CAG: Situmwi na CCM

[Travelogue_tz]

MDHIBITI na Mkaguzi Mkuu wa Hesabu za Serikali (CAG), Ludovick Utouh, amesema hafanyi kazi kwa msukumo ama amri zinazotolewa na viongozi wa Chama Cha Mapinduzi (CCM), likiwamo suala la ukaguzi wa tuhuma za miradi ya ufisadi zinazomkabili Meya wa Manispaa ya Bukoba, Anatory Amani. Utouh amesema kuwa si kweli kwamba ameagizwa na Rais Jakaya Kikwete, Kamati Kuu ya Chama Cha Mapinduzi wala Katibu wa Halmashauri Kuu, Itikadi na Uenezi, Nape Nnauye, kwenda kufanya ukaguzi mkoani humo.
“Mimi nimeombwa na Waziri Mkuu, Mizengo Pinda kukagua hesabu za manispaa hiyo na ninakanusha madai kuwa Nape ameniagiza,” alisema CAG muda mfupi baada ya kufungua warsha ya wahariri wa habari na asasi za kiraia iliyoandaliwa na ofisi yake jana.
Utouh alisema kuwa rais hahusiki na ukaguzi huo, wala hajauomba yeye, hivyo si kweli kwamba amekaidi agizo lake.
Kauli ya Utouh inakinzana na tamko la kisiasa la CCM kwa umma lililotolewa kupitia Nape, kwamba kamati kuu ya chama hicho ilimuagiza mkaguzi huyo kwenda Bukoba ndani ya wiki moja kuanzia Agosti 27, mwaka huu kufanya ukaguzi wa tuhuma hizo.
Utouh alisema kuwa Nape anahusika na chama, wanasimamia fedha na mali za chama, wakati Ofisi ya Mdhibiti na Mkaguzi Mkuu wa Hesabu za Serikali inasimamia mali na fedha za umma, hivyo akahoji ni kwa mamlaka gani Nape anaweza kumuagiza.
Alisema kuwa wao ndio wataalamu wa kujua uzito wa hiyo kazi na wanavyotaka ifanyike, kwa hiyo wanapoombwa na kukubali hawabanwi na siku alizotaja mwombaji.
“Ukaguzi wa Bukoba hatujauanza bado na naomba niwaelimishe kuhusu ukaguzi maalumu, ‘ukaguzi maalumu’ unapoombwa si jukumu la yule aliyeomba kunipa siku za kufanya ukaguzi, kwa sababu anayeomba si mkaguzi,” alisema.
Aliongeza kuwa hata baada ya kuletewa hadidu za rejea si lazima wazikubali, bali wanaangalia kama zinaendana na utaratibu mzima wa kufanya ukaguzi unaoendana na ule wa kimataifa.
“Ninavyokwenda sasa hivi nawahakikishia kuwa baada ya majadiliano na waziri mkuu kuhusu hadidu za rejea, tuko kwenye mchakato wa kupanga kwenda Bukoba, nakwenda mwenyewe wiki ijayo kwa ajili ya kuwa na kikao, tunakiita cha kuingilia kabla ya ukaguzi,” alisema Utouh.
Alisema kuwa kwa mujibu wa masharti ya ukaguzi maalumu kama huo, muombaji, yaani waziri mkuu atapaswa kumpatia hadidu za rejea, jambo ambalo linaendelea kufanyiwa kazi sasa kati ya pande hizo mbili.
“Halafu kwa masharti hayo huyo anayetuomba hapaswi kutupangia muda wa kwenda kufanya kazi hiyo,” alisema.
Kumekuwapo na malalamiko kwa baadhi ya wakazi wa Bukoba wakidai kuwa siku chache baada ya Kamati Kuu ya CCM kumwagiza CAG kufanya ukaguzi, mbinu mbalimbali zimekuwa zikifanywa na baadhi ya watendaji wa manispaa wasio waaminifu za kutaka kuficha nyaraka.
Baadhi ya watendaji hao wanadaiwa kukesha ofisini kwa siku mbili, jambo lililotafsiriwa kama mkakati wa kubadili nyaraka kabla CAG hajaanza ukaguzi.
Katika kumaliza mgogoro wa umeya mjini Bukoba, Kamati Kuu ya CCM ilitengua uamuzi wa kuwafukuza madiwani wanane wa manispaa hiyo, ikidai kuwa Halmashauri Kuu ya Mkoa wa Kagera iliyokuwa imewafukuza ilikiuka katiba.
Kamati hiyo ilimwagiza CAG kwenda mjini Bukoba kukagua tuhuma hizo dhidi ya meya, kisha ripoti hiyo kuwasilishwa kwenye Baraza la Madiwani ili hatua zaidi zichukuliwe kama ikithibitika alifanya ufisadi.
Katika kikao hicho, Rais Jakaya Kikwete alikiri timu iliyoundwa na waziri mkuu kuchunguza mgogoro huo kuwa ilibaini mianya ya ufisadi katika manispaa hiyo.
Baada ya ukaguzi huo, madiwani wanaweza kufanya lolote wanalotaka. Kama ni kumfukuza meya au la, wataamua wao.
Rais pia aliagiza viwanja 800 vilivyokuwa na mgogoro warudishiwe wananchi waliokuwa wanavimiliki na wasitozwe hata senti tano.
Madiwani hao wamekuwa wanamlalamikia meya kuwa ameiingiza manispaa katika ufisadi kwenye miradi kadhaa.
Miradi hiyo ni upimaji wa viwanja 5,000 unaodaiwa mkopo wake wa sh bilioni 2.9 kutoka Mfuko wa Dhamana ya Uwekezaji (UTT) ambao haukufuata taratibu na wananchi hawakushirikishwa ipasavyo.
Tuhuma nyingine ni mradi wa ujenzi wa soko. Meya anadaiwa kusitisha malipo ya ushuru na kutaka kuwaondoa wafanyabiashara bila kufuata utaratibu.
Anatuhumiwa pia kukopa sh milioni 200 kutoka Benki ya Uwekezaji (TIB) bila kibali cha Baraza la Madiwani.
Vilevile alitoa taarifa kwenye kikao cha baraza hilo kuwa TIB iliwapa ruzuku ya sh milioni 90, lakini hakueleza misingi yake.
Upo pia mradi wa kuosha magari ambao unadaiwa kutumia kiasi cha sh milioni 297 zinazotiliwa shaka.
Ameshindwa pia kutoa mchanganuo wa mapato na matumizi ya mradi ya kiasi cha sh milioni 134 za ujenzi wa kituo cha mabasi.
Katika hatua nyingine, Utouh amesema kuwa kuna upotoshaji mkubwa wa taarifa za ukaguzi anazotoa katika ripoti mbalimbali nchini.

