Ngwananzengo
JF-Expert Member
- Jul 28, 2012
- 1,911
- 1,322
Mwaka 2014 haukuwa mwaka mzuri kwangu katika mambo ya mahaba. Baada ya kuwa katika mahusiano kwa karibu mwaka 1 La-azizi wangu alinipa makavu "live" tena bila kupepesa macho kuwa hanitaki. Nikajitahidi kadri ya uwezo wangu kumbembeleza na kumsihi ili atengue kauli Lakini ilikuwa ni kazi bure. Kabla yangu jimbo lilikuwa na mwenyewe alieamua kulitelekeza. Kwa kutumia ving'amuzi na vyanzo sahihi nilijiridhisha La-azizi wangu baada ya kunitema alibaki kuwa 'single'. Hilo lilinitia matumaini na kujaribu kumsihi anisamehe mtoto wa mwanamke mwenzie na turudi kuwa kama zamani. Duuhh huwezi amini nilipewa lugha za kibabe, kebehi, jeuri na maudhi. Mimi ni miongoni mwa wachache ambao tuko karne ya 21 kwa bahati mbaya. Katika kupenda kwangu sijawahi kupenda mtu kwa kuvutiwa na macho, kiuno cha nyigu, miguu ya bia au 'figure' kwa ujumla wake. Mimi kigezo changu ni IQ na weledi wa mtu ktk kupambanua mambo. Kwa kweli huwa nakerwa na watu wenye akili za kushikiwa. Kwa kuwa La-azizi wangu alikamilika ktk mambo ambayo kwangu ndio 'password word' niliumia sana. Hata shughuli zangu za utafutaji nikazihamishia mkoa mwingine. Pamoja na yote hayo sikuwahi kukata tamaa, japo nilipokuwa natuma sms kwenye what'sap ananiblock hata kwa wiki baadae ananifungulia. Nikiwa sina hili wala lile mwezi wa pili alinipigia simu. Mwanzoni alianza kwa kunisalimu Lakini kadri siku zinavyokwenda ameamua kurudi tena kwa kasi ya ajabu. Ooooohhh my baby sahau yaliyo pita, ni wewe tu hakuna mwingine zaidi yako. Kwa upande wangu baada ya kukaa na kutafakari nimeona Sina jinsi zaidi ya kumpokea. Naweza kuwa sipo sahihi Lakini kwangu mapenzi yana Rangi nyingi. Siwezi kushuka kwenye Farasi kwa matarajio ya kupanda Punda.
