Dismiss Notice
You are browsing this site as a guest. It takes 2 minutes to CREATE AN ACCOUNT and less than 1 minute to LOGIN

CCM waibiana kura, anayedaiwa kuhujumu kura hizo ni katibu wa Itikadi na Uenezi wa CCM

Discussion in 'Jukwaa la Siasa' started by Mohamedi Mtoi, Apr 5, 2012.

  1. Mohamedi Mtoi

    Mohamedi Mtoi R I P

    #1
    Apr 5, 2012
    Joined: Dec 11, 2010
    Messages: 3,326
    Likes Received: 36
    Trophy Points: 0
    Imeandikwa na Maregesi Paul | Dar es Salaam
    Thursday, April 05, 2012

    UCHAGUZI wa wabunge wa Bunge la Afrika Mashariki kwa upande wa Chama Cha Mapinduzi (CCM), umeingia doa. Chanzo chetu cha habari kilichokuwa katika uchaguzi huo, kilisema jana kuwa, uchaguzi huo uliofanyika juzi kwenye Ukumbi wa Karimjee, Dar es Salaam, ulijaa kasoro kwa baadhi ya wagombea kuibiwa kura.

    Chanzo hicho kilisema kuwa, mmoja wa wanaodaiwa kuhujumu kura hizo ni aliyekuwa msimamizi wa uchaguzi huo, ambaye pia ni Katibu wa Itikadi na Uenezi wa CCM, Nape Nnauye. Nape alikuwa akisaidiana na kada wa chama hicho, Abdulrahman Kinana.

    Chanzo hicho kilisema kuwa, dalili za kuwapo hujuma katika uchaguzi huo, zilianza baada ya wabunge kukataa kura kuhesabiwa chini ya usimamizi wa meza kuu iliyokuwa ikiongozwa na Waziri Mkuu, Mizengo Pinda.

    "Mimi nilikuwapo ukumbini na niliingia kama mmoja wa mawakala waliokuwa katika chumba cha kuhesabia kura, kwani nilikwenda kumsimamia jamaa yangu ambaye alikuwa anagombea.

    "Kwanza kabisa kabla ya kuingia katika chumba cha kuhesabia kura, kura zilipigwa kama kawaida, zoezi hilo lilipokamilika, ukafika wakati wa kwenda kuhesabu kura.

    "Kabla ya hapo, Kinana alisimama na kutueleza kwamba, kura za wagombea zitasimamiwa na meza kuu, aliposema hivyo, wabunge wakalipuka kwa kusema hatutaki na wengine walidiriki hata kuzomea.

    "Wakasema wagombea wenyewe wasimamie kura zao au kama kuna wasiotaka kuzisimamia, waweke mawakala kwa sababu meza haiaminiki.

    "Baada ya kuvutana kwa muda, ukapitishwa uamuzi, kwamba wagombea ambao wakati huo walikuwa nje ya ukumbi, waitwe ili waulizwe wao wanataka utaratibu gani utumike.

    "Walipoitwa, Kinana akaanza kuwaeleza kwamba, hapa kuna mambo matatu, mtu kusimamia kura zake, kuweka wakala au kuamini meza isimamie kura kwa sababu meza inaaminika.

    "Alipouliza hivyo, wagombea wakawa kimya, nadhani ni kwa sababu ya ugeni katika masuala hayo.

    Lakini mama mmoja nadhani ni yule wanayemuita Shyrose, akasema mimi nitasimamia kura zangu, kisha wengine nao wakaanza kusema watasimamia za kwao na baadhi wakasema wataiamini meza.

    "Baada ya hatua hiyo, suala hilo likaonekana kutaka kumalizwa kiaina, sasa Mkuchika akasimama na kuuliza ni utaratibu gani utatumika kuhesabu kura.

    "Baadaye ikaamuliwa kwamba, wanaotaka kwenda wenyewe kusimamia kura zao wafanye hivyo, wanaoweka mawakala, wawaweke na wakati huo huo wanaoiamini meza, waiachie itawasimamia," kilisema chanzo hicho.