Utouh alisema baadhi wamekuwa wakichapisha taarifa au habari ambazo zinapotosha umma na hata kuchochea machafuko yasiyo ya lazima.
Alisema kuwa uwajibikaji na uwazi ni mambo ambayo hayawezi kupatikana katika mfumo unaoendeleza ufichaji wa taarifa za utekelezaji wa mipango mbalimbali ya serikali.
“Pale ambapo habari inafichwa lazima patatokea hali ya uvutano na kutoaminiana na hatimaye wananchi wataona serikali yao ndiyo inasababisha matatizo,” alisema.
Alisema kuwa ni lazima kuelewa madhara ya kuripoti taarifa za upotoshaji na mipaka ya yale yanayohitajika kuripotiwa.
“Tunahitaji kufikiria masuala mazito yanayokwamisha kufikia malengo yetu…tujiulize tunawezaje kupunguza utoaji wa taarifa zisizo sahihi ili kuboresha mahusiano yetu na uwezo wa kupata habari sahihi za serikali,” alisisitiza Utouh.
Tanzania Daima
Ifuatayo ni sehemu ya Tamko la kamati Kuu ya CCM kuhusu Meya wa Bukoba kupitia kwa Nape Nnauye, soma hapa
mjengwablog.com/habari-za-kijamii/item/5008-ccm-yamwagiza-cag-kumchunguza-meya-bukoba.html#.UkKs0n87

 

[paradiso]

Nape Nnauye anazidi kuumbuka baada ya kuruka sarakasi mbele ya watoto akiwa kajifunga taulo pekee

 

[GHULA]

Nape uwe unatulia kusubiri watu wenye kusoma, kujua sharia wafanye kazi zao, kubwabwaja kwako kunakufanya sasa utashindwa kuadimika katika jamii, unaonekana mkurupukaji, mwongo na propandist tu

 

[Mlengo wa Kati]

Ebu Kagua utoe majibu acha longo longo zako Utouh

 

[Bukobakwetu]

Hili suala linamsukumo Wa kisiasa, sidhani kama mayor anausika na ufisadi unaotajwa kwa sababu mayor si mtendaji mkuu Wa manispaa yoyote. Kama kuna ufisadi Wa kuulizwa ni mkurungezi Wa manispaa.

