Yaliyojiri katika kikao cha Mkuu wa Mkoa Dar es Salaam na watendaji wa Halmashauri

mcubic

mcubic

JF-Expert Member
Mar 3, 2011
10,310
6,544
Mkutano unaendelea katika ukumbi wa Mwalimu Nyerere Convetional Centre, mada kuu ni kuhakikisha Jiji la Dar linakuwa safi kwa ujumla wake.

Najua wengi hampendi TBC 1 lakini karibuni tufuatilie

Updates
Makonda anashukuru kuteuliwa kwake na JK kuwa mbunge wa bunge la katiba na baadae kuwa Mkuu wa wilaya huku akiwa mdogo kiumri.

Anawashukuru wenyeviti wote wa wilaya ya kinondoni, na anasema mipango yote sasa ihamishiwe na wilaya nyingine

Makonda anamshukuru Rais Magufuli kwa kumteua, anaelezea jinsi alivyoenda kanisani kumshukuru mungu, na baadae akapata taarifa ya kuteuliwa kuwa mkuu wa mkoa.

Anasema uteuzi wake una mkono wa mungu kwa kuwa yy ni mdogo na pia hana uzoefu.

Makonda anasema mama yake ameishia darasa la saba, na baba yake hakusoma kabisa, na baba yake alipigana vita ya kulinda mipaka ya nchi hii.

Anasema aliwah kuwa rais wa umoja wa vyuo vikuu nchini, na alifanya kazi ya kupunguza kero ya ya wanafunzi kupata mikopo kwa kulazimika kwenda dar es salaam.

Ukishachaguliwa kuwa kiongozi yakupasa kuua fikra za chama, na kuweka mawazo na mitazamo katika kushughulikia matatizo ya wananchi.

Watu wasio wafuasi wa vyama ni wengi kuliko wafuasi wa vyama, hivyo ni muhimu kwa viongozi kuondokana na dhana za kisiasa katika kuhudumia wananchi.

Makonda anasema kila ofisi ya serikali iwe na ofisi yake ambayo si ya kupanga ( iliyojitosheleza hadi kuwa na ukumbi wa mkutano). Anasema uwezo huo anao wa kufanya hayo yatendeke.

Makonda pia anasema ataangalia utaratibu wa kuongeza posho kwa wenyeviti wa mtaa, na pia kuongeza thamani yao kwa wananchi kwa ujumla. Mwenyekiti wa mtaa lazima awe na majibu ya kiu na matarajio ya wananchi.

Makonda anasema, Mh Rais anachukizwa na uzembe, hasa katika kuwahudumia wanyonge ambao kimsingi wengi wa watanzania wanatokea huko. Hivyo ni lazima tusikilize kero hasa za wanyonge.

Kila mkuu wa idara ndani ya mkoa wa dar, lazima wawe na utaratibu wa kusikiliza kero za wananchi, na kila ijumaa awe anatoa taarifa amesikiliza wananchi wangapi, zimetatuliwaje, wapi wamekwama na wanahitaji msaada gani kutoka kwa mkuu wa Mkoa.

Pia anawataka wenyeviti wa mitaa wote kuorodhesha majina ya wananchi wao kwa udadi, na shughuli zao wanazofanya, na wale ambao hawafanyi kazi waeleze kwa nini hawafanyi kazi, na ametoa muda wa miezi mitatu......na anataja faida ya kufanya hivyo kuwa ni usalama.

Anaelezea jinsi sekta binafsi zinavyogeuza matatizo yanayowakabili wananchi kuwa fursa....

==================

Dar es Salaam. Siku chache baada ya kuapishwa, Mkuu wa Mkoa wa Dar es Salaam, Paul Makonda amekuja na mikakati tisa ikilenga kubadilisha mwonekano wa jiji hilo na kulifanya liwe la kisasa.

Miongoni mwa mambo aliyoyagusia ni usafi, ofisi za Serikali kutokuwa za chama, kutenga maeneo ya biashara, sensa ya nyumba kwa nyumba, usalama wa raia na mali zao, watumishi hewa, kurudisha hadhi ya watendaji wa Serikali za Mitaa, elimu na barabara.

Alitoa mikakati hiyo jana alipokuwa akizungumza na wenyeviti na watendaji wa mitaa 559 ya jiji la Dar es Salaam katika mkutano wa kujitambulisha kwao.