    Kwa mujibu wa chanzo hicho ambacho kiliingia katika chumba cha kuhesabia kura, baada ya kuingia katika chumba hicho, mazingira ya kuhujumiana yalianza, kwani Nape alisimama mbele ya wagombea na kuanza kusoma jina moja moja na kura alizopata mgombea.

    "Alipoanza kusoma hivyo, watu wakaanza kulalamika, wakamwambia wataamini vipi kura anazosoma ni za kweli wakati hawaoni anachosoma? Yeye akakataa, akasema ataendelea kusoma tu.

    "Alipomaliza kusoma, lawama zikazidi, wagombea wakasema hawakubaliani na matokeo, wakataka kura zihesabiwe upya, lakini yeye akagoma, akasema matokeo yako kama alivyokuwa amesoma awali.

    "Wagombea walipoona wanachakachuliwa, vurugu zikaanza, wengine wakaandika barua harakaharaka kwa Kinana ili kumweleza kilichokuwa kikijiri huko ndani.

    "Kinana akaamua kuja, alipoelezwa mambo aliyokuwa ameyafanya Nape, akaamuru kura zihesabiwe upya na wakati huo huo, Serukamba (Peter Serukamba, Mbunge wa Kigoma Mjini), Zambi (Godfrey Zambi, Mbunge wa Mbozi Mashariki), Shaha (Abdulkarim Shaha, Mbunge wa Mafia), Martha Mlata (Mbunge wa Viti Maalum) na Mbunge wa Mufindi Kusini, Mahmud Mgimwa, waliingia pia.

    "Walipofika, kura zikaanza kuhesabiwa, sasa vituko vikaanza kujidhihirisha kwa sababu baadhi ya wagombea waliokuwa na kura chache, kura zilipohesabiwa kwa mara ya pili wakapata kura nyingi.

    "Kwa mfano, kuna mgombea mmoja ambaye awali alikuwa na kura 149, chini ya usimamizi wa Nape, lakini kura ziliporudiwa, amini usiamini, aliambulia kura 40.

    "Mwingine chini ya usimamizi wa Nape alikuwa na kura 32, lakini ziliporudiwa mgombea huyo akazoa kura 136.

    "Si hilo tu, kuna dada mmoja alikuwa akimsimamia ndugu yake, kura za kwanza alikuwa amepata kura 114, ziliporudiwa akapata kura 126, lakini matokeo yakabadilishwa kwamba amepata kura 107, wakati yeye mwenyewe alikuwa akihesabu kura hizo.

    "Sasa angalia haya madudu, wao wanasema chama kiko imara, uimara wake uko wapi, mambo yanapelekwa kienyeji na ndiyo maana hata wabunge tulipoulizwa mwanzoni kama meza inaweza kusimamia kura tulikataa, kwa sababu sisi wenyewe hatuaminiani.

    "Pamoja na kwamba washindi wameshapatikana, bado tunasema uchaguzi haukuwa huru na wa haki, yaani mtu kama Nape anaingia katika uchaguzi akiwa na watu wake, huu siyo utaratibu kabisa, chama tunakiua wenyewe," kilisema chanzo chetu.

    Nape alipozungumza na MTANZANIA kwa simu jana, alisema uchaguzi ulikwenda vizuri tangu kura zilipopigwa hadi uhesabuji wa kura, ingawa kulitokea kasoro ndogondogo ambazo ni za kawaida.

    "Nadhani mmelishwa stori kwa sababu mimi na Kinana ndiyo tuliokuwa wasimamizi wa uchaguzi huo, uchaguzi ulikwenda vizuri na hata kura zilipohesabiwa kwa mara ya pili, washindi waliokuwa wameshinda awali ndiyo hao hao walioendelea kushinda.

