

Wakati tukiwa na timu bora viwanjani, wachezaji walikuwa wakipatikana kwenye shule na timu za mitaani. Mpira hauchezwi tena mitaani na shuleni michezo inakufa.

Wakati hali halisi ikiwa hivyo, miezi michache iliyopita, Arsene Wenger amekiri kwamba siku hizi washambuliaji hakuna. Kama unataka mshambuliaji mzuri inabidi uende Amerika Kusini kwa sababu kule soka liko mtaani.

Mtoto anacheza kwenye viwanja vibovu na watu waliomzidi umri. Anapigwa ngwara, vipepsi, vichwa, ngumi na vibao tangu akiwa na miaka 12. Na ili acheze, anatakiwa kuvumilia yote hayo.

Akiwa mkubwa, ndiyo anakuwa Luis Suarez (akizidiwa anang'ata), Alexis Sanchez (hata akiumia analazimisha acheze), Carlos Bacca (akipigwa kiatu ananyanyuka fasta na kuendelea halafu baadaye atalipiza, Diego Simeone (mwone anavyohaha wakati timu yake ikicheza). Hawa hapatikani kwenye 'academies'.

Na tazama kwenye lakabu (nick names)... Siku hizi kuna Vidic, Cannavaro, Benteke, Messi, Diego etc. Zamani dunia ilikuwa na masuspataa pia. Walikuwepo akina Pele, Beckenbauer, Platini, Scirea, Baresi etc.

Lakini huku waandishi walitengeneza lakabu za kuvutia kwa wachezaji; Malota Soma 'Ball Juggler', Hamis Gaga (Gagarino), David Mjanja 'Kazi Bure', Mwinda Ramadhani 'Maajabu', Abdallah Kibadeni 'King Mputa', Chogo Chemba, Master, etc.

Nakumbuka kuna siku Abubakar Liongo alikuwa anatangaza mojawapo ya mechi za Coastal Union na akamtaja Mohamed Mwameja kama kijana wa aliyekulia eneo la Mwakidila. Nakumbuka mpaka leo hilo neno.

Now, we are talking formations...Distance covered, that La Masia is the example for our clubs etc.. In Tanzania !

Our Western folks are taking us all to the cleaners !
Click to expand...
You are very right bro. Very few will dare tackle such important issue. Congrats wuod Nam.
 
Lawama kwa wazungu.Huko ni kukwepa wajibu.

Ezekiel Kamwaga ni mwandishi. Kwa maelezo yake ametambua udhaifu wa waandishi wa Kiafrika. "Wameharibiwa na wazungu".

Tumezoea lawama. Kwanini yeye (Kamwaga) haandiki mawazo hayo ambayo hayaangalii "... vile ambavyo Wamarekani au

Waingereza wangeandika?
 
Thumb up kamwaga!

Binafsi namkubali sana kamwaga hasa kolamu yake moja aliyokuwa akiiandikia mwanaspoti "mr liverpool". Ni mchambuzi mzuri sana wa soka hasa la ulaya.

Tukirudi kwenye ukweli,hata kamwaga ni muumini mzuri sana wa umagharibi kiuandishi,anajua hadi baba wa babu wa steven gerrard lakini sina uhakika anayajua mangapi kuhusu mashujaa wetu katika nyanja mbalimbali. Ameongea la maana ila ninachokiona kwenye uandishi wa habari wa watz,hatujikiti kwenye kitu kimoja ili kukichambua kwa marefu na mapana. Kila mtu anajua kila kitu kulingana na hadhila inataka kusikia nini.

Mfano mzuri ni wakati wa taifa stars,budget au uchaguzi. Nilitegemea kuwe na watu maalum kwa kila nyanja sio kila mtu anafit kuripoti au kuchambua fani yoyote.
 
ni mwandishi wa kwanza kuongea ukweli kwenye fani yao kwani waandishi wengine huwa hawakubali kukosolewa magazeti ya shigongo ya udaku yamenakili kila kitu kutoka magazeti ya udaku ya ulaya ndio yaliyowaharibu kina wema kwa kuwapa usupa staa feki

waandishi wa sasa hivi ni wavivu kwani hawafanyi uchambuzi wowote
 
Hoshea said:
Tatizo limeanzia spiritually, watu wanaabudu mungu mweupe unadhani watapaonaje mahali wanakaa watu wanofanana na mungu. Iyo ndio mzizi wa tatizo
Click to expand...

Hilo ndo tatizo.. Sasa hivi kuna modern slavery. Kila kinachofanywa na mzungu ndicho bora nasi tunaiga na kufanya hivyo.