Usafi
Kuhusu usafi, Makonda alitangaza zawadi ya gari la Sh20 milioni au fedha taslimu kwa mwenyekiti ambaye mtaa wake utaongoza kwa usafi na Sh5 milioni kwa kila mjumbe wa mtaa husika. Zawadi hiyo itakayokuwa ikitolewa kila baada ya miezi mitatu, itaanza rasmi Aprili Mosi.

Pia, aliahidi kutoa pikipiki 30 kwa Kanda Maalumu ya Polisi Dar es Salaam ili kuwawezesha askari kuwafuatilia watu watakaotupa taka ovyo barabarani.

“Kampeni ya kushindanisha mitaa bora kwa usafi itaanza kutakuwa na utaratibu wa kukutana na viongozi kwa ajili ya kujadiliana mambo mbalimbali ikiwamo kukabidhi zawadi kwa mwenyekiti atakayeibuka mshindi,” alisema.

Ofisi za Serikali kuwa za chama
Mkuu huyo wa mkoa ambaye kabla ya uteuzi huo alikuwa Mkuu wa Wilaya ya Kinondoni, alisema ofisi za Serikali ni kwa ajili ya kazi na siyo sehemu ya kufanyia siasa akisema katika uongozi wake haangalii chama, bali kusikiliza matatizo ya kila mtu.

“Ninyi ni kama viongozi wengine, nataka mtimize ahadi zenu mlizowaahidi wananchi kipindi cha kampeni siyo kuleta siasa. Tushirikiane kuleta maendeleo katika jiji hili linalotazamwa na kila mtu,” alisema.

Kutenga maeneo ya biashara
Makonda alisema matamanio yake ni kuiona Dar es Salaam ya kisasa ambayo itakuwa na maeneo maalumu kwa ajili ya biashara ya vileo, magari, gereji na vifaa vya ujenzi.
“Ninatamani kuona Wilaya ya Kinondoni, Ilala na Temeke zikitenga maeneo maalumu kwa ajili ya maduka ya magari na gereji pia.”

Aliwaagiza wakurugenzi wa manispaa ifikapo Mei Mosi wawe wameainisha maeneo maalumu kwa ajili ya biashara hizo, huku akitoa mwaka mmoja kwa wafanyabiashara husika kuhamia huko.
“Kingine wenyeviti kuanzia sasa ni marufuku maeneo ya pembezoni mwa barabara watu kufanya biashara ikiwamo Ubungo,” alisema Makonda.

Alisema wanaofanya biashara katika maeneo hayo wamekuwa hawalipi kodi hali inayowaumiza wafanyabiashara wa maeneo rasmi na Serikali kukosa mapato.

Alisema baadhi ya watu wanaofanya biashara katika maeneo hayo wanashirikiana na wenyeviti wa Serikali za Mitaa husika.

Wakati akiendelea kuzungumzia suala hilo, mmoja wa mwenyekiti alisimama na kutaka kumpa taarifa lakini Makonda alimkatisha akisema: “Mkuu wa mkoa akiongea hakuna taarifa, halafu mimi ni mdogo kwenu lakini ndiyo hivyo kiongozi wenu.” Kisha aliendelea bila ya kutoa fursa hiyo.
Alisema atazungumza na wakurugenzi wa manispaa kuangalia namna ya kuandaa utaratibu wa kutenga barabara moja kwa kila kata kwa siku moja ili watu wafanye biashara.

Sensa nyumba kwa nyumba
Makonda aliwataka wenyeviti hao kupita kila nyumba katika mtaa kuorodhesha idadi ya watu wanaoishi na shughuli zao.
“Kwa kuwapitia nyumba kwa nyumba mtajua watu na shughuli zao hata kuwabaini wahalifu.

Hao ndiyo tunaowatafuta, msiwavumilie watoeni msiogope kufa kwa kuhofia kuwataja.”
Alisema hiyo itasaidia pia kujua watu wasiokuwa na ajira hivyo kujipanga namna ya kuwasaidia.

Usalama wa raia na mali zao
Makonda alisema kila mwenyekiti wa mtaa anapaswa kuhakikisha wananchi wake wanakuwa salama na hilo litafanikiwa endapo atakuwa na utaratibu wa kujua nani anafanya nini.

Aliahidi kutoa Sh1 milioni kwa polisi atakayepambana na majambazi, huku milioni moja nyingine ikienda kwa mtu atakayesalimisha bunduki au bastola kituo cha polisi.

