Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

Wabunge wa CCm waliotia sahihi maisha yao hatarini.

Discussion in 'Jukwaa la Siasa' started by Mbaga Michael, Apr 23, 2012.

  1. Mbaga Michael

    Mbaga Michael Verified User

    #1
    Apr 23, 2012
    Joined: Nov 17, 2011
    Messages: 2,826
    Likes Received: 134
    Trophy Points: 160
    BAADHI ya wabunge wa Chama cha Mapinduzi, walioshiriki kusaini hoja ya kutokuwa na imani na Waziri Mkuu kwa nia ya kushinikiza kujiuzulu kwa mawaziri wanaotuhumiwa kufuja mabilioni ya fedha, wametishiwa maisha.

    Habari za kuaminika zilizothibitishwa na mmoja wa wabunge hao, zimesema kuwa wabunge wawili kati ya wanne wa chama hicho wamelazimika kuukimbia mji wa Dodoma na kujificha kwa muda kusikojulikana. Wabunge hao (majina yao tunayo) waliondoka mjini Dodoma mara baada ya kupewa taarifa na watu wao wa karibu kuwa walikuwa wakisakwa kwa vile baadhi ya wakubwa ndani ya CCM walikuwa wamechukizwa na kitendo hicho.

    Akizungumza na Tanzania Daima, mmoja wa wabunge waliokimbia na kujificha, amedai kuwa alilazimika kufanya hivyo baada ya kushauriwa sana na rafiki zake, ingawa awali aligoma kuondoka akisema angekuwa tayari kukabiliana na lolote hata kufa kwa vile anaamini hajafanya kosa lolote la kuhatarisha amani ya nchi. "Ni kweli niko nje ya Dodoma, nimefanya hivi baada ya kuwepo kwa hisia hizo, maana naziita hivyo kwa sababu binafsi siogopi kutishwa," alisema mbunge huyo.

    Kwa upande wake, Mbunge wa Ludewa Deo Filikunjombe (CCM) ambaye ni mmoja wa wabunge
    wa chama hicho waliotia saini hoja hiyo, alikiri kupigiwa simu za shutuma na lawama kwa madai ya kukisaliti chama na kuunga mkono hoja ya wapinzani ya kutaka kuwawajibisha mawaziri wanaoitumikia serikali ya chama hicho. Filikunjombe alisema ingawa hajapata vitisho rasmi, lakini alijua hatua hiyo ingemgharimu. Alisema kuwa hajutii hatua hiyo kwa sababu ndiyo mahali pekee pa kusemea na kwamba kama asipoyasema yeye machungu ya Watanzania, hajui nani atayasema.

    Mbunge huyo machachali na asiye na woga aliongeza kuwa ni wajibu wake kukisadia chama chake kwa moyo mnyoofu na kuwasilisha kilio cha Watanzania na cha wananchi wa Ludewa. Alizidi kumshambulia Waziri wa Kilimo na Chakula, Jumanne Maghembe, kwa kuzembea na kupeleka mbolea ya kupandia
    jimboni kwake Ludewa mwezi Machi badala ya mwezi Oktoba, tena ikiwa feki. "Katika hali ya hovyo kiasi hiki, walitaka nicheke na kutetea upuuzi eti kwa sababu nalinda chama? Nimechaguliwa na watu kuwalinda na kuwaletea maendeleo sio umaskini. Kibaya wamewakopa hata mawakala. Badala ya kunisaidia na kuwawajibisha waliofanya uzembe huu eti nalaumiwa mimi," alisema.

    Lugola apigiwa simu ya vitisho Katika hali isiyokuwa ya kawaida, Mbunge wa Mwibara, Kangi Lugola, alipigiwa simu juzi saa saba za usiku na kiongozi mmoja wa juu wa CCM akimtaka ajiandae kwa mapambano kwa kile kilichoelezwa kuwa amekisaliti chama. Akithibitisha tukio hilo, Lugola alisema kuwa kiongozi huyo mzito (jina tunalo) ambaye ni bingwa wa kufoka na kutukana vyombo vya habari vinavyomkosoa, alimwita mbunge huyo mnafiki, mzandiki na kwamba kwa hatua yake ya kusaini hoja ya kura ya kutokuwa na imani na Waziri Mkuu atambue kuwa ametangaza vita. "Ni kweli nilipigiwa simu na.. (anamtaja) na kuanza kunifokea na kunitukana. Nilishindwa kuamini kama kiongozi mzito kama yeye anaweza kuniambia maneno hayo. Nami nilimwambia kwa kuwa sina kosa na nimetumia haki yangu, afanye lolote analoweza." Mbunge huyo alisema pamoja na kuambiwa kuwa leo kigogo huyo wa CCM atafika Dodoma kumshughulikia na wale wote tuliotia saini, haogopi lolote na yuko tayari kukabiliana na
    magumu kwa ajili ya maslahi ya Watanzania. "Hata wakiniua, sitaogopa naamini katika ukweli na ni kilio cha wengi. Lakini wengi wananiunga mkono, na wamenipigia simu na wanakubali kuwa wako nyuma
    yangu.

    Alisema maisha ya Watanzania ni mabaya, shuleni hakuna walimu wala madawati, hospitali ziko taabani kwa kukosa dawa huku madaktari wakililia maslahi, na kila wakati serikali imekuwa ikidai haina fedha kumbe, zipo na zinaliwa na wajanja. "Hakuna cha kunitisha katika hali kama hii. Wanaonitisha ndiyo wasioitakia mema CCM na Watanzania na hao lazima tuwashughulikie mchana kweupe. Na katika hili, lazima wote bila kujali wao ni nani lazima wajiuzulu bila kusubiri eti wajipime na kutafakari," alisema
    Lugola.
     
