Barua yenye Kumb. No. MZR/CID/SCR/105/2011/4 kwa katibu wa Bunge kuomba kumkamata Mbunge wa CCM

[mumburya]

Jeshi la Polisi mkoani Mwanza huenda likamkamata Mbunge wa Busega kupitia Chama Cha Mapinduzi (CCM), Dk. Titus Kamani, ili kumhoji kuhusiana na tuhuma za kutaka kumuua aliyekuwa Mbunge jimbo hilo, Dk. Raphael Chegeni.

Tayari Jeshi hilo limekwisha kumwandikia barua Katibu wa Bunge la Jamhuri ya Muungano wa Tanzania, Dk. Thomas Kashillilah, kumtaka mbunge huyo kwenda Mwanza kuhojiwa kuhusiana tuhuma hizo zinazomkabili.

Jeshi hilo limesema kuwa endapo Dk. Kamani ataendelea kukaidi amri ya polisi ya kwenda jijini Mwanza kutoa maelezo, linaweza kutumia nguvu kumkamata kwa mujibu wa sheria.

Mkuu wa Kitengo cha Upelelezi wa Makosa ya Jinai mkoani Mwanza (RCO), Deusdedith Nsimeki, alisema juzi jijini hapa kuwa mtuhumiwa huyo bado hajafika polisi kutoa maelezo yake dhidi ya tuhuma zinazomkabili licha ya polisi kumtaka kufanya hivyo.

Inadaiwa kuwa Mei 31, mwaka huu, Jeshi la Polisi mkoani Mwanza liliiandikia barua katika Ofisi ya Bunge kumtaka Dk. Kamani kwenda Mwanza kwa ajili ya mahojiano maalumu na jeshi hilo dhidi ya tuhuma hizo.

Nsimeki alithibitisha kuwa hadi sasa Dk. Kamani hajafika Mwanza kutoa maelezo kwa Jeshi la Polisi.

Alisema kuwa ikiwa mbunge huyo ataendelea kukaidi amri hiyo halali, wataomba kibali kwa Mkurugenzi wa Makosa ya Jinai (DCI), ili watumie nguvu kumkamata.

Jeshi hilo liliandika barua Mei 31, mwaka huu, yenye Kumbukumbu No. MZR/CID/SCR/105/2011/4 iliyotumwa kwa Katibu wa Bunge ikimkata kumruhusu Dk. Kamani kwenda Mwanza kutoa maelezo polisi katika Jalada No. MW/IR/2607/2011-MR-CC.28/2011 lililofunguliwa kwa kosa la kula njama na kutaka kumuua Dk. Chegeni.

Watuhumiwa wanne tayari wamekwisha kufikishwa katika Mahakama ya Hakimu Mkazi Mkoa wa Mwanza kujibu tuhuma hizo.

Waliofikishwa mahakamani na sasa wako nje kwa dhamana ni Dismas Zacharia Ndaki, Erasto Kazimili Kombe, Queen Joseph Bogohe na Ellen Joseph Bogohe.

Kesi yao imepangwa kutajwa Julai 6, mwaka huu.
Dk. Chegeni aliangushwa katika kura za maoni na Dk. Kamani kabla ya Uchaguzi Mkuu wa Oktoba mwaka jana.
NIPASHE ilipowasiliana na Kaimu Katibu wa Bunge, John Joel, jana jioni, kuhusiana na suala hilo, alisema kuwa wanachofahamu ni kuwa Dk. Kamani alikuwa Mwanza na kuongeza kuwa kama hajafika Polisi ni kitu kingine.

"Sisi hatupendi masuala kama haya yawasumbue wabunge, lakini la kwake (Dk. Kamani) ni gumu kuliingilia," alisema Joel.

Alipoulizwa kama ofisi ya Bunge ilipokea barua kutoka Polisi ikitaka Dk. Kamani kwenda kuhojiwa Mwanza, Joel alisema hana uhakika kwa kuwa wakati huo hakuwepo katika ofisi hiyo na kusisitiza kuwa anachokifahamu ni kuwa mbunge huyo hivi karibuni alikuwa Mwanza.

