Inside10
JF-Expert Member
- May 20, 2011
- 33,614
- 40,161
MWIGULU na HAKI ya PAPO kwa PAPO au HAKI FASTA
Katikati ya mkwamo wetu, Waziri Mkuu Mwigulu Mchemba ameibuka na njia mpya iliyokuwapo zamani. Ni Njia ya HAKI YA PAPO KWA PAPO au HAKI FASTA. Nampongeza. Wajaluo wanasema, “usiku ukigoma kupambazuka unaamua kuamka na kuanza kazi”.
Nashauri: Tusimkatishe tamaa kwamba naye atashindwa kama walivyoshindwa akina Sokoine, Mrema, Lowasa na JPM. Kila mtu ana nyota yake. Wajaluo wanazuia mtu kupumulia pua ya mwenzake.
Kwa kuwa ameamua, nami namtia moyo kwa kumshauri. Azingatie yafuatayo hata kama hatayapenda:
1. Mfumo wetu wote ni mbovu. Ni kama unachota maji na kuweka kwenye ndoo yenye matobo. Haitajaa. Ziba matobo.
2. Aliyekuteua ndiye aliyewateua unaowawajibisha na kuwabaragaza mikutanoni. Naamini miongoni mwao, wanaweza kuwemo wanaosikilizwa kuliko wewe. Sikushauri ukimbie au uende polepole, na kukaa katikati ni pagumu. Komaa kama wale jamaa.
3. Makamu M/Kiti wa chama chetu ametangaza kuwa hali ya rushwa ni mbaya sana. Wapo wasiogusika na wakiguswa hatutakuwa salama. Wasipoguswa rushwa haiishi. Kansa hii imo hata ndani ya Takukuru! Tufanyeje? Jifanye unaishughulikia na yenyewe itajifanya inashughulikiwa.
4. unachofanya ni kama kutumia ndoo ya mchanga kuzima moto wakati anasubiri gari la FIRE ambalo halina maji! Inasaidia kujenga matumaini.
5. Kuna mamia ya wakandarasi na wafanya biashara wanaoidai serikali mabilioni. Wengine wamefilisika, wengine wakafa na wengine wana kesi mahakamani. Kibaya, wengine wakidai wanaambiwa “ipigwe pasu”. Mtu akikataa alipwi. Kama PM yuko serious, Ebu jaribu kumpa siku 7 anayedaiwa awalipe toka mfukoni mwake!
6. kuna watendaji wanatamani uwaamuru wawalipe wanaodai kutoka mifukoni mwao ili ukiondoka wajirudishie mara kumi. Haki ya papo kwa papo ina matobo. Nimesikia, sikuota.
7. Haki Fasta ina sharti moja kuu lisilobadilika. “Toa kwanza boriti kabla ya kuona kibanzi.” “Waliomzushia” mke wake kuwa ana magari ya Esther wanajipanga kuja na mengine. Nakusihi uwawahi. Kama una lisilo sawa kwenye “integrity box”, tangaza kabla hawajatangaza. Unaweza kuzushiwa “kutwisha mimba wakati wewe uliishafunga”.
8. Hii vita isiwe yako mwenyewe. Jisafisheni nyote na muinuke wote. Kila mmoja wenu aimbe HAKI. Mtatoboa. Msiionee haya HAKI, itawavusha. Sitamani kusikia siku moja ukilia “Baba/Mama mbona umeniacha?” Nafasi hiyo haina comprensive insurance.
9. Nia yako ni njema, lakini haitoshi. Wakati ndio mbaya na tuna vita nyingi kwa wakati mmoja. Ukiamua kurudi nyuma, rudi kinyume nyume, usigeuke na kupiga mbio. Watakumaliza kwa mishale.
10. Vita hii haitaki kuchanganywa na hila. Usimruhusu mtu kukushirikisha mpango wa hila hata kama mliwahi kufanya hila pamoja. Pia usidiriki kumshauri mkubwa wako kufanya hila. Si unajua? Hata akifanya ikabuma, unakamatwa wewe!
11. Matatizo ni mengi sana. Majibu mmeyakalia. Taifa ni kubwa mno. Haliwezi kuongozwa na muono mmoja. Hata Musa alihitaji msaada. Ridhianeni na neno HAKI, baraka zitafunguka.
Wajaluo wanasema, “Akusindikizaye asiweze kukufikisha, ni bora arudi nyumbani uendelee peke yako na kuzoea safari”. Nami narudi.