  2. Bukanga

    Bukanga JF-Expert Member

    #2
    Apr 23, 2012
    Joined: Dec 13, 2010
    Messages: 2,852
    Likes Received: 699
    Trophy Points: 280
    Mkuu hii sio breaking news!! sawa sawa??
     
  3. dosama

    dosama JF-Expert Member

    #3
    Apr 23, 2012
    Joined: Dec 25, 2010
    Messages: 786
    Likes Received: 7
    Trophy Points: 35
    Za asubuhi mkuu naonando unaamka mchana huu
     
  4. Mungi

    Mungi JF Gold Member

    #4
    Apr 23, 2012
    Joined: Sep 23, 2010
    Messages: 16,944
    Likes Received: 352
    Trophy Points: 180
    Umechelewa. Hii habari ipo humu
     
  5. Rejao

    Rejao JF-Expert Member

    #5
    Apr 23, 2012
    Joined: May 4, 2010
    Messages: 9,223
    Likes Received: 146
    Trophy Points: 160
    Copy n paste bila hata kuedit!!!
     
  6. Ulukolokwitanga

    Ulukolokwitanga JF-Expert Member

    #6
    Apr 23, 2012
    Joined: Sep 18, 2010
    Messages: 7,739
    Likes Received: 1,817
    Trophy Points: 280
    Hii sio Breaking News bali ni HABARI ILIYOVUNJIKA VIPANDE VIPANDE...

    We unategemea nini katika kundi la wachawi anapotokea mmoja ameokoka watamuacha, watatumia kila hila kumuangamiza ili siri zao zisivuje
     
  7. samirnasri

    samirnasri JF-Expert Member

    #7
    Apr 23, 2012
    Joined: Nov 8, 2010
    Messages: 1,371
    Likes Received: 4
    Trophy Points: 135
    Kweli itasimama daima waendelee kupambana sisi wananchi tunawaunga mkono.
     
  8. OSOKONI

    OSOKONI JF-Expert Member

    #8
    Apr 23, 2012
    Joined: Oct 20, 2011
    Messages: 7,201
    Likes Received: 1,433
    Trophy Points: 280
    ipe jina basi
     
  9. Fredrick Sanga

    Fredrick Sanga JF-Expert Member

    #9
    Apr 23, 2012
    Joined: Jan 27, 2011
    Messages: 3,146
    Likes Received: 15
    Trophy Points: 135
    Heshima kwa wabunge waliotia saini. Mungu anajua mlichofanya.
     
  10. OSOKONI

    OSOKONI JF-Expert Member

    #10
    Apr 23, 2012
    Joined: Oct 20, 2011
    Messages: 7,201
    Likes Received: 1,433
    Trophy Points: 280
    edit mwenyewe unataka utafuniwe kila kitu, acha uvivu!!
     
  11. LESIRIAMU

    LESIRIAMU JF-Expert Member

    #11
    Apr 23, 2012
    Joined: Feb 12, 2008
    Messages: 3,099
    Likes Received: 849
    Trophy Points: 280
    Mungu husimamia haki kila wakati. Msiwe na mashaka coz hamna atake ishi milele
     
  12. Ta Muganyizi

    Ta Muganyizi JF Gold Member

    #12
    Apr 23, 2012
    Joined: Oct 19, 2010
    Messages: 4,890
    Likes Received: 154
    Trophy Points: 160
    hajaiona mwenzio ,...............hata hivyo tunashukuru
     
  13. Ta Muganyizi

    Ta Muganyizi JF Gold Member

    #13
    Apr 23, 2012
    Joined: Oct 19, 2010
    Messages: 4,890
    Likes Received: 154
    Trophy Points: 160
    Kakopi kwenye hard copy nini?
     
  14. Mbaga Michael

    Mbaga Michael Verified User

    #14
    Apr 23, 2012
    Joined: Nov 17, 2011
    Messages: 2,826
    Likes Received: 134
    Trophy Points: 160
    uvivu wa watanzania upo mpaka kwenye macho.
     
  15. Mzito Kabwela

    Mzito Kabwela JF-Expert Member

    #15
    Apr 23, 2012
    Joined: Nov 28, 2009
    Messages: 17,173
    Likes Received: 1,329
    Trophy Points: 280
    Mukama anataka kumshughulikia Lugola?! Mukama hajipendi...
     
  16. Mbaga Michael

    Mbaga Michael Verified User

    #16
    Apr 23, 2012
    Joined: Nov 17, 2011
    Messages: 2,826
    Likes Received: 134
    Trophy Points: 160
    kweli.
     
  17. Mzito Kabwela

    Mzito Kabwela JF-Expert Member

    #17
    Apr 23, 2012
    Joined: Nov 28, 2009
    Messages: 17,173
    Likes Received: 1,329
    Trophy Points: 280
    Sawa editor wa Uhuru
     
  18. Mbaga Michael

    Mbaga Michael Verified User

    #18
    Apr 23, 2012
    Joined: Nov 17, 2011
    Messages: 2,826
    Likes Received: 134
    Trophy Points: 160
    imeandikwa uckizoeze kinywa chako kutamka maneno ya ovyo ndani yake kuna matusi na maudhi
     
  19. Power G

    Power G JF-Expert Member

    #19
    Apr 23, 2012
    Joined: Apr 20, 2011
    Messages: 3,879
    Likes Received: 17
    Trophy Points: 135
    Katika lichama la majambazi kama ccm ulitegemea nini kitokee? Wauaji wakubwa hawa!
     
  20. KOMBESANA

    KOMBESANA JF-Expert Member

    #20
    Apr 23, 2012
    Joined: Jun 18, 2009
    Messages: 832
    Likes Received: 2
    Trophy Points: 0
    habari iko kwenye magazeti hii jamani MWANANCHI,hususan
     
Loading...