Bila kuwa na total emancipation, hatuwezi kufika popote Mkuu.
 
Waandishi wengi taaluma zao wanazitupa ,mfano kama ni mwandishi wa siasa basi tayari ana chama chake kichwani halikadhalika kama ni wa michezo naye ndivyo hivyo,taaluma wameitupa uongo,majungu,kukopi ndio wamegeuza taaluma ni aibu
 
fuentte said:
Thumb up kamwaga!

Binafsi namkubali sana kamwaga hasa kolamu yake moja aliyokuwa akiiandikia mwanaspoti "mr liverpool". Ni mchambuzi mzuri sana wa soka hasa la ulaya.

Tukirudi kwenye ukweli,hata kamwaga ni muumini mzuri sana wa umagharibi kiuandishi,anajua hadi baba wa babu wa steven gerrard lakini sina uhakika anayajua mangapi kuhusu mashujaa wetu katika nyanja mbalimbali. Ameongea la maana ila ninachokiona kwenye uandishi wa habari wa watz,hatujikiti kwenye kitu kimoja ili kukichambua kwa marefu na mapana. Kila mtu anajua kila kitu kulingana na hadhila inataka kusikia nini.

Mfano mzuri ni wakati wa taifa stars,budget au uchaguzi. Nilitegemea kuwe na watu maalum kwa kila nyanja sio kila mtu anafit kuripoti au kuchambua fani yoyote.
Click to expand...
Umesema sawa kabisa utakuta mtu ana elimu ya hapa na pale anakwenda dodoma kutuletea budget sidhani kama kuna chombo hata kimoja cha hapa Tanzania kilicho na ma columnists wenye degree ktk masuala wanayoyareport
 
1954 said:
Duh, Duh..........

Yaani EZEKIEL KAMWAGA ameandika bonge la 'article'...lakini ni watu wachache watamwelewa KAMWAGA...inabidi nimtafute huyu dogo kwani tunafahamiana... Ameandika jambo la msingi sana...Uandishi wetu ni wa kiwango cha chini mno...bahati nzuri alichoandika ni eneo langu pia kiutafiti...nimefanya utafiti wa karibu miaka minne katika eneo hili...

Kwa hakika mjadala huu wa nafasi ya 'media' katika nchi yetu ni mzito...Waandishi wetu wanaandika kwa mfumo wa nchi za magharibi na hawandiki kuhusu matatizo ya wananchi wetu...wanachoangalia waandishi wetu ni namna gazeti litakavyouza...kwa hiyo magazeti hayawezi kuchambua bajeti ya wizara ya Mali asili, Mambo ya Ndani na kadhalika, badala yake wataeleza yale ya upinzani walivyoishambulia serikali...

Magazeti hayawezi kuchambua bajeti ya elimu kwa mfano ila wataandika kile wapinzani walichosema kuipinga serikali...waandishi hawawezi kuandika matatizo ya kiuchumi ya wananchi na ambapo mitumba ya nguo inaletwa nchini pamoja na chupi, sidiria na kadhalika...magazeti hayawezi kuchambua ubaya wa kuingiza chupi za wazungu na sidiria zao walizotumia...waandishi wetu wataandika kuhusu ufisadi, upinzani, maandamano...wataandika masuala madogo ya bungeni kama vile 'mbunge asema wapinzani wana sura mbaya' ...luninga zitawaonyesha wabunge wanawake wakiimba bungeni nyimbo za vyama vya wafanyakazi, na kadhalika...

Ukiwaangalia wachambuzi wetu wa soka kwenye luninga mpaka unajisikia vibaya, masuala yaliyopo ni Arsenal, Liverpool, Real Madrid, Barcelona, Manchester na kadhalika...hakuna la maana kuhusu sisi tufanye nini kuhusu kuendeleza soka...Yaani kila kitu ni kuiga tu...yaani tumetekwa, tumekuwa watumwa...

Yaani hakuna chombo cha habari kinachofanya uchambuzi ubaya na ukoloni wa wazungu wa kutengeneza chemicals za kutoa rangi nyeusi...yaani madawa ya kuchubua ngozii yamejaa kwenye saloon mbalimbali, eti hiyo ndiyo biashara na ndiyo soko huria...soko huria gani la kufifisha uafrika wetu kwa kutuletea madawa ya kuchubua ngozi nyeusi?.....
Click to expand...
Mkuu na wewe umeandika vizuri sana ila najua nawe kuna watu hawatakuelewa.
 
You must log in or register to reply here.

Similar Discussions

Back
Top Bottom
Forums
New posts
Post thread
Back