Chadema yamuundia tume Shibuda

[palalisote]

CHAMA cha Demokrasia na Maendeleo kimeunda tume itakayoongozwa na Profesa Abdallah Safari kumhoji Mbunge wa Maswa Magharibi, John Shibuda kutokana na tuhuma za utovu wa nidhamu zinazomkabili. Wajumbe wengine wanaounda kamati hiyo ni Edson Mbogoro, Said Mzee, Lazaro Masey na Ester Daffi ambaye si mjumbe wa kamati, bali atafanya kazi kama mratibu wa kamati hiyo akitokea Ofisi ya Katibu Mkuu. Hatua ya kuunda tume kwa ajili kufanya kazi ya kupitia tuhuma hizo imetokana na madai ya mlalamikaji kuwa na mantiki.Msingi wa malalamiko hayo hautokani na kile kilichotokea bungeni, bali kitendo cha mbunge huyo kukaririwa na vyombo vya habari akitoa tuhuma dhidi ya viongozi wa chama hicho hadharani kinyume na utaratibu.