Akizungumza leo, Septemba 29, 2026, Mkoani Morogoro wakati akifungua rasmi Mkutano Mkuu wa 31 wa Mtandao wa Vikundi vya Wakulima Wadogo Tanzania (MVIWATA), Waziri wa Mifugo na Uvuvi, Balozi Dkt. Bashiru Ally, amesisitiza kuwa kama vile nchi inavyotakia amani na haki mataifa mengine duniani ni vyema pia kutendeana haki, kuheshimiana, kulinda umoja na amani ya taifa.
"Hata haya ya Cuba na Palestina nina uhakika ipo siku ukweli utashinda na haki itashinda. Lakini pia tunavyofanya hivyo, kuwatakia amani, haki, heshima wenzetu nje ya Afrika, sisi humu ndani pia tujipange kutendeana haki, kuheshimiana, kulinda umoja na amani ya taifa letu."- Amesema Dkt. Bashiru