Young Africans Sports Club (Yanga) | Special Thread

Hivi Shaban Ramadhani yuko wapi? Namkubuka kuna siku tuliwafunga Simba alikuwa amevaa fulana imeandikwa NATO
 
Kawaida wanachama wa yanga wanakuwaga natabia za ubishi sana.
Bishana mpaka ufe.....ndio motto ya yanga.
 
Yanga mabingwa wa Tusker

December 28, 2009

Wachezaji wa Timu ya Yanga wakisherehekea Ushindi baada ya kunyakua Kombe la Tusker katika mchezo wa Fainali ambapo waliwalaza wapinzani wao Sofa Paka ya Kenya 2-1. Picha na Michuzi
​
TIMU ya Yanga imefunga mwaka kwa 2009 kwa kishindo baada ya kutwaa ubingwa wa michuano ya Kombe la Tusker kwa kuichapa Sofapaka kwa mabao 2-1 kwenye mchezo uliochezwa Uwanja wa Uhuru jijini Dar es Salaam.
Yanga walilazika kusubili hadi dakika tano za mwisho kuanza kusherekea ubingwa wao kwa mabao yaliyofungwa na Mrisho Ngassa (90 dk), na Boniface Ambani (85dk).

Mabingwa hao wa Tanzania wamefanikiwa kujinyakulia shilingi milioni 40, huku ndugu zao Simba wakijinyakulia nafasi ya tatu Mil 10 na Wakenya hao Sofapaka washindi wa pili walijinyakulia Mil 20.

Mshambuliaji Jerryson Tegete alikabidhiwa zawadi yake ya ufungaji bora Mil 2 baada ya kufunga jumla ya mabao 6 kwenye michuano hiyo, huku Mafunzo ya Zanzibar imepata tuzo ya timu yenye nidhamu.

VITUKO
Wachezaji wa Sofapaka waliwaacha watu midomo wazi kwa kitendo chao cha kubadilishia nguo uwanjani badala ya kwenye vyumba vya kubadilishia kabla ya kuanza kwa mchezo huu.

Baada ya filimbi ya mwisho wachezaji wa Sofapaka wakiongozwa na kipa wao Obungu walimvamia mwamuzi Denis Batte kutoka Uganda wakitaka kumpiga, lakini kikosi cha kutuliza ghasia 'FFU' waliwahi kuzima jaribio hilo.

Yanga:Obren Cuckovic, Shadrack Nsajigwa, Amir Maftah, Bakari Mohamed,Nadir Haroub, Athuman Idd, Nurdin Bakari, Abdi Kassim, Jerry Tegete, Mrisho Ngasa, Kigi Makasi.
Sofapaka: Wilson Obungu, Kamadi Michael, James Situma, Tumba Kilonzo, Edger Ochieng, Nicolaus Muyoti, Humphrey Ochieng, Kimani Antony, Wanyama Thomas, Bob Mugaliya, John Onami.
 
Wakati wa mashindano ya Kombe la Kagame pamoja na yale ya Tusker Challenge Cup wenzetu wa toka Kenya na Uganda walikuwa na majina ambayo yalinikumbusha enzi zile nikiwa nafanya kazi ya geshi na hivyo kufanikiwa kufahamu maana ya majina hasa yale yenye asili ya kijaluo. Nilipoyasikia tena safari hii yalinikumbusha mbali sana miaka ile ya 1970.

Baadhi ya majina hayo na maana yake ni hii:

Obungu = kichaka
Otieno = usiku
Onyango = adhuhuri
Oluoch = mawingu
Okeyo = kuvuna
Oludo = kusia mbegu
Odipo = zizi
Ochieng' = jua/mchana
Okoth = mvua
Ondiek = fisi
Oliech = tembo
Ogwang' = mnyama

* Mwanaume jina lake huanzia na herufi 'O' wakati mwanamke huanza na 'A'

Nilikumbuka mbali sana.
 
Ambani katupia goli tatu juzi....yanga daima mbele...nyuma mwiko
 
Gang Chomba said:
yanga ilianzishwa miaka mingi iliyopita na inasemekana ndo klabu kongwe na yenye mafanikio zaidi hapa nchini. klabu hii ilianzishwa na wazalendo halisi wa nchi hii waliokuwa wakiji shughulisha na uchuuzi wa nazi na samaki na muda wao wa jioni ulipofika walikuwa wakijumuika pamoja kusakata kabumbu na hapo ndipo ilizaliwa yanga.

