cerengeti
JF-Expert Member
- Jan 19, 2011
- 3,879
- 1,631
Na Mwinjilisti Kamara Kusupa.
DALILI ya kwanza na ya wazi ya utawala ulioshindwa ni ukatili. Utawala ulioshindwa kuiendesha nchi lakini bado uko madarakani ni lazima utatawala watu kwa ukatili mkuu.
Dalili nyingine ya watawala walioshindwa kutawala lakini bado wakawako madarakani ili kusogeza siku na kuingoja rasmi siku ya kuondoka kwao, ni "uwongo". Ukiona wameanza kusema uwongo mweupe na hawawaambii watawaliwa ukweli, elewa waai kuwa si kwamba ukweli haupo bali ukweli wa kuwaambia wananchi upo isipokuwa kinachokosekana hapo ni ile Moral authority au sheria ya rohoni, kitu ambacho ni muhimu sana kwa utawala na uendeshaji wa nchi.
Sheria za nchi peke yake pasipo morali hazitoshi kufanya nchi itawalike, wala vyombo vya dola na matumizi ya mabavu havitoshi kuifanya nchi itawalike. Mfano hai ni utawala wa makaburu huko Afrika Kusini, ulikuwa na nguvu zote yaani nguvu za kiuchumi, teknolojia ya hali ya juu, nguvu za kijeshi, nguvu za polisi, pamoja na uimara wenyewe wa mfumo wa kisiasa yaani mfumo wa kibaguzi ambao ulikuwa umedumu kwa miaka mia tatu tangu ulipoasisiwa.
Lakini vyote hivyo havikutosha kuzuia wala kuhimili wimbi la mabadiliko kutoka kwa wananchi (hasa wazalendo), hapo waliposema "utawala huu sasa basi", makaburu walipiga, waliua, walitesa na kufunga watu kwenye jela zao lakini wapi, hakuna kilichowazuia wananchi wasiusukumie kaburini utawala waliouchukia na kuchoka nao.
Mtawala ukiishachokwa njia pekee iliyo bora ni kutoka madarakani kwa amani badala ya kungoja kusukmwa na hasira za wataliwa hadi mtu ang'ang'anie kubaki madarakani kwa gharama zozote.
Tukirudi kwenye dalili ya kwanza ya utawala ulioanguka hali ukingali madarakani, yaani dalili za "ukatili" dhidi ya wananchi wake inaowatawala ni wazi kwamba tunaweza kuutafsiri ukatili huo kama hatua ya mwisho ya kutapatapa ya mtawala mfanya maji ambaye analazimika kushika maji hayo hayo yanayomuua.
Wiki iliopita polisi wameupiga mabomu ya machozi mkutano wa chama cha CUF uliokuwa unafanyika pale Manzese. Kipigo hiki kimetokea ikiwa ni siku moja tu tangu Afande Mahita akiwa kama mkuu wa jeshi la polisi kutoa tamko ramsi la kuwataka polisi wawe ngunguri kwa kupiga rungu mtu yeyote anayejitambulisha kama mwana ngangari. Je, ukatili wote huo ni wa nini? Na lengo lake hasa ni nini?
Jibu lake tunalipata katika historia ya hapa nchini na ya madola mengine makubwa katika dunia ambayo yalichokwa na wananchi wake, na watawala wao wakapata kiwewe na mwisho wakaamua kupambana na wananchi wao kwa kutumia nguvu zinazozidi kawaida.
Mnamo 1995 Afande Mahita akiwa Mkuu wa polisi wa Mkoa Kilimanjaro (RPC) alimsaidia mgombea wa CCM kwa kupiga mabomu mengi mikutano yote ya Mrema mkoani Kilimanjaro ili kuwatawanya washabiki lakini papo hapo kuwakomoa wananchi kwa kutoipenda CCM na kuamua kushabikia upinzani. Hatimaye baada ya Mkapa kula kiapo cha Urais, akamteua Afande Mahita kuwa Inspekta Mkuu wa Polisi yaani IGP.
Lakini tatizo liko pale pale utawala uliodumu kwa miaka yote tangu nchi ipate uhuru umechokwa na wananchi kwa sababu umefanya madhambi mengi, hauna dalili yoyote ya kutubu wala kujirekebisha, na hapo ndipo inapoanzia sera ya ukatili ya piga! Kanyaga umiza! Kisa eti hao wananchi kwanini wanasusia mikutano ya CCM (Chama tawala) na kuamua kuhudhuria kwa wingi mikutano ya chama cha upinzani cha CUF.
