Habarini wadau?
Nimeshuhudia tukio la kusikitisha sana na kila mara ninalifikiria.
Iko hivi, mimi ni mpangaji mmoja wapo kati ya wapangaji watatu.
Kisa hiki ni juu ya mpangaji mwenzangu anayoyafanya wajameni.
Kuna binti mlemavu na pia ni yatima (baada ya kujua story yake ndipo nikajua kuwa ni yatima) Binti huyu mara kadhaa nilimkuta mlangoni kwa mshikaji. Ni sehemu yenye mbu kutokana na mazingira yalivyo lakini binti anamvumilia mshikaji hata saa sita usiku.
Ipo siku ambayo aliwahi kulala hapo nje mshikaji akiwa amelala ndani bila kumjali.
Katika kudodosa ni kwamba msichana alikuwa ni mpenzi wa huyu jamaa kabla ya huyu jamaa kuhamia kwake.
Mwanzo wa mapenzi yao, binti anadai jamaa alimpenda kweli na kumjali kwa kila hali. Kwa kuonyesha mapenzi yake, binti akawa akipata pesa kidogo anagawana sawa na mshikaji. Binti pamoja na ulemavu wake ni shupavu wa kutafuta pesa. Hana wazazi wala walezi wanaojua kula yake.
Huyu jamaa kwao yupo njema lakini bado alimkandamiza binti kwa maneno matamu na kuna muda alimpokonya kila senti aliyokuwa nayo huku yeye akitumia kwa starehe zake. Binti alivumilia na hata kushinda njaa ili huyu jamaa aweze kufurahi.
Jamaa alipotaka kuhama, alimuomba binti pesa za kulipia chumba kwa miezi sita. Binti akahangaika akijua wanayapanga. Jamaa alipopata pesa hizo, alipanga na hakutaka kumwonyesha binti wapi anaishi. Ilipita muda mrefu hadi binti alipopelekwa nyumbani kwa mshikaji tena kwa masimango.
Hapo ndipo akajua wapi mshikaji anaishi. Baada ya muda mfupi tu, mshikaji akamtema binti kwa maneno ya kejeli kuwa "yeye ni mlemavu na hakuna mwanaume atakayemuhitaji. Pia alikuwa nae kipindi ana shida na sio sasa. Hakuwahi kumpenda wala kuwa na ndoto nae." Binti sasa anatia huruma kwani anadai alikuwa akimpenda mshikaji kwa dhati.
Ndugu zangu, kuna watu wa kufanyiwa mabaya na kuchezewa, lakini kwa hawa mabinti ambao wanakuwa na mapenzi ya dhati na kuwasimanga kwa maneno makali, binafsi inaniuma sana. Mkimuona mshikaji ni kama mtu vile.
Kumbe ndani ni shetani. Nae anatuambiaga binti analazimisha upendo naye hamtaki. Hana sababu ya maana ambayo mnaweza kuielewa. Mungu yupo...