    "Kwa hiyo mtu anaposema hayo, anadanganya kwa sababu hakuna aliyelalamika, lakini kama kuna ambaye hakuridhishwa na matokeo angegomea matokeo.

    "Pamoja na hayo sishangai malalamiko haya kuletwa kwenu kwa sababu najua aliyeyaleta anajua mtayaandika kwa ajili ya kumwandika Nape vibaya," alisema Nape.


    Source: Mtanzania
     
  2. Kaliua urambo

    Kaliua urambo JF-Expert Member

    #2
    Apr 5, 2012
    Joined: Apr 21, 2009
    Messages: 604
    Likes Received: 4
    Trophy Points: 35
    Hayatuhusu
     
  3. Avanti

    Avanti JF-Expert Member

    #3
    Apr 5, 2012
    Joined: Aug 24, 2010
    Messages: 1,209
    Likes Received: 1
    Trophy Points: 135
    Kazi kweli kweli! Sijui kama wale nadhani wanafaa watapita!!!!???
     
  4. Kimbunga

    Kimbunga Platinum Member

    #4
    Apr 5, 2012
    Joined: Oct 4, 2007
    Messages: 12,343
    Likes Received: 1,021
    Trophy Points: 280
    Duh hata wao kwa wao hawaaminiani! Nadhani wanajua ambacho huwa wanafanya huko kwenye kura majimboni ndio maana hawaaminiani!

    Inaonekana wamezoea kuzomea yaani hata wakiwa peke yao wanazomeana kumbe!
     
  5. Matola

    Matola JF-Expert Member

    #5
    Apr 5, 2012
    Joined: Oct 18, 2010
    Messages: 30,748
    Likes Received: 4,615
    Trophy Points: 280
    Fanya editing, miandishi imesongamana utadhani foleni za Dar....thread haina mvuto wa kusoma, hata kama siyo mwandishi wa Habari lakini kugandanisha sentesi hakukubaliki.
     
  6. KOMBAJR

    KOMBAJR JF-Expert Member

    #6
    Apr 5, 2012
    Joined: Nov 15, 2011
    Messages: 5,848
    Likes Received: 6
    Trophy Points: 135
    Wacha wafu wazikane
     
  7. KakaKiiza

    KakaKiiza JF-Expert Member

    #7
    Apr 5, 2012
    Joined: Feb 16, 2010
    Messages: 9,568
    Likes Received: 973
    Trophy Points: 280
    Sasa mbona chanzo chako akikueleza iliishia wapi mbona hatukumfahamu aliyeshinda kialali??
     
  8. p

    peter tumaini JF-Expert Member

    #8
    Apr 5, 2012
    Joined: Feb 3, 2012
    Messages: 575
    Likes Received: 0
    Trophy Points: 0
    kazi ndo hiyo dana dana mpaka kitandani.
     
  9. Noti mpya tz

    Noti mpya tz JF-Expert Member

    #9
    Apr 5, 2012
    Joined: Mar 23, 2011
    Messages: 936
    Likes Received: 1
    Trophy Points: 0
    Ya Ngoswe tumwachie Ngoswe lakin pia acheni wafu wawazike wafu wenzao...
     
  10. DSN

    DSN JF-Expert Member

    #10
    Apr 5, 2012
    Joined: Feb 2, 2011
    Messages: 2,718
    Likes Received: 40
    Trophy Points: 145
    Hiyo ndiyo CCM mbona hayo ndiyo maisha siku zote kwenye chaguzi!!!
     
  11. B

    Bangoo JF-Expert Member

    #11
    Apr 5, 2012
    Joined: Nov 3, 2011
    Messages: 5,597
    Likes Received: 0
    Trophy Points: 0
    Kuchagua ccm
    yapasa uwe na akili
    ya maiti!
     