CHANZO: NIPASHE

 

[mtoto wa mjini]

Mbunge wa Busega ni Kamani au Chegeni?

 

[Manosa]

Double standard

 

[Ndera]

Ok.unaweza pata barua ya kuomba kumkamata Lissu?

 

[Kazwala mkuu]

Kwa sababu ni 'wao' ndio maana wanabembelezana? Lakini wale wa mama wa kambo wanabebwa tu kama chupa ya chai.

 

[adolay]

Tulia anapaswa kuona hili kama ni haki kwa ccm pekeee?

 

[adolay]

Ok.unaweza pata barua ya kuomba kumkamata Lissu?

Lisu....barua......Labda akihamia ccm

 

[akazuba]

Swala hili si nila 2011 au nakosea?

Double standard

 

[gemmanuel265]

Hili la kuwakamata wabunge wa wapinzani kama magaidi ili hali wa ccm wakiandikiwa barua za kuripoti Polisi una mwisho wake

 

[HRT]

Hii ishapitwa na wakati. Ni ya mwaka jana hiyo

 

[mumburya]

Mbunge wa Busega ni Kamani au Chegeni?

Mtoto wa Mjini, hii habari ilinadikwa na gazeti la Nipashe wakati Kamani akiwa Mbunge. Sasa ni juu yako kujiuliza wewe kama Great Thinker kama tangu wakati huo hadi leo sheria ya kumkamata Mbunge imebadilika.

 

[Muyobhyo]

mbona umesema jeshi liliandika barua mei 31, hapa sijakuelewa mei hii ya mwaka jana au

 

[rongai]

watoto wa mama wa kambo vs watoto wa mama mzazi mungu nae tamko la jana leo. barua. loo

 

[Mzizi wa Mbuyu]

.....Acha wauaneeh!!

 

[mumburya]

Hii ishapitwa na wakati. Ni ya mwaka jana hiyo

Je, toka wakati huo, sheria ya kumkamata Mbunge imebadilika? Naamini maadam uko hapa wewe ni great thinker. Jiulize na ujijibu.

 

[Ndallo]

Mla Unga anaombwa ajipeleke kutuoni mwenyewe kabla polisi hajamkamata, mbunge wa upinzani anadakwa kama kibaka na kusafirishwa usiku wa manane, mbunge wa chama fulani polisi wanaandika barua ya kuomba kumkamata mbunge wa chama fulani! This is full comedy!

 

[Muyobhyo]

Tulia anapaswa kuona hili kama ni haki kwa ccm pekeee?

nimeona ile clip kwa youtube akimjibu zito kuwa kesi za madai hapaswi yeye au bunge kujua, sasa nauliza alimaanisha nini aliposema kesi ya madai, kwani wale walikuwa na madeni wakidaiwa au, wanasheria mtufafanulie hapo

 

[Ndera]

Lisu....barua......Labda akihamia ccm

Ok. Mkuu nilikuwa cjui, kumbe hiyo procedure ni kwa wabunge wa CCM tu.

 

[Achukibesi]

Jeshi la Polisi mkoani Mwanza huenda likamkamata Mbunge wa Busega kupitia Chama Cha Mapinduzi (CCM), Dk. Titus Kamani, ili kumhoji kuhusiana na tuhuma za kutaka kumuua aliyekuwa Mbunge jimbo hilo, Dk. Raphael Chegeni.
Tayari Jeshi hilo limekwisha kumwandikia barua Katibu wa Bunge la Jamhuri ya Muungano wa Tanzania, Dk. Thomas Kashillilah, kumtaka mbunge huyo kwenda Mwanza kuhojiwa kuhusiana tuhuma hizo zinazomkabili.

Jeshi hilo limesema kuwa endapo Dk. Kamani ataendelea kukaidi amri ya polisi ya kwenda jijini Mwanza kutoa maelezo, linaweza kutumia nguvu kumkamata kwa mujibu wa sheria.