Nia halisi ni kutaka kuwatisha na kuwaogopesha watu kuhudhuria mikutano ya CUF. Na sababu nyingine labda ni kuwakomoa hao wananchi kwa kuwa tu wameonyesha waziwazi kwamba wanaichukia CCM na wangependa kutawaliwa na chama kingine.
Hata hivyo, hiyo gia ya ukatili anayokwenda nayo Afande Mahita siyo dawa ya kuiokoa CCM, badala yake ni kuisindikiza CCM kaburini. Nasema hivyo kutokana na kujua wazi kwamba mkutano ule uliitishwa kutokana na kujua wazi kwamba mkutano na CUF lakini wote waliohudhuria siyo CUF wengine ni wana CCM, wana TPP, na wengine hawana chama chochote bali ni wakereketwa wa maendeleo na utawala bora, ndiyo maana wanajitokeza kwa wingi kumsiliza mgombea anayetarajiwa kushinda na kuwaongoza ili waweze kuamua kumpa yule aliyeshibisha nafsi zao miongoni mwa wagombea wengi.
Sasa kosa lao ni nini hata waumizwe na mabomu? Afande Mahita asingeweza kuupiga mabomu mkutano wowote ambao unafanywa na CCM hata kungetokea fujo za kusababisha watu kufa. Tumeyaona hayo kwenye zoezi la kura za maoni za CCM ambapo watu wamekatana mapanga, wamepigana, na kutishana kwa bostola lakini polisi wakafumba macho yao na kujifanya hawaoni kwakuwa tu madhambi yanayofanyika ni ya chama tawala.
Vivyohivyo nao wazuia rushwa wakaifumbia macho rushwa ya CCM iliyotembezwa wazi wazi kwenye kura za maoni. Hii ndiyo aina ya viongozi wanaotaka kushika makali ya dola baada ya uchaguzi wa Oktoba 29..
Je, chini ya utawala wao unatarajia kupata Tanzania ya namna gani? Ukweli ni kwamba kama CCM ikishinda tutakuwa na Tanzania inayofanana na "kuzimu". Vyombo vya dola chini ya uongozi kama wa akina Mahita vitazidi kuwa butu lakini papo hapo katili sana kwa raia wema, sheria za nchi zibataki kuwa kama mapambo tu, na udhalimu utajiendesha kwa uhuru zaidi refarii wa kuuchezesha udhalimu wote atakuwa ni Bwana na Bibi rushwa.
Sasa hivi mtu anayeijia Tanzania kwa nguvu ya fedha ni sawa na ajaye na nguvu ya Mungu ambayo mambo yote yawezekana na hakuna lisilowezekana. Kwa nguvu ya fedha mtu anaweza kumnunua Afisa yeyote. Nguvu ya fedha inawezesha lolote hata kama litakuwa tendo la uhaini wa hali ya juu wa kuangamiza nchi.
Hii ni kwa sababu watu sasa wanajali maslahi ya muda mfupi na faida za papo kwa papo. Hali hii imetokana na watu kukata tamaa ya maisha na kuamua kubangaiza na neno ambalo kwa lugha nyingine linatiwa "survaival".
"Survival" ni maisha yaliyokusudiwa wanyama siyo watu. Sisi wanadamu tulikusudiwa "tuishi" yaani "life" na siyo "Survival". CCM ndiyo iliyopindua maisha ya Mtanzania na kuyateremsha chini hadi kuwa sawa na maisha ya Sungura aliyeko mbuga za wanyama ambaye kuishi kwake kunategemea ujanja wake wa porini na chenga nyingi.
Chini ya mfumo huo au mapinduzi ya aina hii, mtu mwaminifu anageuka kuwa mkosaji.
Wapo watu waaminifu ambao wametumikia serikali au mashirika ya umma kwa uaminifu hadi muda wao wa kustaafu, hawakuiba wala kuhujumu, hivi sasa wengi wao wanajuta kwa mateso wanayoyapata wala utawala hauwajali.
Chini ya hali hiyo uzalendo ni lazima ufe, na anayeua uzalendo katika nchi hii ni utawala wa CCM. Uzalendo ukisha kufa kabisa na isiwepo japo chembe ndogo tu kwa watu wachache, hapo ndipo nchi inapofanana na Sodoma na Gomora ambapo walihitajika wenye haki watano tu ili nchi isiangamizwe lakini wakakosekana.
source:
DALILI ya kwanza na ya wazi ya utawala ulioshindwa ni ukatili. Utawala ulioshindwa kuiendesha nchi lakini bado uko madarakani ni lazima utatawala watu kwa ukatili mkuu.