  12. Amiliki

    Amiliki JF-Expert Member

    #12
    Apr 5, 2012
    Joined: May 6, 2011
    Messages: 2,087
    Likes Received: 7
    Trophy Points: 135
    CCM ni Janga la kitaifa. Huu wizi wa kura upo ndani ya damu. Wametuibia wapinzani sasa tumewastukia wanakwenda kuwaibia ndugu zao wenyewe. Kweli huu ni mwanzo wa mwisho kwa Magamba.
     
  13. Jakubumba

    Jakubumba JF-Expert Member

    #13
    Apr 5, 2012
    Joined: Mar 5, 2011
    Messages: 1,627
    Likes Received: 5
    Trophy Points: 135
    Imebidi nicheke tu na hii comenti yako mkuu! Wezi siku zote huwa hawaaaminiani hata iweje?
     
  14. Myakubanga

    Myakubanga JF-Expert Member

    #14
    Apr 5, 2012
    Joined: Oct 3, 2011
    Messages: 5,724
    Likes Received: 55
    Trophy Points: 145
    Halafu Malecela anadai sala za jf?
    Ili zimlinde na wizi au?
     
  15. Omonto wa-hene

    Omonto wa-hene Senior Member

    #15
    Apr 5, 2012
    Joined: Apr 2, 2012
    Messages: 178
    Likes Received: 9
    Trophy Points: 35
    Mimi ningepigwa na bumbuwazi ikiwa uchaguzi ungekwenda pasi kupindisha uhalisia. Kwa Si Si Em wizi kwao ni sera hivyo ni lazima isimamiwe katika kutekelezwa. Na kama hamuamini subirini muone kura za JK zitakavyochakachuliwa wakati atakapopigiwa kura kuchaguliwa M/Kiti wa Chama - Taifa. Teh! Teh! Teh! Teh! Teh! Teh! Teh! Teh! Teh! Teh! Teh!
     
  16. Fabolous

    Fabolous JF-Expert Member

    #16
    Apr 5, 2012
    Joined: Sep 23, 2010
    Messages: 1,121
    Likes Received: 151
    Trophy Points: 160
    Kwa nini member wengine mnakopi habari yote halafu unaandika mistari miwili tu, wengine tunatumia simu mnatujazia nafasi.
     
  17. Ta Muganyizi

    Ta Muganyizi JF Gold Member

    #17
    Apr 5, 2012
    Joined: Oct 19, 2010
    Messages: 4,890
    Likes Received: 154
    Trophy Points: 160
    CCM bana ni wa kusamehe tu hawa
     
  18. K

    Keil JF-Expert Member

    #18
    Apr 5, 2012
    Joined: Jul 2, 2007
    Messages: 2,214
    Likes Received: 2
    Trophy Points: 0
    Mkuu Kimbunga,

    Kila siku huwa nakuona unaegemea kwenye utetezi wa hawa jamaa .... sasa angalia namna wanavyotiana aibu mbele ya wananchi. Wangekuwa ni wapinzani wanalalamika, utasikia kwamba wapinzani kazi yao ni kulalamika kwamba wameibiwa kura.

    Hii ni aibu kubwa sana wabunge kukosa imani na Waziri Mkuu, Mjumbe wa Kamati na Katibu Mwenezi wa CCM ... sasa kama hao hawaaminiki, nani anaaminika ndani ya CCM? Si ajabu hata wajumbe wa CC huwa hawamuamini JK!

    Kaazi kweli kweli!
     
  19. N

    Ndyali JF-Expert Member

    #19
    Apr 5, 2012
    Joined: Nov 24, 2011
    Messages: 1,215
    Likes Received: 142
    Trophy Points: 160
    Nape namwaminia kwa kujenga hoja za uongo, kuna tetesi ya kuwa amesomea masters ya kujenga hoja za uongo Muzumbe University.
     
  20. idawa

    idawa JF-Expert Member

    #20
    Apr 5, 2012
    Joined: Jan 20, 2012
    Messages: 15,161
    Likes Received: 3,425
    Trophy Points: 280
    nahisi yeye ndio alikua anabebwa na Nappe.!
     
Loading...