The Sunk Cost Fallacy 2
JF-Expert Member
- Nov 8, 2022
- 7,382
- 8,437
Hili suala la Madaktari bingwa kufanya private Klinic katika Hospitali za umma (IPPM) baada ya saa za kazi sio jipya. Tayari linafanyika katika Hospitali ya Taifa Muhimbili, JKCI, Ocean Road nk. Lilianza kutekelezwa zaidi ya miaka 15 iliyopita.
Lengo ni kutoa motisha wa kuongeza kipato cha Madaktari bingwa na bobezi walioajiriwa na Serikali. Kutokana na uwekezaji mkubwa uliofanywa na Serikali Mikoani, sasa tunataka kushusha utaratibu huu kwenye Hospitali za Rufaa za Mikoa ili kubakiza madakatari bingwa kuendelea kufanya kazi mikoani.
Hili jambo lina tija katika kuimarisha upatikanaji wa huduma za kibingwa mikoani. Daktari bingwa anapata na Hospitali inapata. Muhimu kuweka utaratibu mzuri na wa wazi.
NB: Tuna uhaba wa Madaktari bingwa katika Hospitali za Rufaa za Mikoa. Mwezi uliopita tulitangaza nafasi 35 walioomba ni 15 tu. Kama Wizara tutaendelea kuweka mikakati mbalimbali ili kuvutia Madaktari bingwa kufanya kazi ktk Hospitali za umma hasa za mikoani.
Utaratibu wa utoaji huduma za afya baada ya masaa ya kazi (Intramural Private Practice) sio mpya - Kwa Hospital kubwa kama Muhimbili una zaidi ya miaka 20, JKCI na MOI una zaidi ya miaka 15 nk Utaratibu huu wa kutoa huduma hizi "binafsi na za haraka" (private and fast track) baada ya saa za kazi ndani ya Vituo vya Umma unasimamiwa na miongozo mahsusi iliyopitishwa na Bodi za Hospital husika.
Kwa mfano katika Hospital ya Taifa- Muhimbili huitwa Intramural Private Practice at Muhimbili maarufu IPPMBaadhi ya faida za Utaratibu huu ni pamoja na:
1. Kuwahudumia wagonjwa wanaohitaji kuhudumiwa kwa uharaka (kwa kulipia ziada)
2. Kuwatuliza Madaktari kwenye vituo vyao vya kazi na kuwapunguzia adha ya kukimbia kwenye vituo binafsi(maarufu vijiwe au vioski) baada ya muda wa kazi- hii inashusha heshima ya kitaaluma kwao na wengine kulazimika kufanya kazi katika mazingira hatarishi na yenye uwekezaji mdogo wa miundo mbinu na vifaa Tiba kuliko alivyoviacha katika Hospital yake ya Rufaa ya Umma.
3. Kuongeza mapato ya Hospitali za Rufaa za Umma kwani wateja hulipia huduma kwa gharama kubwa zaidi ya bei za kawaida za Serikali. Mapato hayo huongeza uwekezaji unaowafaidisha wagonjwa Wote, unaochangia kuwezesha hospitali kuhudumia wagonjwa wa Msamaha na unaoongeza motisha kwa watumishi wote kwani mapato hayo hugawanywa wa watumishi wote wa hospital husika.
Ummy Mwalimu
Waziri wa Afya
===
My Take: Kama ni jambo la kitambo, kulitolea kauli kulikuwa kunalenga nini? Acheni ubabaishaji
Pia soma: Ummy Mwalimu: Ruksa Madaktari kutumia hospitali za Serikali kama private clinic baada ya muda wa kazi