 

[Rutunga M]

Mr CAG:sasa tatizo liko wap? kama unakagua kagua na toa ulichopta,unajikwaza kwaza wakati unaishi kwa mgogo wa CCM,kama unajiweza acha kazi tuone.kisheria na taratibu hauwezi agizwa na CCM/Nape lakini kwa uhalisia wankuagiza kila siku.

pole sana

 

[Rutunga M]

Hili suala linamsukumo Wa kisiasa, sidhani kama mayor anausika na ufisadi unaotajwa kwa sababu mayor si mtendaji mkuu Wa manispaa yoyote. Kama kuna ufisadi Wa kuulizwa ni mkurungezi Wa manispaa.

mna hofu gani nyie pro meya na Kagasheki lakini? si msubiri ukaguzi utakaobainisha kama anahusika au la! mara hausiki,mara anahusika,mara eneo la car wash hivi sasa linafanyiwa harusi na nk.Tulia mkaguliwe mpewe majibu

 

[By hair]

Nape bwana,Jana nimemwona nyamongo akiwadanganya watu Mchana kweupeeee,anamwambia kinana ahakikishe madai ya wanyamongo ya mda mrefu yafanyiwe kazi,Kama ikishindikana yeye na kinana wajiuzuru,kwanza nachojua kujiuzuru kwa viongozi wa Ccm ni ndoto,hata yeye anajua wazi alikuwa anaropoka tu,pili kila kinachofanyika nyamongo watawala wanakijua,hivyo kinana na huyo nape Hawana say kuhusu nyamongo,ila si tatizo lake ni mfumo wa Chama chao,kila mtu anaongea lwake,ilimradi waonekane wapo,

 

[Fitinamwiko]

Tatizo la Wateule ni moja "kitii amri za Mwenyekiti wa CCM" hawawezi kufanya kazi zao kitaalaam

 

[obeid666]

Ndio uzuri wa watu walioenda shule na anajua anafanya nini,amekataa kupelekeshwa na watu wenye akili ndogo

CAG amegoma kupelekeshwa na kutumika kama wanavyotumika policcm watu wana akili akini wanakimbia hovyohovyo bila kujua madhara yake

Kama watendaji wooote wa serikali wataiga utendaji wa CAG tutakwenda vizuri na kuacha nidhamu za uoga za kupelekwapelekwa na waaema hovyo?

 

[MAWERE]

safi sana CAG.eti nepi anakuagiza kazi mara moja

 

[timbilimu]

Hili suala linamsukumo Wa kisiasa, sidhani kama mayor anausika na ufisadi unaotajwa kwa sababu mayor si mtendaji mkuu Wa manispaa yoyote. Kama kuna ufisadi Wa kuulizwa ni mkurungezi Wa manispaa.

Mkuu kati ya watu nachukizwa na mgogoro huu ni mimi,kwasababu ni siasa chafu na husda toka kwa watu wasiopenda maendeleo ya Bkb! Siku zote nimekua naandika hapa kwamba wanaoitwa madiwani wapambanaji wa rushwa wa manispaa ya Bkb ni watu wahuni tu ambao ni mafisadi,hata udiwani wengi wao wameupata kifisadi! Kinacho wauma siyo maslahi ya wapiga kura wao bali ni 10%.