Mnaopenda kutukana, itukane rushwa iondoke.
Katikati ya mkwamo wetu, Waziri Mkuu Mwigulu Mchemba ameibuka na njia mpya iliyokuwapo zamani. Ni Njia ya HAKI YA PAPO KWA PAPO au HAKI FASTA. Nampongeza. Wajaluo wanasema, “usiku ukigoma kupambazuka unaamua kuamka na kuanza kazi”.
Nashauri: Tusimkatishe tamaa kwamba naye atashindwa kama walivyoshindwa akina Sokoine, Mrema, Lowasa na JPM. Kila mtu ana nyota yake. Wajaluo wanazuia mtu kupumulia pua ya mwenzake.
Kwa kuwa ameamua, nami namtia moyo kwa kumshauri. Azingatie yafuatayo hata kama hatayapenda:
1. Mfumo wetu wote ni mbovu. Ni kama unachota maji na kuweka kwenye ndoo yenye matobo. Haitajaa. Ziba matobo.
2. Aliyekuteua ndiye aliyewateua unaowawajibisha na kuwabaragaza mikutanoni. Naamini miongoni mwao, wanaweza kuwemo wanaosikilizwa kuliko wewe. Sikushauri ukimbie au uende polepole, na kukaa katikati ni pagumu. Komaa kama wale jamaa.
3. Makamu M/Kiti wa chama chetu ametangaza kuwa hali ya rushwa ni mbaya sana. Wapo wasiogusika na wakiguswa hatutakuwa salama. Wasipoguswa rushwa haiishi. Kansa hii imo hata ndani ya Takukuru! Tufanyeje? Jifanye unaishughulikia na yenyewe itajifanya inashughulikiwa.
4. unachofanya ni kama kutumia ndoo ya mchanga kuzima moto wakati anasubiri gari la FIRE ambalo halina maji! Inasaidia kujenga matumaini.
5. Kuna mamia ya wakandarasi na wafanya biashara wanaoidai serikali mabilioni. Wengine wamefilisika, wengine wakafa na wengine wana kesi mahakamani. Kibaya, wengine wakidai wanaambiwa “ipigwe pasu”. Mtu akikataa alipwi. Kama PM yuko serious, Ebu jaribu kumpa siku 7 anayedaiwa awalipe toka mfukoni mwake!
6. kuna watendaji wanatamani uwaamuru wawalipe wanaodai kutoka mifukoni mwao ili ukiondoka wajirudishie mara kumi. Haki ya papo kwa papo ina matobo. Nimesikia, sikuota.
7. Haki Fasta ina sharti moja kuu lisilobadilika. “Toa kwanza boriti kabla ya kuona kibanzi.” “Waliomzushia” mke wake kuwa ana magari ya Esther wanajipanga kuja na mengine. Nakusihi uwawahi. Kama una lisilo sawa kwenye “integrity box”, tangaza kabla hawajatangaza. Unaweza kuzushiwa “kutwisha mimba wakati wewe uliishafunga”.
8. Hii vita isiwe yako mwenyewe. Jisafisheni nyote na muinuke wote. Kila mmoja wenu aimbe HAKI. Mtatoboa. Msiionee haya HAKI, itawavusha. Sitamani kusikia siku moja ukilia “Baba/Mama mbona umeniacha?” Nafasi hiyo haina comprensive insurance.
9. Nia yako ni njema, lakini haitoshi. Wakati ndio mbaya na tuna vita nyingi kwa wakati mmoja. Ukiamua kurudi nyuma, rudi kinyume nyume, usigeuke na kupiga mbio. Watakumaliza kwa mishale.
10. Vita hii haitaki kuchanganywa na hila. Usimruhusu mtu kukushirikisha mpango wa hila hata kama mliwahi kufanya hila pamoja. Pia usidiriki kumshauri mkubwa wako kufanya hila. Si unajua? Hata akifanya ikabuma, unakamatwa wewe!
11. Matatizo ni mengi sana. Majibu mmeyakalia. Taifa ni kubwa mno. Haliwezi kuongozwa na muono mmoja. Hata Musa alihitaji msaada. Ridhianeni na neno HAKI, baraka zitafunguka.
Wajaluo wanasema, “Akusindikizaye asiweze kukufikisha, ni bora arudi nyumbani uendelee peke yako na kuzoea safari”. Nami narudi.
Mnaopenda kutukana, itukane rushwa iondoke.