Watumishi hewa
Akizungumzia watumishi hewa, alitoa agizo: “Nitakapoagiza orodha ya watumishi hewa ije kamili, kinyume na hapo ofisa utumishi atalazimika kulipa hata madeni yaliyopita maana anaonekana ana nia ya dhati ya kufuga uozo huo.”

Hadhi ya watendaji wa mitaa
Makonda pia aliwaahidi kuwajengea ofisi wenyeviti wote wa Serikali za Mitaa na kuachana habari za kupanga na kwamba ifikapo Aprili Mosi atawakopesha pikipiki 1,000 ili ziwasaidie katika utendaji wao wa kazi na kuwasaidia kujikimu kimaisha.

“Kuanzia sasa, hakuna mtu kwenda kumuona mkuu wa wilaya au mkuu wa mkoa bila kuanzia kwa mwenyekiti wa Serikali ya Mtaa husika ili kurejesha heshima ya viongozi hawa.”

Elimu
Katika elimu aliwataka watendaji na wenyeviti katika mitaa yao kutafuta wadau kusaidia sekta hiyo badala ya kusubiri Serikali.

Barabara
Kuhusu kero ya barabara, aliahidi kuzishughulikia, huku akiwashangaa wahandisi kwa kukaa ofisini.

Mtazamo wa wenyeviti
Wakizungumzia maagizo hayo, baadhi ya wenyeviti na watendaji walisema mengi yanaweza kutekelezeka kwa kuwa mkuu wa mkoa ameonyesha nia katika kuhakikisha jiji linabadilika.

“Mengi aliyoyaongea yalikuwa yanafanyika lakini tulikuwa tunakosa msukumo kutoka juu. Kama ameonyesha nia, hatuna budi kumuunga mkono na kuifanya Dar es Salaam kuwa mji wa aina yake,” alisema Mwenyekiti wa Mtaa wa Faru – Buguruni, Simba Said.

Mwenyekiti wa wenyeviti wa Serikali za Mitaa, Ubaya Chuma alisema watendaji wa ngazi za mitaa wamekuwa na mengi ya kufanya lakini hawakuwa na fursa hivyo ujio wa Makonda huenda ukaleta mabadiliko.
Click to expand...

Chanzo: Mwananchi
 
Anawashukuru watendaji wote wa wilaya ya kinondoni kwa kumpa ushirikiano kwa moyo wa dhati
 
Anawashukuru umoja wa mafundi gereji kwa mchango wao wa cement kwa ajili ya kuboresha elimu.
 
" Msiandamane mnaposhindwa uchaguzi, wanaokuambia wamekupigia kura ni waongo"- Makonda
 
Ningekutukana tusi zito sana ila naogopa sheria ya mtandao na ban....
 
Mkoa wa DSM una changamoto nyingi sana na kama Mkuu wa mkoa atachacharika vilivyo basi atajiwekea heshima kubwa sana mfano wa baadhi ya mambo hayo ni;
1. Ubunifu wa mpango miji, lazima kuanzisha kwa sattalite cities pembezoni mwa mji( Kigamboni, kibamba, mbagala nk) hii itasaidia kupunguza msongamano usio wa lazima katikati ya mji.
2.Usalama
 
Anaongea vizuri anasema hakuna kubagua vyama. Anasema watu waliochaguliwa siyo walichaguliwa na vyama vyao tu hivyo wafanye kazi ya Mungu! Makonda kamtaja Mungu leo we acha tu!!!
 
luirhu said:
Mkoa wa DSM una changamoto nyingi sana na kama Mkuu wa mkoa atachacharika vilivyo basi atajiwekea heshima kubwa sana mfano wa baadhi ya mambo hayo ni;
1. Ubunifu wa mpango miji, lazima kuanzisha kwa sattalite cities pembezoni mwa mji( Kigamboni, kibamba, mbagala nk) hii itasaidia kupunguza msongamano usio wa lazima katikati ya mji.
2.Usalama
Click to expand...
Ni kweli
 
Uongozi sio promo,Akiendela na kuji promo hivi.Tutaandaa maandamano ya kumtoa.Tunataka uwajibikaji sio kelele kwenye tv
 
Leo ni jumamosi hivyo gharama za uendeshaji ziko chini acha wawe.live
 
You must log in or register to reply here.

Similar Discussions

Back
Top Bottom
Forums
New posts
Post thread
Back