 

[Chaks]

MDHIBITI na Mkaguzi Mkuu wa Hesabu za Serikali (CAG), Ludovick Utouh, amesema hafanyi kazi kwa msukumo ama amri zinazotolewa na viongozi wa Chama Cha Mapinduzi (CCM), likiwamo suala la ukaguzi wa tuhuma za miradi ya ufisadi zinazomkabili Meya wa Manispaa ya Bukoba, Anatory Amani. Utouh amesema kuwa si kweli kwamba ameagizwa na Rais Jakaya Kikwete, Kamati Kuu ya Chama Cha Mapinduzi wala Katibu wa Halmashauri Kuu, Itikadi na Uenezi, Nape Nnauye, kwenda kufanya ukaguzi mkoani humo.
"Mimi nimeombwa na Waziri Mkuu, Mizengo Pinda kukagua hesabu za manispaa hiyo na ninakanusha madai kuwa Nape ameniagiza," alisema CAG muda mfupi baada ya kufungua warsha ya wahariri wa habari na asasi za kiraia iliyoandaliwa na ofisi yake jana.
Utouh alisema kuwa rais hahusiki na ukaguzi huo, wala hajauomba yeye, hivyo si kweli kwamba amekaidi agizo lake.
Kauli ya Utouh inakinzana na tamko la kisiasa la CCM kwa umma lililotolewa kupitia Nape, kwamba kamati kuu ya chama hicho ilimuagiza mkaguzi huyo kwenda Bukoba ndani ya wiki moja kuanzia Agosti 27, mwaka huu kufanya ukaguzi wa tuhuma hizo.
Utouh alisema kuwa Nape anahusika na chama, wanasimamia fedha na mali za chama, wakati Ofisi ya Mdhibiti na Mkaguzi Mkuu wa Hesabu za Serikali inasimamia mali na fedha za umma, hivyo akahoji ni kwa mamlaka gani Nape anaweza kumuagiza.
Alisema kuwa wao ndio wataalamu wa kujua uzito wa hiyo kazi na wanavyotaka ifanyike, kwa hiyo wanapoombwa na kukubali hawabanwi na siku alizotaja mwombaji.
"Ukaguzi wa Bukoba hatujauanza bado na naomba niwaelimishe kuhusu ukaguzi maalumu, ‘ukaguzi maalumu' unapoombwa si jukumu la yule aliyeomba kunipa siku za kufanya ukaguzi, kwa sababu anayeomba si mkaguzi," alisema.
Aliongeza kuwa hata baada ya kuletewa hadidu za rejea si lazima wazikubali, bali wanaangalia kama zinaendana na utaratibu mzima wa kufanya ukaguzi unaoendana na ule wa kimataifa.
"Ninavyokwenda sasa hivi nawahakikishia kuwa baada ya majadiliano na waziri mkuu kuhusu hadidu za rejea, tuko kwenye mchakato wa kupanga kwenda Bukoba, nakwenda mwenyewe wiki ijayo kwa ajili ya kuwa na kikao, tunakiita cha kuingilia kabla ya ukaguzi," alisema Utouh.
Alisema kuwa kwa mujibu wa masharti ya ukaguzi maalumu kama huo, muombaji, yaani waziri mkuu atapaswa kumpatia hadidu za rejea, jambo ambalo linaendelea kufanyiwa kazi sasa kati ya pande hizo mbili.
"Halafu kwa masharti hayo huyo anayetuomba hapaswi kutupangia muda wa kwenda kufanya kazi hiyo," alisema.
Kumekuwapo na malalamiko kwa baadhi ya wakazi wa Bukoba wakidai kuwa siku chache baada ya Kamati Kuu ya CCM kumwagiza CAG kufanya ukaguzi, mbinu mbalimbali zimekuwa zikifanywa na baadhi ya watendaji wa manispaa wasio waaminifu za kutaka kuficha nyaraka.
Baadhi ya watendaji hao wanadaiwa kukesha ofisini kwa siku mbili, jambo lililotafsiriwa kama mkakati wa kubadili nyaraka kabla CAG hajaanza ukaguzi.
Katika kumaliza mgogoro wa umeya mjini Bukoba, Kamati Kuu ya CCM ilitengua uamuzi wa kuwafukuza madiwani wanane wa manispaa hiyo, ikidai kuwa Halmashauri Kuu ya Mkoa wa Kagera iliyokuwa imewafukuza ilikiuka katiba.
Kamati hiyo ilimwagiza CAG kwenda mjini Bukoba kukagua tuhuma hizo dhidi ya meya, kisha ripoti hiyo kuwasilishwa kwenye Baraza la Madiwani ili hatua zaidi zichukuliwe kama ikithibitika alifanya ufisadi.
Katika kikao hicho, Rais Jakaya Kikwete alikiri timu iliyoundwa na waziri mkuu kuchunguza mgogoro huo kuwa ilibaini mianya ya ufisadi katika manispaa hiyo.
Baada ya ukaguzi huo, madiwani wanaweza kufanya lolote wanalotaka. Kama ni kumfukuza meya au la, wataamua wao.
Rais pia aliagiza viwanja 800 vilivyokuwa na mgogoro warudishiwe wananchi waliokuwa wanavimiliki na wasitozwe hata senti tano.
Madiwani hao wamekuwa wanamlalamikia meya kuwa ameiingiza manispaa katika ufisadi kwenye miradi kadhaa.
Miradi hiyo ni upimaji wa viwanja 5,000 unaodaiwa mkopo wake wa sh bilioni 2.9 kutoka Mfuko wa Dhamana ya Uwekezaji (UTT) ambao haukufuata taratibu na wananchi hawakushirikishwa ipasavyo.
Tuhuma nyingine ni mradi wa ujenzi wa soko. Meya anadaiwa kusitisha malipo ya ushuru na kutaka kuwaondoa wafanyabiashara bila kufuata utaratibu.
Anatuhumiwa pia kukopa sh milioni 200 kutoka Benki ya Uwekezaji (TIB) bila kibali cha Baraza la Madiwani.
Vilevile alitoa taarifa kwenye kikao cha baraza hilo kuwa TIB iliwapa ruzuku ya sh milioni 90, lakini hakueleza misingi yake.
Upo pia mradi wa kuosha magari ambao unadaiwa kutumia kiasi cha sh milioni 297 zinazotiliwa shaka.
Ameshindwa pia kutoa mchanganuo wa mapato na matumizi ya mradi ya kiasi cha sh milioni 134 za ujenzi wa kituo cha mabasi.
Katika hatua nyingine, Utouh amesema kuwa kuna upotoshaji mkubwa wa taarifa za ukaguzi anazotoa katika ripoti mbalimbali nchini.

