Wizi wa Bodaboda Mbezi Beach

Kumekuwa na mtindo wa wizi wa pikipiki kufanyikia huku maeneo ya Mbezi Beach. Mara nyingi abiria wanakodi pikipiki kutoka Kunduchi au Tegeta kuja Mbezi wakifika kwenye barabara za ndani ambazo hazina waenda kwa miguu au magari huwakaba madereva na kutokomea na pikipiki. Wizi hufanyika mchana na usiku hakuna muda maalumu.

Aina nyingine ya wizi hufanyika kwa abiria kukodi pikipiki akiingia tu maeneo ya Mbezi Beach pikipiki nyingine yenye abiria inaanza kuwafuatilia na wakifika eneo muafaka pikipiki ya nyuma inafanya kama inataka kuipita pikipiki ya mbele na abiria wake anaruka na panga, kisu, au bastola anawafuata.

Dereva wa bodaboda anapata vibao vya panga au anaambiwa uko chini ya ulinzi anaangushwa chini pikipiki hiyoo imekwenda.

Jana saa mbili na nusu usiku dereva wa bodaboda kaibiwa pikipiki mtaa wa Almasi kwa mtindo wa pikipiki mbili kufuatana! Madereva kuweni makini na wanaowakodisha!

Mkuu vipi ulinzi shirikishi maeneo hayo??

Mkuu utatusaidia kuwapata... Maana si kwa maelezo hayo

Kuna mtindo mwingine abiria anawaset wenzie wakatege sehem atakayopitia then wakishafika eneo hilo huyu abiria (jizi) huangusha either kofia,au ndala,au chochote kile na humsimamisha dreva kwmba asimame amedondosha kitu na anapokifata muda huo dreva huwa amesimama anamsubiri abilia wake aokote kitu ili waje kuendelea na safari,Hapo ndo mission inapoanza kwn wale majizi waliojificha eneo hilo hutokea na kumweka chini ya ulinzi huyo bodaboda na wakat mwngne kumsurubu vyakutosha na baadae hutokomea na pikipiki kusikojulikana, ziko mbinu nyingi sana nkipata muda ntazipost

Ulinzi shirikishi mchana haupo! Na usiku watapiga filimbi lakini hawatoki kwa kuhofia maisha yao. Risasi ikishalia sio mbwa wala sungusungu anayejigusa. Mbaya zaidi ni kuwa barabara hazina taa na hakuna wanaotembea tembea barabarani kwa hiyo mazingira ni mazuri sana kwa wezi!!!!