kama hiyo haitoshi wazalendo hawa waliendelea kujikusanya kwa pamoja na kuanza mishemishe za kusaka uhuru wa nchi hii, na ndipo tarehe 9 disemba mwaka 1961 tanganyika ikapata uhuru, hivyo kama tutazungumzia uhuru wa taifa hili basi hatusiti kwa namna moja au nyingine kuitaja yanga, na kwa heshima yake inatakiwa unapoitaja yanga kama umekaa basi unatakiwa usimame.
MAFANIKIO.
yanga ndio timu iliyochukua ubingwa wa ligi ya bara mara nyingi zaidi, na ndio klabu inayofahamika zaidi kitaifa na kimataifa kwa sababu ndiyo klabu iliyopeperusha vizuri bendela ya taifa hili la tanzania nje ya mipaka.
na kama hiyo haitoshi yanga ndiyo klabu yenye washabiki wengi zaidi ndani na nje ya nchi, ndani ya africa na dunia kwa ujumla.

na pia yanga ndiyo klabu ya mwanzo hapa nchini au hata afrika mashariki kwa ujumla kwa kuwa na makao makuu sambamba na uwanja wa mazoezi ambao unajulikana kwa jina la Kaunda, jina la muasisi na mpigania uhuru mwengine wa taifa la zambia muheshimiwa keneth kaunda.
mfumo huu wa kuwa na makao makuu pamoja na uwanja wa mazoezi ni wa timu kubwa barani ulaya na dunia kwa ujumla.

yanga pia ndio timu ya kwanza kuwa na gazeti hapa nchini. gazeti hili linajulikana kama "Yanga imara". lilipotoka katika wiki ya kwanza liliuzwa takriban nakala 50,000 nchi nzima na baadhi ya nchi za jirani.
mfumo wa kuwa na gazeti la klabu pia umeigwa na baadhi ya klabu hapa nchini lakini unaonekana kusua sua katika mauzo na hata ukisoma nakala ya gazeti lao utakuta limejaa matangazo ya waganga tu.

yanga ndo timu pekee iliyowahi kuuza mchezaji nje ya nchi na kung'aa katika vilabu mbali mbali barani ulaya, mchezaji huyu alijulikana kama Nonda Shaaban al maarufu kama "papii".
nonda ambaye aliwahi kutamba na mashujaa hawa wa jangwani amepata kuchezea vilabu kama val profesional ya south africa, FC zuurich ya uswis, stade rennes na AS monaco zote za ufaransa, AS roma ya italia akicheza pamoja na francesco totti, blackburn ya uingereza na sasa anakipiga katika klabu ya galatasaray yenye maskani yake katika uwanja wa ali sami yen nchini uturuki.

na hapa ndipo tunapoitofautisha yanga na vilabu vingine vya soka hapa nchini ambavyo wachezaji wake huuzwa burundi, rwanda na uarabuni ambako hakuna soka la ushindani.

pia yanga ndo timu ya kwanza hapa nchini kuongozwa na rais.
pia yanga ndo timu ya kwanza kuwa na mfumo wa wanachama kuwa wana hisa wa klabu kama timu nyingi za ulaya, hivyo kumfanya kila mwanachama kuhusika kikamilifu katika mipango na malengo ya klabu, tofauti na majirani zetu ambao mfumo wao wa uongozi haueleweki na hata mishahara ya wachezaji wanalipwa kimkanda mkanda na inafika kipindi mchezaji anakaa miezi minne hajalipwa mshahara mwisho wanatimkia kucheza ligi za mchangani.

MAFANIKIO NJE YA MIPAKA.
Yanga kama yanga ndo timu pekee iliyowahi kuchukua kombe linalotambuliwa na shirikisho la soka barani afrika CAF na shirikisho la soka duniani FIFA. itakumbukwa tu yanga waliwafunga express ya uganda kwa goli 3-1 katika mchezo wa nusu fainali ya kombe la klabu bingwa afrika mashariki na kati na mechi ya fainali walitakiwa wakipige na SC villa.

yanga waliwacharaza bila huruma SC Villa goli 2-1 katika uwanja wa nakivubo kwenye mechi ya fainali ya kombe lililokuwa na msisimko kipindi hicho la klabu bingwa afrika mashariki na kati na kupelekea serikali ya tanzania kutuma ndege mpaka katika uwanja wa ndege wa entebe kwenda kuwachukua waheshimiwa waliolitoa taifa kimasomaso yaani yanga.
hivyo kuweka adabu kwa waganda ambao hawawezi kuisahau yanga maishani mwao.

yanga katika mechi hiyo iliwakilishwa na:
1) steven nemes
2) mwanamtwa kihwelu
3) keneth mkapa
4) willy mtendamema
5) issa athuman
6) method mogella
7) steven mussa
8) hamis thobias gagarino
9) said mwamba kizota
10) mohamed husein chinga one
11) edibily jonas lunyamila

pia yanga walikuwa na bunduki nje kwenye benchi kama willy martin, rifat said, aboubakar salum "sure boy" david mwakalebela "MP" na wengine wengi ambao walikuwa ni miiba kwa waganda.

