Akina mama na ndoo za maji vichwani karne ya 21!

[MPIGA ZEZE]

Hatuna budi kupongeza jitihada zinazofanywa na serikali sikivu ya CCM pamoja na wadau wengine kuchimba visima vya maji ili wananchi wapate maji safi husuan sehemu za vijijini. Lakini huwa najisikia kutapika kila nikiona watawala na wapambe wao wa kiume na wa kike wakionesha furaha kubwa sana kuwatwisha ndoo za maji akina mama kama sehemu ya uzinduzi wa visima hivyo. Hii ni ishara kwamba hata katika muongo wa pili wa karne ya 21 watawala wetu na sisi sote bado tumegubikwa na fikira mgando kwamba mama aendelee kubeba ndoo ya maji kichwani. Hakuna ishara wala dalili za fikira mbadala kwamba badala ya kubeba kichwani angaa tumuhimize huyu kiumbe atumie mkokoteni wa kusukuma wenye uwezo wa kubeba ndoo mbili au tatu - njia mbadala kama hii inao ufanisi mkubwa kuliko kuendelea na njia ya enzi za mawe. Kwanza itaboresha afya ya mama (na hapa tukumbuke hawa wamama huanza kubeba wakiwa bado wasichana wa miaka 10) na itaokoa muda wake kwa kufanya safari moja badala ya mbili au tatu. Mandhari kama hii ya Mhe Kikwete kumtwisha mama ndoo ya maji imekuwa ni mojawapo ya nderemo na vigelegele vipambavyo zinduzi mbalimbali za visima. Nilifikiri kijana kama Riz1 angekuja na fikira mbadala. Lakini na yeye (kama mwakilishi wa vijana wetu wanaosema huu ndio wakati wao) bado anafanya yale yale ya JK na JKN! Tafakari!



Source: Picha kutoka mjengwablog (Agosti 11, 2014)

 

[sifongo]

Mkuu mpiga ZEZE kwa CCM hayo ndio mafanikio, akitoka hap kijana misuli ya shingo inamshupaa kwa kujimwagia sifa yeye na Serikali yake, ila hatuna budi kushukuru hata hicho kidogo walichotupatia kuliko wamama zetu wangetembea maili nyingi kuyasaka maji tena yasiyo salama, tuendelee kuwakumbusha CCM kwa karne hii hayo maji yalitakiwa yawe nje ya nyumba ya huyo mama..........

 

[kapya]

Hatuna budi kupongeza
jitihada zinazofanywa na serikali sikivu ya CCM pamoja na wadau wengine
kuchimba visima vya maji ili wananchi wapate maji safi husuan sehemu za
vijijini. Lakini huwa najisikia kutapika kila nikiona watawala na
wapambe wao wa kiume na wa kike wakionesha furaha kubwa sana kuwatwisha
ndoo za maji akina mama kama sehemu ya uzinduzi wa visima hivyo. Hii ni
ishara kwamba hata katika muongo wa pili wa karne ya 21 watawala wetu na
sisi sote bado tumegubikwa na fikira mgando kwamba mama aendelee kubeba
ndoo ya maji kichwani. Hakuna ishara wala dalili za fikira mbadala
kwamba badala ya kubeba kichwani angaa tumuhimize huyu kiumbe atumie
mkokoteni wa kusukuma wenye uwezo wa kubeba ndoo mbili au tatu - njia
mbadala kama hii inao ufanisi mkubwa kuliko kuendelea na njia ya enzi za
mawe. Kwanza itaboresha afya ya mama (na hapa tukumbuke hawa wamama
huanza kubeba wakiwa bado wasichana wa miaka 10) na itaokoa muda wake
kwa kufanya safari moja badala ya mbili au tatu. Mandhari kama hii ya
Mhe Kikwete kumtwisha mama ndoo ya maji imekuwa ni mojawapo ya nderemo
na vigelegele vipambavyo zinduzi mbalimbali za visima. Nilifikiri kijana
kama Riz1 angekuja na fikira mbadala. Lakini na yeye (kama mwakilishi
wa vijana wetu wanaosema huu ndio wakati wao) bado anafanya yale yale ya
JK na JKN! Tafakari!

View attachment 176880

Source: Picha kutoka mjengwablog (Agosti 11, 2014)

c.c.m oyeee! c.c.m nambari one

 

[sellonlatbox]

Mh. upo sahihi lakini pia kwa muongo huu wa pili wa karne ya 21 hata hiyo kutumia "mkoko 10" naamini tutakuwa tunaendeleza fikra mgando. Tutapata sababu ya kusifia na kupeana sifa kama tuliovyoamua kuisifia NHC kwa vile vijumba vyao, kwetu ndio maendeleo hayo kazi kidogo makofi mengi na sifaa tele, ingawa wote wangeweza kufanya na kufikiria vitu vya maana zaidi ya hivyo.