Dalili nyingine ya watawala walioshindwa kutawala lakini bado wakawako madarakani ili kusogeza siku na kuingoja rasmi siku ya kuondoka kwao, ni "uwongo". Ukiona wameanza kusema uwongo mweupe na hawawaambii watawaliwa ukweli, elewa waai kuwa si kwamba ukweli haupo bali ukweli wa kuwaambia wananchi upo isipokuwa kinachokosekana hapo ni ile Moral authority au sheria ya rohoni, kitu ambacho ni muhimu sana kwa utawala na uendeshaji wa nchi.
Sheria za nchi peke yake pasipo morali hazitoshi kufanya nchi itawalike, wala vyombo vya dola na matumizi ya mabavu havitoshi kuifanya nchi itawalike. Mfano hai ni utawala wa makaburu huko Afrika Kusini, ulikuwa na nguvu zote yaani nguvu za kiuchumi, teknolojia ya hali ya juu, nguvu za kijeshi, nguvu za polisi, pamoja na uimara wenyewe wa mfumo wa kisiasa yaani mfumo wa kibaguzi ambao ulikuwa umedumu kwa miaka mia tatu tangu ulipoasisiwa.
Lakini vyote hivyo havikutosha kuzuia wala kuhimili wimbi la mabadiliko kutoka kwa wananchi (hasa wazalendo), hapo waliposema "utawala huu sasa basi", makaburu walipiga, waliua, walitesa na kufunga watu kwenye jela zao lakini wapi, hakuna kilichowazuia wananchi wasiusukumie kaburini utawala waliouchukia na kuchoka nao.
Mtawala ukiishachokwa njia pekee iliyo bora ni kutoka madarakani kwa amani badala ya kungoja kusukmwa na hasira za wataliwa hadi mtu ang'ang'anie kubaki madarakani kwa gharama zozote.
Tukirudi kwenye dalili ya kwanza ya utawala ulioanguka hali ukingali madarakani, yaani dalili za "ukatili" dhidi ya wananchi wake inaowatawala ni wazi kwamba tunaweza kuutafsiri ukatili huo kama hatua ya mwisho ya kutapatapa ya mtawala mfanya maji ambaye analazimika kushika maji hayo hayo yanayomuua.
Wiki iliopita polisi wameupiga mabomu ya machozi mkutano wa chama cha CUF uliokuwa unafanyika pale Manzese. Kipigo hiki kimetokea ikiwa ni siku moja tu tangu Afande Mahita akiwa kama mkuu wa jeshi la polisi kutoa tamko ramsi la kuwataka polisi wawe ngunguri kwa kupiga rungu mtu yeyote anayejitambulisha kama mwana ngangari. Je, ukatili wote huo ni wa nini? Na lengo lake hasa ni nini?
Jibu lake tunalipata katika historia ya hapa nchini na ya madola mengine makubwa katika dunia ambayo yalichokwa na wananchi wake, na watawala wao wakapata kiwewe na mwisho wakaamua kupambana na wananchi wao kwa kutumia nguvu zinazozidi kawaida.
Mnamo 1995 Afande Mahita akiwa Mkuu wa polisi wa Mkoa Kilimanjaro (RPC) alimsaidia mgombea wa CCM kwa kupiga mabomu mengi mikutano yote ya Mrema mkoani Kilimanjaro ili kuwatawanya washabiki lakini papo hapo kuwakomoa wananchi kwa kutoipenda CCM na kuamua kushabikia upinzani. Hatimaye baada ya Mkapa kula kiapo cha Urais, akamteua Afande Mahita kuwa Inspekta Mkuu wa Polisi yaani IGP.
Lakini tatizo liko pale pale utawala uliodumu kwa miaka yote tangu nchi ipate uhuru umechokwa na wananchi kwa sababu umefanya madhambi mengi, hauna dalili yoyote ya kutubu wala kujirekebisha, na hapo ndipo inapoanzia sera ya ukatili ya piga! Kanyaga umiza! Kisa eti hao wananchi kwanini wanasusia mikutano ya CCM (Chama tawala) na kuamua kuhudhuria kwa wingi mikutano ya chama cha upinzani cha CUF.