katika mechi hiyo mnamo dakika ya 81 beki mahili wa villa na timu ya taifa ya uganda marehemu Paul Hasule alivua jezi na kutoka nje kwa kile ambacho mwenyewe alikiri kuwa ameshindwa kumkaba winga wa yanga edibily lunyamila, lakini alilazimishwa na kocha wake kumaliza mechi kutokana na aibu iliyokuwa inawakabili.

kutokea hapo waganda walitekwa akili kutokana na kabumbu safi lililoonyeshwa na yanga na kupelekea daladala nyingi nchini humo kuandikwa majina kama "lunyamila trans" "kizota trans" au hata wengine walifuta majina ya salon zao na kuandika "gagarino hair salon" na mpaka leo hii waganda wakisikia timu kutoka tanzania inakwenda huko wanauliza "je ni yanga?".

na baada ya ushindi huo mwanamuziki nguli wa afrika marehemu kabasele yampanya al maarufu kama peppe kalle alitunga wimbo wa kuisifia timu hiyo baada ya kuonyesha dhahili kiwango cha juu na kuvutia washabiki wengi wa soka kitu ambacho hakijawahi kufanywa na klabu yoyote nyingine hapa nchini.

HISTORIA ISIYO SAHAULIKA.
mwaka 1972 katika pambano la watani wa jadi lililokuwa lifanyike katika uwanja wa taifa, watanzania walishuhudia kituko cha mwaka pale kilabu ya simba ya dar es salaam ilipoishia chang'ombe na kugeuza basi na kurudi katika mtaa wa msimbazi na kufanya timu ya yanga ya tanzania kupewa ushindi baada ya mpinzani kufyata mkia na kutokomea vichakani.

mnamo pia tarehe 13 mwezi novemba mwaka 1991 katika uwanja huo huo wa taifa timu ya yanga ya tanzania waliingia uwanjani na basi la sharuksi lililokuwa likimilikiwa na mfadhili wa yanga wa kipindi hicho marehemu abbas gulamali, timu ya soka ya simba ya dar es salaam iliweka mpira kwapani wakati wa mapumziko na kutokomea kusiko julikana.

na kauli hii ya kuweka mpira kwapani iltolewa na mtangazaji aliyekuwa anatangaza soka redio tanzania siku hiyo ndugu Charles Hillary, na magazeti kama motomoto, mfanyakazi, uhuru na mzalendo ya kipindi hicho yalipambwa na kichwa kikubwa cha habari "mgonjwa atema dawa".

na kuweka mpira huko kwapani kulifuatia vipigo mfululizo vya august 31, october 9 lakini hii iltanguliwa na kipigo cha Said Sued "Scud" cha mei 18.

baadhi ya mashujaa waliowahi kukipiga yanga miongoni mwao ni rifat said, joseph katuba, peter manyika, anwar awadh, salum kabunda "ninja", godwin aswile "baba subi" au scania, said zimbwe, thomas kipese, joseph lazaro, omar husein, costantino kimanda, sanifu lazaro "tingisha" na wengine wengi.

hili nililokupa hapo ni tone tu la maji, ila bahari ntakupa siku nyingine.
na hii ndo yanga, klabu bora kabisa hapa nchini, isiyotishwa na kelele, adhabu wala faini yoyote...duh
Click to expand...
 
Masaki said:
Kipofu kaona mwezi....Timu ya kwenye bonde la mpunga!
Click to expand...

Bonde la mpunga lakini lakwetu.
Nyie Simba mbona mnashindwa hata kupaka rangi jengo lenu?

Hv wachezaji wenu wanajisikiaje wakipita ktk Villa letu huku kila chumba kikiwa na AC?
 
nadhani habari zote za Yanga yetu zikiingia hapa itapendeza zaidi maana kuna mithread ya kizungu tu. wadau wa soka la bongo hasa Yanga tupeni raha kuanzia hapa na kuendelea
 
.......wewe Mziwanda tuondolee kandambili zako hapa bana!!..teheehehe!

Yeboyebo mwenzio alishaiweka hapa siku nyingi sana....itafute huko huko kwenye michezo!
 
dah! mbona imepotezwa sasa? nao MODS basi wasiache habari za timu yetu tukufu kuzagaa ovyo tu. waziweke pamoja jamani
 
The Boss said:
why washabiki wengi wa yanga ni iliterate?????????????????????
Click to expand...

kwa vigezo vipi, mkuu? si bora mashabiki kuwa hivyo kuliko huyo broker wenu? ashukuru Mungu kaepushiwa kikombe cha shahada. nina hofu na wewe pia
 
You must log in or register to reply here.

Similar Discussions

Back
Top Bottom
Forums
New posts
Post thread
Back