Utouh alisema baadhi wamekuwa wakichapisha taarifa au habari ambazo zinapotosha umma na hata kuchochea machafuko yasiyo ya lazima.
Alisema kuwa uwajibikaji na uwazi ni mambo ambayo hayawezi kupatikana katika mfumo unaoendeleza ufichaji wa taarifa za utekelezaji wa mipango mbalimbali ya serikali.
"Pale ambapo habari inafichwa lazima patatokea hali ya uvutano na kutoaminiana na hatimaye wananchi wataona serikali yao ndiyo inasababisha matatizo," alisema.
Alisema kuwa ni lazima kuelewa madhara ya kuripoti taarifa za upotoshaji na mipaka ya yale yanayohitajika kuripotiwa.
"Tunahitaji kufikiria masuala mazito yanayokwamisha kufikia malengo yetu…tujiulize tunawezaje kupunguza utoaji wa taarifa zisizo sahihi ili kuboresha mahusiano yetu na uwezo wa kupata habari sahihi za serikali," alisisitiza Utouh.
Tanzania Daima
Ifuatayo ni sehemu ya Tamko la kamati Kuu ya CCM kuhusu Meya wa Bukoba kupitia kwa Nape Nnauye, soma hapa
mjengwablog.com/habari-za-kijamii/item/5008-ccm-yamwagiza-cag-kumchunguza-meya-bukoba.html#.UkKs0n87

Huyo Nape aache ubabaishaji

 

[kinauche]

Nape uwe unatulia kusubiri watu wenye kusoma, kujua sharia wafanye kazi zao, kubwabwaja kwako kunakufanya sasa utashindwa kuadimika katika jamii, unaonekana mkurupukaji, mwongo na propandist tu

Tatizo kubwa la Nape ni kutokujua ni wakati gani apige propaganda za siasa na ni wakati gani awe Mtanzania mweledi. Yote kwake ni sawasawa ndiyo maana nadhani wapinzani kwenda ikulu siyo halali. Ujinga mwingine hautoki hata kama mtu ni.profesa. Nape, kua sasa. Acha utoto.

Sent from my BlackBerry 9860 using JamiiForums

 

[Travelogue_tz]

CAG anatumika na CCM.

 

[Nicholas]

Anayao kazi...kwani anayemwambia ni Mwanachama wa chama gani

 

[Bukwabi]

wasomi na wataalamu wa Tanzania, hawana thamani mbele ya wanasiasa. usione ajabu kwa CAG kutumiwa kwa masilahi ya wanasiasa.