Mkuu wa Kitengo cha Upelelezi wa Makosa ya Jinai mkoani Mwanza (RCO), Deusdedith Nsimeki, alisema juzi jijini hapa kuwa mtuhumiwa huyo bado hajafika polisi kutoa maelezo yake dhidi ya tuhuma zinazomkabili licha ya polisi kumtaka kufanya hivyo.
Inadaiwa kuwa Mei 31, mwaka huu, Jeshi la Polisi mkoani Mwanza liliiandikia barua katika Ofisi ya Bunge kumtaka Dk. Kamani kwenda Mwanza kwa ajili ya mahojiano maalumu na jeshi hilo dhidi ya tuhuma hizo.
Nsimeki alithibitisha kuwa hadi sasa Dk. Kamani hajafika Mwanza kutoa maelezo kwa Jeshi la Polisi.
Alisema kuwa ikiwa mbunge huyo ataendelea kukaidi amri hiyo halali, wataomba kibali kwa Mkurugenzi wa Makosa ya Jinai (DCI), ili watumie nguvu kumkamata.
Jeshi hilo liliandika barua Mei 31, mwaka huu, yenye Kumbukumbu No. MZR/CID/SCR/105/2011/4 iliyotumwa kwa Katibu wa Bunge ikimkata kumruhusu Dk. Kamani kwenda Mwanza kutoa maelezo polisi katika Jalada No. MW/IR/2607/2011-MR-CC.28/2011 lililofunguliwa kwa kosa la kula njama na kutaka kumuua Dk. Chegeni.
Watuhumiwa wanne tayari wamekwisha kufikishwa katika Mahakama ya Hakimu Mkazi Mkoa wa Mwanza kujibu tuhuma hizo.
Waliofikishwa mahakamani na sasa wako nje kwa dhamana ni Dismas Zacharia Ndaki, Erasto Kazimili Kombe, Queen Joseph Bogohe na Ellen Joseph Bogohe.
Kesi yao imepangwa kutajwa Julai 6, mwaka huu.
Dk. Chegeni aliangushwa katika kura za maoni na Dk. Kamani kabla ya Uchaguzi Mkuu wa Oktoba mwaka jana.
NIPASHE ilipowasiliana na Kaimu Katibu wa Bunge, John Joel, jana jioni, kuhusiana na suala hilo, alisema kuwa wanachofahamu ni kuwa Dk. Kamani alikuwa Mwanza na kuongeza kuwa kama hajafika Polisi ni kitu kingine.
"Sisi hatupendi masuala kama haya yawasumbue wabunge, lakini la kwake (Dk. Kamani) ni gumu kuliingilia," alisema Joel.
Alipoulizwa kama ofisi ya Bunge ilipokea barua kutoka Polisi ikitaka Dk. Kamani kwenda kuhojiwa Mwanza, Joel alisema hana uhakika kwa kuwa wakati huo hakuwepo katika ofisi hiyo na kusisitiza kuwa anachokifahamu ni kuwa mbunge huyo hivi karibuni alikuwa Mwanza.
CHANZO: NIPASHE

Lengo lako limefail kabla ya kutimia. Hiyo barua ni ya kufoji na hakuna kitu kama hicho.

Huyo Dr. Kamani sio Mbunge tena wa Busega. Ndio huwa maana sisomagi Gazeti la Nipashe.

 

[Muyobhyo]

Mla Unga anaombwa ajipeleke kutuoni mwenyewe kabla polisi hajamkamata, mbunge wa upinzani anadakwa kama kibaka na kusafirishwa usiku wa manane, mbunge wa chama fulani polisi wanaandika barua ya kuomba kumkamata mbunge wa chama fulani! This is full comedy!

halafu wanadai tunakwenda na vifungu vya sheria, hawa jamaa hebu wasitugawe aisee, matabaka yalikuwa yanaanza potea sasa yamerudi tena, time will tell