Nia halisi ni kutaka kuwatisha na kuwaogopesha watu kuhudhuria mikutano ya CUF. Na sababu nyingine labda ni kuwakomoa hao wananchi kwa kuwa tu wameonyesha waziwazi kwamba wanaichukia CCM na wangependa kutawaliwa na chama kingine.
Hata hivyo, hiyo gia ya ukatili anayokwenda nayo Afande Mahita siyo dawa ya kuiokoa CCM, badala yake ni kuisindikiza CCM kaburini. Nasema hivyo kutokana na kujua wazi kwamba mkutano ule uliitishwa kutokana na kujua wazi kwamba mkutano na CUF lakini wote waliohudhuria siyo CUF wengine ni wana CCM, wana TPP, na wengine hawana chama chochote bali ni wakereketwa wa maendeleo na utawala bora, ndiyo maana wanajitokeza kwa wingi kumsiliza mgombea anayetarajiwa kushinda na kuwaongoza ili waweze kuamua kumpa yule aliyeshibisha nafsi zao miongoni mwa wagombea wengi.
Sasa kosa lao ni nini hata waumizwe na mabomu? Afande Mahita asingeweza kuupiga mabomu mkutano wowote ambao unafanywa na CCM hata kungetokea fujo za kusababisha watu kufa. Tumeyaona hayo kwenye zoezi la kura za maoni za CCM ambapo watu wamekatana mapanga, wamepigana, na kutishana kwa bostola lakini polisi wakafumba macho yao na kujifanya hawaoni kwakuwa tu madhambi yanayofanyika ni ya chama tawala.
Vivyohivyo nao wazuia rushwa wakaifumbia macho rushwa ya CCM iliyotembezwa wazi wazi kwenye kura za maoni. Hii ndiyo aina ya viongozi wanaotaka kushika makali ya dola baada ya uchaguzi wa Oktoba 29..
Je, chini ya utawala wao unatarajia kupata Tanzania ya namna gani? Ukweli ni kwamba kama CCM ikishinda tutakuwa na Tanzania inayofanana na "kuzimu". Vyombo vya dola chini ya uongozi kama wa akina Mahita vitazidi kuwa butu lakini papo hapo katili sana kwa raia wema, sheria za nchi zibataki kuwa kama mapambo tu, na udhalimu utajiendesha kwa uhuru zaidi refarii wa kuuchezesha udhalimu wote atakuwa ni Bwana na Bibi rushwa.
Sasa hivi mtu anayeijia Tanzania kwa nguvu ya fedha ni sawa na ajaye na nguvu ya Mungu ambayo mambo yote yawezekana na hakuna lisilowezekana. Kwa nguvu ya fedha mtu anaweza kumnunua Afisa yeyote. Nguvu ya fedha inawezesha lolote hata kama litakuwa tendo la uhaini wa hali ya juu wa kuangamiza nchi.
Hii ni kwa sababu watu sasa wanajali maslahi ya muda mfupi na faida za papo kwa papo. Hali hii imetokana na watu kukata tamaa ya maisha na kuamua kubangaiza na neno ambalo kwa lugha nyingine linatiwa "survaival".
"Survival" ni maisha yaliyokusudiwa wanyama siyo watu. Sisi wanadamu tulikusudiwa "tuishi" yaani "life" na siyo "Survival". CCM ndiyo iliyopindua maisha ya Mtanzania na kuyateremsha chini hadi kuwa sawa na maisha ya Sungura aliyeko mbuga za wanyama ambaye kuishi kwake kunategemea ujanja wake wa porini na chenga nyingi.
Chini ya mfumo huo au mapinduzi ya aina hii, mtu mwaminifu anageuka kuwa mkosaji.
Wapo watu waaminifu ambao wametumikia serikali au mashirika ya umma kwa uaminifu hadi muda wao wa kustaafu, hawakuiba wala kuhujumu, hivi sasa wengi wao wanajuta kwa mateso wanayoyapata wala utawala hauwajali.
Chini ya hali hiyo uzalendo ni lazima ufe, na anayeua uzalendo katika nchi hii ni utawala wa CCM. Uzalendo ukisha kufa kabisa na isiwepo japo chembe ndogo tu kwa watu wachache, hapo ndipo nchi inapofanana na Sodoma na Gomora ambapo walihitajika wenye haki watano tu ili nchi isiangamizwe lakini wakakosekana.
source:
